慶記 (已結業)

上星期到大角咀晚餐，經過利奧坊見到地下有上海菜餐廳，餐牌幾吸引便入內試試。餐廳空間感不錯，餐廳標榜即叫即做，我們點了口水醉雞卷、生煎胡椒包、香酥排骨滷肉麵及茶燻煎軟雞拼滷肉菜飯。第一道菜口水醉雞卷有四件，味道香濃惹味，微辣，淡淡雞肉，口感豐富。香酥排骨滷肉麵排骨大片，外脆內鬆化多汁， 十分好味，配滷肉鮮香夠風味。茶燻煎軟雞充滿茶香味，雞肉鮮嫩多汁，香酥惹味，配肉碎及菜飯好好吃。生煎胡椒包一客兩件，賣相好，面上鋪滿黑芝麻，充滿胡椒香，外脆，內裡肉汁豐富，熱辣辣，新鮮美味。店員服務態度好，價錢相宜，性價比高。

搬左新舖後第一次過黎堂食，環境舒適，空間感大，冷氣又夠，用Qr code落單，方便又快捷天氣熱先叫左支豆漿，唔會太甜，而且又有豆香口水醉雞捲麻辣味夠重，醉雞捲夠嫩滑生煎胡椒包新鮮煎起，底部很脆口，非常熱辣辣，湯汁帶點微辣，吃得過癮同朋友叫左撈麵滷肉撈麵，滷肉肥瘦適中食起嚟唔會感覺油膩麵質彈牙茶燻煎軟雞食起黎啖啖肉，比起茶燻味，個人更覺得似BBQ味，可沾上甜酸醬一齊食香酥排骨炸得非常香口，裡面又夠鬆軟幾好食

慶記 Hing Kee小籠包 Xiao Long Bao $34好鐘意食小籠包, 皮薄而咬開中間灌滿湯, 幾好食. Numbing Spicy Wined Chicken Roll 口水醉雞卷 $34 8大件食落啖啖肉, 名副其實大件夾抵食👍 sauce 做到麻香而不太辣, 唔太食到辣嘅朋友都岩. 由於麻香味較出, 酒味唔會太濃烈, 只係麻辣味過後先會有淡淡嘅酒味浮出Noodles Toss with Tea Smoked Chicken and Braised Pork 茶燻煎軟雞 拼 滷肉撈麵 $60比起煎, 用炸雞形容會更恰當. 雞肉外層脆口, 中間都唔會乾, 而且帶煙燻過香味, 就咁食已經好入味下飯. 滷肉撈麵味道都唔錯, 麵質略腍不過可以接受, 只係再配餸好似太濃味, 下次可以就咁配飯或者淨湯麵.Vegetable Rice with Beef Rib Fingers Rendang 東巴牛肋條菜飯 $52好有泰菜風味嘅一款餸😂醬汁好濃郁,酸酸辣辣又有香茅味, 有啲冬蔭功嘅感覺. 牛肋條炆到好淋好入味, 白蘿蔔都好清甜, 配埋用梅菜煲成嘅大大碗菜飯食一流👍

星期五happy Friday就梗係要約好朋友食好野啦D個朋友就係奧海城返工既早收工既我梗係就下佢啦, 佢就介紹左D間慶記食上海野比我睇門面就知係新派D既上海野啦, 門面光鮮入面環境都唔錯, 都幾岩傾計小籠包咁食上海野必點就一定係小籠包, D度的睇落都唔錯, 食落個皮都幾薄, 但入面都包到唔少既湯汁, 又幾正宗幾好味紅油抄手我地另外都叫左紅油抄手, 抄手者, 雲吞也, 仲要係菜肉雲吞, 配上佢既既辣油, 又幾開胃, 幾正喎擔擔面擔擔面係用撈面既形式做出黎, 出面唔係冇, 但唔多, 對上一次我係重慶食撈既擔擔面真係正, D度既撈既擔擔面都冇令我失望, 辣度有就返香港人, 但佢既香味仲保留到, 我覺得係必點的排骨菜飯菜飯上面仲可以有肉燥, 兩樣我都鐘意正呀, 排骨炸得香脆, 但又保持到肉汁, 正呀總結估唔到D度既上海菜又好味又正宗, 下次搵D個朋友食飯可以試下佢其他野

終於忙碌完，邀請朋友一起出去吃飯，老朋友係要見面!!!!!來到朋友家附近利奧坊·曉岸商場，有主打上海麵食及手工點心的慶記，食物堅持每日新鮮製作﹗﹗慶記店內的招牌菜之一，湯麵配上滷肉，非常鹹香，湯味濃郁~~煎茶燻軟雞分成四件大雞，聞下去有好香好獨特茶燻味，雞皮煎得酥脆，吃下去炸得非常香口，配上酸辣醬汁，酸甜可口很開胃，雞肉肉質鮮嫩，麵質口感彈牙...配上豆卜做配料，吸收湯裡的香味一口雞一口慶麵，吃起來好味道~我最鍾意吃麵，即使天天吃，也不膩！.巴東汁好香濃，再澆上料汁撈勻撈麵就可以開吃了！牛肋肉炆得好淋，肉質鮮嫩，超級入味！筷子一夾肉質軟身，吃起來帶點辣🌶️非常爽口，汁多味美、入口即化！再搭配鮮嫩多汁的蘿蔔，這道具獨特風味的撈麵一定必點！.小籠包皮薄而肉滑，一口咬下去時湯汁爆出...蒜香雞翼鮮香酥脆，一口下去超滿足！..❤️💛🧡

星期六放假約左媽咪食飯，呢間鋪頭喺舊址都食過一次，係好有心既小店。而家見佢搬左大鋪，絕對要再幫襯！新鋪多左好多位，加上落地玻璃，好光猛！裝修以木色為主，俾人感覺好舒服。仲多左好多野食！除左主打慶麵，仲有撈麵同菜飯，小食都多左選擇！口水醉雞卷，有分四件同八件，口水汁夠麻而且唔會太辣，雞卷肉質扎實，雞皮已成半啫喱狀，好夠凍，岩哂夏天食👍🏻香酥排骨配滷肉菜飯，排骨一上我同媽咪都哇左聲 😂好大舊！面層炸得好鬆脆，內層仲好JUICY，菜飯上既滷肉肥瘦適中，食落帶有膠質，店鋪可以考慮出滷肉飯，我一定會叫🤣茶燻煎軟雞配撈麵，呢個雞既份量同排骨一樣大份，顏色炸得比較深，食落好大陣煙燻味，好特別😋點埋酸辣醬，中和番無咁油膩。撈麵既麵條彈牙有咬口，配埋特製醬汁好有風味。餐廳食物既份量好大，女仔可以考慮約多幾個朋友黎 share就可以試多幾款。

平民的美食是最美好的，大角嘴真係有好多好好野食架！！我就係好鐘意慶記嘅菜式。口水雞卷$34好好食呀，雞卷超嫩，醬汁超超麻，只係中辣。我好鐘意好麻嘅食物，$34蚊8件，性價比高！！紅油抄手一樣咁好食嘅醬汁，紅油又麻又辣又香口，加埋蔥花，非常好食！抄手皮薄滑滑，多餡，餡鮮弹牙！菜飯好特別，有別於一般菜飯，好香味道足，香酥排骨，香脆，無論配飯配麵都唔錯！！湯麵朋友叫嘅！平民晚餐就係咁簡單，兩個人咁就食飽飽！

大角咀最近開咗好多好嘢食！今日同朋友去揾食，見到呢間上海嘢唔貴就試下佢啦！個段時間餐廳只得我地一枱客，上菜好快，放心食物係熱嘅！大推‼️ XO醬蟹肉小籠包（兩件) $35一啖落去蟹肉味爆曬出嚟💥醉雞卷 (8件) $30花雕酒香味好夠 開胃菜幾唔錯麻醬雞絲冷麵 $40配合埋青瓜 同佢哋自己調配嘅麻醬 甜甜地好清爽🥒(要叫多醬 因為個醬真係好正)巴東牛肋條撈麵 $52佢嘅味道令我好懷疑呢個菜式唔應該出現係呢間店😂嗰個巴東味太正宗 少少辣 我覺得配飯好食啲🍚

大角咀好多好嘢食，完全唔係美食沙漠，之前喺奧運返工成日都會食慶面，而家轉左office就冇食，不過都好記得成日都要排長龍先食到，而家搬咗地方，大左好多唔使點排隊！👍🏻同個朋友夜晚收工食飯傾吓計，放工食飯最鍾意就係坐得舒服，一人一碗撈麵，嗌兩三個小食，就夠啦，話晒個撈麵份量都唔少㗎🤭巴東牛肋條撈麵巴東汁非常惹味，香料味又有層次，牛肋條炆炆夠淋身同時又有咬口，呢個上海fusion撈麵真係非常唔錯，不過如果面底可以唔同就更好啦！😌😌秘製豬軟骨撈麵朋友唔食牛肉，就試吓呢個豬軟骨撈麵，估唔到呢個汁係可以炆到豬軟骨如此入味，份量有唔少喎！完全對得住呢個價錢！不過隔一隔啲油就會健康啲，話晒而家講求健康飲食呀嘛👻👻涼拌牛蒡絲健康飲食就梗係要有返啲菜啦，又唔想成日喺街度麵就一定配烚菜，就試吓牛蒡絲哈哈！佢又唔係只係得牛蒡絲，有少少木耳喺度陪襯下，酸酸地咁，都唔錯，如果加少少麻辣應該層次感更高！小籠包呢度嘅小籠包就唔使講啦！必食！口水醉雞捲今次係第一次試呢個小食，麻辣汁同醉雞嘅味道平衡得到唔錯，又唔會太辣，同事都食到酒香，呢個值得加分！👍🏻👍🏻👍🏻雖然大角咀都唔係成日會來嘅地方，如果下次有機會嚟呢區食飯都

店子內的選擇多，愛吃不同類別東西的朋友，要來試一下呢～牛蒡絲它是非常好的天然食材，這店的牛旁口感棒，小火烤到大功告成，每次去吃日本料理的時候會吃牛蒡絲，小時候很討厭牛蒡，長大後卻愛上這種日式涼拌的口感。店子有賣牛蒡，份量多。牛蒡食療很難尋找到呢。香酥排骨 魯肉湯飯有幸馬上排到座位後，看著菜單馬上點一碗魯肉湯飯～ 香酥排骨炸得很可口，品嘗起來啖啖肉夠脆口，滋味喔。懷舊魯肉湯飯，抵吃，遠近聞名，深受食客的喜愛，粒粒米飯拌著香濃的湯汁，肥而不膩，咸甜適中，一下便會一掃而光，夏日吃飯沒胃口，試試，一碗下肚。簡單又方便，適合沒有了胃口又想吃飯的朋友，香酥排骨皮脆肉嫩，口感鮮滑，外焦里嫩，香氣撲鼻，下飯好棒人氣生煎胡椒包上海式餐館，提供各種之傳統小食，如小海小籠包、生煎包，這店的爆汁生煎胡椒包是一定要吃的，因為是即做，出來的時候暖暖，有溫度 紅燒豬軟骨面店子逆市之中也可以擴張，必試這個紅燒豬軟骨面，吃得出面的彈牙，豬軟骨味道非常棒，肉味重的，整碗面有菜～有香菜～一隻滷蛋一大碗。上湯亦很濃味，愛吃上海食物的人也要來一吃呢，店內的食物有質素，坐坐聊聊天，亦很不錯與朋友一起吃著傳統食秒，飲著東西，完！

之前喺呢一區返工都拿食慶麵做lunch，因為做得好有心，比起一般嘅上海野特別，都好啱食~ 事隔一年，慶麵升level 由小店入主利奧坊，門面唔單止大左好多好多，仲舒服咗好多，新裝修果然唔同啲！不過唔知道keep唔keep到以前嘅水準呢？今次食落又真係同以前一樣！仲有新野加左入menu！入去攞位嘅時候就發現咗佢哋由人手落單轉咗做scan QR code，行左digitalisation ~實行環保！由以前開始佢哋已經係提供呢一隻豆漿，唔太甜又有豆味，唔錯㗎☺️以前喺呢度想食菜嘅時候都係得普通烚菜，而家有多兩款，其中一款就係涼拌牛蒡絲，出面都唔多地方有，上面有素魚翅，佢加埋木耳一齊，口感level up！👍🏻👍🏻呢度我嘅最愛永遠都係口水醉雞捲，出面真係未食到，就算有都係醉雞捲，呢度嘅麻辣醬應該係自己調味，麻辣味適中，又香又惹味！🌶招牌除咗生煎包鍋貼之外，仲有好好味嘅小籠包，呢度嘅小籠包皮薄又juicy，夾嘅時候又唔容易穿，真心推薦！👍🏻今次我食豬軟骨撈麵，豬軟骨勁入味，大大嚿豬軟骨，啲汁攞嚟撈麵真係不得了！男朋友就食巴東牛肋肉撈麵，佢就食到非常之滿足，仲將我嘅面底食埋哈哈如果呢度有埋甜品就正

又去大角咀搵食啦！上次經過呢間餐廳覺得幾得意，價錢又抵食，所以今次就黎試下！D野食都唔貴啊，有飯有麵有小食，感覺好飽肚坐低係用QR code落單，好方便野飲揀左可樂同熱龍眼蜜小食點左個口水醉雞卷，呢個好香酒味，而且啖啖肉，因為點左個大既，所以一客有八件，好抵食見到有紅油抄手又想食，但有個特別d既紅油百花抄手，於是就揀左呢個！呢個個餡係蝦膠同魷魚，粒粒都大粒而且仲好彈牙茶燻煎軟雞拼滷肉湯飯，D雞炸得香但又唔乾，而且仲好大塊，碗滷肉湯飯超級大碗而且佢已經有滷肉咸咸地，基本上唔洗餸都可以就咁食，非常飽肚仲點左香酥排骨拼滷肉慶麵，慶麵原來好似油麵咁，呢個排骨係偏乾身果種，個人就鐘意雞扒多d~食左咁多野都係二百幾蚊，超抵食

唔去好過去 浪費quota 巴東牛肋撈麵舊牛肉凍架入到去明明可以坐中間「你都可以坐既，不過張枱係留比6個人架囉」紋身女服務員講架電子落單 又失效黎錯餸又話你地自己落架喎 無得換換左鋪頭之後真係垃圾級

起大角咀食親野都唔會伏 呢日都唔例外 利奧坊見到裝潢唔錯 想起商場食餐環境乾淨但價錢唔貴既上海菜 去開大角咀嗰頭都可以去慶記 呢日叫咗兩款麵食 叫咗碗巴東牛肋條撈麵 牛肋條夠淋 巴東牛肋條本身有湯汁 撈麵係另上俾客人自己撈住食 嗰形式有啲似食沾麵 feel 麵條都微彈牙 好掛汁 另外叫咗份香酥排骨拼滷肉慶麵 香酥排骨脆口 同嗰酸辣醬幾夾 慶麵既麵底同撈麵嘅一樣 而湯面就多左幾粒豆卜 索哂湯嘅精華 不過相比撈麵之下會無咁彈牙 稍淋身 而滷肉碎好入味 如果撈飯食應該會有另一番滋味叫多咗碗淨百花雲吞湯 仲有成6粒雲吞 都幾大粒 😳咬落去有啲似土魷肉餅 食落唔似平時嘅雲吞 幾得意😂而佢個湯底幾濃郁 淨飲已經覺得唔錯 一啖雲吞一啖湯係絕配另外叫咗小籠包 包皮做得好出色 超薄 一咬即穿 小籠包記得黎到一定要親熱食 因為攤凍左食就冇咁正 配埋豆漿 簡簡單單又一個晚餐 唔錯

香港的確係美食之都，好多唔同地方的食物選擇💝💖滿足晒大家為食的想法!😋😋呢一晚突然想食上海菜，剛好想起慶記✅，便決定再去二訪食一次呢!💃-這次點了上次最深刻的茶燻煎軟雞拼滷肉慶麵🍜茶燻煎軟雞真係好好食!🔥熱辣辣又香口，配上淡淡的茶香，有別於一般的煎軟雞🥩而且慶麵的口感好煙韌，好有咬口，真係好岩鍾意有口感既我!🥢我自己好推薦鍾意食麵的大家試下呢!-今次也點了麻醬雞絲冷麵，好岩夏天，滿滿的雞絲配上青瓜絲🫑，再配上麻醬🥣好開胃好岩夏天，而且唔會過膩，真係好岩夏天食呀! 要試下! 大推!🍏🍐-前菜方面點了拌山揸糖漬青瓜🥕🌽，青瓜配上少少微甜的口感，有必於平日試到既感覺，甜甜地🍅🍆好岩想試下新野既朋友呢!而且份量都有好多呢!🥦🌽-食上海菜當然唔少得叫小籠包🍞🥯，我們點了4隻，熱辣辣，而且皮不會太厚，剛剛好，滿滿的湯汁好好味呀!🥔🍠食止海菜真的要必點小籠包!🍞🥐-滿足的一餐，又不同的食物，大推一定要試特色的慶麵!😍喜歡試新野的，一定要試下!🥰