意樂餐廳 (禾輋廣場) (已結業)

之前試過食佢個set dinner, 都好似幾抵咁, 諗住今晚再去試過……….去到門口, 見唔到set dinner個版, 老公仲話入咗去先啦~ 上次都係要問佢拎menu, 但今次入到去, 見到只有平時的menu同埋火煱menu, 問個待應有冇, 佢唔多禮貌咁答“全部响哂到啦~”跟住走咗去, OK算數, 唔同佢計, 咁唯有响主menu度睇下有乜好食啦~ 但睇嚟睇去都好似唔係咁啱食, 我又再去搵下有冇其他menu, 跟住發現原來仲有個拉麵/烏冬menu, 見佢三十幾蚊, 已經係食讚岐手打烏冬/拉麵, 所以就叫咗每樣1個, 然後半價加2杯冰冰………….. 大切吉列豬扒拉麵 見個名, 好期待佢係好大塊或者好厚切的豬扒, 但見到之後好失望, 只係普通size的有骨豬扒, 通常吉列豬扒, 都會用冇骨那種, 好少見會用有骨, 而且仲係成塊上, 冇切開的.........但好彩佢都會將塊豬扒分開上, 如果唔係就嘥哂塊吉列皮...........因為佢個皮炸得好脆, 好香, 而且呢度仲要配塊沙律醬tim~~ 對我呢d鍾意點汁的人, 就最好不過喇~~ 成碗拉麵, 有好多配料, 包括大蔥絲、蔥粒、木耳

好多時我放工都要起沙田轉車, 呢日又起沙田同朋友食飯再起程.意樂餐廳已經係我地既半個老地方. 佢既意粉同飯我都好經常食. 呢晚見食都悶悶地, 決定叫個鐵板餐試一試.真係唔試由自可, 一試...睇相都知道, 呢個鐵板魚柳蛋薯條餐係超級油! 鐵板餐油d無可口非, 因為要有賣相同埋"滋滋"聲. 不過呢度好似做得太過分, 煎蛋俾d油焗住, 而且炸魚柳已經唔脆, 薯條更加係重災區, 吸晒d油!成餐飯結果食都我好有罪惡感, 真係要寫俾大家睇清楚先得

$22嘅田螺焗薯蓉, 有6隻田螺都合理嘅~~但D薯蓉駛唔駛咁少呀! 其實薯仔都好平, 起碼將個底鋪平去, 睇落都冇咁呃錢嘛~成碟野一上到枱, 份量少到嚇親人, 但味道又唔係好過人囉

是日晚餐意樂cafe de 這間餐廳稱得上價廉物美，因此吸引很多街坊光顧2人套餐才$88最後我們點了二份套餐加一個炒飯~~日本清酒煮湯蜆蜆仔很新鮮，湯非常清甜照燒雞PIZZA..6吋SIZE這個照燒汁很酸..眾人都覺得這個汁是敗筆夏威夷PIZZA..這口味正常多啦，餅底很脆口..好食賣相非常差的田螺但其實不錯食呢三文魚蟹籽炒玄米飯炒得好香很乾身..用的是煙三文魚..我每次來都愛食這個牛柳粒炒飯飯比較濕..但味道不錯，炒得很香牛柳粒也有很多龍蝦汁炒天使麵很大一碟...蒜味很香..料也很多...讚這樣的價錢，食物方面其實是不過不失不過服務生的水準則有待改善. 餐廳服務生人根本不夠真的是難為他們了。

一世都唔會再去既餐廳叫左野食成大半個鐘. 係中間既時間追左佢地好多次仲欠一個餐未到 ( 則係仲有一個人無野食),幾個職員都話幫我地跟. 最後佢地話last order 既時侯問我地仲有無野要order, 我地話無, 不過仲有一個餐未到, 個阿姐同我地講幫我地跟, 我地仲講左幾次confirm 佢知道. 過多一振都未有, 我地問個職單, 佢就比左個餐湯我地先,再過左一振都係未黎, 我地又追, 佢地先話無落單, 但係已經收左爐 無野食 . 我從未試過食一間餐廳d服務係咁. 依D係一間餐廳應有既補救方法咩....D職員根本唔知係咪做野. 我地追左咁多次如果係有CHECK , 都知原來佢地溜左單啦. 佢地淨係同我地講話跟, 跟嘜Q 呀!!等左大半個鐘話無野食呀......咩餐廳黎架.以後唔會再去囉....又要挨肚餓又要浪費時間!! 服務又唔好!!! 我地係黎食野唔係黎坐架囉 !!!溜左單唔緊要。講左咁多次話仲有一個餐未黎。佢地幾個人都話幫我地跟緊，追緊。如果有做過野就唔會無落單都唔知啦。一肚氣

經過上次明明有卡位但又唔心我坐之後, 今次決定自己坐低, 話知佢............响門口有人招呼問幾多位, 但佢又call入面話有2位入緊嚟, 入到去又冇人招呼你坐邊, 所以自己選咗張卡位坐, 到坐低後先有人埋嚟問幾多位, 唉.............坐低冇耐, 見有1個人自己入嚟坐咗卡位, 有個待應叫佢你一個人坐2人枱, 但果個人係都唔佳, 雙方都爭持咗一陣, 但個客係都唔走, 唔通真係趕人走咩 其實佢點解要咁做 真係以為自己大把生意 果個人食完走埋, 都仲有大把卡位冇人坐, 駛唔駛做到咁呀 好乞人憎lor~~ 除咗呢樣之外, d待應又唔識招呼人, 有晚餐menu又唔比客, 咁啱問着個見習生又唔知, 舊人又唔理, 淨係聽到個高級d係咁話d細應該點企點做, 自己又行埋一邊唔做....................講返食物, 今晚叫咗1個晚餐, 1個炒飯試下.................. 凱撒沙律係d生菜碎加芝士粉+沙律醬+麵包粒, 普通啦~ 餐湯叫咗個忌廉湯, 好香粟米味, 佢將d粟米同紅蘿蔔攪到碎哂一齊煮, 好味~ 香煎蘇格蘭檬碟魚 條魚好油, 但好香牛油味, 應該唔

這間餐廳我已光顧過幾次，食物質素及服務均屬一般。今天下午與朋友路過禾輋邨，便打算進去吃個下午茶，眼見門外沒人等位，站近門口收銀處的職員亦只顧忙自己的事情，我們便自行進內找位置坐下，並請侍應遞上餐牌，誰知在打算Order食物的時候，侍應竟說我們正在座的位置需封場清潔，叫我們到門外取輪候票重新等候座位，實令我們十分不滿，在氣憤之下只好離開不光顧。為何侍應在遞上餐牌的時候不及早提及此座位屬於將要封場範圍，而到我們想Order食物的時候才說，另外，當時在此範圍內亦仍有其他食客用餐，職員大可請我們座在封場座位上等候下一張枱，而不是叫客人出門口重新等候座位，這是十分不尊重客人的行為，不是待客之道，試問我走出了門口，還可以有其他餐廳可供我選擇，我還用光顧這餐廳嗎?

經過一連幾次來意樂食早餐，這裡坐位多的餐廳可以吸引附近沙田職訓局的師生們。我之前食過這裡的牛角包感覺是外皮鬆脆而且自選的雙料蛋和漢堡味道都OK，至於這裡的蘑菇腸和公仔麵就無什麼驚喜和一般茶餐廳無大分別。濃蕃茄湯天使麵味道不太酸，湯我就覺得可以話濃但不太濃，可以一試。早餐追加$6可以食到的通粉可話抵食。最近食的似珍珠粒的通粉味道好食，粉的質感不鞋口和份量足夠！餐肉蛋三文治，蛋就嫩滑三文治份量不細件和通粉一齊吃都可完全飽了。整體早餐價格可話值得！

呢間意樂又係不得不提，等多o的沙田友知道佢有「幾好味」﹗到禾輋取眼鏡，見到呢間意樂，望入去見環境不錯座位又夠大好似幾舒服咁款，就入去叫番個晚餐﹗晚餐是大蝦雞扒意大利飯，配粟米湯﹗湯來到已經唔多對路，一入口是凍的，打個突，好明顯係已經預早倒定一碗碗，有人叫攞出來，吹脹﹗個意大利飯仲緊要，飯未收乾水，水汪汪似的，你唔講我以為係湯飯，入口結遢遢有如鬼食泥，真係.....雞扒又乾又硬，食左兩啖已放棄，好老實其他好一般既茶記出品都要俾佢好，蝦都費事食佢，飯吃了兩口決定放棄，總之以後都不會再來﹗

嚟咗咁多次呢個商場, 都未試過呢間, 見佢個menu好似好多選擇, 於是試一試~~ 入到去見大把枱, 但個待應係都要我地2個人坐方枱, 通常d餐廳見咁早, 而又有大把枱, 都唔會理你坐邊, 又或者會帶你坐卡位, 但呢個待應識真唔得, 係都要我地坐方枱, 激死人~~ 下次真係唔理佢, 照坐卡位, 唔通你會趕客走咩~~~ 頭先見到個menu好似好多選擇, 但原來啱我地食的唔係太多選擇, 好辛苦先選到2樣, 1個飯1個扒試試呢間嘢D手勢先~~~ 法式紅酒香茅燴牛肋骨飯正呀!!! 因為超勁多汁, 不過就唔係好食得出有紅酒味同埋香茅味lor~~牛肋骨炆得好林, 可惜得幾粒仔~~ 唔係好夠喉~~ 加拿大殼飼3A牛扒 上枱時見到佢用個紙圈圍住, 放低枱時先淋汁, 真係夠細心, 因為驚D汁彈到客人, 唔駛好似以前咁用餐巾擋住~~ 我點咗紅酒蘑菇汁, 又係冇乜紅酒味, 唔通佢D紅酒太靚?? 牛扒 : 果真係加拿大牛扒, 因為好多陣“加拿大”味, 好難頂, 從來未試過加拿大牛扒會有D咁味, 為咗唔想嘥咗, 好辛苦先食哂成塊扒, 肉質唔係差, 又唔會乸到冇哂味, 但真係接受唔到佢陣牛味………….

迷之聲 : 是日星期三喎 ! 你唔洗做師奶煮飯咩?我 : 本身要架 , 咁我媽要陪舅母去辦啲事吖嘛..我要幫舅母帶住個2歲B呀辦完事8點幾9點 , 行到去商場媽咪話食過幾次唔錯因為媽咪偏向西式, 而我鐘意清淡家常菜所以呢檔嘅料理對我唔吸引不過成9點喇...我太餓要有米飯到肚加上比個八厭B攪到我7彩成個傻婆咁叫媽咪求求奇叫個飯比我食先有力氣湊B珍珠米煮得幾好, 水量控制得岩粒粒分明 , 唔會散收收亦冇痴實晒4粒蔬菜就咁用水烚熟 , 冇油冇鹽gd ! 我最鐘意蔬菜用水烚熟就食個汁輕微油油地 , 味道有少咸有菌味但汁裡面幾乎搵唔到啲菌咁滯雞肉表面柴內裡算嫩有肉汁始終有汁打憲嘅料理我唔鐘意食冇試過唔知好唔好食媽咪偏西式實話好味架喎大概15-20cm圓周係咪即係Pizza Hxt 嘅下午茶size呀?幾年冇食過唔知幾大呢個夏威夷都幾多料4舊件件滿料,茄味濃餅底唔得,麵包咁款..一啲脆都冇但又係油喎...令立立麵包加油....似麵包鋪啲Pizza包P.S. 漏單嚴重 !! 叫2樣漏2樣 !! 9點已經唔係人多 員工唔積極 , 身邊行過舉手當睇你唔到 睇到都叫你等等 ,

呢一日同表妹一家慶祝生日...由於表妹生日...自己整了蛋糕去...waiter非常好人...幫我地將蛋糕擺入雪櫃先....餐廳全滿都好full....很多都是一家大細黎食...叫佐個3文魚芝士pizza...但好似食5到有3文魚...叫佐個好似係俄羅斯炒飯...好味丫....有叫螺肉..2次雞翼....仲要牛扒天使面...超多野食...超好味價錢不算好貴...比起某大聯鎖式薄薄店更好味更抵食....5個人食佐差5多400有找...晚餐黎講5算太貴啦...同埋waiter隨傳隨到...落order仲係用腦記又5會記錯...超勁...上菜速度夠快...值得繼續去食...

前幾日我同幾個fd放左學 又去食完黎...唔知係咪俾人講得多 服務唔好啦 我覺得宜家比以前真係好左好多...甘我次次去親都係閒日既下午茶時間 其實就唔使排隊既 but 其他時段就要排啦..不過留意到一樣野 就係 之前呢d客就咁自己行入去攞位架..宜家有個人企下門口帶客 好好多囉 !!!黎呢度打得評語 就緊要都係要讚下佢d野食啦~本人就鐘意既 同埋次次都會order既就係 個牛角酥餐啦..除左個牛角酥(包住吞拿魚沙律同生菜) 仲有其他野配既 but 只有呢個牛角先係我個target..因為真係好好好好咪...唔知點形容好 總之大家有機會去既就一家要試下啦..一定唔會失望仲有一樣超超級抵食既就係4點後呢有個叫脆脆個包+熱飲 $9.9 我記得第一次睇到都o晒嘴 心諗應該麻麻啦 但原來唔係wor~都幾好食 真係脆架 haha~ but 如果擺耐左就會變到好硬 有一次 幫個fd order左先 因為驚賣晒 結果到個fd 黎左 個包硬到爆 所以大家如果有order個包 一定要趁熱食啦~~同埋呢佢個熱飲真係幾大杯 聽我呀媽同佢d師奶 fd 話 d 奶茶 咖啡 好好飲wor~but 可惜 我唔飲的

真係好過份 過份到我要開個account黎將佢公諸於世話說我930落單買早餐 收左錢之後同我講要等20分鐘我都已經覺得耐 但我20分鐘番去 無 叫我等多陣跟本連單既no.係幾多都無望過 完全係無心跟進huffy::點知我一等就等左一個鐘囉 一個鐘堂食都食完啦買外賣都係想快d番屋企舒舒服服咁食姐真係好過份 絕對無下次講番野食 叫左滑蛋+蘑菇腸d 蛋一d都唔滑 仲要有蛋殼其他都唔好食 外賣盒個底全部都係油食物服務都唔得, 絕對唔推介

其實之前都成日有去食..不過無咩特別既野令我想寫食評!今次想讚下d服務!!個日又去食早餐..大約10點左右去到，當然唔洗等啦..不嬲一至五都唔須要等。去到門口已經見到個副經理o係度打哂招呼，好好禮貌，不過好似都係近排先見到呢個副經理(新黎既?!)唔知係咪朝頭早員工未番齊，見到個副經理一腳踢咁,又招呼客人又落單又收錢,唔知係咪佢特別勤力顯得其他員工好似幫唔上手咁...由頭到尾都係佢service我地咁濟...臨尾出去埋單個陣仲見到佢跑過黎!見到佢咁我都忍唔住叫佢慢慢行唔洗咁急..講真，依d服務真係高級餐廳都未必有!!我覺得一間餐廳最重要既除左係食物,service都好重要,絕對會影響到我之後仲會唔會去幫襯,以後都會keep住黎丫!!p.s. 個牛角酥好香脆!!炒蛋又夠滑!!!必食之選!!