慶麵 (已搬遷) 新店位置

大角咀哩個地方真係咩國家嘅菜式都容易搵到，今日同同事就黎到哩間慶麵食上海菜。鋪頭面積好細，大概有三十個座位左右，午飯嘅時候門口已經大排長龍。店員會先比左張點菜紙你畫，一有位入去就可以馬上落單，唔會浪費時間，店員嘅態度都好好，執檯好快。哩度午餐價錢都幾抵，唔洗$40已經有碗麵+飲品，今次就叫咗碗麻辣擔擔撈面，再配小食醉雞卷埋邊有bar檯位可以睇住師傅包上海包小龍包先黎小食醉雞卷（8件）呢個醉雞卷好特別，佢無骨每件都啖啖肉，肉質好滑用嘅都係雞腿肉略嫌酒味唔夠濃，不過口感一流，方便食。麻辣擔擔撈麵聞落已經有好香嘅辣油味，雖然望落好似無咩汁，不過撈勻之後每啖麵都好掛汁好入味，辣度只屬微辣，怕辣嘅朋友都可以試好喜歡佢嘅麵質彈牙，有口感，仲有少少蛋香肉碎份量都好多，唔會淨係得麵食咁單調餐飲係樽裝凍豆漿，出面來貨的，無咩特別整體黎講哩個價錢係幾抵食，味道亦唔錯，下次會想試埋佢嘅包點，到時再報告

慶麵想食好耐了，終於抽到時間來過大角咀，原來都幾近奧運地鐵站。舖頭細細，得廿個位左右，好彩我哋晏晝四點幾過來，唔使同人逼。叫咗個麻醬青瓜冷麵、肉燥慶麵同小籠包。麻醬青瓜冷麵係由冷麵同青瓜絲做成嘅麵，之前自己都有整過，但慶麵嘅青瓜絲好爽脆，配返油麵質地麵底，口感出奇地夾而且麻醬唔係出面成日食到嘅日本牌子，而係特別有調校過，味道冇咁平時咸，芝麻味香啲，掛麵一流！好味！肉燥慶麵湯頭清甜，配料得肉燥同豆卜，簡單得來別有一番滋味，唔錯小籠包皮非常之薄，湯汁飽滿，不過個人覺得味道還好，唔夠肉鮮味，但整體表現幾好。唔使講咁多，預咗下次encore！

座位間很狹窄不過桌面空間足夠.小食出色點了蒜香雞翼、紅油炒手剛炸起的雞翼炸得金黃，賣相吸引熱騰騰的，咬下香脆可口.紅油炒手鋪滿蒜蓉、辣椒、蔥混在一起吃，微辣，過癮過癮.小籠包子是必點豆漿竟是現成的有點失望，上海餐廳竟沒自磨豆漿小籠包子要小心吃慎防一夾即爆湯內餡與皮的比例適中八分瘦肉、兩分肥肉、有湯汁不過這回筷子功力較弱一夾即破了 得用上湯匙輔助.麻辣擔擔麵麵條是油麵，肉碎份量能拌著整碗麵麵條不乾，吃下是輕微的麻辣

本來想去食東北菜，但係點知星期二休息。經過見到呢間，好似唔錯咁於是就試試佢。鋪頭名都有個麵字冇理由唔食麵掛，叫咗一個紅燒豬軟骨慶麵，但係唔記得咗影相，呢個面真係唔合格，個面似係油麵同拉麵之間，同車仔麵冇咩分別，湯底冇乜特別，豬軟骨唔係特別入味。所有嘢加埋真係好似食緊普通車仔麵得，但係要成$60。令一樣令人好失望嘅就係呢一碟山楂糖漬青瓜。味道超級怪，好甜，完全唔知道食緊青瓜。口感唔爽脆，份量亦都唔多，但最後都食唔晒，因為真係有啲怪。叫咗兩個生煎胡椒包，你嘅青瓜同埋面真係出色好多，生煎包入邊好多汁，好夠胡椒味，而且好熱，係即刻煎出嚟，而且只係$26 ，性價比好高。令一樣令人喜出望外嘅就係口水碎雞卷，雞肉唔會好老，啱啱好，口水汁夠晒麻，加埋一齊幾好食。兩樣嘢好食，兩樣野唔好食，打個和啦。首要改善嘅真係個麵，咁先可以叫慶麵嘛。

Hello 大家好，又係我粉嶺賜哥。今日咁岩一個人黎到大角咀附近，又想食個簡簡單單既晚飯，就黎左呢間慶麵。一入去唔洗等位就直接坐係類似吧枱既位，環境乾淨企理，待應都好好招待，自助落單都幾方便。直接入正題啦，我叫左個麻辣擔擔麵同小籠包。1. 麻辣擔擔麵 7分/10分 賣相美觀，上菜速度都幾快（3-5分鐘）撈完個香味會更加濃，醬同麵既比例好配佩，不過我覺得可以多d麵。2. 小籠包 8.5分/10分新鮮蒸熱上，誠意十足。四粒都有肉汁溢出，皮薄到用大力小小夾都穿。當然我都小心翼翼一口一粒咁食。個小籠包係口爆既感覺係有沖擊。 總結而言，呢間餐廳得閒可以試下，但食量大或者要食飯先飽既人就可能唔抵，性價比一般。我係賜哥，歡迎跟隨我既美食之旅。

六點幾諗住飲野前食少少野，鬼遮眼走左入呢間鋪頭，叫左小籠包，紅油抄手同雞絲冷麵，雞絲冷麵一般，紅油抄手凍嘅，小籠包就夾一隻穿一隻，以為自己問題，不過朋友夾都係咁，4隻都穿，半啖湯都飲唔到，雖則話皮薄係正，但未試過四隻都穿囉

每次經過慶麵都見到出面排哂隊，又見鋪出面貼左好多訪問報道，所以一直都好好奇係咪咁好食呢。今日見唔係太多人排隊，就諗住黎試下。喺門口等緊時候，個侍應已經比定張menu單，所以入去坐底等左無耐已經有食物上檯。我叫左紅燒豬軟骨撈麵。麵同豬軟骨係分開上，分量都幾足夠。覺得佢啲麵幾好食，都幾彈牙。啲豬軟骨嘅醬汁甜甜地咁，再撈落啲麵度真係好正。我都撈左大半碗醬汁。不過豬軟骨方面就覺得如果再煮淋少少會更好。除左個麵之外佢仲包左一罐飲品，都係可樂、雀巢檸檬茶嗰啲。整體黎講，覺得依個麵真係幾好食，如果我下次黎都會再encore。見到隔離好多檯都有叫生煎包，佢個包底煎到好焦脆咁，望到都覺得好吸引，下次一定會點黎試。

比起連鎖店 我更加鍾意發掘同支持下啲小店話說依排去試過依間喺大角咀嘅上海餐廳 雖然舖面有啲細 但啲野食真係唔錯1）生煎胡椒包特別推介係依個 生煎胡椒包！個生煎包真係有驚喜 一咬落去爆哂汁加埋啲胡椒夠辣好惹味 比起一般嘅生煎包更惹味一定要試下！2）小籠包個皮好薄 入面又好juicy總括而話性價比好高

位於大角嘴的慶麵，是屬於平民麵店。晚上到來，門口泊滿了車，加上灰色的門面，不太容易一眼看出。相反，隔離的Orange Elephant相當養眼，再經過福群樓的住宅入口，就到了。門口張貼了不少媒體的報道。沒有華麗的裝修，舖內一眼看完，有開放式廚房，食客可以看到廚師即場包小籠包。座位則設有Bar台及座枱。大概有二十個座位，星期五晚上到來還好，大概七點半到來，都不用排隊。這間店舖主打麵食，有湯麵、撈麵及冷麵。另外還有數款小食。可惜今晚到來，所有雞翼都不設供應😭一場到來，當然要試試招牌的慶面及麻辣擔擔撈面。上面的速度很快，下單後大概四、五分鐘，麵就到來。肉燥慶面：配有豆卜及蘿蔔。麵身軟硬適中，白蘿卜煮得好冧👍🏻 可以肉燥及湯底味道一般，略嫌有點淡味。麻辣擔擔麵：麵肉以麻辣油、蔥油及麻醬混合而成，配有肉碎、蔥及紅椒粒。這個麵較湯麵有驚喜，配料簡單，卻相當惹味，而且越食越辣，也有麻的感覺。由於小籠包、雲吞、生煎包是點叫後即場製作，故需等大概五分鐘（小籠包）至廿分鐘（生煎包）不等。幾乎每個食客到場都必叫小籠包，皮薄多汁。生煎包的等候時間大概為廿分鐘，包底煎得香脆可口，可惜湯汁不夠多。還有枝裝豆漿、汽

由於朋友推薦的小籠包店，所以在附近逛街就來試試看紅燒豬軟骨慶麵：這個湯不像味精的，所以感覺不錯，肉很入味，唯一缺點是麵量少了點，我是吃量比較大的女生，感覺一個麵加一籠小籠包，剛好夠飽。就真的只是夠飽，我還能吃東西的啦～小籠包比起很多店已經算不錯了，唯一缺點是肉質咬感比較鬆散。。有點像機搞碎的肉。雖然味道不錯，不過沒到我回味想要再次光顧的感覺。要形容的話就像以前做得比較好的酒樓。因為4隻都是我吃的關係，不知道怎麼有時候感覺比較濃味，有時候比較淡咪，所以有3.7-3.9的小差距

原本食隔離泰國菜，點知無位。之後見倒呢間有位隨機入，一行四大一細，點左每款一樣咁制，葱油撈面出色，口水雞冷面簡直一流！安東牛肉麵稱職，重有生煎包，鍋貼都係做得非常好，外皮酥脆，肉質鮮美。紅油抄手有一個好嘅地方就係唔會一層油鋪係面。重點推薦女士要試生煎叉燒包，一試難忘，好多肉汁！男士要試胡椒生煎包，好大陣胡椒味！不過食嘅時候就小心熱！小寵包就還可以，對得住個價錢。叫埋野飲埋單都係每位90蚊。強烈推薦小鋪！

老友說這裡的生煎包和小籠包是全香港最物超所值的, 我會再簡單一點說, 這裡是One of the best in Hong Kong!吃這裡的包點類食品, 第一件事要小心, 因為肉汁之多, 可以用濆射來形容, 一不小心就會被湯汁淥傷. 生煎包下半身煎得十分脆, 上半身剛好熟透, 沒有被湯汁糊化. 至於小籠包的內裡, 是先見到湯汁才見到內裡的肉. 兩者外表的皮的厚度 剛剛能承載肉汁, 計算十分精準.麵食的巴東牛肋條撈麵也不錯, 但我略嫌撈汁太薄身, 和湯麵分別不大, 香味足但太多奶, 味道就沒有包點般驚為天人了.

不嬲都喜歡幫襯小店......喜歡小店用心製作.......小店當然店面小.......店內坐得會有點迫......好彩尚算乾淨.......由於接近三點才食午餐，不宜叫得太多......食物即叫即整.....要留意製作時間呀......醉雞卷.......凍食的醉雞卷先上枱.......雞肉不嫩滑.....似雪了一段時間......酒味不濃......沒苦味......小籠包.....皮好薄.....超多汁......肉餡軟腍但不鬆散.......好好味.....推介推介！百花雲吞慶麵......先嚐湯底.....勁似雲吞麵湯底......黃色既慶麵.....初初有點擔心會有鹼水味.....點知一點鹼水味都冇，仲要幾彈牙......好似拉麵咁........百花雲吞......即係蝦膠+豬肉既餡料.....呀......我就麻麻地，覺得口感不太夾......但朋友仔就話幾鍾意.......仲有幾粒豆卜索晒啲湯，都幾好味......生煎包......等待時間最耐......樣子脹卜卜.....超吸引.....包底脆卜卜.....肉餡同小籠包一樣，所以都係勁多汁.......雖然進店時差

早兩日我地大角咀誤打誤撞試左呢間上海菜小店 -「慶麵」呢度嘅小籠包係即點、即包、即蒸！點解我地會知🤔？因為我地落左Order之後，就見住師傅係個開放式廚房搓麵粉、包小籠包、放入蒸籠，然後熱辣辣送到我地面前，超正😮！小籠包size比平時食嘅大隻小小；皮夠簿，做得唔錯；湯汁算多，但食落唔算係好鮮。整體上算係幾好食😋！生煎包都係即叫、即包、即煎。外層煎得夠香脆，但略嫌皮厚左少少；裡面湯汁都算多嘅，同小籠湯一樣都係唔夠鮮甜。都係啦！即叫、即包、即煮。呢個雲吞係我食過最大粒嘅云吞，一碗雖然只有6粒，但食到最後真心好飽。雲吞皮係唔算好簿，餡料超級厚實，食得到蝦嘅鮮味、瘦肉嘅厚實，但缺少左肥豬肉嘅爽口。味道唔差，但唔係上海嘅味道！很一般！酒味唔夠濃，雞肉亦唔夠滑。麵底比較淋身，冇咬口，質地我麻麻地。對於我地重口味嘅人黎講，夠麻，但唔夠辣，香味係足夠嘅，但味道偏甜左少少。呢間小店整體上味道ok，略偏甜左d；份量大份，而且係平民價錢💰，算係抵食之選👍🏻！

舖頭名叫慶麵，心裏面就諗究竟咩係慶麵呢？食完餐飯我都唔知係乜嘢可能只係個名可能只係個噱頭。 食咗雲吞湯麵，雞塊撈面仲有小籠包 小籠包好好食皮薄，餡靚又多湯汁，食嘅時候要小心裏面啲湯好熱。 建議大家食佢餐牌上面有皇冠推介嘅食物， 湯麵(冇皇冠推介)係麻麻地。 午餐時候去食只要有叫面就可以有嘢飲，佢啲嘢飲係可樂，包裝檸檬茶加兩蚊可以有支裝原味豆漿。 臨走嘅時候睇到午餐同晚餐餐牌，食物一樣，晚餐價錢大約貴午餐三，四蚊， 同埋冇嘢飲嘢飲另外加錢。