慢煮屋 (已搬遷) 新店位置

近年都好流行慢煮呢個概念，食物煮完唔得過熟，肉質比較滑，而且食材要比較優質新鮮先可以用黎慢煮。之前黎過呢度兩次，都因為太多人排隊放棄左，今次特登早啲去等位，終於食到啦！🤩/慢煮三文魚配牛油果丼🌟大大件三文魚份量都夠多，配埋牛油果同火龍果意外幾夾，而且仲幾開胃，/慢煮火炙牛腹扒丼🌟牛腹扒慢煮完大概七八成熟，岩岩冇哂血水，肉質夠哂腍，撈埋溫泉蛋仲滑好多。平時唔鍾意食飯既我，米飯撈埋牛肉汁真係可以食多幾啖。

多年前屯門有間Fusion西餐小店，全場只有一位非常友善嘅侍應，食物亦好好食，可惜早年已經結業。直到今日黎到觀塘慢煮屋，咁當然冇遇到當年嘅食物(因為都唔係食西餐)，不過就遇到當年果位侍應，真係神奇慢煮火灸牛腹扒丼 ($88)配鵝肝(+$20)等左五分鐘就已經上菜，比我預期中既慢煮快好多，可能係因為佢一早煮落功夫菜一聞到撲鼻而來既黑椒同蒜味就知又係時候撇下卡路里啦HAHA牛肉份量十足，牛腹扒部位慢煮的話其實係sell肉味多過淋，食開西冷既人會覺得好食口感係大概medium 同medium well中間，唔係話入口即溶，要嚼少少但配落個飯度好香口色澤都幾粉紅，應該都係medium既温泉蛋同醬汁好match, 加上佢用日本米所以口感好滑好正，所以 我話啲肉唔太稔都冇相干唯獨係牛塊上面既調味偏鹹，雖然未至於搶左牛味但因為火炙既就烹調手法會令啲鹽入曬去啲牛度如果可以輕手啲就PERFECT!而第二主角— 鵝肝     大推！果種甘香甜味同creamy既質感力證佢係用新鮮同真既材料，而唔係平價會起筋果啲超市肝配落個飯度真係好好好滑，同時又煎得岩岩好外皮脆脆地佢散叫要$58而加配只要+$20，性價真係

觀塘駱駝漆大廈3期呢到好多野食，平時好多人等𨋢上去。平日嘅夜晚我就同朋友去到，餐廳入面唔算好多人，但店員叫我地喺出面等一陣，之後就喺門口幫我地量體溫，再用消毒酒精幫我地噴全身消毒。當日落緊雨，上到去嗰陣個身本身有少少濕，再噴完都有啲凍，不過好彩餐廳入面冷氣都唔算好大。入到去見到餐牌都覺得好吸引，樣樣睇落都好想食。落單之後我地就傾住計先，話到明慢煮屋，咁當然要慢慢煮，不過當晚唔算好多人，所以都唔喺等左好耐。慢煮三文魚配牛油果丼 ($82)嚟到見到都好開心，好豐富嘅材料，有半熟三文魚、牛油果、溫泉蛋、青瓜絲、紫菜、蟹籽、火龍果、小蕃茄，另外仲有跟麵豉湯。三文魚煮到半熟所以咬落好嫩滑，啖啖肉。牛油果同火龍果份量都好足，食落好有滿足感，配埋落左橘子醬汁嘅飯有清新嘅感覺。一碗丼飯有咁多材料點綴簡喺視覺同味覺嘅享受。慢煮火炙牛腹扒烏冬 ($91)慢煮火炙牛腹扒，淨喺睇相都已經流哂口水，嚟到都好有日式風味。火炙牛腹扒配醬汁分開上，可以食到醬汁嘅香味。牛腹扒慢煮到半熟，肉質有咬感又鲜甜。加左$3轉烏冬，好煙韌彈牙。最驚喜喺烏冬上面嘅蘿蔔片，造型感滿分，咬落好爽口，加埋半隻半熟蛋，食完好滿足。

其實我見到某間新開既burger, 但因為唔知佢咩頭，掘掘下就見到呢間!我個日wfh，所以好開心咁搭船船去觀塘食野同入貨XD其實上網睇，大家都係會叫個牛丼，但信我，個魚係仲好食!慢煮火炙牛腹扒丼 (多汁 多飯) 配真鵝肝 $88+20上去睇，大部份人都係會揀佢，去到睇menu睇圖，應該都係會叫佢，但我話我想叫多皮，難得出黎，試多樣麻! 所以我地就有比較啦XD佢個牛好食既，都juicy,但覺得可以再好食尐咁囉(其實如果我地無叫其他，未必會咁講)，個汁都唔錯!日式銀雪魚西京燒定食(多汁 多飯) $88兩個肥子XD 其實真係唔應該貪心，但係我地有食哂唔浪費架! 就係呢個魚令個牛比下去! 佢煎得好香，最緊要係個魚本身好滑，好好食! 個汁個味好match! 以係香港既西京燒黎講，呢個價真係好抵好好食!蕎麥麵 $32呢個就再貪心尐既，但個汁又係好好味，好fresh! 慢煮港式奶茶 $16檸檬蜂蜜薏米水 $14我其實都鍾意食魚，但唔識整同lur骨，所以唔會成日叫，但呢個個西京燒真係好開心!

晚上來到觀塘，駱駝漆大廈只得一架可用的電梯，大排長龍。生怕吃不到想吃的這家，不過時候還早，七點前來到就可以直接入座了。這層樓有不少良心小店，大家也可分散投資呢！這裡的裝潢簡單用了食物的照片做掛牆畫，店員姐姐的親切、以及桌上教食冷麵的教學和可要求多汁多飯生熟等提醒，讓人覺得好有家的感覺。欣賞這裡除了汽水外還有自家制飲品，店員姐姐道是每天早上煲的，非常有誠意。甜味都是靠豐富的原材料，不會過甜。海量的薏米，吃一半都飽了四份一想吃慢煮牛、三文魚、雞，於是選了兩個丼飯，另外點一個小食。不過大食如我倆，也覺得好足夠。加上飯更可以加底，非常溫暖。慢煮雞胸比我之前吃拉麵的慢煮雞有些分別，雞肉是真的全熟，但用上雞胸部分也不會過嚡。醬汁是類似pesto的香草醬，加些芝麻更添香氣。慢煮牛肉色澤看上去非常吸引，能夠做到內裡潤紅、外皮焦香，十分出色。牛肉嫩滑且有牛味，不會血淋淋。牛肉醬汁足夠（且還可以要求加添醬汁），加上溫泉蛋的蛋汁撈飯，非常滋味 極力推介！慢煮牛油果三文魚丼看上去色彩鮮艷繽紛，甚至還有火龍果和車厘茄，比較像是沙律。三文魚塊慢煮過後不會太嚡，加上三文魚籽、完熟牛油果及紫菜絲，口感豐富。非常大碗的

Lunch time 去左觀塘搵食，聽説駱駝漆有好多黃色店，就揀左呢間主打牛丼的小店。午飯時段都坐爆哂，小店的裝修簡潔平庸，menu 亦都冇太多選擇。呢度係先完成點餐和結帳就可以等食啦。點左個慢煮火炙牛腹扒丼，每個丼都會跟碗麵豉湯的。賣相同圖片都有9成相似，望落去好唔錯。溫泉蛋好吸引，牛扒面上仲灑左脆脆的蒜粒。牛扒味道不算太濃而且略嫌牛扒有點過熟，飯底就夠哂分量，唔洗驚唔夠飽。呢個價錢來說，整體不過不失。

中秋無4連假，唯有星期六收工去食個lunch治療下心靈，近近地去觀塘食想試好耐既黃店慢煮屋。到埗人不算多，唔駛等位就得，而我目標得一個，慢煮火炙牛丼（$88），立即出去俾錢等野食。等左10分鐘唔駛，野食就黎了，賣相好好，重送左碗淡面豉湯（一望就知淡，飲落更是），餓死既的快拍就開動了。溫泉蛋： 食唔出係日本定咩蛋，但蛋味唔重，普通，用黎撈飯ok汁： 脷測係燒汁，但真係淡到唔知咩味，少少咸咁啦，應該唔係牛角汁，但撈飯就作用不大，影相靚d咁。牛： 牛份量都算對得起個價，厚薄適中，唔太厚又唔會薄，剛好；廚師都有注意唔會10成熟，有8成熟左右（如果生多少少會好d，可能要落單講定）。先講口感，咬落牛偏硬，似酒店自助餐果d切片牛，但都叫做接受到既硬，同埋有少少肉汁keep到；再講味道，火炙味就唔太食到，而調味方面，係加左鹽同黑椒去煎，調味算ok好食，唔會太重手又唔會落左等於無落咁，好食（微微黑椒留口腔）。湯：淡整體黎講，100蚊以下食到日本牛丼，可以接受（以宜家貴到嘔既香港，算cp值高），但個汁有待改良，至少俾食客覺得汁唔係可有可無先。 #衛生意識ok，入前量體溫，座位有間隔，但位置比較窄，算ok會

位於工廈的慢煮餐廳，因為人太多升降機太少，所以花了不少時間等待。餐廳主打慢煮，食物選擇主要以雞牛豬為主。滿心歡喜來這裡吃有名的慢煮牛卻被告知已售罄。於是點了慢煮三文魚配牛油果丼及雞胸冷蕎麥面。價錢平均在70-80之中，沒有加一。慢煮三文魚配牛油果丼，丼飯份量適中，三文魚有數大件，超級嫩滑且充滿三文魚油味，賣相吸引。伴上牛油果及火龍果，是健怡及夏日消暑之選。配上溫泉蛋，每啖飯都好開胃，慾罷不能。慢煮雞胸蕎麥冷麵，雞胸數量也不少，不過即使是慢煮，雞胸肉依然有點「鞋」。蕎麥麵附上鰹魚汁，還有碎蔥及芥未，伴上一口冷麵十分fresh。再把麵條點上溫泉蛋，口感更加一流。

觀塘對我黎講又愛又恨，成日都咁多人又塞車又遠，但同時佢實在有太多小店我想試。呢間bookmark左一陣子，終於有要去觀塘既時候可以去試。 佢身處係一座好多人去既工廈，店面好細都唔係坐得特別舒服，不過小店就係咁架啦選擇唔算多，一目了然。第一樣吸引我既就係個牛腹扒丼加20蚊可以有舊鵝肝！啲牛慢煮至7成熟左右，食落口感幾淋而且有牛香。份量都幾足，好多舊牛！而鵝肝20蚊黎講都唔算細舊，一咬落去係爆油，陣陣鵝肝香！正好快送哂碗飯。呢個三文魚骨即叫即整，熱辣辣。外脆內滑，不過個汁可以再濃味少少。呢杯奶茶就普通小小，唔係特別香濃，不過勝在唔會好甜。

觀塘多好嘢食係人都知特別係駱駝漆呢幢大廈喺11/F嘅呢間慢煮屋就必定要試吓放晚放工入到去唔算好多人 基本上唔洗等位一坐低就同朋友一齊睇menu我哋分別嗌咗必食嘅慢煮火灸牛腹扒丼(加咗廿蚊有一舊鵝肝)同埋照燒慢煮鳥肉芝士爆丼先講個牛腹扒丼顏色粉嫩 望落吸引 食落去都好c服 食得出陣牛味偏淋又有啲juicy 而個飯底都撈咗日式烤肉醬汁撈埋隻溫泉蛋食十分入味反而朋友個鳥肉芝士丼冇想像中咁出色芝士味唔太重 但鳥肉(雞肉)都食得出係新鮮嘅 可能鳥肉咖喱丼會好啲食物質素算係中上，但價錢十分合理冇加一，人均消費都係100以內

觀塘工廈真係好多野食💛仲要有唔少都係黃店秘製醬汁燒豚肉飯$68豚肉同飯嘅比例剛剛好👌每塊都燒得好脆身 👅肉同脂肪嘅比例都幾平均🤤如果食到一半都覺得唔夠飽想食多啲🤭呢間野嘅飯同醬汁都可以任添😆 整體都幾滿意下次會想試慢煮三文魚或者牛腹扒😮睇落好正🤩!

想試好耐嘅慢煮牛丼😍😍💕聽講好腍 但我覺得都幾韌 又鞋鞋地🙃啲調味係好食嘅 鹹鹹地嘅汁+少少黑椒再撈埋隻蛋 個飯真係好香🥰同埋叫左個慢煮三文魚丼 覺得中意呢個多過慢煮牛丼🤣三文魚好好味 好香好軟綿綿 加埋啲生果Fresh fresh地 再叫左小食嘅慢煮雞翼 大大力推！😍👍🏻上面啲芝士皮(😂?)好正!! 又好鬼入味🥰骨都有味🤣帶子沙律就冇咩特別 可以唔洗嗌🤣

🐂慢煮牛腹肉蕎麥冷麵 $88 轉烏冬+$3 （7/10）⁣就咁睇擺盤覺得幾靚💕💕。⁣烏冬食落夠凍，但冇做到好彈牙的感覺🧐。⁣沾嘅鰹魚汁偏鹹帶有微微鰹魚香，同烏冬一齊''雪''入口幾好味🤪。⁣去到牛腹肉，份量都幾大方，唔會得幾塊。⁣牛腹肉食落唔韌，幾有肉味🐮。加埋面頭嘅蒜同胡椒超香。但係舊肉真係超級超級鹹😩😩，建議大家可以點一點溫泉蛋沖咁啲鹹味先。⁣⁣蕎麥麵冇烏冬咁好食，食落感覺好粉。如果想食建議+$3 轉烏冬！😗😗😗⁣

在這幢大廈三期的樓下,晚餐時間充滿超級大量的年輕人在排隊,原因就是入面有非常多便宜又美味的小店,分佈在不同的樓層。今次我們選擇左11樓的黃店戰場區域,慢煮屋固然就是以慢煮牛為賣點的日式小店,門口有不少人在等待,,幸好等了20分鐘就有座位啦。我們需要畫紙及到門口的收銀付款,然後等煮完後上菜。環境確實是比較一般,座位狹窄細小,食完就走會較好。慢煮牛腹扒蕎麥冷麵  88元   2.5/5分1. 慢煮牛其實幾失望,因為每一片的口感都不同,有硬有軟,汁液就不是太多,吃得出是相對次等的牛肉,可惜2. 蕎麥麵非常適合冷食,等了15分鐘才有得吃,就是說即叩即做,煮完後再冷凍,這個面非常正常,不錯3. 雞蛋就完全無味,不吃也罷4. 沒有飲品,不過可以自己出去拿水及餐具,還好~~整體來說,這家小黃店的價錢中等,食物以這種質素來說算這樣,始終不可能要求這種價錢有上等的味道吧,一試無坊~

慢煮火炙牛腹扒蕎麥冷麵🍜牛腹扒嘅份量都ok，雖然食落去又唔係好淋，但都幾有牛味，而且厚薄適中，另外見到個溫泉蛋，就係成個餐最正嘅位，可以好似壽喜燒咁，牛腹肉加蛋汁咁樣食👍🏻👍🏻，雖然蕎麥麵嘅份量唔多，女仔食應該啱啱好飽😌另外仲叫左個秘製醬汁燒豚肉丼🐷豚肉肥瘦適中，用火燒到燶燶哋，食落去好香炭火味，而肥膏部分幾爽口，而且個汁有少少似照燒汁咁，好惹味😌😌😌但跟餐個麵豉湯就普通，麵豉味唔濃