慢煮兩餐 (已搬遷) 新店位置

一入黎已經比牆上既字句吸引住。仔細睇，原來菜色配合中式的菜譜、日式的仔細和嚴謹、法式的低溫慢煮法。店內報置簡潔，帶點浪漫。係個好地方慶祝我的假期開始。酸梅醬蒸排骨，店員會事先問你的口味（濃/淡）而製作，可見細心之處。排骨唔韌，酸梅醬適中，辣辣地。送飯一流。煎焗青根魚，煎完再焗的做法，魚唔會太過乾，魚質不錯，唔會太鬆散。紹菜炆蝦米，入面有粉絲。每啖粉絲同紹菜都滲入左蝦米獨有香味。白飯不得不提，由泰國絲苗米，台灣九號米和中國東北米而成，軟熟，黏黏地。乳鴿夠入味，但唔會太過濃，味道調較得適中。肉質唔會過淋，也都唔會太嚡口。店員仲提供手套，而免雙手有油。重點：鮑魚撈飯，鮑魚汁好濃郁，鮑魚同冬菇好淋，加埋心型飯。各款菜都係送飯一流，仔細之作。菜款式多係家常小菜，主打冇味精，食到家既感覺，店員又細心。另外值得一讚，雖然廁所係餐廳後門，但異常地乾淨。提提大家，如果想去食，要預先book枱。

平時好少行過黎呢邊食飯，所以一直都唔知原來有個地方叫九如坊，更加唔知呢邊有咁多好餐廳。我地四個人，今日黎呢到既時候未有一整張枱比我地，只有Bar枱，所以我地都等左一陣位，亦都見到好多人遲過我地到但已經入得。佢既lunch menu幾有趣，有五個選擇。想搵住家飯感覺既人，你可能會有選擇困難症，因為佢款款都望落好正。結果同事幫我揀左魚。食落有D似咸魚撈飯食，但真係唔錯。加上我係個飲湯精，呢個set對於我黎講，口味夾之餘份量都好岩。仲有最後個個椰汁，不得了，我覺得係好完滿既一餐。

位於九如坊的慢煮餐廳-專攻住家飯等一眾上班族，忙到甩碌都可以吃到「家」的味道. 環境適簡潔，菜單同樣簡潔😂.瓜嫂黎左幾次，餐單沒變過而且價錢偏高.外賣有8折優惠，精明慳家既我緊係拎番office. 獨食難肥🤭講下食咩先. 是日餐 （3/10）碎肉蒸咸蛋+什菜湯+飯 (62蚊）個蛋起曬豆皮而且碎肉口感好梅. 👎蛋配飯係無得輸組合，竟然搞成咁！ 仲要62蚊食水蛋👀. （伏）實肉赤死瓜佬. 🤫🙈什菜湯 （6/10）除左菜，配料有瑤柱絲、瘦肉絲、甘筍. 味道唔錯但對比起與養生排骨湯比較，級數差太遠. 養生排骨湯依然係no.1選擇.香蔥炒芽菜（跟餐加10蚊）（7/10）芽菜配合大量蝦米仔同香蔥炒. 又香又爽脆. 建議廚房落少點油同埋調味輕手d ！ 香濃牛奶布丁（跟餐附送）（7/10）味道香濃同遍甜，飯後甜品都不錯. 慢煮兩餐開業數月但門口依然貼著試業中！莫非用「試業中」當藉口， 對於服務同質素要隻眼開隻眼閉？希望店主可以改善食物質素，帶到住家飯比中環上班族. Restaurant down Kau U Fong that serves local home style dish. It’s qu

開宗明義要講結論，見餐牌煞有介事講明唔落味精 ... 但結果呢？食完口渴咗成個下晝，點解嘅？今日同老婆行開九如坊，見到佢寫住「試業」，諗住係新開鋪頭，望落去裝修幾鮮明簡約，俾人感覺好祥和，又標明係慢煮乜乜乜，就入去試吓。後來，從同事口中得知原來呢間鋪頭已經試業咗一段好長嘅時間，都仍然未踏入正式營業嘅階段！吓！？分別叫咗一個排骨蒸飯套餐及一個咖喱濃湯牛腩套餐。因為佢寫明慢煮嘅關係，所以我好有耐性咁等。說時遲那時快，排骨蒸飯套餐轉眼已經馬上上枱。可惜個咖喱濃湯牛腩套餐等咗差不多20分鐘！其實，我唔介意嘅，因為講明慢煮，我真係諗住慢慢等。但我諗諗吓，慢煮佢咪又係煮定，唔通真係即刻開爐煮俾你食咩！好啦，要逐樣品評一下。排骨蒸飯套餐包括茶、炒銀牙、例湯同甜品。杯茶來講帶點普洱嘅味道，上面有一粒花，感覺少許雅緻。例湯聲稱係什菜湯，中式嘅，成碗湯主要都係湯水，雜菜只係緊餘得幾粒，飲落去似係雞湯底，但係欠鮮甜美只有死鹹。炒銀牙用咗蝦毛乾嚟炒，味道非常香濃，可惜有d過鹹！至於排骨飯，排骨都算肥瘦適中肉質滑嫩，調味適中，煮過嘅豉油幾香，用嚟撈飯幾香，加上飯底煮得好好，粒粒分明，咬口剛剛好，佢宣傳係話由中國

收工後過左去位於九如坊的慢煮兩餐食個悠閒晚飯餐廳燈光柔和，感覺讓人放鬆舒適~ 晚上更設有一人晚市套餐或二人魚翅餐我同朋友就點左個二人魚翅餐先黎既係清雞湯牙揀翅足二兩，魚翅味鮮，有絲質口感，高質素加入用雞熬製了數小時的清雞湯更加美味咖喱濃湯牛筋腩牛筋腩份量多且肉質鬆軟！咖喱汁好香濃，不太辣，好滋味肉碎蒸鹹蛋原隻鹹蛋打散後混入半肥瘦豬肉碎去蒸，非常咸香惹味，送飯一流紹菜煮蝦米蝦米同紹菜加入左上湯一齊煮，清淡又健康煎焗青根魚先煎後焗，色澤金黃，外皮微脆，魚肉嫩滑少細骨，好味道啊最後仲有甜品，楊枝甘露同草莓啫喱水果份量足，不太甜，味道不錯啊

這天與朋友遊大館後，漫無目的下就行到歌賦街九如坊附近，無論是平民食物九記，還是傳統茶樓蓮香也大排長龍，世界杯其間想在中環一帶避開人群，找個安靜的地方來頓晚餐，九如坊的小店其實有不錯的選擇, 慢煮兩餐就是其中一家。餐廳裝潢簡潔, 對面就是中區健康院和九如坊公園，九月坊公園的閒情透過落地玻璃進入眼簾。牆壁上寫有「民以食為天，食以米為先」的標題，介紹米、水與五味, 讓客人知道食飯不只為了填肚, 而是要品嚐餐廳怎樣為客人煮一碗好飯。今天叫的二人魚翅套餐,清雞湯牙揀翅清雞湯牙揀翅首先上桌， 或許牙揀翅本身沒有太多味, 但與雞湯一起燉的牙揀翅足足有兩両, 魚翅中的膠質吸收了清雞湯的精華後就變得鮮甜無比。除此之外, 店員又教可以慢慢加入附上的高原雲腿清湯, 讓魚翅的層次提升。-煎焗青根魚青根魚先煎後再蒸焗, 肉質細滑結實，相信餐廳是每朝到街市買最新鮮的魚, 鮮甜零醒味, 先煎後再蒸焗的青根魚煎得香口, 但後再蒸焗的方法餐廳拿搯得準確, 沒有使肉質變老, 的確出色。-小辣羊肉鍋羊肉鍋加了竹蔗與馬蹄同煮完全不會燥熱。在外面吃羊肉鍋通常會加生菜同吃, 但這裡加的是油麥菜，當吸收羊肉鍋裡頭的肉汁後菜變得特別

慢煮慢食中環從來都是華洋共處的集散地，歌賦街上方你有你在酒吧睇波隊啤鋸扒，而我有我在九如坊優雅地享受食物過慢活人生。這是上星期六我和母親不經意地發現在慢煮兩餐享受食物的經歷。餐廳面對著九如坊公園與中區健康院，一整條街與整個中區都隔隔不入。餐廳裝修舒適簡樸，不用隆重華麗的裝修，一大列 落地玻璃正望著對面公園，簡單而不做作。今天叫了一個二人魚翅套餐。清雞湯牙揀翅先上桌的是清雞湯牙揀翅， 牙揀翅是與雞湯一起燉的， 足足有兩両。加入了魚翅熬煮的濃湯帶呈黃色，由於魚翅中的膠質溶在湯中，令到雞湯更加甜濃。另外餐廳又附上一小碗以高原雲腿熬煮的清湯，讓整盅牙揀翅的層次得以提升。小辣羊肉鍋雖然說是羊肉，但在鍋內的卻是比普通羊肉更貴的羊腩，而鍋入面更加入竹蔗和馬蹄，羊腩的膻味及燥熱就因此減低了。味道方面，小辣不會很辣，卻增添惹味。煎焗青根魚餐廳以先煎後焗（蒸）的方式烹調青根魚，青根魚表面煎得香口卻不會過於熱氣。而且青根魚鮮甜，魚肉又白又滑又結實，可以看見餐廳選的是新鮮食材。咖喱濃湯牛筋腩不得不提的是咖喱濃湯牛筋腩，濃湯是以牛骨湯熬製而成，並加上大量的薯仔，所以這道菜的汁不只是一個咖哩汁而已，每一啖就像喝著

慢煮兩餐位於上環九如坊,有興趣的就去上環地鐵站E2出口,之後過馬路向幾級樓梯上,在中遠大廈側門。上完樓梯往左邊就是了。個度環境清幽,好多食客都是特意駕車去那邊找食,坐底慢慢傾計歎酒。一入去位置不是好多,大約4張桌加獨立座4位。試食當天都充滿人流。大家都好享受。坐下來望望餐牌,都有幾多選擇, 有1人餐,2人餐,單點,都是小菜10大精選。酒方面, 有CORONA , 紅酒等等。 因為STAFF推介, 朋友2人就試了個2人餐, 頭盤有2兩翅,之後有主菜小辣羊肉煲,清煎青根魚, 炆豬肉同埋蝦米紹菜。 首先來的是2兩翅, 有慢火坐熱, 加入高湯, 唔夠味可以有金華火腿調味。一入口,一疏疏翅在口裡慢慢融化,除了足秤,真的很入味。基本上不用調味都好熱好好味。呢個翅係成個餐的亮點，要特別推介一下。 之後另一主打小辣羊肉煲, 裡面有馬蹄,以及不是一向用開的油麥菜, 以及特配的醬汁。一樣, 一上的時候有慢火坐熱, 那些羊肉好錦好鬆軟, 不用大力咬已經化開。根據老闆的經驗, 醬汁是請教過數個師傅而得調校出的, 用了相當的時間。那些花椒,八角不直接落於煲內是不用搶味,反而在醬汁中加入提升味出來。呢個羊愈食會有

<慢煮兩餐 有心好味既餐廳>😃呢間九如坊 既慢煮工業 西餐既格局 加上柔和既音樂 感覺舒服 食物以中菜為主 有牛腩 . 撈麵 豆腐 等等 但整既感覺有d西式 幾有特色😃仲會有紅白 啤酒點 十分唔錯🍴火焰薑葱撈麵 48 蚊🌶🔥🍜大大碟 爽滑撈麵 點左辣醬同甜酸圍成圈 仲有葱花裝飾 外表美觀🌿 側邊另上既醬汁 會點少少火 令到葱花豉油既味香濃d 仲有d 辣辣地 . 撈埋一齊好惹味😃🍴1 人set 150 蚊😃1. 什菜湯 🍲慢煮既雜菜湯 湯身🥕有青紅蘿白 味道清甜v2. 主菜可以10 揀二 仲有白米飯送🍚揀左 酸梅醬蒸排骨🐷咖哩濃湯牛筋腩🐮排骨 既肉蒸得剛熟 口感軟滑又盡吸梅醬酸甜開胃 😃 排骨側邊帶d筋位 撈飯都好正🍚咖哩牛腩 有三件大大牛根腩 加上大薯仔 🥔🐮 牛腩好厚肉 煙靱又帶點筋位 好入味 咖哩汁 都辣辣地而且口感香濃😍 仲要軟熟薯仔 撈飯好味😃🍴楊枝甘露🍊新開鋪贈送既楊枝甘露 雖然送 用個有logo既器皿放住 入面橙汁 芒果肉 西柚肉落足料 😀 正 新鮮Score 平均分 <8/10>Taste 味道：👍🏻👍🏻👍🏻👍🏻Present 外觀：

九如坊慢煮兩餐之前曾睇過報導配合法式慢煮方法造出用心嘅料理。周六嘅黃昏，眼見已有一桌客人。餐廳燈光偏暗。餐廳裝潢風格以木白色簡約為主。主打中式一人晚餐$150 包兩餸、慢煮濃湯。什菜湯：飲落係濃郁雞湯底，勁多雜菜。生榨椰子汁$25清甜順滑，內有細細粒嘅椰果。解辣一流。酸梅醬蒸排骨：排骨微辣帶酸，酸梅汁撈飯勁開胃。有種久違婆婆住家飯嘅味道，好懷念。咖喱牛筋腩：咖喱汁都真係幾辣下，薯仔炆煮得非常軟稔入味。牛筋腩有四大條，以一人份量都盤足。牛筋腩肉質軟稔唔加牙，一樣非常入味。火焰薑蔥撈麵 $48一上碟，店員會帶火槍燒熱蔥油，當我地再淋上去，一撈香氣飄晒上鼻。麵質非常爽口彈牙，蔥油香氣噗鼻，味道地道惹味。重點碟麵驚豔之處係俾我冷落接近15分鐘，麵餅無絲毫痴住嘅感覺。食完之後仲有甜品（士多啤梨啫喱）好多士多啤梨碎粒，啫喱內嘅忌廉可令本啫喱變得順滑。以中上環來說，食物質素都值得推介。

A very good place for lunch in Sheungwan area. Dishes are home cooking style, no MSG. The kinda restaurant hard to find in Hong Kong these days. Recommend!

第二次食慢煮生活，第一次黎時覺得感覺一般，雖然有家常感覺，但係太咸，結果搞到兩頭唔到趕。由於覺得味道唔差，我決定俾多次機會佢。估唔到第二次黎食會有一個咁唔同既感覺。今次我叫左煎青根魚、冬瓜菇湯配飯 （$75）。 青根魚煎得好香。青根魚係淺水魚，所似會有泥味，一般都係煎or用一些可以辟泥味既煮法。呢條魚煎得好食，魚肉好嫩滑，魚有魚鮮味。冬瓜菇湯就係冬瓜盅既味道，清甜消暑（咁岩今日好熱）。重點係今次完全唔會咸，岩岩好。希望下次黎食嗰養生排骨湯都會有所改善，唔好再咁咸。呢間餐廳好近公司，我相信會有下一次。

返工lunchtime想食得健康都幾難，雖然而家已經多左好多主打健康天然既餐廳，但我覺得都要專登揾先會揾到。琴日我係九如坊再度經過《慢煮兩餐》，因為好想食條菜既關係，就衝左入去。叫左個排骨養生湯餐配紹菜炒蝦米。排骨養生湯 冇落油 ，用料好新鮮，但略嫌太咸，既然係sell住家菜又何必咁重手。紹菜炒蝦米惹味，菜炒得爽口。最後仲送左一個甜品 - 士多啤梨啫喱 ，我覺得係羅拔臣開，不過佢切左d新鮮士多啤梨落去，算補返少少誠意。總括- 餸菜有住家feel，兼顧飲食均衡原則，可惜太咸，希望下次黎會有所改善。

同事上星期話試左間慢煮都ok，咁今日就帶我來試，喺中環街市附近返工行上九如坊都要啲時間，上到來大約13:10（食一點）要排陣隊，都唔太耐，不過同事話新開可能未有咁多人知先咁快，遲啲一點太多人就無得食（食一點揾位都真係唔係咁易）。lunch set 5個揀，我㨂左蒜香豉油炆豬肉，一來到講真賣相堅麻麻，太簡約，講真麻麻地吸引而其他同事叫嘅都係咁簡約😂但是講真味道係好食嘅，豬肉好「林」，味道亦足夠，幾件豬可以送晒成碗飯。個湯係老火湯，好好味道😋，啱晒鐘意飲湯嘅我。我試左人地個湯咖哩，你地唔好睇佢好似食剩咁，個味道好好味，辣味剛剛好，係個餸得少少。其實清清地，味道又好，簡約午餐的好選擇。

在中環，上環這些商業區想吃到家的味道確實不易，不過上星期跟朋友吃西日午餐時途經慢煮兩餐這店，看見這裡主打一人私房菜套餐，相當特別，我們都記下來，今晚試試上環罕見的私房菜。慢煮兩餐的私房菜很簡單，晚餐A與晚餐B，亳不花巧，賣的都是家常口味，晚餐A分別有五款小菜，可選兩款，晚餐B則是小辣羊肉鍋，我選了晚餐A的咖哩濃湯牛筋腩及蒜香豉油炆豬肉。先來的慢煮雲腿高湯已經很讚，高湯展現出食材本身的原味，不添加多餘的味精，而是金華火腿和瑤柱熬煮出濃厚的精華，美味道破表。紹菜炆蝦米嚐到紹菜爽脆的甜美外，還夾雜彈牙的粉絲，鹹鮮的蝦米，胃口大開。小辣羊肉鍋燉煮入味，軟嫩無比，半點羊羶味也沒有，且不膩味。小辣羊肉鍋不斷以溫火滾煮，香味都瀰漫整個餐廳，朋友聞到味道就好想吃它，不一會她將羊肉吃光光，一件都不剩。咖哩濃湯牛筋腩挺有水準的，我喜歡薯仔煮得軟軟的，牛筋腩肉的部份亦煮得軟嫩無比，筋部則非常彈牙，口感不賴。咖哩湯入口香濃微辣，還帶些牛腩味，頗為順口，而且咖哩湯汁拌飯挺惹味和下飯。蒜香豉油炆豬肉輕輕夾起，淡淡的蒜香飄散在空氣中，開胃的油亮醬色令人垂涎三尺。瘦肉的部份爽口，嚐起來肉香脆嫩，脂肪部份有種獨特的咬勁