慶麵 (已搬遷) 新店位置

等朋友係大角咀放工食飯,佢話想食少D,想食面,咁我諗起之前去過呢間幾OK既,就介紹佢去~冰火冷面---上次我食左麻辣擔擔伴面,今次呢個原來係佢既冷面版~少少辣,多多麻香,凍冰冰,面又好有咬口,真係好爽呀~~~麻醬雞絲冷面---朋友唔食得辣就叫左呢個,都幾多麻醬,雞肉都唔老,唔錯~紅油百花抄手---抄手入面加左墨魚同蝦膠,好足料,上面果D最初以為係炸蒜,食落原來唔係,應該係乾瑤柱,好香~~唔太辣~生煎胡椒包---包底煎到好脆~唔係酒樓果D,係0係北京上海食到果種脆~咬開入面都好多肉汁,而且勁香胡椒味,但有唔會太哽,正~~~呢間小店,選擇唔多,但黎過兩次叫唔同野所有野都係有讚無彈,真係不得了~

今日本來想去食漢堡包，見到呢家麵店幾特別，就入去試下。我自小就喜歡食麵多於飯，總覺得吮口麵比吞口飯容易，尤其大熱天時，在有冷氣的環境下食就唔怕流汗。地方唔細，坐得當然比附近家漢堡包店好得多，決定正確。在台灣夜市食過生煎胡椒包，番嚟香港食唔到夠味的，估唔到今日有八成功力，胡椒味非常濃郁但唔太袜，個包亦煎得香脆，口感及味道都好好。麥麻排骨用梅頭用做，加了很多麥片，用甜酸醬調味，非常香酥鬆化。小籠包都做得好，爆汁唔易穿。最後當然要試慶麵，原來足料製作，魚湯作膽，加肉煲，可惜未到火喉，只賣$26/碗菜肉雲呑麵，咁多料，好抵食。我覺得小吃好，麵尚有改善空間。

朋友吃過翻尋味，今天帶我來到這裡，讓我可以—嚐這間小店的誠意美食。店舖雖然不大，但裝修雅潔，坐得舒服。待應小姐服務熱誠有禮，不厭其煩地為我地介紹食物和替我們落單，很貼心呢！蔥油拌麵 $32自家製的慶麵，爽滑彈牙又有蛋香。幼幼長長的乾蔥油香十足，與麵拌勻吃，真是吃到停不了口。爆汁鍋貼 $30/3隻第—次吃到咁肥大的鍋貼，外皮滑滑，底部煎得很香脆，小心地咬開怕會爆汁出來。不負所望，内裡果然多汁肉鲜又有咬口。脆蒜大雞翼$32選了香草椒盬味。雞翼外脆内軟，肉厚嫩滑，香草椒盬份量適中，香而不會過鹹！原來下午茶套餐更抵吃，$22起還送汽水或豆漿。

係奧海城睇完戲,因為食左爆谷,唔係太肚餓,想搵個面食就算,見呢間開左無耐就試下佢~舖頭唔大,坐到大約廿個人度,不過我成夜晚八點幾先去,唔多人~menu唔多選擇,但貴精不貴多~麻辣擔擔伴面---一上枱已經好香,唔係好大碗,食落少少麻,唔太辣,個面好似拉面咁幾有咬口,一啖啖咁食真係可以唔捨得停~脆蒜大雞翼---好香好脆,蒜味幾夠,又係可以食唔停口~不過好似唔多食到d香草椒鹽?呢間店,麻雀雖小,但五臟俱全,可以encore~btw,呢度汽水都只係6蚊罐,真係唔錯~~~~~

今天约了朋友到大角咀購物、首要是找地方食午餐先、就在附近一帶物識、正當走到“角祥街“ 遇見一間小麵店~慶麵~主打是上海麵食、他面積不大但整潔企理、開放式廚房、店員招呼週到、我們點了……一) 菜肉雲吞湯二)麻醬鷄絲冷麵三) 生煎胡椒包四) 紅油抄手雲吞湯底有濃濃魚的鲜味、雲吞皮薄而“滑脱脱“餡料肉質鲜嫩多汁、附上豆腐卜和蘿蔔吸收了湯的味鲜甜無比！麻醬鷄絲冷麵……面層鋪满翠綠的爽口青瓜絲、底層是混合了濃香麻醬的鷄絲和口感彈牙的油麵、每樣材料都配合得宜、整碗麵是……色香味俱全、真是夏日的好選擇！生煎胡椒包……好精緻呵~皮薄、包底煎得金黄鬆脆、肉餡鲜嫩多汁、滑溜溜的、食落甘香鬆軟、有濃香而少辣的胡椒味！很啱個人口味！红油抄手……初时都擔心會好辣、誰知一試即愛上！(抄手即雲吞是四川料理、是將雲吞配以辣油為主的菜式) 雲吞滑溜溜、醬料有紅椒粒、葱、蒜花椒、麻油、醋、醬油……等等混合而成、口感層次感豐富、那種麻而不辣的感覺令你好想一吃再吃！可借我太飽了……下次我會再耒試其他'的抄手！實在太有魅力啦！！以上的麵食與點心造得相當精緻、體會到厨師很用心調配出適合香港人口味的菜式、小小麵店造出不平凡！

大角咀區一向臥虎藏龍，有水準的食店比比皆是，這天在大角咀閒逛，無意中發現工廠區這間小店，門面企理，價錢親民，遂入去一試。餐廳裝修風格頗為獨特，明明是賣四川和上海食品，但店內卻掛了不少西方電影海報，餐具亦走簡約主義風，感覺新潮，一點都不老套。最有『性格』的是餐牌只有兩頁，食物選擇甚少。我們二人點了一款招牌點心、一款雲吞、一碗拌麵、一碗冷麵，已經幾乎把餐廳的食物類別全部試齊。 雖然餐廳選擇不多，但每款食物質素都叫我們驚喜。麻醬雞絲冷麵($34)天氣熱就連主食都想點一些冷，冷麵共三款，毫不猶豫就點了我最愛的麻醬雞絲。作為麵店，這兒的麵質彈牙有勁，口感不俗，配上大量青瓜絲和雞肉，清新又健康。不過，麻醬下得非常少，完全不夠撈勻整碗麵，以致麻香欠缺，幸好向店員要求添加後味道即時豐富多了。麻辣擔擔拌麵($34)一上桌我就立即把醬汁撈勻，令每根麵條都沾上醬汁，醬汁帶點辣，還有蔥油香及麻醬香，卻不覺油膩。麵條依然甚得我心，帶少少韌性，質感爽彈不糊身，加上惹味香濃的肉碎，十分好吃。這兒的麵食份量尚可，不算太少，但又不至於會飽到食不下其他小食。生煎胡椒包($33)即點即整，所以成品上桌時都新鮮熱騰騰。觀其賣

今日黎左大角咀 一個勁少去既地方 因為唔熟呢個地方 所以上左openrice睇下有咩好野食 睇睇下就揀左慶麵今次叫左紅油百花抄手$42 同 麻辣擔擔拌麵$34先講講紅油百花抄手 同平時食開單純得啖啖肉味既紅油抄手唔同 可能係因為加左魷魚同鮮蝦 令呢道菜更有口感又彈牙 辣得黎唔會食到成嘴油既感覺 個麵既口感認真幾正 彈牙得黎每條麵又有結實既口感唔會胡埋一堆 肉碎入味得黎有食到小小辣 呢個價黎講可以話係物超所值其實呢間麵店個餐牌上面有既野食真係2眼睇晒 但食完之後我明白到 其實一間食店如果做出黎既野係好食既 都唔一定要搞咁多花臣 單單係精於做佢地專做既野已經好夠 下次又黎大角嘴時一定會再食過

坐落大角細細既上海店 , 主要食上海慶麵。百花雲吞慶麵 50 蚊上層有炒過題葱花 配以豆卜同水餃， 底層有蘿白 而中間就係黃色既上海麵， 整碗麵既湯底十分鮮甜不肥膩 濃得黎十分開胃，上海麵 麵形狀圓身 厚實爽口 底層蘿白煲到好林同好清甜， 當然豆卜十分軟林， 最正係個餃 係魷魚同花鮫既餃黎 十分彈牙， 同有鮮甜味既湯底十分夾！麻醬雞絲冷麵 34 蚊麵身同慶麵一樣 黃色既圓條麵 上面配以青瓜絲絲 切得好碎增加口感 同咪雞肉軟滑 應該係雞脾肉 配以胡麻醬 食得出係 沙律同wasabi醬合埋一齊 辣得黎又有d麻 同甜 幾適合配冷麵一齊食！小籠包 4 粒 34 蚊小籠包偏細 皮十分薄 用筷子夾上黎時要夾上部以免汁漏出黎 點以少少黑醋 一齊食 一咬落去 勁多肉汁從包皮爆出黎 肉汁同包皮十分match, 豬肉亦十分軟滑 名符其實既皮薄ham*靚！麥麻排骨配甜醬 26 蚊排骨用左梅頭肉 所以肉質肥味 用麥皮同茨粉一齊炸過既排骨 出面脆同林既口感都有 十分有層次感 而入面既肥肉十分juicy推介!爆汁窩貼 3 粒 30 蚊窩貼大大件 低部煎得脆皮十分出色， 而入面係勁多肉汁 同咪有好多juicy 既豬

小龍飽: 新鮮豬肉醃制，皮薄餡靚，豬肉計非常鮮甜可口，從皮邊咬一小口，然後呷一小啖豬肉計，熱騰騰但不燙口，手工巧妙。紅抽抄手: 具四川風味，麻而不辣，麻痺着味蕾，加陷料新鮮，用蝦新鮮制作。麻醬雞絲冷麵: 麻醬用了上盛既花生磨成，加上沙香左既芝麻，配上喬麥麵，一流，略嫌雞肉太厚

黎依度完全係一時興起! 係同朋友行行下街餓餓地，見到有間賣麵食既鋪頭，覺得可以一試，於是就入左黎，估唔到尋到寶! 兩條友，都唔係好大食，於是喊左個胡椒生煎包，同埋一個招牌慶麵! 招牌慶麵最引入注目既，就係面頭一小撮炸蔥! 雖然唔算好脆口，但都幾香! 而雲吞，就唔係平時食開既豬肉雲吞，而係有魚肉餡，所以個味道格外唔同，有多啲鮮味，感覺特別! 麵條同湯底相比起雲吞同埋個炸蔥就有啲失色，但都係水準以上! 但今日最最最大既驚喜係生煎包! 因為真係好脆口，同埋一咬落去即刻有肉汁飛濺出來! 平時食開既生煎包就算做到脆同埋肉汁，但皮多數幾厚，但依個生煎包真係皮薄，脆口，肉汁，餡足，全部做齊哂，真係好正! 一定可以排入我生平食過最好既生煎包既top 3，不得了!

香港大型商場裡一間二間都是連鎖餐廳，想要尋找隱世美食其實你只有一條路可走，離開冷氣強勁的商場，走入大媽絕跡的橫街窄巷吧。慶麵與奧海城其實只隔兩、三條街，店面小巧玲瓏但整齊有序，不似一般上海小店般要食客背對背你推我撞。餐牌上的食物選擇確實比較少，不過一間出色餐廳應該專注做自己擅長的事，正如蔡瀾所言：『用心做的食物一定美味』，三心兩心甚麼都做的話反而會反艇。麻辣擔擔拌麵 $34這裡的麵食全是特別訂製，質感獨特，雖則外表似冷麵及油麵，但其實口感爽口又有彈性，配合拌麵的靈魂精髓麻醬及早已入味非常的肉碎，是一個水準不錯的拌麵，當然我希望麻辣滋味更強一點。百花雲吞慶麵 $50所謂「百花齊放、百家爭鳴」，這碗百花雲吞慶麵也一如其名地豐富多彩。置於中間的京蔥絲香味四溢，與乳白色的鮮蝦雲吞和金黃色的豆卜三國鼎立，配合鮮甜的湯底，味道濃郁又多汁，令人回味無窮。小籠包 $34小籠包的材料其實並非甚麼矜貴之物，不過就是麵粉皮跟豬肉餡，但經過師傅一隻巧手處理，就成了隻隻外型一致的藝術品。上檯時每隻小籠包都熱辣辣，不想辣傷口腔的話，還是讓它們放涼一分鐘較好。我食小籠包習慣原隻放入口，讓鮮甜肉汁在口中爆破，不會浪費

自從上次同阿妹黎過之後就從此喜歡來這兒。一。睇住師父係開放式廚房製作，安心食用又寧舍新鮮地道。二。小籠包價錢相宜，合理基礎上，食物美味到家。三。多款爆汁系列都深得我心，噴射式的香濃味，一試難忘。是日同bibi專誠過大角咀朝聖，想帶他也去一嚐這美味。未食二人先讚嘆用醋寧舍香濃，引誘著我未吃先嚐汁。小籠包34x3黎呢度食既核心價值，黎呢度唔食就走寶。熱騰騰的豬肉不是結實得帶肉腥那種，而是豬肉準成得恰好份量，汁又夠多，一口一滋味，正確最無得輸食法係：等小籠包温度微降後，整顆放入咀裏，外皮蒸得已全熟透，一定要有功夫才可做到，筷子易於夾起而又不穿，媲美大品牌餐廳外，有服務卻無加一，化算呀。紅油百花抄手42這個比平時吃到的紅油抄手多了一份鮮味，皆因材料用上蝦同魷魚，令肉質增加口感，混上鬆軟的豬肉， 彈牙兼爽口。亮點在於微辛的醬汁，辣得來沒有太油，但卻提升了味蕾的刺激，有驚喜bor!生煎胡椒包33此道實為生煎包的變奏，熱氣逼人的生煎包煎得外面香口脆脆的，入面內軟肉涵適中，豬肉香濃又加入左胡椒辛辣既元素，令豬肉的結實不致厚重油膩，胡椒的味道甚為出色，邊吃邊嚐到香辛，每口都能看到粒粒胡椒tim，非常惹味

走在大角咀的工廠區內，一餐都是較細的快餐店，突然在無人的街上，看見一間餐廳光明舒適的麵店，就讓我停步下來，細看之下價錢也相對較為平民。在等候美食之時與店員閒談，慶麵的主廚原來是老闆，把父親做麵的精神延續下去，並加以改良。再加入一些上海小吃，和自創小吃和麵食，成為今天獨特的慶麵。確實食物選擇也不算多，但食物質素和味道絶不會讓你失望的慶麵，還有下午茶餐，外賣自取還有折扣優惠，適合於附上工作的人，來一份下午茶也是不錯的選擇。有幸我能在價格調整之前能品嚐一次，算是我走運了。************************慶麵位於大角咀工廠區內的祥街地舖，位置不是常常有很多人經過，所以前來都感覺路上有點冷清。已經過了午飯，來到餐廳剛好沒有什麼客人在。餐廳環境都很光明舒適。餐廳之內還有推介些較為特別的美食，單看圖片也很吸引。在門外放了很大的餐牌，包括了午餐和下午茶餐之選，價錢由HKD22起，確實都是經濟之選。外賣自取還提供9折，外賣滿HKD60還可以免費送貨餐，所有餐食都包簡單的飲品，也是不錯。沒想到買了那麼多小吃，每款小吃都用上一個盒放存，然後把所有美食放在袋內帶走，很方便整齊。把所有食物取出來

小店主打以日式手法做中式麵食🍜，除左麵食特別之外，自己真係好推介佢地既胡椒生煎包，煎得金黃脆香之外😍，一啖咬落去好滾燙既湯汁真係爆晒出黎💦，食到差啲辣親個咀😂。胡椒味好重，食到尾仲食到有啲辣，加上小小香蔥，呢個胡椒生煎包真係唔錯！

星期六放工後同媽媽過左大角咀搵食見到呢間小店 隨意入去試下可能落雨再加上唔太就腳 人流唔夠太多 媽媽㨂左麻辣擔擔拌麵 香氣十足拌好後入口果真夠晒麻辣 肉碎超入味粗麵條十分爽彈 但麻椒碎有點多 我嘅百花雲吞慶麵 相對下比較清湯底有蝦米同九菜味 麵上係烤好嘅京䓤絲重有豆卜同雲吞 豆卜吸晒湯嘅味道百花雲吞裡面係蝦同肉碎 彈牙又有咬口👍🏼我地加左小籠包 即叫即蒸 熱辣辣皮算不上太薄 但裡面嘅濃湯真係不得之了👍🏼重有爆汁鍋貼 一口飛晒出黎 勁爆汁😂大大隻鍋貼煎得十分香脆 豬肉餡完全被濃湯包圍住 好食👍🏼埋單大約$150 再包兩罐汽水 都算抵食😁