意粉狂熱 (皇室堡) (已結業)

銅鑼灣皇室堡有間意粉專門店呢度嘅午餐唔算太貴 性價比高每個午餐都會配埋餐湯同埋沙律🥗同埋加一杯飲品餐湯分別係洋蔥湯或者南瓜粟米忌廉湯.蘆筍番茄羅勒忌廉意粉$68青BB嘅意粉好吸睛🤪羅勒漿味道冇乜青草味入口都幾順滑忌廉份量啱啱好😻識落唔會太滯意粉雖然有少少淋 但係超級掛汁👍🏻淡淡都係羅勒醬嘅味道好滿足呀.照燒雞蛋蛋黃醬比薩🍕$78Pizza個底好特別🤩唔似傳統嘅Pizza底批底係薄批嚟嘅 口感有少少似印度薄餅嘅感覺😂上邊有照燒雞蛋🥚蛋黃醬好惹味😋甜甜地幾好味如果有多少少雞肉就Perfect啦.銅鑼灣返工真係有好多好嘢食🤤等着再慢慢發掘一下

今日買咗飛睇戲，近近地喺皇室堡搵嘢食，見到呢間pasta唔使等位，又有set lunch食，就入去坐底咗啦！呢度係用QR code自己點餐，我地點咗個二人餐，前菜有沙律，每人有一碗湯，分別揀咗洋蔥湯同南瓜忌廉湯。主菜方面就叫咗一個芝士肉醬千層麵，表面滿佈芝士，仲要熱辣辣，唔錯；另外叫咗溫泉蛋什菇意粉，溫泉蛋撈意粉唔會唔好食啦，仲有好多什菇。隨餐附送甜品同餐飲，甜品就叫起，我地食到咁上下先叫，甜品係意大利芝士餅，不過甜品就做得一般，不過以呢個價錢黎講都抵食架啦！

Pastaholic - 為意粉狂熱一看到餐廳名字就知道跟意大利粉有關，門面突出的紅色燈鐵框和燈泡組成的招牌，配以意大利的國旗，內裡木的地板加上磚紋的牆身，和有心思的酒樽吊燈，設計典型中帶點特別的意式餐廳。海蝦牛油果法包多士鮮味海蝦配上熱溶的牛油果，再配上烘過的法包，一脆一軟。意式魷魚圈配他他汁即叫即炸的魷魚圈，外皮炸粉鬆化香脆，內裡魷魚圈腍身。100%牛肉！芝士番茄肉醬鮮制意粉意粉是採用闊條麵，闊條麵彈牙有咬口，配上香香濃的芝士番茄肉醬。滿感十足。黑松露雜菌焗通粉海量多的芝士焗成的意粉，芝士滲進通粉的中空位置，再加上雜菌和濃味的黑松露，飽照燒雞蛋黃醬披薩、黃金四重芝士披薩配蜜糖薄餅是薄薄的餅底，當中帶點酥皮的口感，照燒雞肉醬汁和蛋黃醬一鹹一甜很惹味；四重芝士味道多層次，配上蜜糖後先嘗到甜味，後來芝士味再慢慢透出，after taste 的感覺。

身為意粉專員 可以一日三餐都食今次來到了意粉專門店自信叫意粉狂熱 充滿期待Lunch set $78包湯/沙律 主菜 和飲品看似抵食 不過以此食物質素 可以不用一試✨沙律：至頹的幾片乾得硬的沙律菜和柚子醬✨南瓜汁雞肉意粉:一到來，是一餅野的面是一餅野 面都糊在一起了根本是一早煮好了 汁也乾了 面也發脹了沒有汁 根本撈也撈不起又淡又乾雞肉也只在三舊！少少的三舊仲有一舊係皮這是比叮叮意粉更差的質素✨飲品: 不過不失 沒有特別 環境是可以的 位置也寛廠不過冇人食當然寛闊呀！No next time

杏桃牛油果沙律$58沙律菜新鮮爽脆，配以柚子醋汁令食客更開胃，而杏桃配搭牛油果作主調， 口感和味道的對比刺激味蕾， 作為前菜最好不過。香草烤雞雜菌羅勒忌廉意粉$78雜菌加添了菇菌香氣， 但又唔會喧賓奪主， 係一個好好既配搭。 烤雞好嫩， 肉質彈牙，不過係青醬面前，都只係配角， 青醬萬歲！黃金四重芝士披薩(配蜜糖) $88意想不到的芝士四重奏呢！芝士舖滿左披薩底， 芝味十足！薄批底好似酥皮咁，香脆可口。 而再配上蜜糖，彷彿在吃蜜糖芝士燒雞翼！

海蝦牛油果法包多士$38用法包做多士見怪不怪， 因為法包水份較少， 乾身一烘就已經可以做到鬆脆口感。 配上熟透的牛油果，彷彿k有種食｢菠蘿油｣既感覺，再配以海蝦的爽甜， 味道非常有層次！杏桃牛油果沙律$58爽甜杏桃以突出的甜香令整個沙律都充滿著夏日歡愉的氣息。香草烤雞雜菌羅勒忌廉意粉$78羅勒打成的『青醬』真係好好食☺ 青醬味道好香好惹味！基本上有青醬的話個道菜一定好食！伴上意粉， 醬汁掛在意粉上， 滿滿一口既感覺實在太棒棒！

今日去皇室堡諗住買件衫比姪仔做禮拜，睇左幾間都睇唔岩⋯睇唔岩就去醫肚吧～Pastaholic, 一睇就知意粉愛好者啦！話時話都好耐無食意粉，估唔到勁多款式仲一d都唔貴，簡直係超值！樣樣都想食，索性點二人餐，真係乜都有齊，餐湯 沙律 小食 意粉 Pizza 甜品 仲要有野飲，都只係$318咋！餐湯有兩款選擇，我揀左價錢貴dd既法式芝士洋蔥湯，哈～香草雞肉凱薩沙律就無乜驚喜⋯小食原本想揀煮青口但可惜售罄；最後揀左檸檬蜜糖香烤雞翼，隻隻都大隻肉厚且入味，唔點蜜糖漿都好味！套餐包兩杯野飲，或者可以加$12轉酒精飲料。一定要轉啊，係日本三德利啤酒啊，比一般啤酒酒味更濃，爽呀！主菜來啦～ Pizza 有6款可選，呢款係芝士牛油果烤雞Pizza! 呢度既Pizza係薄餅底，所以咬落去既時候會脆口d, 同埋調味唔錯！話明Pastaholic又點少得Pasta!! 溫泉蛋蒜香蘑菇鮮製意粉真係好得，意粉好有彈牙質感，加上溫泉蛋多漿令整碟意粉變得無咁乾淨淨，入口滑溜，正！甜品係兩粒Tiramisu, 細就細粒左d, 但出奇好味！唔會苦澀，食落似雪糕般，我鐘意呀～提外話，裝修都幾特別，用上多款酒樽而製成既燈飾

在銅鑼灣shopping 晚餐就去了皇室堡二樓這一間意粉狂熱，一進門見差不多滿座，好在還有位置供我兩口子入座，這裡以薄餅、意粉、沙律為主，但見座上年青人頗多，充滿青春氣息！裝飾不錯、特別是以酒瓶做的吊燈，很有性格，值得仔細欣賞！我倆點選了一個意粉披薩狂熱套餐（$318）二人份量包括有南瓜粟米忌廉湯/法式芝士洋蔥湯！一個香草雞肉凱薩沙律蜜糖香烤雞翼（四隻）溫泉蛋蒜香磨菇意粉芝士牛油果烤雞披薩仲有加$12升級三得利日本啤酒餐後甜點仲有提拉米蘇兩人餐份量絕對係好豐富好豐富！先來南瓜忌廉湯同洋蔥湯都係幼滑香濃，加上新鮮青綠嘅凱撤沙律，醒胃之至！然後再來一個小食；香烤蜜糖雞翼，用來送啤酒最佳配搭！再來主食係牛油果烤雞披薩同埋溫泉蛋蒜香蘑菇意粉，薄披調味剛好，脆身又夠熱，而且上桌速度剛剛好，等我地食完小食才上主菜，配合得好好！值得一讃！意粉蒜香加上蘑菇香氣，令人食慾提振，標榜自家製的扁意粉，很有咬口，混和忌廉汁撈勻溫泉疍漿一起，不會覺得肥膩而且十分可口！很有水準的製作！甜品的提拉米蘇幼滑又不會太甜，非常出色！一頓非常豐富的晩餐，以此價錢，感覺十分之超值！

之前同朋友食過一次pastaholic之後念念不忘，所以有機會就約人食多次！今次揀左銅鑼灣分店，系皇室堡上面，地理位置非常方便！而且餐廳係半開放，感覺光猛開揚～日本魷魚雜菌明太子忌廉意粉（$88）魷魚都好有咬口，而且明太子同雜菌味濃郁，相得益彰，越食越上癮。法式芝士洋蔥湯 ($38)今次試左個新湯，啖啖洋蔥蓉，湯上有塊吸曬精華既法包，而且芝士味有得來又唔會喧賓奪主，幾唔錯！ 牛油果三文魚pizza ($88)又一encore，pizza焗得好脆，加埋啖啖牛油果同三文魚好滿足喔～Fresh Mango Mojito ($38)呢到D cocktail都幾抵，$50唔洗都有大大杯，飲落淡淡芒果味幾清新，仲有得揀無酒精既cocktail~唔洗驚會肥

話說去銅鑼灣已經去到唔係好知有咩好食。 同男朋友一心諗住去皇室堡是但搵啲嘢食。經過2樓就見到呢間餐廳好搶眼嘅招牌，咁啱男朋友係一個意粉狂迷 ，所以我哋就決定試下呢間餐廳啦！打開menu 有啲驚訝! 好多款食物都定價係100蚊以下！ 以呢間餐廳坐落喺銅鑼灣皇室堡嚟講，價位真係唔高！由於唔太肚餓嘅關係，我哋決定淨係叫一個香草烤雞雜菌羅勒忌廉意粉同埋瑪格麗特薄餅。上菜啦！ 驟眼睇，意粉嘅份量都好足夠，而且有好多舊雞！ 要讚下佢個烤雞冇烤到好乾，加分！ 由於佢個名叫做羅勒忌廉意粉，我都冇抱食pesto嘅期望去食，要知道pesto係有蒜泥同松子加basil組成。 結果又唔差喎 creamy得嚟又有basil同olive oil嘅味道！ 再鹹少少就好啦! 不過整體嚟講呢個味道絕對得起佢個價錢！薄餅方面，基於我同男朋友只係嗌兩樣嘢食，所以我地叫咗個regular (10吋)嚟share。 想食多啲嘢但係又想食pizza嘅朋友可以考慮嗌個small。 呢間餐廳做嘅薄餅，水平都係我地意料範圍之外！而且只係盛惠$88!瑪格麗特薄餅都算係pizza界嘅代表同基本款。 佢係由羅勒葉，mozzarella c

經過皇室堡, 見到個好靚既招牌, 呀, 係我鍾意既意粉, 望望餐牌價錢算是親民, 就入去試下喇入座是不算多人, 但越坐越多人喎, 証明大家都好鍾意食意粉~我地揀左呢個二人SET, 唔係最貴果個, 但我地相信夠晒我地食, 點知黎到, 哈哈, 真係爭D食唔晒呀我地揀左洋蔥湯, 個湯好甜, 仲鋪左塊麵包O係面, 味道幾好;  仲有個雞肉沙律, 沙律菜算是甜, 雞肉大大舊的小食我地揀左蜜糖雞翼意粉揀左芝士煙肉帶小意粉, 都有好多粒帶子啊, 份量足夠PIZZA係PAMA HAM, 大大塊HAM呀, 薄批黎, YUMMY!最後原來仲有TIRAMISU, 好彩份量係細細份, 如果唔係真係食唔晒呀 本來以為二人餐只係岩岩好夠食, 原來真係可以好滿足, 呢個價錢我覺得真係好抵.  餐廳環境好好, 俾到人舒服既感覺, 又有圓枱, 一班人黎食飯就最岩~

今日心情靚，過來銅鑼灣食個靚lunch. 餐廳名叫「意粉狂熱」，咁姐係一定要點一個意粉餐啦！ 睇完menu,覺得lunch 幾抵食蒜香白酒汁海蜆意粉 $78（包湯同野飲）意粉料足極大份，其實我係食唔曬。蜆味道係ok,但意粉有少少乾身。凍檸茶少冰午市洋蔥湯意大利芝士餅呢個甜品整得有心機，有擺盤，”igable”。味道ok,不會偏甜。鋪頭裝修有新意，用左紅酒樽的燈飾，幾吸睛。中午時段，皇室堡也沒有超級多人， 下次可以多點來這附近食野了✌🏼✌🏼。

鐘意食西餐嘅呀妹今日帶左我去銅鑼灣食呢間名為pastaholic 嘅西餐廳。餐牌嘅食物價錢好公道，一個2人套餐3個course 都只係$318，另外再散叫其他野食，岩哂一家四口去。特濃南瓜粟米忌廉湯忌廉湯嘅香濃厚又順滑，味道香甜，粟米味道突出，並帶有淡淡的南瓜香。經典拿破崙意粉這裏的意粉全都用上小麥粉自家製作作，口感彈牙有口感帶有小麥香，意粉上佈滿的蕃茄蓉同芝士，味道酸甜，食落去非常之香。香烤安格斯一口牛柳牛柳以鐵板上、細細件好的骰、牛柳嘅肉質軟，如果你想再熟啲，你可以係鐵板上面燒到自己喜歡嘅成熟程度牛柳另外，旁邊的薯角亦炸得香脆。綠茶巴菲最後order extra既甜品:綠茶巴菲好靚，賣相好好，睇落有層次感，但其實即使用長匙吃都有點吃力。朱古力味道好香濃，建議一層一層食，因為底部嘅脆米好硬。

同仔仔係皇室堡玩完playhouse, 等埋老公放工就唸住係皇室堡食埋晚飯先返屋企，見到呢間意粉狂熱價錢唔貴，以防中伏比老公黑面，即上openrice睇睇食評，又唔錯喎！決定就試一試！餐廳環境好寬敞，很欣賞用玻璃酒樽製成的吊燈，非常有特色！呢度有BB椅提供，但就冇兒童餐具！本來想叫二人套餐，不過又冇老公想食的某款意粉，所以就散叫！事後覺得如果套餐啱食的話，真係幾抵食！原來意粉有分新鮮製和乾意粉，另外意粉可以加$10加大份量，如果男仕一人食的話可以選擇加大！我地就分別點左一款新鮮一款乾意粉黎試一下！係openrice見到好多人好評呢個pumpkin soup, 我又點黎試下，又真係幾好味喎👍🏼老公點左魷魚圈，魷魚新鮮軟硬適中，只係略為多油左d !先黎試試好多人好評的呢款乾意粉，好食喎！我仔仔食到唔停口😂之後再試鮮製意粉！一食就分高下，鮮製意粉質感比較富彈性，好煙韌！再食返乾意粉就會覺得乾意粉質感比較硬實！另外餐廳會備有呢隻辣椒蒜片，比tobasco souce更香！提升左味道的層次感👍🏼鮮製意粉真係好好味，下次要再黎試下pizza先😋

難得返咗大陸長駐嘅舊同事返香港，緊係要約食飯，交換下最新情況啦，呢日佢就喺銅鑼灣行街，等埋我開完會一齊晚飯，我帶咗佢去我附近嘅皇室堡到食意粉狂熱。我同舊同事兩個人都好擦得🙈😂睇menu發現有好多選擇，而且樣樣都好吸引。於是我地就叫咗個二人套餐，再加多個Pizza😋🔥$368 肉&魚狂熱套餐 ($368)包括特濃南瓜粟米忌廉湯，鮭魚凱撒沙律，秘製炸雞，芝士煙肉帶子忌廉意粉，香烤黑安格斯西冷牛扒(+$48)，是日甜品，凍水果茶，其中一款飲品加錢轉咗芒果益力多。特濃南瓜粟米忌廉湯，新鮮滾熱辣，飲到有粟米同南瓜蓉幾有口感，味道香甜。鮭魚凱撒沙律，沙律面頭灑上芝士碎，令沙律食落比較惹味；三文魚同沙律菜都好新鮮👍🏻秘製炸雞，外皮10分香脆，欣賞炸雞件嘅外層油份已經索走，入口冇多餘油份，咬開肉汁豐富！芝士煙肉帶子忌廉意粉，意粉質感煙煙韌韌，好有彈性，味道濃郁但一啲都唔會過咸，而且帶子同煙肉嘅份量都比較多，令人好滿足。香烤黑安格斯西冷牛扒(+$48)估唔到加$48就有塊咁大嘅西冷牛扒😂好抵食！我哋叫咗七成熟，肉質鮮嫩，唔韌唔鞋，牛味濃郁，的確唔錯！明太子海鮮Pizza ($98)餅皮煙韌鬆化，海鮮份量