抖蛋馬來西亞古早味蛋糕 (啟德) (已結業)

食過好幾間古早蛋糕都係始於台灣，今次見到呢間係馬來西亞既，唔知有冇唔同呢共有四款不同口味可選擇！！除左有大大份既古早蛋糕外，呢度仲有波波球型既肉鬆小貝小貝當日有兩款口味不過家中女皇想試原味，我又想試咸蛋黃個款，所以小貝都係留待下次啦呢度既原味古早蛋糕定價HKd$50，咸蛋黃口味就定價為HKd$65，價錢非常貼地~~兩款蛋糕都好濕潤，鬆軟度亦佳原味蛋香突出咸蛋黃口味則咸香突出，自己非常喜歡就算當日食唔曬都唔洗擔心！！因為放係雪櫃，第二日拎返出黎凍食定加熱暖食都依舊美味

啟德地盤發現戰時炸彈個日，急急腳去去買古早味蛋糕之後就去安全地方！店員話流心喺主打😛所以就揀咗醬爆芝士同流心咸蛋😆我食之前會叮一叮返熱，蛋糕香好多之餘，啲餡熱食仲好味👍🏻🥚流心咸蛋 $65鐘意蛋糕有2層餡料🤪啲餡料爆爆哋出嚟咁😳翻熱後咸蛋味道超香，咸蛋味道好突出😈超邪惡嘅蛋糕🤤🧀醬爆芝士 $60呢個食得出蛋香味同芝士味，芝士個質感有啲似豬柳蛋入面啲芝士🤭屋企人話呢隻相對味道較淡，適合佢地食多啲

Some of my friends asked me to try the cakes here lately, we can choose classic, cheesy, salted egg and durian. The highlighted part is no preservatives are added and recommended to finish within 2 days. If we cannot finish it in one day, just keep it in the fridge and save it until tomorrow. It still taste good on the second day.Also try this little one with crispy meat floss, crispy outside but soft inside. Highly recommended💓

1️⃣「霸氣榴槤😎($90) 」-呢個有絲絲榴槤肉 榴槤控必食！佢係凍食嘅 口感似榴槤日式芝士蛋糕咁綿密同濕潤🤤蛋香味好濃 超鍾意 ❤️~Durian cake is creamy and moist. It tastes like Japanese durian cheesecake. I love the rich egg aroma.-2️⃣「爆漿芝士🧀($60)」-呢個一定要加熱食 芝士如圖一樣爆漿 半熔！食落幾鬆軟 同樣重蛋香味 好鍾意 有d鹹香味 不如如果再多d cheese就正🤪~The lava cheese cake is soft with a lump of melted cheese. It is rich in egg flavour too.-⚠️：儲存係雪櫃兩至三日都仍然好食 can be stored in the fridge for 2-3 days

行開見到有關新開既古早味蛋糕，仲要撞岩時間出咸蛋味同芝士味，咁就當然去試下，買上朋友屋企當加料先!一上到去我地就切咗少少食，熱辣辣好好食，軟綿口感加上芝士同埋咸蛋黃係中間慢慢滲出嚟，層次好豐富同埋口感真係一流。買個陣老闆亦有講唔一定即日食哂，可以放雪櫃兩日，我地放左幾個鐘再攞出嚟，叮大約1分鐘就食得，味道同口感基本上同岩岩買冇分別。味道方面個人兩款都好鍾意，芝士香同埋蛋糕味好夾同埋食落煙韌，咸蛋既咸香味又同蛋糕好夾!

第一次享受屯馬線的便利！今次通車後第一次去啟德，諗住去朋友屋企之前買d野上去，晚餐再外賣。算是趕上16:25既時間表，前面仲有少少客人買緊！小貝係咩？好似大大個糯米糍，但買咗個。好似仲有紫菜同埋蟹黃味？士多啤梨肉鬆小貝非常好食！又咸又甜，必食！第一次食，外層肉鬆，中層古早蛋糕內層沙律醬！正確啲來講外層係肉鬆加士多啤梨碎！士多啤梨碎天然味道，酸酸加上肉鬆咸咸，估唔到咁好味！爆漿芝士馬來西亞古早味蛋糕古早味蛋糕近依年都好有名，食過好多間。今次依間話係馬來西亞古早味蛋糕。濃蛋香配咸香芝士，芝士狂食到都應滿意！質感綿綿香香，芝士有拉絲！即日食唔哂可以放喺雪櫃聽日再食。凍食蛋糕會變硬實，口感濕濕地，更濕潤感覺！叮落微波爐食就有出爐嘅感覺。

我本身不好甜食、甜品，朋友今日黎探我，帶來這個古早味蛋糕，這家店在朋友家附近，屯馬線啟德站，位置方便。古早味蛋糕我之前食過一次，現在坊間有多款口味，這間竟然有鹹蛋黃，今次可以試下。古早味蛋糕夠厚身，中間幾層包住流心鹹蛋黃漿，流沙中有粒粒鹹蛋黃，更有口感，味道鹹香濃郁，蛋糕本身不會太甜，所以食落鹹蛋黃味好突出，喜歡濃味要試啦。紫菜脆肉鬆小貝，圓滾滾外形幾得意，每一口都有紫菜鹹香，肉鬆香酥，蛋糕鬆軟有蛋香，細細個食得方便，非常鹹香惹味。如果即日未食完，建議要放雪櫃保存，因為天氣太熱，就算凍食，質地一樣鬆軟，估唔到鹹蛋糕都好味喎～

近來古早味蛋糕掘起，好多地方都有賣，古早味蛋糕由台灣轉到香港，深受大人小朋友喜愛，早前朋友介紹我試這間抖蛋，喜歡嘗試新產品的我當然要試下。古早味蛋糕有4款口味：經典原味、流心鹹蛋、霸氣榴連、爆漿芝士，我試原味啦，最食到蛋糕香，口感綿密鬆軟，有陣陣蛋香。蟹黃脆肉鬆小貝外層佈滿肉鬆，蟹黃味突出，蛋糕鬆軟，中間夾著滋味醬，非常鹹香惹味，我好鍾意。如果即日食唔晒，放雪櫃保存，雪過第二日食一樣鬆軟，地點鄰近啟德站，方便

啟德，大家會諗起什麼？ 舊機場，啟德站，好近九龍城囉～古早蛋糕🍰，近期都非常之出名，成了人氣排名no.1 啦！每區都有大排長龍出現，今次要推介呢間古早味蛋糕，就是位於啟德站附近，間鋪名：抖蛋古早味蛋糕，呢間古早味蛋糕，是用馬來西亞🇲🇾的方法去做。我都係第一次試馬來西亞的古早味蛋糕！台式古早味，我就試過啦⋯⋯ 所以呢，馬來西亞古早味會係點，要買黎試吓啦！抖蛋古早味蛋糕，都有4種款式比大家去選擇，有 經典原味，爆漿芝士，流心咸蛋，霸氣榴槤！放工時間過去啟德買呢個蛋糕，啱啱到達蛋糕鋪時間 17:45，出粒的蛋糕是原味同芝士味，我當然會買呢2隻味去試試啦⋯⋯ 新鮮熱辣辣的蛋糕，陣陣香味，由港鐵站行去時，都開始會 feel 度！買完之後，搭港鐵回家，係港鐵上，我都覺得蛋糕味道，超香，超濃郁。店舖都好鬼貼心，買蛋糕會附送切蛋糕膠刀和膠手套🧤添，好 warm～原味蛋糕🍰，味道好香，可能係蛋香味濃郁，用嘅刀嘜粟米🌽油，又滑，又軟林林，好似棉花咁軟！芝士蛋糕，味道好正，有芝士的香味，又有流心添，凍吃的話，芝士會變粒粒嘅！可能佢用了2隻唔同嘅芝士去整呢種流心蛋糕，所以味道有咸香味～講真一句，唔駛一定要即日

抖蛋 名字有趣，佢係售賣馬來西亞古早味蛋糕嘅專門店。好多人食過都讚不絕口，今日路過就買返屋企同寶貝女試下！標榜手工現場烤製，天然食材無添加，保存馬來西亞古早味道！ 蛋糕有四款口味爆漿芝士、流心鹹蛋、經典原味和霸氣榴槤。肉鬆小貝 就有蟹黃脆、紫菜脆和原味。肉鬆小貝揀了原味肉鬆小貝，一盒四個，一打開已經香氣四溢，內裏包著沙律醬餡料，又嫩又滑，外層醮滿肉鬆，甜中帶鹹有嚼口！原味古早蛋糕每日新鮮出爐，有原始嘅雞蛋味道 十分濃郁突出，連雞蛋殼味都可以食得出！ 質感厚實順滑，唔會太乾身，入口即化！會有越食越想食嘅感覺！即日食唔曬，放喺雪櫃第日食，依然都咁香濃好食！下次可以買多啲，比寶貝女 帶返學校做茶點！

入到嚟啟德附近見到有間新開明馬來西亞古手工早味蛋糕經常排晒長龍等出爐，今日晏晝咁岩見到我最鍾意食嘅芝士味即是心心眼出現咗，必定買多盒同屋企share.❥ ❥ ❥流心芝士蛋糕濃濃芝士鹹香味，口感鬆軟綿密如海綿🧽軟腍腍，就算放係雪櫃第2日拎出嚟加熱食仲可以保持到鬆軟，微微芝士流出，蛋香味仍然好重味，而想不到更好味.❥ ❥ ❥原味蛋糕 我Order咗一盒原味帶返屋企食，份量都好多，一啖咬落去猶豫海綿一樣好鬆軟好重蛋香嘅味道

係有次行經新蒲崗 見到往啟德站果邊有個易拉架宣傳先知原來附近有間賣古早味蛋糕！鋪頭就係啟德站出去 啟德一號唯一一條橫街話易唔易搵 因為條橫街都分左幾段 加上啟德站果段路超級曬 又仲有地盤工程不過的確聞到陣蛋香味先會搵到間鋪（冇誇張！）有四隻味揀：原味、芝士、鹹蛋，榴槤。我揀左一條原味$50，一條芝士$60。價格可以接受。佢啲新鮮出爐時間都好密，每段時間有兩隻味出爐，咁岩我買果陣係芝士味，連個盒都未閂埋。超級香！店員會問你使唔使分袋裝，同埋會比埋膠手套同膠刀比你！返到屋企即刻忍唔住要試吓新鮮出爐嘅蛋糕，啲芝士真係爆漿咁！好香一啲都唔漏能因因為試咗芝士味先，所以覺得原味冇咁正，不過原味嘅蛋香係再勁啲！各有所好～個蛋糕體好鬆軟。因為係當日彥祖所以個盒面都有寫當天食用最佳，保存期限可以冷藏兩天。佢話可以熱食凍食都得，我就覺得熱食最正，特別係芝士味～流心咁下次好想試下個榴槤味，不過就要下晝三點之後先會出爐。陳呢間鋪仲未洗排隊真係要早啲黎試！！

近期古早味蛋糕大熱，真係好想試吓其魅力所在，點解咁多人買嘅呢🤩今日特別嚟到啟德呢邊，出爐時間果股香氣實在太誘惑，買返去屋企同埋屋企人分享吓❤️好多賣古早味蛋糕都係來自台灣，呢間標註馬來西亞古早味蛋糕，因為未試過所以冇得比較🙏🏻買時都有唔少食客問有冇榴槤味，原來佢有特定出爐時間，有興趣試嘅朋友仔可參考返出爐時間表🤓真係忍唔住兩隻味都切嚟試吓🔪經典原味 $50爆漿芝士 $60一件嘅分量一啲都唔細，圖中各切咗半件，所以分咗幾日食！食唔哂可存放雪櫃三日，吃前叮一分鐘⏱便可！蛋糕充滿蛋香，而且質地超軟熟同綿密🧽叮後嘅芝士味會流心，好邪惡🤤佢哋亦好細心附送膠刀同膠手套🧤

屋企附近幾個月前開左間 抖蛋古早蛋糕 馬來西亞古早蛋糕 傳統手工現烤 蛋糕，四款口味（原味、芝士、鹹蛋、榴槤），我哋買左三款口味，前後買咗五個蛋糕喇😋。經典原味 最簡單夠晒軟綿綿又夠香軟，岩晒小朋友食。爆漿芝士 有真係拉絲效果，芝士味夠。就算即日食唔晒，留第二日食放雪櫃都咁軟彈。流心鹹蛋 我覺得最好食，鹹蛋好豐富鹹香味，大人食一流。霸氣榴槤 我就每次都買唔到所以未買黎食。點解買唔到係因為佢地既蛋糕係每段時間烤焗不同口味蛋糕。 榴槤口味下午三點先有得買，用上馬來西亞貓山王榴槤，榴槤控一定好鐘意。大家黎開啟德可以係坐地鐵前買番個番屋企食。

芝士馬來西亞古早蛋糕近排古早蛋糕店真係越來越多早排貪得意搭去啟德都見到有間主打馬來西亞古早蛋糕之前淨係試過自己整 都冇食過正宗嘅今次終於試咗正宗嘅古早蛋糕 偷下師🤣佢哋暫時分別有原味 芝士味 鹹蛋味同榴槤味！一個古早蛋糕都唔細 不過分幾日食都除咗即日食仲可以擺落雪櫃！個人覺得凍食都正🤣或者雪完之後可以叮翻熱食 芝士效果一流古早蛋糕真係好濕潤 蛋香一流😭❤️佢哋有樣特別之處就係會俾埋手套同膠刀佢哋亦都有提供晒所有口味嘅出爐時間方便可以跟返出爐時間買 就可以新鮮熱辣食！