慶記 (已結業)

今日離開奧運附近，發現利奧坊附近都有唔少新嘢食，今日就試咗一間上海菜嘅小店，見到佢嘢食嘅價錢也不算太貴，而且選擇眾多。餐廳係屬於自助落單，坐低之後我哋就首先叫咗個小食，就有口水醉雞捲，小籠包，叫咗個香酥排骨配慶麵！麻辣醉雞捲 $34 這個雞捲係沒有骨的，對於懶惰嘅我係一大好處！而且他的口水麻辣恰到好處，不會太麻，香口開胃，作為小菜就非常好👍🏻XO醬蟹肉小籠包 小籠包要熱辣辣食先至好食，咬落去嘅時候感覺到啲XO醬蟹肉爆出嚟🤪好香嘅XO醬味，而且蟹肉作為餡料都分量十足，非常豐富！加埋少少醋一齊食，會令到蟹肉嘅鮮味更加突出香酥排骨配慶麵 嚟到出名食上海菜嘅餐廳梗係要試吓佢哋嘅招牌麵，至於煮食我就揀咗香酥排骨，覺得餐廳好貼心就係香酥排骨會同湯麵分開，咁就唔會令到啲排骨沾到湯變得冇咁脆口🤟🏼排骨都大大件，食到豬肉味如果係好鍾意食上海菜嘅朋友，就快啲去試吓

大角咀有好多美食, 今次我地就去試一個新樓盤商場既餐廳慶記。呢間餐廳有好多選擇, 主打上海嘢。出面天氣太熱了, 所以我地都揀左滷肉慶面, 配香酥排骨同菜燻煎軟雞。小食方面就揀左口水醉雞卷同紅油百花抄手。口水醉雞卷份量比想像中多, 賣相都好好。雞肉卷好滑又彈牙，麻辣味啱啱好, 唔會搶左花雕既味道，辣辣地好醒胃。主食既滷肉慶面，面條好Q, 滷肉少肥多瘦，滷汁好味。香酥排骨炸得啱啱好, 外脆內軟, 好juicy, 再配埋特制酸辣汁, 非常惹味。食完都唔會覺得好熱氣。最驚喜的反而係菜燻煎軟雞，剛上枱既時候見到以為好乾好柴,心諗又中伏啦。結果咬左一口之後，嚇左一跳，雞皮好脆，好似食燒肉咁，雞肉仲係好滑，帶一點茶葉香，非常好味。紅油百花抄手好特別, 通常出面D紅油抄手都係豬肉餡，但百花抄手係花枝同蝦肉, 味道好好味又特別。主菜仲配埋汔水同豆漿，或者其他飲品。以呢個咁平既價錢黎講，食物既水準又咁高，性價比非常高。

朋友想平平地食個小籠包，就帶了她去大角咀這間慶記。兩個人叫了兩個飯麵及兩個小食，都是二百多元，非常抵食。茶燻煎軟雞拼滷肉菜飯雞扒有淡淡煙燻香味，炸至外皮香脆，滷肉用了半肥瘦的豬肉，入口都不算太肥。巴東牛肋條慶麵牛肋條炆至入口嫩腍，牛肉味濃郁，湯底有點香辣及香料味道，豆卜吸收了湯汁非常惹味，蘿蔔香甜又腍，慶麵麵質爽口。XO醬蟹肉小籠包小籠包外皮超薄但不易穿，裏面有蟹肉湯汁，不過未算多，味道鮮甜。紅油百花抄手帶點辣椒香味，慢慢滲出來的辣，抄手裏面餡料十足。最後飲返支豆漿解辣。

之前朋友推介左呢間餐廳俾我 今次係第二次嚟食啦因為夜晚7點左右就到左 所以舖入面都未有咩客人用電話落單既好處係 所有食物都有相睇 夠曬清楚嗌左小籠包 本身預佢要耐啲先上枱點知係最快😂 熱辣辣 一咬落去皮薄又多汁 好好味因為上次嗌左兩個麵 搞到食唔曬又試唔到其他野所以今次淨係食左百花雲吞慶麵 啲雲吞咬落去啖啖肉🤤之後我最期待既生煎胡椒包終於都到左😍咬落去個底係脆卜卜 入面又有汁 咬落啲肉係有辣辣既胡椒香味.今次試埋個沙嗲牛肉鍋貼 咬落去個底都脆既都有肉汁 但我自己都係鍾意胡椒包多啲記住嗌返枝凍飲😂因為胡椒包食完個人會熱啲最後見仲食得落 就嗌多籠小籠包做結尾同一開始個籠一樣咁皮薄多汁🤤大

今晚約左個係大角咀返工既朋友食晚飯，呢個朋友比較節儉，所以推介左間佢食過一次話抵食夾大件既上海菜俾我試😄我地叫左個茶燻煎軟雞滷肉菜飯，豬軟骨菜飯， XO醬蟹肉小籠包，醬油西生菜，熱桂圓蜜同埋一支豆漿～菜飯係用個碗另上，份量果然好多😂 不過啲菜略嫌淋左啲～茶燻煎軟雞外層香脆唔油膩，滲透住淡淡既茶香味，雞肉嫩滑😋滷肉肥瘦均勻，入味而且夠淋，唔錯👍豬軟骨份量都幾多，肉既部分好淋，軟骨位有咬口，D汁送飯一流😁XO醬蟹肉小籠包黎到熱辣辣👏 一夾起就見到皮超薄裡面超多汁！好出色！！餡料唔會太多肥膏剛剛好，不過可能我點左太多醋，唔太食得出XO醬味😂😂醬油西生菜幾大碗，落完單一分鐘就黎到😂😂 唔會太鹹，菜好爽口，面頭加左啲炸蒜更加香桂圓蜜足料夠味👍晚市都唔駛加一👏 兩個人食到打包埋人均都唔駛一百蚊，抵到爛！😂😂😂

近年大角咀利奧坊開咗唔少食店，每次行過都想呢間光猛新淨嘅上海菜，今次終於試到了🥰上海菜當然唔少得小籠包，呢到有較特別嘅XO醬蟹肉小籠包($35兩隻)皮夠薄，有彈性，無痴底呢款變奏版亦特別鮮味，推薦🙌🏻前菜仲叫咗醉雞卷($30/8件)，呢個價錢可以話好抵，酒味濃啖，食起嚟啖啖肉，滿足到食肉獸m主食就分叫咗茶燻煎軟雞湯飯($54)同巴東牛肉條慶麵($54)有湯飯食嘅地方唔多，呢到嘅湯底唔算濃，而且食完唔會口渴👏🏼 茶燻煎軟雞已去骨，賣相靚仔，帶有淡淡茶味嫌唔夠濃味嘅亦可以點伴碟嘅酸辣醬👻至於巴東牛肉條慶麵就非常惹味，少少辣，帶椰香味一定要讚嘅係碗入面嘅白蘿蔔非常岀食，大大舊好淋，又甜又無渣🥳不過牛肉就略嫌韌咗少少呢到坐得舒服，價錢極抵，可encore!

慶記📍大角咀性價比高之上海出色生煎叉燒包🌟- - - - - - - - - - - - - - - - - - - - - - - - - 🌟幾年前係舊店未搬未改名 (慶麵) 個時都有食過幾次搬左舖第一次堂食，水準依舊好😎1️⃣麻辣醉雞卷 $34必叫小食❗️❗️ 性價比未免太高！ $34 有八片！雞肉質感好好好soft 小麻辣得黎依然食到淡淡嘅酒香整體無論口感同味道都做得好好🙌🏻2️⃣生煎叉燒包 $26生煎包類要等大約20分鐘，即叫即煎係好有心機咁煎足咁耐！生煎包嘅底係煎到金黃色的😍不過唔知係米太多料太濕，如果可以再脆d就💯叉燒餡多到滿瀉，好濃味🈵🈵值得一試喔！3️⃣百花紅油抄手 $52 另一個必叫小食🥲真係好好食☺️ 餡係魷魚同蝦膠🦐🦑粒粒都好大粒好多餡正宗皮薄餡靚🙌🏻口感彈牙🤭最重要係佢個調味都做得好好花椒油味好香口好野味必試🉐🉐4️⃣茶燻煎軟雞慶面 $52呢個係湯麵，本身個湯清清地，無味精👌🏻配埋d濃味小食其實岩岩好值得一讚嘅係麵嘅texture有少少彈牙煙韌嘅口感🤤煎茶燻軟雞嘅皮煎得未免太脆😋脆得黎肉仲keep到juicy 👌🏻👌🏻5️⃣巴東牛肋肉撈麵 $52巴東汁好香濃，仲加左椰汁，係好味嘅，不過

點了口水醉雞卷, XO醬蟹肉小籠包, 巴東牛肋條慶麵及茶燻軟雞菜飯, 當中最出色的是小籠包, 有蟹肉味之餘更有飽滿的肉汁, 皮薄而不易破, 是令人回味之作! 此外巴東牛肋條慶麵, 雖然外貌平平, 卻是出奇的惹味, 屬有內涵的佳品. 茶燻軟雞在炸後, 仍保留茶香, 亦減少了炸雞的油膩感, 菜飯除肉燥外尚有一點梅菜是亮點, 很好下飯! 整體來說, 是坐得舒適, 食物和價格又很合乎性價比之選, 路過附近的話, 推介一試!

今日突然間想食上海野，上網搜尋，發現大角咀有一間唔錯的上海餐廳，橫掂在附近，一於就去打卡，奧運站C一出口，行大約5分鐘，在奧利芳地下。地方簡潔，簡簡單單，而且餐廳用QR曲落單，既環保又方便，而且不收加一。由於時間尚早，雖然人客並不多，但見廚房不停出外賣，唔☺️⋯⋯應該無來錯地方。😉😉👍⋯⋯我地order兩個小食，雖然選擇唔多，但好野。，一樣就夠啦😋😋。尤其是雞翼，有好多選擇，一於叫一款兩隻來品嚐下。蒜香雞翼，外皮香脆，色澤均勻，樣子飽滿，保持嫩滑，多汁。未食完，已經叫朋友追加😋😋😋，簡直冇得輸呀。另外叫了個好特別的流心叉燒包，食的時侯真的要小心，汁隨時四濺🤣好多汁，叉燒好入味，無（乾曾曾）的感覺⋯⋯又一個傑出的小食。那碗巴東牛肋條麵，有少少辣，但係越辣越想食，面的口感，恰到好處，牛肋條好入味。加多1⃣️個麻辣青瓜冷面，一冷一熱，中和番的辣味。再加多罐冰凍的可樂！咁就完美啦！好滿足的一餐👍👍

大角咀真係好多好嘢食😍😍逐間試吓先至得！今次就嚟到仲係新簇簇嘅利奧坊搵食！見到呢間裝修得幾有空間感就入咗去！！. 生煎胡椒包 (2隻) $26第一時間見到呢款強調係『榮獲美國彭博Bloomberg 2018 年全球僅二十八間(5元美元以下) 之美食推介』就即刻點咗😁緊記小心燙口！因為一咬啲熱湯肉汁真係湧出嚟‼️而且胡椒味好濃郁！真係幾有特色嘅小食！. 香酥排骨拼滷肉慶麵 $66滷肉同麵嘅份量都好足！撈埋嚟食咸香豐富！值得大讚嘅係湯入面極入味嘅白蘿蔔！但脆炸嘅排骨就略嫌考起Be嘅牙力🤣🤣＋$12 跟餐配 熱桂圓蜜 清心解熱仲有龍眼肉食添😀.巴東牛肋條菜飯 $52勁少見上海菜有呢款！好特別！微微酸辣＋香料好惹味！而牛肋條仲炆得好軟腍！汁配菜飯食就剛剛好啦！＋$12 跟餐配 熱落神花蜜 微微酸甜好得Be歡心♥️. 紅油百花抄手 $52入面加咗魷魚同埋蝦肉碎😆😆口感好紮實！粒粒都咁飽滿！！ 再配埋蔥花、辣椒碎、炸蒜撈埋麻辣油食！好惹味！

慶記我都算幫襯得多，因為係屋企附近。最中意佢既小籠包！皮薄唔易穿，每隻都多湯水，口感非常好！必食！！另外醉雞卷都好好食，雞身實正夠味，好易入口，酒味唔算好勁，唔中意酒味既朋友都話好食。除左以上兩樣次次都點，今次試下山煎包，感覺就係小籠包既煎包版本，岩岩出爐個包入面既湯好燙口，建議等幾分鐘先食。另外仲叫左紅燒豬軟骨慶麵，為左飽肚先叫，但就其實無話特別吸引，總體來講都算抵食，兩個女人食每人65蚊dinner，免加一服務費。坦白講，如果收加一未必成日去，因為staff態度好一般，拎多隻碗仔都嫌煩，同埋次次去都覺得佢地無乜表情～

大角嘴真係好多嘢食！除左出名的「老掌櫃」，Lost star，還有好多小店，例如之後我介紹的日本餐廳「未之千」仲有這間慶記！因為佢的位置較為偏向重建那邊，所以比較靜，人流都較少。可能大家要特地行過那邊才發現。慶記裝修光猛舒適，座位寬敞，適合三五知己慢慢食飯談心。食物款式就以套餐為主，即一碗麵一碟飯及其他小食，小菜就較少。🌟口水醉雞卷4件（$18）它不是普遍見到的雞件，而是雞卷，十分方便進食！醬料以麻為主，一直纏繞著舌尖不會太辣！好味！而且非常抵食！🌟小籠包（$21）皮夠通透，包著湯，質素比下有餘！🌟香酥排骨慶面（$52）排骨炸得松脆可口，雖然肉有d乾，但味道十足！食時聽到脆卜卜！慶面就好似陽春麵同油面嘅混合體，好彈牙！另外，附送的白蘿蔔極巨！冇渣！清甜！🌟煙薰煎軟雞並鹵肉撈面（$60）雞好重煙味，味道較重，個人覺得有d咸，但跟排骨一樣，非常香口！鹵肉甜甜的，撈面剛剛好！🌟熱桂圓蜜（$12）🌟熱洛神花蜜（$12）兩杯飲品就不過不失，冇咩特別🚥🚥🚥🚥🚥🚥🚥🚥🚥🚥🚥🚥🚥非常抵食，食物質素又好味！值得一戰，住附近更加可以當平時普通便飯，合乎經濟原則！！

位置唔係太難搵，旺角站行過去10分鐘左右。鋪頭好光猛🌟人吾多，兩個人坐左近窗邊，角落位有蚊茲🌝講返食物😎小籠包真係做到皮薄餡靚✨湯汁鮮甜🤩滿意滿意啊。不過最好一籠籠咁嗌，吾夠熱既話夾起皮容易穿。呢個黑胡椒生煎包，胡椒味好重！入面都係有好多湯汁👍🏻👍🏻成個包外層有小小咬口，底部有d焦香味😋😋下次一定要試試原味🤓排骨慶面🤩慶面係偏粗身既麵，味道比較清淡，有咬口有蛋味🤩係正既！炸排骨偏油😝牛蒡絲既調味個人認為一般般

慶記好美味「小籠包」夠淋皮夠薄薄到好易穿，果然夠皮薄，湯夠多 有爆汁既效果 味道方面勁鮮甜豬肉勁好食😋「口水醉雞卷 」好好味 😋惹味口水汁加埋幾粒蔥花又靚又惹味「巴東牛肋條慶麵」一碗熱騰騰既慶湯麵勁juicy牛肉又淋又滑而且係充滿椰香勁惹味，燜得幾淋，慶麵麵質爽滑q彈，粗幼適中「香酥排骨拼滷肉慶麵」麵加左麻辣，香左好多，湯係清清地順滑易入口，香酥排骨值得一讚，外皮香脆炸得好鬆化，食完再encore 加左兩餐飲：雀巢檸檬茶、凍豆漿，豆漿有解辣嘅作用

聽人說大角咀利奧坊有着很多好野食，於是今日就和朋友行完奧海城後，就過去利奧坊搵野食。我們都是第一次來到利奧坊，發現這個新商場大多都是食肆。行左一個圈，決定食貼地的上海餐—「慶記」。看到慶記的餐牌，擁有着非常貼地的價錢，而且又有很久都未食過的上海小食，未食已經流晒口水。午市套餐相當超值，一個主食配飲品5、60蚊就有，就算加多一份小食，都可以$100內買單。→ 1. 香酥排骨配滷肉湯飯滷肉飯平時就食得多，如果以湯飯的形式來食滷肉飯，我都是第一次。我覺得慶記在湯飯中可能已有落調味料，因為其湯飯除了滷肉味之外，還非常鹹香。再配上四大塊的香酥排骨，炸得非常香口之餘，再食一口湯飯，口味相當濃郁。→ 2. 茶燻煎軟雞慶麵來到慶記當然要試試店內其一的招牌菜，慶麵。一份麵都拼上四件大雞，啖啖肉。煎雞帶有淡淡的獨特茶燻味，點上酸辣醬汁，好惹味。軟雞做到外脆內軟，雞肉肉質鮮嫩。慶麵是以油麵作麵底，麵質口感彈牙，湯味濃郁，加入少許滷肉和豆卜做配料，咬一口雞再食一口慶麵，就是最好的吃法。→ 3. 小籠包上海小食第一名來不開小籠包。別以為慶記的小籠包只是一般貨色，但食落真的非常驚喜，其小籠包湯汁可以在夾落時清晰見