成記牛什粉麵

營業中

休息中

係網上見到好多人都話依間牛丸好好味所以就黎左去度其實都係一般老舖既感覺去度叫左碗牛丸粗同埋炸魚皮炸魚皮好香脆牛肉食到似新鮮牛丸 但係可能我鐘諗彈牙d 所以就覺得一般般啦但係真係覺得衛生情況就係麻麻哋佢不停用一條用過嘅枱布不停周圍抹枱之後隔離啲枱上面啲垃圾呢因為擺番條枱布嗰張枱之後跌返去我張枱度之後佢抹完枱又唔洗手又用隻手去拿啲蔥花落嗰啲麵果度😣轉個頭佢又用同一隻手去拿嗰啲未煮嗰啲麵雖然食啲老少店預咗係唔會特別乾淨但係一間我真心覺得好恐怖

粒河係指“牛丸河”成日聽呢間食店嘅伙記落單叫粒河，緊係啦，佢哋最出名嘅係手打牛丸，牛丸裡面有牛根，食落有咬口，仲加入少量芹菜調味添。雖然好多老街坊覺得宜家嘅粒河走哂樣，但係同出面一般嘅粉麵店比較，都仲赢成個馬位。個人認為，此店食物質素的確無用置疑，但是待客嘅態度真係需要多加改善，可能佢哋已經打嚮名堂（喺父輩時或更早），認爲已經做到客似雲來，根本唔需要提供咩顧客服務。無錯選擇幫襯三幾十蚊粉麵嘅食客都唔會要求咩服務，求其食飽算了吧！最可惡外賣時，往往同佢哋提出嘅要求，例如: 走葱、要辣椒油、加腩汁，佢哋只會充耳不聞，本以為佢哋聽到只是唔想回應啫，但最後又係落哂葱，又唔加腩汁。試問食物怎樣好吃又有何用？自以為赢在起跑缐，卻一天一天將父輩甚至爺輩辛苦經營嘅店譽輸得乾淨，何苦呢？總是令人希望而來，失望而回……

成記牛雜粉係新蒲崗都屹立左好多年，如果係新蒲崗之友一定會認識。鋪頭雖然細細，但除左有堂食位之外，餐枱仲會開到街外。不過環境一定唔會係非常舒適，但甚具風味。 透明嘅玻璃窗，亦都可以望到廚師煮面嘅情況。粉麵價錢基本上係由$29起，如果要食撈麵一般價錢都係$38，加碟油菜食只都係$15蚊。今日，我叫咗碗牛肚米。望落去雖然好似好細碗，但其實分量啱啱好。牛肚既分量都好多，而且腍嫰，非常入味，加上湯底又清甜，所以我經常都會黎食返一碗

成記牛什粉麵，好耐無來食喇！我一直都支持小店，自己親手經營，盡心盡力，咁認真製作既手工店，愈來愈少，而家通街都係連鎖食店，根本無選擇。今日唔係九龍城食，兜架車來新蒲崗，就係為左食「老闆手打既牛丸」見到都流口水啊！ 可以直接買回家煮$98一斤，滾燙放落，加兩條菜，煮畀小朋友食，又一個餸👍雲吞都唔差嫁！唔食牛既朋友可以試一下。保持到水準，無驕傲，打牛丸真係唔講得少，關節會勞損嫁，大家要支持呀！

常常聽說這裡的牛丸很好吃，連在網上介紹的節目主持人也推介這裡的牛丸。這天特意和老公在放工後，乘車到黃大仙站行過來，一心試這裡的牛丸。我們點了一碗魚蛋河、一碗墨丸河，特意點了一碗淨大牛丸，試試這裡的牛丸有何特別之處。這裡的魚蛋魚片墨丸還可以，最好味真是牛丸，牛丸的特別之處不是在於它的爽滑，而是淋和有肉汁，是過往我未吃過的質地。而這裡的河粉也是好味的，不會碎濕濕，這也歸於淥麵的師傅喔。總括而言，這裡的牛丸是可以一試再試的！

味道👌🏻，價錢有啲貴，招牌牛丸就一般般啦，無以前咁好食，出名在老店，環境就真係好差，後巷隔離勁多老鼠，又有坑渠，啲嘢食仲要係後巷整，炸蒜，炸魚皮，洗碗都係晒後巷，有次深夜見到有一堆湯渣牛骨倒係後巷垃圾蘿度，引來勁多老鼠係度食，衛生情況真係好恐怖，但佢嘢食味道唔錯......................……..............................

我最近好鍾意食車仔麵呀，湯粉麵🤣🤣 之前去新蒲崗party room完都好餓~ 行過入左成記食！新蒲崗好似好少呢種開放式，似傳統少少既麵檔🤣 好多都新式！自己又想食麵，所以就揀咗呢間😊見好多人都叫牛腩麵或者牛丸，我就跟風，叫左牛丸河粉🤣 見到餐牌上面都好多選擇，真係咩牛雜類都有而且都唔算好貴，因為都幾大碗！好快就到左！真係唔使1分鐘，見佢有五粒牛丸，好興奮，食譚仔嗰啲都係三十幾蚊，但係得三粒🤣 河粉係傳統幼身厚身果隻～ 好軟屬🤣 牛丸超級正，變左我No.1牛丸！啲丸係好重牛味，好彈牙！係唔捨得食咁快😂 好正既佢少少鹹味，配淡味河粉，一流！好推👍🏻

前排成日去新蒲崗探阿嫲，已經食過好多食店，有啲就新嘗試！有啲就時不時有幫襯~ 夜晚阿嫲早訓，我同阿妹就落左去成記牛什麵檔呢度食麵，呢間好好食，又唔貴(雖然已經加左價)我同妹share食，一坐底就叫得，我叫左牛腩河，菜心，同檸檬茶~🤣 唔夠一分鐘就整好，超級快~ 我聽人講呢度湯底好濃，真係足料整岀黎，所以特別好食！我覺得牛腩好好味！雖然佢每件都好大舊，但係好軟身，一咬就開~ 湯底真係冇得頂👍🏻👍🏻 不過菜心就麻麻哋,唔係特別好食！有少少硬🤣🤣 但整體都算唔差，不過就唔坐得耐～快食快走既食店～

本身係牛魔王，雖然住新蒲崗，但咁多間食肆都唔會間間食過，都係睇左食評先至過黎試牛丸麵。個麵係正常梘水麵，都彈牙，唔差既。個湯面頭就好多油，個味。。。。。。太濃啦，香料落太多，八角味太重，攪到的麵個味都太濃。至於牛丸，一試，差的講粗口，從來未食過淋到可以用兩隻手指㩒扁既牛丸，而且非常痴牙，食每粒都有肉碎攝牙罅，我真係從未食過會攝牙罅既牛丸。之前既讚好食評，如果話唔係鱔稿我真係唔信咯。阿婆食左都讚好？因為佢無牙所以唔會痴牙，只用牙肉都可以壓扁咋掛。

識叫一定叫爽腩河！太晏會冇哂架。唔洗加腩汁已好好味，河粉索哂d汁湯底好香好濃！唔怕肥可以嗌肥腩，都超級正！如果多人，可試埋牛丸同牛筋都好唔錯。順帶一提，d菜唔好食唔好嗌。

新蒲崗既成記麵鋪係我其中一個飯堂🤣 一得閒就會揸車過嚟食，宵夜時間都照食！我通常都係叫牛丸河，平時帶朋友去，一定叫佢哋試牛丸 呢度嘅牛丸簡直一流！除咗整到超級彈牙之外，牛丸本身好入味！煮左好好，將啲湯汁都入咗落去超級好味！唔會好似一般係街市買咁樣，剩係得食丸，牛味唔重～ 我有時如果返屋企同屋企人食飯，都會特登揸車過嚟買一盒牛丸返屋企整嚟食👍🏻 另外一定要講嘅係佢嘅湯底！整到好似老火湯咁，一路食河粉，一路飲佢啲湯，味道超級夾好正！

今日又嚟到新蒲崗開會，上次已經錯過了“成記牛什粉麵”，雖然沒什麼裝修，非常傳統粉麵店風味，仲要每時每刻都好多人，應該是一家不錯的粉麵店。我完成工作剛好3點3先有得食lunch，點都要嚟幫襯一下😉😉。正宗潮州牛丸點可以唔試，嚟到又點可以錯過 🤣🤣🤣。賣相都不錯，份量十足，湯底清甜，牛肚腍嫩，牛丸真係好爽彈，牛肉味勁濃，果然真材實料👍🏻👍🏻。小小插曲話說有一個阿婆，大概80歲有多，佢竟然要食牛腩粗，佢個女即時問「你夠牙力食牛腩嗎？」，阿婆回「牛腩夠淋，我食到呀～」，“成記”已經超過40多年的歷史，怪不得每個時段都咁多街坊幫襯

去咗新蒲崗食晚餐！其實都唔算係晚餐，因為我哋去咗成記牛什麵檔食麵！呢間野好耐之前都有嚟過，已經覺得好抵兼好食 今次嚟嘅時候見到佢翻新左，座位衛生左好多，而且燈光好光猛，同埋感覺乾淨左～ 不過老闆好似唔同咗！可能係我去嗰日咁啱老闆放假 我叫咗牛丸河，我男朋友就叫左牛雜河！佢仲要唔知加啲乜嘢我都聽唔清楚，總之就食內臟啦～ 我因為唔食內臟，所以冇乜興趣🤣佢即刻整，但係有好快手！唔使5分鐘，就有得食 湯底真係超級超級有誠意，好濃既湯底，應該係牛肉湯？我冇詳細問 將少少湯放喺匙羹上面，再放幾條河粉，一齊食， 一流 最好食嘅係牛丸～ 其實我次次都係叫牛丸，佢嘅招牌都係牛丸！我見過有人過嚟淨係外賣一盒牛丸～ 佢唔係一般外面食到嘅味道！唔係只有肉味，牛丸係有少少鹹鹹地嘅味，會食到真正嘅牛味唔識形容，超級建議大家去試吓

我好耐冇食過成記！估唔到比我發現了，成記新推出「片頭角」我覺得唔似出面食魚片頭咁爽口，但勝在魚味重！份炸魚皮對我來說，比較咸！只可惜，炸魚皮好快就送到，就偏偏不附上湯，讓客人點的炸魚皮不能點湯食⋯

位於新蒲崗嘅呢一間潮州粉麵老店，喺繁忙嘅中午會有極多嘅學生同埋附近嘅上班一族食，礙於咁熱嘅天氣唔想同人逼，決定咗係晚上先至再嚟食呢一間以手打牛丸及新鮮牛雜成名嘅鋪頭。雖然第一間係以打牛丸出名嘅鋪頭，但係我真係太鍾意食牛雜啦。所以每一次嚟到呢度都會必點牛雜河，你嗰度嘅牛雜10分豐富，有牛心牛肚牛腸牛肺，我最鍾意最欣賞嘅就係牛心同埋牛腸，因為牛腸洗得乾淨又夠肥，牛心超級好食。不過食完真係有少少唔夠，男仔我建議加底或者叫雙拼配手打牛丸。喺度食嘅時候都有唔少街坊淨係買牛丸去打邊爐或者自己煮嚟食，所以可以見到係10分受街坊歡迎，因為真係用鮮牛肉打出嚟！