慢煮屋 (已搬遷) 新店位置

觀塘多樓上餐廳, 今日同朋友去左慢煮屋食日式野 建議去附近商場去完廁所先上去, 因為大廈個廁所環境好差 至於餐廳環境都ok, 係比較迫, 肥d都難行, 冇咩位放野, 上去都唔好帶咁大個袋去 兩個減肥既女仔出黎食野, 我地叫左蕎麥麵, 感覺好似清淡d日式銀雪魚西京燒蕎麥冷麵鹽麴慢煮雞胸蕎麥冷麵 蕎麥麵用藤蓆及竹葉墊底, 美觀度不錯, 蕎麥麵都有芥末同薑蓉, 好少會係薑蓉, 但d味好夾好清新, 麵上面紫菜條份量不算少, 加埋紫菜味冇得輸, 另外會附有溫泉蛋 銀雪魚好嫩滑, 味道都甜甜地,仲有d似燉薯仔蘿白好好味 雞胸的份量好多又大舊, 又好香鹽麴味, 雞肉好嫩滑 一d都唔乾, 唯一問題係有件雞入面熟勁紅, 成set份量都夠飽肚 呢間味道方面真係唔錯, 價錢又唔貴, 下次可以再試其他

與家人早上影完家庭相, 就過黎觀塘工廈搵食, 估唔到放飯時間, 都好多人會上工廈食飯, 條LIFT龍真係好長, 仲要天時暑熱排隊, 都咪話唔辛苦. 咁啱仲要個仔訓左!我地一上就上到最高, 之後見到呢間, 我地就幫襯了.入面地方唔算大,  但係好多食客幫襯.我地揀左: 照燒慢煮鳥肉芝士爆丼 $68慢煮火炙牛腹扒丼 $88賣相同味道都好好,食店有埋圖畫教食客如何食法係最好,呢個照燒雞肉，煮得好腍，配上濃郁芝士溶, 同埋生熟蛋，撈埋一齊食，口感好滑，又有蛋香，又有芝士香，雞肉又嫰滑。而牛腹扒都同樣好味, 估計都係因為以慢煮法烹調，所以肉質都好軟身, 肉汁又可繼續保留. 阿仔勁鐘意食呢個飯, 應該係因為飯汁係甜甜既味道, 所以係咁追住食.鮮菠蘿柚子蜜  跟餐價 $15人面有勁多菠蘿食呀! 汽水  跟餐價價$12

平日2點上去，冇咩人唔使等位入到去先揀好嘢食，比錢坐低就會有職員送餐過嚟慢煮三文魚配牛油果丼配餐湯叫左多汁，但感覺覺得冇乜味反而吱咗啲檸檬汁仲正，幾清新除咗三文魚同牛油果，仲有火龍果同蕃茄仔，味道冇咩驚喜，普普通通。慢煮牛腹扒蕎麥冷麵面質適中，個埋配埋Wasabi👍🏻仲有隻溫泉蛋牛就幾出色😋😋另外店內有自助水機提供臨走時仲聽到首Hugo 既「山下見」💛

近排成日有野多左好多機會去觀塘個邊，得閒會search 定觀塘有咩好野食，方做到時去到覓食嘛今日試左位於觀塘名物駱駝漆大廈的慢煮屋，Fatbrown 近排真系肥左唔少呀，日本野食落好似健康D<豚肉丼$68>望左個餐牌好耐，本身想叫冷面，但系又俾呢個豚肉丼深深吸引住，最後都系叫左飯食豚肉丼鋪滿豚肉，賣相吸睛豚肉邊邊燒到燶燶地地咁，口感香脆，不過略嫌豚肉片太薄，食完都唔系好夠喉飯底普普通通，燒汁撈飯系無敵ge，多D汁會更好

間唔中我地都會去觀塘工廈，睇下有冇臥虎藏龍小店，比以前真係多咗好多人，而且11樓多間食店💛.望落已經非常吸睛，溫泉蛋震下震下想爆咁，牛肉粉嫩，不過有幾舊有筋咬唔開，溫泉蛋同黑椒汁用黎撈飯一流，想再加多碗白飯😝.朋友就覺得蕎麥麵湯比較淡，銀鱈魚都嫩滑，不過魚皮煎得唔夠脆

慢煮火炙牛腹扒丼$88 (配真。鵝肝另+$20）溫泉蛋 再加日式燒汁 撈日本珍珠米  已經好正哈哈牛腹扒肉嘅份量多 有好多片 食埋碗飯一定夠飽！肉質算滑 但無咩牛香 牛味唔出 一般般而鵝肝細細舊 算煎得ok 不過不失但整體無咩特別 性價比唔太高主要係個牛普普通通~-鹽麴慢煮雞胸蕎麥冷麵($68)雞胸肉好嫩滑 完全唔乾主要個汁幾好食 有驚喜!蕎麥麵 記得加芥末同薑蓉一齊食 會好食D!-令我覺得最好食 竟然係個小食福宇丸物 2件 ($27)個汁好食 夠熱入面嘅牛肉好淋 好入味幾特別~IG : @foodie_eatlife

疫情期間都好少出外食飯不過耳機壞左所以去駱駝漆大廈倒模完耳機懶得再行，索性係附近食就算見到同一幢大廈有黃店就決定食個快飯先番屋企🍽秘製醬汁燒豚肉丼$68豚肉油脂分佈平均而每塊豚肉都燒到微微焦香😋食落滿口油香不錯不錯🍽慢煮火灸牛腹扒丼$88因為慢煮烹調關係充分保留左牛ge肉汁牛肉呈粉嫩顏色份量鋪滿整個丼😋加上温泉蛋撈匀一齊食好好食本身想叫多2個小食日式刺身帶子沙律同埋燒慢煮三文魚骨可惜整完耳機先過黎太晏ge 關係已經賣晒😫好多想食ge都無

星期六去咗駱駝漆探索一下，記得朋友高度推介一間叫「慢煮屋」嘅餐廳，話好好食喎。既然一場嚟到，我哋就一於試下😉。我哋下午三點鐘左右去到，都要等下位，不過都係十分鐘到。大家留意番其實店員會喺門口派飛俾我哋的，唔洗衝入去騷擾人哋。我明店員唔多，樓面落單收錢好忙，但如果可以望多幾眼門口有無人會好啲，因為食客喺出面確係有啲迷惘。加上如果遇著啲無賴打尖嘅人，就會有不愉快情況發生😔。餐廳主打慢煮，食物選擇唔算特別多，主要係幾款肉類魚類再配飯、冷蕎麥面或湯蕎麥面。價錢平均$8x，係可接受水平，唔收加一服務費👍。慢煮三文魚配牛油果丼($82)，凡惠顧丼飯，就跟配是日餐湯，即係麵豉湯🥣。丼飯份量適中，賣相吸引。丼飯嘅餸其實唔止炙燒三文魚粒同牛油果粒🥑，另外仲有溫泉蛋一隻、火龍果粒、蕃茄粒、蟹籽同青瓜絲。成個組合撈埋食係幾正，但我略嫌個飯濕咗啲。慢煮火炙牛腹扒蕎麥冷麵($88)(配真。鵝肝)($20)，牛肉同蕎麥麵係分開上的，另外仲搭多隻溫泉蛋🥚。麵條比較粗身，配埋冷麵醬汁食，唔錯。牛腹扒🥩份量超多，雖然每片唔算厚，但起碼有成十塊，一啲都唔孤寒；味道亦都幾好，肉質同肉味都OK，不過面頭嘅調味就重咗啲。我額外

來了好多次吧，頭一次walk in 要等位，都幾多人等位，其後都是打電話訂枱的，但電話都打幾次先有人聽，唔係成日都有人聽。雞胸穚麥面，雞胸煮得好好食，果汁都好香，而且味道淡淡又清新。慢煮牛有時就有點點難咬吧，但都可以接受，而家飯的份量足夠，食完夠飽。至於魚是整得勁好食，食完都再叫多舊食其實再叫慢煮牛，好像是比起第一次是差了吧，不會再牛了。再叫魚，真的是吃完超滿足，重點都要量份量是足夠的，而家配菜都煮得好好食。雞翼都值得叫黎食薏米水就正常吧，唔會太甜慢煮豬肉都姐好食，會想食豬多過牛至於果個小食是有兩包福袋樣子，內有一些肉用腐皮包住，份量都幾大舊係唔錯。至於三文魚配牛油果都是好食，只是覺得火龍果加埋就有啲怪

連續OT左幾個星期，男朋友今日接收工，帶我食好野。今日黎到駱駝漆入面既慢煮屋。好似係第二次黎食。我叫左個慢煮雞胸烏冬，個雞胸相當唔錯，嫩滑唔柴，重點係夠protein,溏心蛋都係正常發揮，果日冇蕎麥面，可以免費轉烏冬（本身要加錢），烏冬冇啲林，不過我就係鍾意林烏冬😳男朋友叫左個慢煮牛配冷烏冬，我覺得好好食，但佢覺得個牛有啲生（佢唔食生野），食完先見到有張紙仔寫住可以叫佢煮熟啲😳。整體黎講，我覺得算唔錯（重點係黄店！）唯獨是張櫈太細，冇位擺袋同會坐得唔係幾舒服🙈。

觀塘的工廈，有很多不同的餐廳，今天就去’慢煮屋‘試吓日式風味的慢煮料理，餐廳面積不大，裝修簡單，午市的餐牌都是簡單，一張點餐紙已列出所有丼飯和蕎麥面，最後揀了三款丼飯，每個飯都跟一碗麵豉湯，三款丼飯的賣相都十分吸引，至於味道，慢煮三文魚配牛油果最有驚喜，切成小件的三文魚，咬開內裡依然是粉橙色的，十分嫰滑，如果牛油果的份量可以多些就更好。火炙牛腹扒丼，這個牛腹肉有些失望，生熟度雖然恰當，但牛沒有牛味，跟預期有差距。醬汁燒豚肉丼，用的五層肉入口不會滿口油脂，反而是爽脆，不期然的食完一件又一件。加20元有一件鵝肝，細細件的，可以再香脆些。

觀塘好食嘅良心店很多選擇而且很多都好似好好食咁今次就介紹一下位於人所共知的 #駱駝漆大廈 裡面的日式餐廳#慢煮屋 食物豚 牛 雞 魚 為主有飯 烏冬 蕎麥面選擇的外貌協會的會員我表示睇樣真係覺得好吸引架不過呢間餐廳都多人等 同埋 門外等候區很熱很焗 要忍耐忍耐一下😛慢煮火炙牛腹扒丼 慢煮牛 好淋 很香的牛味 係好食的不過 可惜是那個配丼飯的汁味道一般有機會試下配麵類先🤪🤪另一款 💛😜鹽麴慢煮雞胸蕎麥面 真的很驚喜 這雞胸一點也不鞋 而且鹽麴的味道很清新可口在外面那麼熱的等待 吃一口清涼的蕎麥面真的爽快😛😛 這個麵旁邊有山葵及薑末給你自由伴著吃的 我就加了少少 豐富了味蕾

駱駝漆好多好嘢食，而慢煮屋就係11／F嘅幾間黃店之一。見個三文魚丼好特別，又有牛油果同火龍果咁就試下。咦食落去有點驚訝竟然係熱嘅，雖然三文魚份量唔多，但係超級嫩滑仲充滿三文魚油味，係驚為天人嘅健康之選！另外食火炙牛最忌就係啲牛煮得太韌，但因為係用慢煮烹調，所以啲牛依然係好香嫩同時保留足夠肉汁，份量亦都好多！好飽呀！除咗牛同三文魚，仲見佢仲有慢煮雞胸同豚肉，非常之吸引！即使佢哋嘅裝修普通簡單，而座位亦比較迫坐得唔舒服，但因為食物質素絕對會再訪，值得支持！

慢煮料理係香港都算普遍，但係係西餐廳食就好貴😭今次係觀塘搵倒間專食慢煮料理嘅餐廳，枱錢總要係好親民😍最正係份量都幾多，CP值好高👍🏻值得回頭再食☺️🥩慢煮火灸牛腹扒丼(配真•鵝肝) $108($88+$20)角落評分：🌕🌕🌕🌕🌕慢煮嘅牛腹扒真係好軟熟☺️煮到似熟非熟嘅效果真係好靚，好啱打卡😍再配埋溫泉蛋同個秘製嘅汁，撈埋飯真係好好食👍🏻然後小編都推薦加錢配埋鵝肝，因為煎香咗嘅鵝肝會有陣油香，配埋慢煮嘅牛腹扒，撈飯會好好食🥰🍣🥑慢煮三文魚配牛油果丼 $82角落評分：🌕🌕🌕🌕🌕慢煮三文魚最有驚喜🤩三文魚外表似熟咗咁，但係食落冇熟三文魚嘅質感，反而似食緊刺身嘅口感🥰再配埋溫泉蛋、牛油果、火龍果、檸檬汁同蕃茄，成個飯入口係好fresh，好開胃嘅感覺👍🏻如果唔鍾意重口味嘅，一定要試呢個😍🍗照燒慢煮鳥肉咖哩丼 $72角落評分：🌕🌕🌕🌕🌗鳥肉其實姐係雞肉😂慢煮咗嘅雞肉係好嫩滑，一啲都唔會嚡熠熠😍再加上表面係照燒，令到雞皮會有少少脆，令個成嚿雞肉都好美味🤩至於咖哩係日式咖哩，偏甜嘅味道☺️但配埋雞肉同溫泉蛋，其實甜咖哩會比較夾，因為唔會被辣搶走咗雞肉嘅味道🥰如果唔想食咖哩但想試雞肉，都可以試下個芝士爆丼，賣

🐷bookmark 咗呢間慢煮屋好耐，一黎見到其他人影啲相影到個牛肉飯好吸引，二黎係🐷未食過慢煮嘅牛，一直都想試下。————————————————————舔舔脷指數 : 🐽🐽🐽🐽🐽🐽 6/10抵食指數:🐽🐽🐽🐽🐽🐽 6/10 ————————————————————慢煮火炙牛腹扒丼（$88）個外形真係十分之吸引🤩，蓋滿肉嘅丼，啲牛肉嘅色澤又靚，仲有隻溫泉蛋係上面。食落啲牛其實偏瘦冇咩油脂，但就幾有牛肉味，食得出陣火炙味，講真🐷就真係食唔出慢煮個牛會有咩味道或者肉質嘅分別，不過有個敗筆位，佢個汁好奇怪🥶，配落個牛或者個飯到都唔太好食，希望可以改良下個汁。秘製醬汁燒豚肉丼（$68）反而呢個豚肉丼比較有驚喜，豚肉燒到好香口🤤，而且本身塊肉脂肪分佈平均，好好食。啲肉有啲薄，同埋個汁都係同牛丼一樣味，都係好奇怪。每個丼都會配返一碗麵豉湯。————————————————————多次響應罷市，店面有文宣💛💛