憶食尚臘味煲仔飯

營業中

休息中

一家聞名已久，以煲仔飯馳名的中菜館。點了三項食物，必點煲仔飯。廣式臘味煲仔飯即叫即煲，大約需等候15-20分鐘，上枱時非常炙熱，香氣撲鼻。整體上臘味潤澤，唯一稍嫌分配到的臘鴨位置屬少肉部位，個人認為廚子應留意臘鴨位置的優劣，公平分配予客人，部份少肉、部份多肉會更合理，更能令每位顧客理解及感到滿意。甜蜜咕嚕肉一如其名，咕嚕肉蜜甜，肥肉不多，炸粉薄，美味！瑤柱蝦米雜菜煲是足料健康之選，瑤柱和蝦米份量超多，每口都有，湯底清甜，幾近不見油，個人非常喜歡這健康雜菜煲，喝後亦不覺口乾，證明真材實料，沒有加味精。室內環境方面，坐在地面層，沒到樓上查看。地面層的枱與枱之間有雅致且高身的屏風阻隔，私隱度高、距離感強，非常喜歡。服務方面熱心、勤快。當煲仔飯吃到尾聲時，侍應姐姐會主動過來幫忙起飯焦。

天氣轉凍就諗起想食煲仔飯，朋友介紹咗「憶食尚」，話佢哋嘅臘味全自家製，用嘅米都好講究，咁就一於去試吓，一入到去已經眼前一亮，兩層嘅店舖裝修高雅又彩光度高，感覺已經好舒服，佢哋嘅茶亦都有好多選擇，小有地居然有玄米茶，一於試吓，意料之外地又香又好飲🤩試咗廣式臘味煲仔飯- 打開已經又香又吸引，入面有臘鴨，臘腸，臘肉，服務員非常貼心，會先幫我哋落芫茜、葱同豉油，攪好就比我哋食，佢哋嘅臘腸真係要讚，用咗黑毛豬豬肉同茅台酒製成，有肉香亦有酒香，食到咁上下，服務員仲會過嚟幫我哋整起啲飯焦，平時都鍾意食，不過確實好難鏟起，佢哋呢個服務真係好like，令人食得好滿足🥰黑松露雞煲- 呢個雞煲又係要讃，雞炒得嫩滑，再加上黑松露，高貴得嚟又惹味，真係要試乾貝柱上湯浸菜心- 菜心用最嫩嘅部份，上湯有元貝，蝦米，蒜片，鮮甜美味總括嚟講，呢間煲仔飯真心做得出色，連小菜都做得有水準，而且服務好，要食煲仔飯一定會再嚟👍🏻

廣式臘味煲仔飯（2人份）$177即叫即制嘅煲仔飯，熱騰騰上枱，賣相好靚好豐富👍🏻臘味係自家工場製造；臘肉同臘腸係用茅臺酒➕土黑豬鮮肉➕頂級醬油製成。而臘鴨係好出名嘅「南安板鴨」。臘腸酒香味濃，肥瘦肉比較幾好，有肉鮮味又唔油膩💯💯💯臘肉帶酒香，仲好腍身，一向唔太好臘肉，呢個絕對係食過最好食嘅臘肉💯💯💯臘鴨肉好有鹹香，皮薄肉嫩，連骨都夠香夠入味，好味😋😋飯一樣咁精彩，用「南安板鴨」同黑土種植嘅五常米大火煮，米飯乾身又滲滿臘味油脂，火喉啱啱好，飯焦金黃脆卜卜，加埋芫茜、葱同秘制醬油，必食💯💯💯鮮醃鯧魚 $117睇落簡簡單單，魚肉嫩滑又肥美，冇乜細骨，鹹味醃得啱啱好，冇蓋過魚鮮味💯💯瑤柱蝦米雜菜煲 $117湯底真材實料，有瑤柱、蝦米、蒜片等等，完全冇無味精，仲要好鮮甜。菜好嫩，應該有挑選過嘅，煮得完全剛剛好，唔會過腍💯💯店內裝修簡潔，座位舒適闊落，店員好親切好有禮貌👍🏻仲有臘味同即食包裝可以買走帶返屋企，讚👍🏻👍🏻好食，推薦💯💯💯

佐敦八文樓一直有好多隱世美食！好多都歷史悠久，價錢又公道。憶食尚煲仔飯，門面同餐廳好靚！冬天又到，咁凍真係唔想喺條街到食煲仔飯，憶食尚絕對係舒服食地道香港煲仔飯既好選擇！1️⃣ 廣式臘味煲仔飯一開蓋啲臘味香氣撲鼻飯底微微焦香臘腸同潤腸好香臘腸臘肉入口嚼勁十足肉汁滿滿，咸香而不膩滋味濃郁飯粒吸收啲甜豉油汁充滿着滿滿嘅臘腸香味飯焦十分香脆絕對係正宗嘅香港味道2️⃣甜蜜咕嚕肉肉質半肥瘦，鮮嫩多汁啲醬汁帶甜帶酸香脆的外皮一咬，滋味香甜可口3️⃣瑤柱上湯田園時蔬滿滿的瑤柱同蒜蓉鋪滿菜面鮮香濃郁，湯頭清鮮滋味豐富菜心保持脆嫩，給人一種清爽的感覺融合了鮮美的海味和蔬菜的自然甜味❇️總結❇️✨座位舒適✨服務周到✨正宗香港懷舊味道👍🏻

📍 憶食尚臘味煲仔飯（佐敦）臨近步入冬季，秋風起爽當然要食返個煲仔飯臘腸、潤腸煲仔飯唔少得🫕呢一間餐廳裝修好優雅，又帶點豪華感茶類可以揀菊花，玄米茶等。菊花比較清新，又正氣，我最愛😍另外，店內仲設有臘腸買，番到屋企都可以食到臘腸飯🥢🔸廣式臘味煲仔飯即叫即用炭火煲既煲仔飯夠哂火候，材料好足臘鴨、臘肉、臘腸，好豐富臘味滲透落每粒飯粒，好夠味。再加專屬煲仔飯既鼓油，令整個飯更昇華～🔸芥菜排骨煲熱氣騰騰的排骨煲，香氣四溢，誘人入胃。咬一口，酥軟入味的肉質，配上濃郁的湯汁，讓你回味無窮。選用新鮮的排骨和多種配料，慢火熬煮，讓每一滴湯汁都融入排骨同芥菜中，使其味道更加鮮美。🔸鮮醃鯧魚簡簡單單嘅清蒸魚，蒸魚香油係必備鯧魚鮮甜，冇乜細骨，肉質嫩滑加少少姜絲同蔥讓整道料理更美觀～

本身約左人喺呢度交收 所以揀左黎佐敦食飯🤣✨港式臘味煲仔飯 (二人份） $177係比平時嘅煲仔飯大兜啲 不過兩個人食完都唔會飽晒 可以加啲小菜嘅😂 有臘肉 臘腸 臘鴨 食之前職員會落蔥 鼓油同芫荽 佢會事前問定我地食唔食呢啲野 唔食就可以話佢知 佢幫我地撈好之後就可以開餐😋😋 臘肉差唔多有八成都係肥膏 兩成係肉 🤤 臘鴨都好鹹香 臘腸入面有啲酒味 全部都好正 😆 個飯吸收晒佢地啲油脂香 仲有加埋啲飯焦香都好好食👍 ✨瑤柱上湯田園時蔬 $97有娃娃菜 菜心 芥蘭揀 我地揀左菜心 好清甜 上面有啲蒜片 瑤柱咁都好香👍👍🫖茶介 $15*2總括黎講味道都唔錯 同埋係估唔到佢個格調係幾雅緻 本身仲以為係茶餐廳格局😂😂 坐得好舒服 服務都好好 職員會幫手剷飯焦 加水都加得好密💰晚餐人均～$170(收+1)

步入深秋,天氣漸漸轉涼,一碗熱氣騰騰的煲仔飯就能很好撫平肚子的寒冷,暖暖肚仔更是舒適愜意。最近我發現了一家位於柯士甸站附近的小餐廳,走出A出口不遠就可清楚見到餐店,交通位置極為便利。 這家小餐廳採用簡潔明亮的裝修風格,餐桌椅子同埋餐具都以精緻為主,營造出既寧靜開揚的用餐空間。餐桌之間以適度的間距擺放,放心讓客人享受美食的同時,也不致於過分擾近鄰,保有一定的私人空間。廣式臘味煲仔飯煲仔飯一開蓋就散發出滿滿的香氣,讓我瞬間口水直流。三種臘味材料烹調出的味道濃郁誘人,每一粒白飯都帶有豐富的臘味油脂。臘腸更加係用心製作,放入口中齒頰留香,味道成熟豐富。飯焦香口爽脆更是一絕,作為一名重視食材和手藝的美食控,這家餐廳在原料和調理上都堪稱典範,值得推薦給眾多美食追求者。甜蜜咕嚕肉三色甜椒和洋蔥配置得當,既增添了賣相的美覺,也為肉醬帶來了層次豐富的香氣。咕嚕肉爽脆彈牙,而醬汁更帶有淡淡的糖醋醇香。可以拉絲一直拉到最後,味道都能讓人回味再三,完全勾起食客的食慾。在舒適的進餐環境下,肚子和心靈都滿足不已👍芥菜排骨煲 芥菜維持著清新的青黃色,口感別出心裁地既不糊塌也不硬梆。排骨更是入口就化,同湯汁完美配搭。

【佐敦•憶食尚臘味煲仔飯】@bo_jar_fanππππππππππππππππππππππππππππππ佐敦特色煲仔飯小菜專門店 坐得舒服🌻｜港式臘味煲仔飯（二人份）｜HKD 177 用新鮮的香腸和臘肉製作的，口感非常綿密，入口即化。飯的香味和臘味的香氣融合在一起，米飯吸收了臘味的香氣，口味香醇，惹味十足。🌼｜芥菜排骨煲｜HKD 137一口入口，排骨肉質鮮嫩多汁，完全滲透了芥菜的香味，讓我嘴巴直流口水。芥菜煲裡的湯汁也十分美味，非常適合配米飯，整個菜色口感豐富。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 314✨✨✨✨✨✨✨✨✨✨✨✨✨#佐敦美食 #憶食尚臘味煲仔飯 #web3佐敦 #憶食尚 #佐敦煲仔飯 #煲仔飯憶食尚臘味煲仔飯佐敦文匯街22-24號地下2-4號舖

最近開始有啲涼意，除咗食蛇之外煲仔飯亦係一個唔錯嘅選擇，講開煲仔飯自己鐘意食呢間。今次同朋友一行兩人嚟到，餐廳係地鐵站附近，行過嚟大概十分鐘左右，而且附近仲有公眾停車場，所以交通非常方便。黑松露雞煲 ($167) : 除咗食煲仔飯，重叫咗個小菜過下口癮，打開蓋就已經聞到陣陣嘅黑松露味 😍 雞肉肉質嫩滑，配搭三色椒、洋蔥等配菜，味道濃郁又鮮甜，估唔到黑松露醬配雞煲呢個組合都幾正。廣式臘味煲仔飯 ($177) : 煲仔飯足夠有兩人份量，上枱後職員就會加入醬油同撈勻煲仔飯，服務非常好。每款臘味都好高質，臘肉同鴨肉鹹香味十足，臘腸亦油香滿溢，而煲仔底部仲有大量脆口嘅飯焦，呢個煲仔飯用色香味俱全嚟形容就最適合不過。瑤柱蝦米上湯時菜就咁睇落去似係普通菜式，但係入到口就知係另一回事，菜心爽脆不在話下，上湯用咗瑤柱、蝦米、薑片等等煮成，所以非常甘甜，估唔到普通一個菜都可以煮到咁出色。意猶未盡嘅話，仲可以買埋外賣返屋企嘆或者當手信送俾親朋戚友亦係一個唔錯嘅選擇。

一直睇openrice呢閒個煲仔飯好高評分 同埋環境都幾好 於是路過佐敦就黎試下 平日夜晚去得早唔需要排隊 不過走既時候大概8點幾樓下有幾多人排隊等緊 係一間樓上鋪 環境很好 座位都闊落 比較安靜 服務既姐姐同姨姨都好Nice 熱情推薦同介紹菜品 都建議我地提早落定一個煲仔飯先 因爲係即刻煲既 於是我地落左個特式臘味煲仔飯(中) $177有臘腸、臘鴨、臘肉，一黎到開蓋十分熱辣辣 撈埋豉油同埋臘味既油香 好香口開胃🤤芥菜排骨煲 $137好足料 湯底好清 排骨分量都好多 湯底好鮮美 飲湯一流櫻花蝦金銀絲 $167又係另一個煲 蛋絲加芽菜絲 撈埋櫻花蝦 最緊要夠熱辣辣 十分香口下飯反沙芋頭 $98全場最期待既甜品 真係好好味！宜家都好少地方可以食到呢味甜品 功夫菜品 雖然熱量有些爆錶 不過冬天正是堆積脂肪的好時候 不會覺得好膩 非常好味總體而言 每一道菜都是即整 熱辣辣 適合曬冬天日子 同家族聚餐 多人分享~

天氣開始轉涼，最適合食熱騰騰嘅煲仔飯😋今次揀咗一間位於佐敦叫「憶食尚臘味煲仔飯」食煲仔飯😍十分之有驚喜😚 餐廳裝修優雅舒適，每枱有屏障隔離，私隱度高👍🏻餐廳除堂食外，都有售賣臘腸和自家製煲仔飯🤩川味臘腸煲仔飯 $177必吃✅煲仔飯一上枱，店員會幫我地落芫荽蔥和豉油再攪拌，服務周到😝有臘鴨、臘腸和臘肉，臘味由港式茅台醃製，所以食得出分別，三七肥瘦，肉香好惹味，爆汁高！煲仔飯一粒一粒，火喉控制得好，飯焦香脆脆茄子排骨煲 $157一打開瓦煲香氣四溢，好吸引🔥軟嫩嫩的茄子，口感似小海綿，混合埋排骨肉香，惹味又香口❣️食完好暖胃，好滿足蔥花蝦球炒蛋 $167經典菜式😋蝦球數量多，每隻大大隻，口感彈牙爽口，配上軟熟嫩滑炒蛋和香蔥花，有口感，好食🤤最後我哋揀了玄米茶，味道香濃又有口感，消滯又可減低膩感😆配煲仔飯一流📍 憶食尚臘味煲仔佐敦文匯街22-24號地下2-4號舖

約朋友去油尖旺區食飯，多數會諗旺角、尖沙咀/油麻地，經常性忽略左佐敦既美食。今次執到寶，遇見一間乾淨企理、而且裏面設計幾靚既中式餐廳，仲要有兩層。人頭湧湧，lunchtime要等大約15分鐘先有位。每個座位隔離都有中國古色既屏風做遮擋，幾有自己私人空間👍🏻秋風起了，最適合食暖笠笠既煲仔飯，而呢到都有😍我recommend ⭐️。廣式臘味煲仔飯 ($177) ⭐️成個煲仔飯好大，大約兩人份量。未開始加入醬油既時候，打開嗅已經覺得好香，當職員幫我地撈勻煲仔飯之後，更加色香味俱全。上面既材料廣式鮮肉臘腸充滿油脂，臘肉有住濃郁既鹹香味，南安板鴨肉質非常實，但會越嚼越香。而飯底有飯焦，食落粒粒分明之外，更加好脆口，因為白飯吸收了臘腸臘肉香味和油分，一濃一淡，好滋味可口。。芥菜排骨煲 ($137) 湯飲落有少少甘甜之外，有少少辣口。排骨煮得好淋身，而且有唔少芥菜係湯裏面，飲完成個人好暖身之外，更加可以減低返頭先食煲仔飯既油膩感覺。。甜蜜咕嚕肉 ($127) 甜酸味好足夠，而且每粒咕嚕肉都好掛汁，直頭係啖啖肉，份量都好多，口感好有層次。。茶芥 ($15/位) 回頭指數: ⭐️⭐️⭐️⭐️食物質素: 🌮🌮🌮🌮服

天氣凍想食煲仔飯，喺openrice搵到呢間多好評，環境睇落又乾淨，星期六晚就去試下點知原來好多人去食，冇諗過要book位，餐廳又冇限時（其實係好事黎，唔洗食咁趕），所以要等好耐……我地6點9去到留電話，話7點幾左右應該到我地，但一等就等到8點都仲要等多幾張枱……一直到接近8點半先有得入座……附近又冇野行，好彩有兩張凳可以坐下……建議餐廳擺多幾張凳比等位嘅人坐入座前已經叫定廣式臘味煲仔飯（二人份），入座後等咗一陣就有得食但……等位等咁耐真係好失望！1. 侍應拎個煲仔飯上枱，一打開個蓋，竟然冇臘味香味飄出黎？！2. 臘肉臘腸臘鴨味道正常，但居然一啲油香都冇滲入飯入面!!!!!感覺上臘味還臘味，飯還飯，兩樣分開煮完之後擺埋一齊咁！煲仔飯叫臘味唔係就係想食臘味油香同飯撈埋一齊嘅感覺？味道試已經大扣分，失望！3. 啲飯生！好硬！味道唔好都算，連基本整熟都做唔到……4. 飯焦唔算多，但其中一邊嘅飯焦直頭又黑又碎到似鑊撈，唔係一塊塊，而係碎到一粒粒5. 份量少！又話二人份，但食完唔多夠飽呢到優點係乾淨企理，坐得好舒服，侍應有禮，廁所都整潔但唔好食，下次唔會再黎亦唔會推薦比朋友

秋風起，最好食乜？當然要食臘味，同最殘忍嘅飯，煲仔飯，我同老公咁為食，梗係要四圍搵好嘢食啦！🤣🤣🤣憶食尚臘味煲仔飯地址：佐敦文匯街22-24號地下2-4號舖廣式臘味煲仔飯 （二人份量）$167單睇賣相已經好吸引，佢有臘鴨，臘腸，同腦肉，上枱時，服務員哥哥會先幫我哋落芫茜、葱同豉油，我攪好比我哋食，如果大家唔食芫茜同葱可以同佢哋講，之後我哋就先食飯，仲有最香嘅飯焦，大家唔好咁急食，因為食到差唔多時，服務員哥哥會行過嚟幫大家整起飯焦，咁大家就可以慢慢享用成個煲仔飯，講真佢嘅臘鴨真係幾好食，連平時唔食嘅我，我都食咗好多，成個飯滿佈晒全部臘味嘅油香，加埋佢哋秘制嘅豉油，真係好食到唔停得口。😋😋😋辣子雞丁 $117唔算好辣同好咸，雞丁表面夠晒乾身，但肉質好juicy，要特別一提佢入面嘅花生，真係好好食，夠脆，又香，我哋食到真係冇剩。😆😆😆芥菜排骨煲 $117呢個真係冇得輸，連我老公最怕食芥菜同飲芥菜湯嘅人，佢竟然主動自己去食，仲要我整定碗湯比佢，等佢食完飯飲，講真呢個係唔係湯我唔知，但我哋連佢嘅湯都飲晒，一滴都冇剩，就知幾好飲。佢嘅湯超清甜，完全冇芥菜嘅苦澀味，仲有胡椒味，講真，我真係覺得排骨即

天氣開始轉涼，係時候食煲仔飯啦～朋友帶我去佐敦一間叫「憶食尚臘味煲仔飯」食煲仔飯😍。❤️廣式臘味煲仔飯用上南安板鴨、臘腸和臘肉三種臘味製成的煲仔飯，一次過滿足你三個願望！😍飯亦絕不普通！用上五常大米，口感似珍珠米，細細粒。侍應將蔥和頭抽倒入煲仔飯裏再用匙羹🥄拌均。煲夠晒熱，食到脆脆的飯焦😋。冬天食煲仔飯真係勁正！😍😋食完好暖胃，成個人暖晒～🥰最令我驚喜嘅係當我地就快食晒見到煲底嘅時候，侍應主動走過黎問我地洗唔洗幫我地加d湯落去令我地可以食埋d飯焦，我地估唔到餐廳竟然有提供呢d服務，當然立即說好👍🏻！嘩！重估唔到嘅係，煲仔飯再上枱時倒左d熱騰騰嘅湯，熱到食嘅時候爭d辣親嘴！除左煲仔飯，呢度重有好多其他菜式。❤️甜蜜咕嚕肉咕嚕肉的甜酸醬有「拔絲」效果，外脆內軟，很有口感。配上紫洋蔥🧅、紅黃綠色的燈籠椒🫑、菠蘿🍍等配菜，有菜有肉，色彩繽紛，色香味俱全！👍🏻👏🏻❤️上湯田園時蔬菜心十分清甜爽脆無渣👍🏻，浸在上湯裏十分入味，配上蒜片、蝦米和瑤柱，入口好香。茶位 $15/位嗌左菊花茶。打開茶壺🫖見到菊花鋪滿水面，好足料！花香盈腔～☺️食完煲仔飯飲啖菊花茶正好清清熱氣～👍🏻