憶食尚臘味煲仔飯

營業中

休息中

憶食尚臘味煲仔飯．五常米飯焦香脆，用料鮮味滿分今日介紹呢間餐廳叫「憶食尚臘味煲仔飯」，喺佐敦文匯街22-24號，位置唔難搵。呢間餐廳主打廣式臘味煲仔飯，其他配菜同特飲都好有特色，最重要嘅係用料非常新鮮，每碟都可以食到用心嘅味道。廣式臘味煲仔飯用嘅係上等五常米，煮出嚟嘅飯真係粒粒分明，夠香夠滑，最驚喜嘅係飯焦，鍋底煎到啱啱好，唔會過火燶但又好脆，每一啖都充滿焦香味，呢個係地道煲仔飯迷最想搵嘅口感！臘味嘅質素都好高，香腸、臘肉、鴨肝腸味道濃郁，鹹香入味，配埋嗰碟飯，齋食飯已經夠滿足。個煲仔飯份量恰到好處，唔會過飽但又好有滿足感。黃金蝦真係一上枱就勁有睇頭，金黃色嘅蝦炸到香脆，但係入面依然保持嫩滑多汁最重要嘅係佢有鑊氣，即係蝦唔係淨係炸過而係喺上碟之前用猛火快炒，保留到蝦嘅鮮味同鮮甜感無論係口感定係賣相，都係高水準嘅演出，食完真係有種「再黎一碟」嘅衝動瑤柱蝦米雜菜煲呢道菜就非常適合去平衡一下煲仔飯油膩瑤柱同蝦米本身鮮味十足，煲煮出嚟嘅時候已經聞到陣陣香味，最特別係蔬菜煮到啱啱好，夠嫩而且保留咗原味，配埋瑤柱嘅鮮甜，呢道菜雖然簡單，但味道層次豐富真係食落去感覺非常清新正正係發揮到解膩、調和味蕾

❤️菠蘿咕嚕肉醬汁酸甜，令人胃口大開！咕嚕肉外脆內嫩～😋除了菠蘿還有紫洋蔥、燈籠椒等配菜，十分豐富！燈籠椒🫑有紅黃綠三隻色、配上紫色的洋蔥🧅，看起來很美觀～😍可謂是色香味俱全！👏🏻❤️時令蔬菜可選白灼/蒜蓉/上湯。時令蔬菜揀左菜心同上湯。蒜片、瑤柱絲、紅蘿蔔片等配料，令菜心入口好香～菜心夠鮮嫩爽脆👍🏻。❤️香菇鮮滑雞煲仔飯雞肉新鮮嫩滑～加上香菇很香口～上枱時侍應很貼心地替我們倒進少許頭抽用匙羹撈勻👍🏻。近煲底的飯有少少香脆飯焦，很正的煲仔飯😋。食完煲仔飯飲番啖菊花茶熱氣全消～🥰❤️嗌左杯特飲入面有菠蘿汁、紅莓汁、橙汁再加雪碧，酸甜開胃，加埋雪碧爽呀！🤩

如果平時朋友話去食煲仔飯，我一定換套運動衫同鞋，因為預左d地d台d餐具都係好油咁，運動衫返屋企容易洗。但係竟然比我搵到裝修好似老香港，空間寬敞，幾張台之間有屏風，煲仔飯d飯同臘味都好食，服務態度超好，又舒服又安靜又有情調嘅餐廳！服務員係咁行過來睇仲有咩可以服務，換餐具，加茶，幫手整松d飯。推薦廣味臘味煲仔飯同四季豆炒雞脾菇。飯焦脆脆哋，唔會好硬。四季豆同菇都入味。唔知係咪改進左，總之就係非常滿意。

🍲廣式臘味煲仔飯🍲叫左兩人份量嘅煲仔飯，一上枱就見到份量好多，足夠2-3人食都得。材料用上自家製臘味（臘腸、腊肉、臘鴨）打開嗅已經覺得好香，當職員幫我地加入蔥花同鼓油 再撈勻之後，更加色香味俱全。白飯吸收了臘味嘅油脂鹹香味，令人停唔到口🫢🫢🍤黃金蝦球🍤蝦球大大粒，外皮炸得脆脆再沾上鹹而不膩的鹹蛋黃醬，配上一碗白飯 最適合不過🥬薑汁炒芥蘭🥬薑汁味重，最重要係佢只會炒芥蘭莖🫢岩晒我呢啲唔鐘意食菜葉嘅人

✨ 朋友介紹我去億食尚午餐，位於舊佐敦道碼頭，有樓上樓下兩層，坐位闊落環境很不錯。***** ***** ***** ***** ***** 香菇🍄滑雞煲仔飯🍚有別於以前食過嘅煲仔飯，香味濃郁，雞件軟腍，豉油味甜甜哋。甜蜜咕嚕肉🥓好耐無食過有拉絲效果嘅咕嚕肉，味道很不錯，每舊咕嚕肉都裏滿醬汁，酸甜適中撈飯一流，口感外脆內嫩。小炒王🥬小炒王係大排檔檔嘅鑊氣指標，主要用咗韭菜、蝦乾、魷魚、魚仔，食材唔複雜，但炒起嚟好考功夫；這碟小炒王夠晒鑊氣，韭菜油亮爽嫩，蝦乾惹味，原來仲有脆卜卜腰果。

【佐敦•憶食尚臘味煲仔飯】@ππππππππππππππππππππππππππππππ香噴噴熱辣煲仔飯廣式臘味煲仔飯秘製xo雞脾菇四季豆瑤柱上湯田園時蔬廣式臘味煲仔飯經典的廣東美食，將香腸、臘肉和其他臘味與米飯一同煮製而成。在這道菜中，米飯吸收了臘味的煙熏香氣，外層微焦的米飯底部更是脆口可口，令人垂涎欲滴。每一口都能感受到臘味的濃郁與米飯的柔軟，口感豐富。秘製XO雞脾菇四季豆組合非常出色。XO醬的香辣與雞脾的鮮嫩交融，為這道菜帶來了豐富的層次感。四季豆的脆口和菇類的滑潤，增添了口感的多樣性，讓人每一口都能感受到不同的風味。瑤柱上湯田園時蔬是一道清新而健康的選擇。瑤柱的鮮甜味道與高湯的鮮美結合，讓整道菜的底味更加深厚。各種時蔬如西蘭花、胡蘿蔔和菠菜等，不僅顏色鮮豔，還保留了蔬菜的原汁原味。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 488✨✨✨✨✨✨✨✨✨✨✨✨✨#佐敦美食 #憶食尚臘味煲仔飯 #web3佐敦憶食尚臘味煲仔飯 (佐敦)佐敦文匯街22-24號地下2-4號舖

憶食尚臘味煲仔飯近港鐵柯士甸站，交通便利。餐廳的裝潢以中式元素為主，營造出溫馨舒適的用餐氛圍。每張枱都用屏風隔離私隱度高。餐廳的臘味均由自家工場製作，不添加防腐劑和化學物質.以其獨特的臘味煲仔飯聞名，吸引了許多食客前來品品嚐。//廣式臘味煲仔飯臘腸、臘鴨和臘肉經過烹煮後，釋放出濃郁的香氣.米飯吸收了臘味的油脂和香氣，變得更加香濃。米飯粒粒分明.有嚼勁.整體口感是香、脆、嫩、滑的完美結合，煲仔飯的鍋底有一層金黃酥脆的鍋巴，這是許多人最喜愛的部分。鍋巴的口感酥脆，帶有一點焦香味。我選擇加入上湯煮沸。變成湯飯。非常香。每一粒米都不會浪費。非常適合在寒冷的天氣裡享用。//芥菜排骨煲排骨經過長時間燉煮，肉質變得非常軟嫩，芥菜煮至軟爛，帶有一點點的苦味，但這種苦味與湯的鮮甜形成了完美的平衡。芥菜的梗部脆，葉部柔軟。還有很多黃豆軟爛，口感綿密。湯底：湯底吸收了排骨、芥菜和黃豆的精華，味道鮮美且清甜。//甜蜜咕嚕肉醬汁的酸甜味道均衡.咕嚕肉的外層形成一層金黃酥脆的外皮。豬肉保持嫩滑多汁。青紅椒的脆爽和菠蘿的甜美與豬肉完美搭配。

早兩日朋友搭高鐵落嚟香港玩，佢住佐敦個頭。咁就柯士甸站行過去好方便，途中見到有港式煲仔飯，朋友話要去食😂😂#酸辣萵筍土豆絲 - 叫咗個土豆絲做前菜，份量好多酸酸少辣既。土豆絲好爽口😋😋#芥菜排骨煲 - 叫多咗個菜食，佢係原煲上既熱辣辣，排骨都好多而且唔會過瘦👍🏻#廣式臘味煲仔飯 - 係今餐最想食既野嚟，佢臘味有哂咁多款 - 臘腸、臘肉同埋臘鴨。臘腸好香唔肥仲有啲油香🤤🤤臘鴨同臘肉令到個煲仔飯更加香最後點少得煲仔飯既重點飯焦先得㗎，店員見我哋整緊，佢主動幫手刮啲飯焦出嚟👍🏻👍🏻朋友食得好開心，我都好耐冇食過煲仔飯啦🤫

連餐廳名都有煲仔飯三個字，果然係招牌！連臘味都係自家工場生產，嚴選食材😼 慢工出細貨，煲仔飯製作需時約20分鐘，上菜時由店員加上醬汁同撈飯，調味份量啱啱好😍 ✨港式臘味煲仔飯 $177臘腸入口甘香，醬油唔會太甜。靈魂係米飯，粒粒分明，油潤感恰好，口感極佳！每啖飯都充滿臘味同蔥香，令人一口接一口，完全冇膩感🤤 雖然價錢比坊間煲仔飯貴，但味道確實幾出色！✨甜蜜咕嚕肉 $127一拎起舊咕嚕肉，牽絲效果出色，甜甜而且啖啖肉。✨四季豆乾煸雞髀菇 $127蔬菜口感較軟，香辣同重口味之選。✨芒果特飲 $38特飲清爽而不甜膩，適合炎炎夏日。

有冇人同我一樣，要食粥粉麵飯先開心？如果你都係嘅話，不妨去試吓憶食尚臘味煲仔飯。餐廳枱同枱之間都幾有私隱度，座位舒適。廣式臘味煲仔飯（$177）：有臘肉，油鴨同臘腸。即叫即做，熱辣辣香噴噴咁上枱。職員仲會喺你面前加埋豉油同芫荽蔥（會問咗你食唔食芫荽蔥先）。飯焦唔係黑色嗰啲，而係脆脆金黃色嘅。甜蜜咕嚕肉（$127）：個芡汁調教得幾好，甜甜酸酸咁幾開胃。芡汁仲有拉絲嘅效果。娃娃菜（$87): 呢個娃娃菜係用上湯整嘅，上湯入邊加咗菜譜同蝦米，令到原來普普通通嘅上湯娃娃菜，增加咗味道層次。唔錯。士多啤梨特飲（$39x2杯）：夏天真係想飲返杯凍嘢飲，呢杯士多啤梨特飲外型好得意，啱晒打卡。

雖然天氣仲係好熱，但係都突然間想食下煲仔飯，搵到間服務同餐廳環境都好好嘅煲仔飯。煲仔飯都有好多種類，今次試廣式臘味煲仔飯。入面有臘肉、臘腸、臘鴨三樣嘢，一上枱就見到排得好整齊好靚，未食都已經覺得好正臘肉超好食喎，真心好高質。見到臘肉咁多肥肉但係真係食落口一啲都唔油膩，唔會好明顯咁覺得自己咬到嚿肥肉，係會突然間成個口充滿油香，超正！臘腸正常，臘鴨嘅鹹香都好正，一咬臘鴨就送到好多啖飯，個飯亦好有水準，煲到粒粒分明架飯焦上埋個芥菜排骨煲，都算好濃味喎，排骨大大嚿、菜都煲得啱啱好，我哋成煲食晒連湯都飲晒

我覺得真係香港最好吃噶煲仔飯餐廳。港式臘味煲仔飯，料超級足，臘腸二肥八瘦，個人覺得偏甜。臘肉真係正！完全香而不膩！加上調配過噶醬油，攪勻後的飯焦真係超級好吃！黑松露雞煲都好好味！雞肉特別滑嫩，香氣十足。

這家菜館以煲仔飯馳名，故此煲仔飯的質素有保證！廣式臘味煲仔飯即叫即煲，需等候一些時間，上枱時非常炙熱，聲、色、味俱全！臘味潤澤，臘腸帶酒香，煲底的飯能結成飯焦，侍應生會幫忙起飯焦，合喜歡吃飯焦的。瑤柱蝦米雜菜煲是個人最喜歡的菜式，是足料健康之選！瑤柱和蝦米份量多，湯底清甜，幾近不見油，湯在喝後沒有口渴的情況，證明真材實料，沒有加味精。黑松露雞煲與煲仔飯一樣，都是先聲奪人，煲未至已聽到那炙熱的聲音，相當有鑊氣。雞件入味嫩滑，唯一缺點是有碎骨，如有長者或小孩需要特別當心。室內環境雅致且有高身屏風阻隔，私隱度高、距離感強，喜歡！

一入去餐廳 就聞到好香嘅煲仔飯香味 真係令人食指大動呀🤤🤤🤤✧ 雜果梳打（$39）梳打夠氣 唔會太甜 飲落好freshing 另外個飲管裝飾好特別有公主請發財同公主請開心引發咗同個friend對於人生哲理嘅討論😂✧ 甜蜜咕嚕肉（$127）我哋叫咗個甜蜜咕嚕肉做小食 咕嚕肉炸到外脆內軟 酸酸甜甜嘅醬汁控制得剛好非常開胃好快清碟✧ 芥菜排骨煲（$137）湯底好濃郁 好重胡椒味 啱哂驅寒飲落去好暖胃 排骨炆得好腍好入味 芥菜都好正 吸收哂啲湯汁好好味🤤✧ 廣式臘味煲仔飯（$177）期待已久嘅煲仔飯終於嚟啦 一打開個煲蓋 就聞到好香嘅臘腸香味 飯焦金黃色又香又脆 真係好吸引臘味都好出色 又肥又入味 唔食得辣嘅朋友仔揀呢個就perfect最appreciate店員幫手倒豉油撈仲要計啱timing幫我哋起飯焦✧ 茶介（$15/位）有4款茶揀 我哋今次揀咗菊花 貪佢夠清香清甜解膩其實好襯煲仔飯總括嚟講食物質素真係幾好環境都幾舒服 遲啲再涼啲一定會再嚟～

自從去過廟街食又貴又難食的煲仔飯之後，我成日周圍去搵邊到有好食的煲仔飯。想試左呢間好耐，今次終於的起心肝過去食，好近柯士甸站，佐敦行過去就遠啲。必點。廣式臘味煲仔飯！用料靚，有廣式臘肉，廣式鮮肉蠟腸同埋南安板鴨，好香的臘味，待應會過來幫你加葱花加油再撈，特別一讚係飯焦，好香脆。甜蜜咕嚕肉。中意食咕嚕肉的話值得叫一份，因為佢係拉絲，個糖香做得結身，裹上件咕嚕肉。我哋再叫咗個炒芥蘭，好重蒜香，而芥蘭切到一片片，食到芥蘭，平時嗰種苦澀之外，仲帶嚟點點甘香。餐廳環境好舒服，係一家人食飯嘅好去處。