抖蛋馬來西亞古早味蛋糕 (啟德) (已結業)

上星期去啟德探朋友，經過一間蛋糕店被香味吸引，湊巧有蛋糕新鮮出爐，便買了2個試試。原來這抖蛋是來自馬來西亞的古早味蛋糕，標榜傳統手工，現烤蛋糕，門外還列出蛋糕出爐時間表，每次均有2款口味出爐。有四種口味包括原味$50，榴連$90，流心咸蛋$65及爆漿芝士$60。見到出爐的大大蛋糕，店員小心處理及分割。蛋糕除了充滿雞蛋香味，質地超軟熟超棉密，而且非常細緻，味道唔太甜，適合一家大小食，吃不完可放雪櫃存放三日，並於吃前叮1分鐘便可。

啟德呢邊真係私樓勁多🥺簡直係有錢人嘅天堂~~今日要喺附近做嘢過左黎!! Lunch time時間諗住周圍行吓就比我發現咗呢間野啦見佢鹹蛋味大推咁一定要試吓㗎啦~~仲有原本想試芝士味但要等一陣先至新鮮出爐~大熱天時我就唔等啦！！加多個原味試吓啦鹹蛋味好正 入邊真係有一粒粒嘅鹹蛋真材實料架！ 蛋糕仲好鬆軟！蛋味超級香啊~~~仲有原味都唔差架🤩🤩食到蛋糕嘅原味👍🏻 有驚喜第二日擺番落焗爐焗一焗食更加正啊~ 焗到嗰邊脆脆地🤩🤩真係唔錯唔錯！！ 如果食唔晒都唔使驚㗎！放落雪櫃可以放多兩日都得💕

#抖蛋 #古早味蛋糕 #九龍城 #啟德 #新蒲崗公司附近開咗間新嘅古早味蛋糕，價錢都係$50起😝 早前就買咗兩個返去同屋企人試吓😚😚P.S. 店員哥哥超温柔有禮貌好charm，想為咗佢去買多幾舊🥺🍈 霸氣榴蓮 （$90）（凍食）全家都超級愛榴蓮嘅我當然要揀個霸氣榴蓮味啦😋 最近榴蓮當做，屋企人都成日買榴蓮食。加埋呢個古早味蛋糕，一次過滿足我哋兩個願望😚 未打開裋已經聞到超香嘅榴蓮，入面仲要咇曬啲榴蓮肉出黎，超足料超正☺️ 食落有超香濃嘅榴蓮，加上軟腍嘅蛋糕，真係食極唔厭☺️🥚 流心咸蛋 （$65） （凍熱皆可）流心醎蛋嘅份量仲多，入面幾乎係足兩三層醎蛋，太誇張啦，超正😍😍 呢個都係一聞就知道係咩味，好香好正！我雪凍咗黎食（都可以熱食咖），咸蛋冇流出黎嘅感覺，不過我都覺得可以啦☺️ 真係好豐富好正！今次試呢兩隻味都好正，下次試埋原味同芝士先☺️

今日同朋友咁啱行過啟德，突然聞到陣陣嘅香味，追尋之下發現啲香味來自呢間舖頭。店舖有列出唔同味道蛋糕出爐嘅時間表，方便客人食到最新鮮熱辣辣嘅蛋糕。另外店舖都好貼心，買蛋糕送膠刀，方便客人切開蛋糕！今次我就買咗一個咸蛋味嘅蛋糕，我朋友就買咗一個原味嘅蛋糕。先講原味古早味蛋糕，外表金黃，側面好多細氣孔，代表蛋糕十分鬆軟，充滿空氣感。食落蛋糕好香蛋味，咬落真的十分鬆軟，齒頰留香，令人想一再回味。鹹蛋味古早味蛋糕入面夾咗好多鹹蛋，望到都令人垂涎三尺，想大啖大啖咁咬落去！鹹蛋味蛋糕甜中帶鹹，口感豐富，鹹蛋味突出同時唔會蓋過雞蛋嘅味道，非常特別！抖蛋古早味蛋糕每個份量都好大個，我一次真係食唔哂成個，所以攞翻屋企雪左佢，估唔到雪完之後蛋糕都仲係咁鬆軟，非常不錯！

平時聽就聽得多，睇又睇得多，今次都係第一次食古早味蛋糕架咋😻原來係咁嘅一回事😊.通常古早味蛋糕都係聽台灣，今次食嘅呢間係黎自馬來西亞，雖然對比唔到台灣同馬來西亞嘅古早味蛋糕有咩不同之處，但可以確定嘅係，來自馬來西亞嘅古早味蛋糕係非常好吃。.今次一口氣買左兩個1️⃣咸蛋味 $65咸蛋味係呢到獨有嘅味道，出面好少見，不禁令原先想買芝士味嘅我轉移目標去左咸蛋味到。古早蛋糕非常之Q彈軟熟，裡面嘅咸蛋醬非常之豐滿，不是流沙狀，食起黎冇咁呢hea，咸蛋醬香濃爆滿，十分好吃。2️⃣原味 $50 試特別味道之餘，當都然要試一下原味😏原味蛋味好濃厚，味道似雞蛋糕，最大分別係佢Q彈軟熟嘅口感，真係其他蛋糕無法取代。.想講蛋糕食唔哂放左入雪櫃，第二朝早拎番出黎做早餐竟然都一樣咁正😍高質👍👍

Wow最近迷上左古早味蛋糕，今日試左間啟德附近既店舖，叫抖蛋古早味蛋糕，鄰近啟德站，夠哂方便~唔同時段分別有唔同口味新鮮出爐，主打有經典原味、爆漿芝士、流心咸蛋同全港首創既霸氣榴槤!早上11:35為首輪出爐時間，晚上6:25為最後一輪。爆漿芝士芝士狂迷必試，濃濃蛋香夾雜咸香芝士，叮熱食蛋糕質感更為鬆軟，芝士有拉絲效果，濃而不膩質感綿密，口感層次豐富!霸氣榴槤全港首創值得一試!特別選用馬來西亞貓山王榴槤，每日下午三點起限量發售~貓山王味道濃郁細緻，帶點甘甜，蛋糕充滿蛋香，香醇濃厚，再夾著滑順香甜既榴槤同忌廉，實在令人回味無窮!蛋糕份量頗大，即日通常食唔哂，店員建議放雪櫃保存，2日內食哂~而雪凍食更另有一番滋味~

最近身邊都有D朋友推介我幫襯「抖蛋古早味蛋糕」，依間店舖每個月都會設定一個時間表安排每日新鮮出爐蛋糕嘅時間，此店目前推出左4款口味：經典原味、爆漿芝士、流心咸蛋、霸氣榴槤；蛋糕無添加防腐劑，建議2天內完成進食；如果購買當日尚未食完蛋糕，可放入雪櫃保存留待至明日食用，依度嘅蛋糕真材實料，凍食、熱食都好好味，係真正嘅古早味蛋糕。流心咸蛋古早味蛋糕，正宗馬來西亞風味，人手製作，蛋味香濃，咸蛋黃味咸而不膩，流心效果突出，口感軟熟、輕盈，蛋糕食落幾暖和、唔乾身、帶濕。爆漿芝士古早味蛋糕，口感鬆軟、綿密、濕潤，加入大量芝士作為夾心，食落仲有啖啖蛋香、咸香帶甜，雞蛋味道簡單。

前排興食古早味蛋糕🤩所以度度開咗間古早味蛋糕店😲前幾日就去咗啟德嗰邊嘅抖蛋古早味蛋糕試翻兩款馬來西亞古早味蛋糕🇲🇾.榴槤古早味蛋糕🍰用上馬來西亞貓山王榴槤👍🏻未開都已經聞到榴槤香💨食落去榴槤味都幾濃，夾雜少量幾榴槤肉😋凍食就更好味😆.芝士古早味蛋糕🧀新鮮又或者叮熱咗之後芝士會爆漿🌋顏色似車打芝士，但食落嘅鹹香味唔算非常濃，所以唔會好漏🥰蛋糕軟熟濕潤，雞蛋味濃郁🥚而且呢度嘅古早味蛋糕無論室温、雪凍、叮熱食都一樣好食🤤所以唔使即日食晒

今日難得放假就陪下兩老周圍行下,兩老話想睇下啟德既環境就陪佢地去睇下.行下見到一間古早味既蛋糕店,但呢間唔係黎自台灣反而係馬來西亞.霸氣榴櫣,對於成家都係榴櫣控既我地,見到有榴櫣味唔洗諗一致認同要買榴櫣試下佢有幾霸氣.同其他古早味蛋糕有少少分別既係榴櫣味要盡快放入雪櫃,因為聽店員講榴櫣味特別易壞.拎到返去第一時間當然要試左先！一打開蛋糕盒已經聞超濃烈既榴櫣香味,蛋糕之間充滿著一點點既榴櫣cream,蛋糕十分厚重,切開已經感覺到蛋糕既質感超級軟熟,入口先有好濃既蛋香味後有榴櫣強烈既味道,入口好似棉花咁綿,蛋糕實在得黎又唔會帶空氣感.爆漿芝士當時即場烘焙,見住一底超巨型即古早蛋糕出爐,拎出黎既時候好香蛋味,見到放上蛋糕架既時候蛋糕富有彈性又鬆軟.切開既時間中間濃郁既芝士除即爆開.拎到返屋企既時間蛋糕仲帶餘溫,入口濕潤同樣蛋香味濃得黎蛋糕底唔會好甜,真係食得出蛋既香味.中間夾住芝士,芝士入口夠香又唔會過膩同蛋香味好夾.

/抖蛋古早味蛋糕🇭🇰/#sa九龍篇 #sa蛋糕篇➖➖➖<主打四款口味古早味蛋糕🍰>▪️▪️▪️依家真係四圍都有唔同嘅古早味蛋糕店😂今日就介紹間唔算多人知嘅先最近啟德嗰邊都開左間有馬來西亞古早味蛋糕有原味、榴連、咸蛋黃同芝士味🌟睇到佢唔同時段都有唔同口味出爐🙆🏻‍♀️咁岩我去嗰陣其實唔算好多人都唔洗排隊係原味同芝士味💓 個人更喜歡芝士味 口感味道更豐富想著重蛋香就原味有機會都要試下咸蛋黃味希望店舖可以繼續推出更多新口味啦➖➖➖1️⃣芝士 $60份量黎講都足夠兩日食無論室温、雪凍、叮熱食都一樣唔錯新鮮食蛋糕較軟熟～雪凍蛋糕體更濕潤而叮熱食初初爆漿芝士口感同味道更突出 慢慢蛋香都會滲出嚟 依舊濕潤！翻熱約30秒芝士嘅咸香會更突出有微微爆漿效果 如果有拉絲效果就更好同原味比 佢不同地方就係面頭多左芝士粉推薦叮熱食🙆🏻‍♀️➖➖➖分數:8/10➖➖➖2️⃣原味 $50 屋企人更鍾意食原味 因為無其他配料 更加食到蛋糕嘅味道 食到幾有蛋香之餘 呢款口感都幾綿密 放左一日係雪櫃依然鬆軟 無配料關係 更加可以揀要凍食、熱食👍🏻➖➖➖分數:7.4/10➖➖➖📍抖蛋古早味蛋糕

市面上有很多古早蛋糕店冒出通常都說是台灣古早味 今次這間就有點不同 是「馬來西亞🇲🇾古早」.《芝士味》新鮮出爐 旁邊看黃色芝士爆漿了🧀🍯芝士有三層 但不會好漏咸香吊一吊味 蛋糕的清香更突出.《經典原味》好軟綿綿 但又好企身充滿空氣感 入口唔痴喉甜味較重 滲出幽幽蛋香.兩大磗蛋糕 點會一次過食得晒店員講明唔一定即日食哂的雪係雪櫃保存 凍食都好好食於是我第二日再拎返出嚟食埋佢又真係幾好食喎 仲要唔會雪硬咗添不過話晒都係無添加 無防腐劑唔好擺太多日啦

今日第一次去沙中綫嘅啟德站，一出站就聞到好香嘅蛋糕味，原來係一間古早味嘅蛋糕店新鮮出爐。佢哋嘅蛋糕有四種唔同嘅口味，原味、流心鹹蛋、芝士同榴槤，係每日唔同時間出爐，我去嘅時候就正正係原味同流心鹹蛋出爐嘅時間，所以各買咗一個試下。佢嘅流心鹹蛋黃真係令我好驚喜，初初以為會好乾、或者好膩，但係蛋糕非常濕潤，軟綿綿好似枕頭咁，有滿滿嘅鹹蛋黃醬，亦都唔會太甜。而原味就好香蛋味，而且佢哋嘅蛋糕非常大個，如果即日食唔晒，就算放咗入雪櫃第二日再食都一樣咁好食，真正古早味嘅蛋糕熱食同凍食都咁好食。

之前吃了「抖蛋」的馬來西亞古早味蛋糕。 吃了原味以及爆漿芝士味，兩款都好好味呢～「古早味」原來是閩南語，意指古老、讓人懷念的味道。而古早味蛋糕正正是做法簡單的蛋糕，混合雞蛋、麵粉、牛奶、植物油和砂糖，焗出實而不華的美味蛋糕，也正是這件小店的味道。他們的蛋糕鬆軟到不得了！原味的古早味蛋糕食落很有蛋香，口感十分細膩綿密，完全不會有蛋腥。雖然這種古早味蛋糕的食材聽說是十分簡單，但是卻非常好味呢！至於芝士味蛋糕，口感同樣鬆軟綿綿～層層都夾住了足料的芝士，切開時都滿曬出黎！食落去，恰好鹹度的芝士味亦好配帶有蛋香，甜甜的蛋糕呢～*不一定要即日食,放雪櫃雪凍一點，或是第二天隔水蒸熱度一樣都好食！！~~~這間舖每天都有新鮮出爐的古早味蛋糕，不同口味都會有各自的出爐時間。除了原味同芝士味，還有流心鹹蛋和榴蓮味的古早味蛋糕。買一個蛋糕的時候，店員也會附送即棄的手套和一把小膠刀，真係十分方便！📍店名：抖蛋古早味蛋糕 📍地址：九龍城沐寧街8號啟德1號2期地下11號舖

抖蛋古祖味💛 Handmade Traditional Cake💛🐥🥚🍰🍴..唔知近期大家有冇發現，古祖蛋糕近期真係好似悄悄崛起，多左好多間啊。每間古祖蛋糕店都好人氣，好多人排隊。吃貨如我，當然不能錯過。.今次黎到啟德✈️，發現呢區真係變左好多，發展一日千里啊啊啊。經過見到一間馬來西亞🇲🇾 古早味蛋糕。那份烘培 剛出爐既雞蛋香，真係好誘人💛，成條街都嗅到 吸引左我。.傳統手工制作，手工現烤現做，真係傳統手作啊。每件蛋糕都用上精選食材 以傳統手工制法，堅持當日新鮮現做，超綿密 細膩口感。.ll今次就試試原味、咸蛋黃，真係好吸引❤️。用上無添加優質面粉，新鮮雞蛋🥚，100%全天然食材， 不添加防腐劑、香料。.真係吃出那份執著，蛋糕超綿密，鬆軟又濕潤。新鮮熱辣辣食，真係吃出那份雞蛋糕香💛，仲有咸蛋黃那份咸香啊🧡。但即食唔晒都唔驚。。其實放雪櫃都一樣好食，2種截然不同既口感，同樣吸引 (保存期限：冷藏兩天)。..一份蛋糕🍰 一顆感恩的心，面對每一位有緣人。..×××××ש沐寧街8號啟德1號2期地下11號舖..

今天中午時分係啟德附近工作，經過聞到好香嘅氣味，原來係呢間古早味蛋糕店發出的香氣，係啱啱出爐嘅蛋糕！老公咁鍾意食蛋糕，即刻要返芝士味同鹹蛋味先！返到屋企，蛋糕仲係微暖，我搶先一步試吓好唔好味先。蛋糕蛋味香濃，Q彈，芝士有好幾層，咸咸地👍🏻鹹蛋黃味亦都相當容易入口，幾濕潤俾大家睇吓蛋糕嘅橫切面先，見到餡料相當豐富，熱辣辣嘅時候仲係呈現流心狀態，賣相相當吸引！店員話可以係雪櫃擺三日，雪凍左嚟食都一樣好食呢😋