拉麵Jo (已結業)

連放兩日假，就連續兩日都黎圓方揾男朋友食lunch，今日我地食拉麵Jo。有午市餐牌，我叫左特製沾麵配薯仔沙律加富士山頂可樂。佢叫左特製低溫叉燒拉麵配炸雞肉加日本蜜桃汁，再散叫左個炸八爪魚球。薯仔沙律凍凍地，幾綿滑。特製沾麵普通，沾麵汁唔算濃郁，麵質偏韌，但份量夠飽，叉燒唔夠入口感。炸雞肉冇咩特別。特製低溫叉燒拉麵比較好食，幼細拉麵幾有咬口，叉燒好多塊但偏鹹。炸八爪魚球冇咬口，係偏入口即溶個種，普通。日本蜜桃汁偏甜，富士山頂可樂似波子汽水味。

沾麵求求其其無分粗幼唔緊要（唔係我鍾意嘅粗度，但哩D嘢因人而異）。但真係真係唔知食咗咩個湯完全掛唔到個麵，成件事好似..明明一齊食但感覺分開咗食咁。無唸過個普普通通嘅炸雞都好食過拉麵同沾麵(其實炸雞就好難整得唔好食....) 個兩條菜又好似多餘，又唔係靚，食落又哭(火箭菜)食到好累唔知大家有無試過湯底濃，但又好似無味咁？個拉麵湯底就係咁，有鹹味但本身豬骨嘅味道就感受唔到，好似夾硬將佢整到有味咁。叉燒可見下圖確實太肥，而且得一塊。最後好似為填飽個肚而食拉麵咁。任何一間略有名氣嘅拉麵店都好食過哩碗成餐飯都食到好無奈...你見個餐牌都幾多選擇架，但質素差，再多選擇都唔想再去......同埋間舖分開兩邊，店員未必會係你個邊，點單/埋單需要等一陣

📍拉麵Jo📍Ramen Jo.🇭🇰 香港尖沙咀柯士甸道西1號圓方(Elements)1樓1030號舖🇭🇰 Shop1030,Elements Mall, Tsim Sha Tsui, HK. 人均消費: HKD98.味道: 👅賣相: 👀👀👀👀價格: 💰💰環境: 🌹服務: 👨🏻性價比: ⭐️回頭率: 🔆.#特制醬油豚骨拉麵 HKD98 一啲都唔香濃，反而覺得超重味精味筍和蛋都算可以，但豚豚無味.地方好細坐得好唔舒服🤷🏻‍♀️.

Was craving for some good Japanese Soup Noodles and decided to give Ramen JO a try and I love it.Ordere a Tonkotsu Ramen, love the pork belly is so juicy and fatty and the soup is rich and flavourful. The ramen noodles is chewy and non soggy, garnish with green onions, sliced red ginger and Japanese mushrooms. It was a pleasant meal. Will return again! 

我一向都係銅鑼灣店食，已經好多年了，亦是貴店既忠實fans, 但近呢年在圓方店食，發覺湯底太稀，質素比銅鑼灣店相差甚遠，在幾個月前，已向圓方店反映湯底太稀，和銅鑼灣店既湯底不一樣。估唔到幾個月後，再次惠顧，原來些少改善也沒有，很失望，希望貴店既老闆可以看到這篇文章，待將來能在圓方店都可以品嘗美味既拉麵

好多人講呢間嘅評價好壞參半所以專登去試伏我食拉麵 又覺得未至於伏朋友食沾麵仲覺得滿意不過呢個價錢配呢個質素嘅話性價比係低嘅而圓方店店面比較細 人手亦有點不足 等上菜都要一段時間

拉麵大家都吃不少啦吧，有一貫流行的豚骨拉麵，或是雞肉 / 魚介等，湯頭可以有濃厚的或清爽的，叉燒有厚切炙燒的，或是薄薄肥瘦分明的，不論貴廉都總嚐過。我不算愛吃拉麵(怕肥怕油)，但陪朋友/出名的(港女MODE)，我都會試試。今日外出工作便要來個「快午」，便來了這間米芝蓮推介(銅鑼灣本店)的拉麵館圓方分店。這裡麵款、飯吃及小食都很多，同事們都點了經典豚骨拉麵、炸雞小食，而我便手癢，點了”蟹ラーメン”。原來那蟹是原隻軟殼蟹，旁邊有半隻溏心蛋、京蔥及筍等配料。拉麵用了捲捲麵，而非典型的細麵亦即幼麵。湯頭濃郁但未算突出，用捲捲麵更可有助吸附湯汁，再吃軟殼蟹，外面香脆而內裡是creamy的質感，但沒有油膩的感覺，吃完不會有太飽滯的感覺，總括未叫突出、驚喜，正常發揮。$128，價錢不低，但餐廳地點，碗中內容味道都算是對得起那價錢。

食開銅鑼灣的一直都好鍾意但今日食呢間 係分店問題定真係差左？好普通豬骨湯 面的軟硬程度剛好。鵪鶉蛋仍然好好味嘅拉麵就一半，但係雞皮餃子就有驚喜，不過冇影相 雞皮炸得好脆

有朋友上網搜尋到這家拉麵店是一間米之蓮餐廳，於是特地去嚐。去到拉麵店，外面排長龍，想必定是很好吃的拉麵店。服務員給我們三人一張二人的桌子，他給我們加了一張椅子坐，非常擠迫。服務員更埋怨我們椅子擋住了通道位置，態度非常差劣。點了一個特製沾麵，原本滿心歡喜是米之蓮餐廳的拉麵，結果非常令人失望。沾麵只是很普通的沾麵。不像其他拉麵店，會有粗幼及軟硬度選擇。也不能選擇可否走青， 湯底濃郁還是清淡。是一個很普通，而且沒有個人選擇的拉麵。湯底味道也很一般，並沒有濃濃的豬骨湯味。任何一間普通的沾麵店也比它好吃。另外點了一個章魚丸。章魚丸外面是脆脆的，但是醬汁不太足夠。這間拉麵店的食物味道一般，服務態度不好，而且價錢也不算便宜，應該不會再幫襯了。

又有新既拉麵店加盟香港，拉麵Jo。今日放工就去試下佢。Menu都幾多選擇，拉麵既味道有齊豚骨，辣味，味噌，蒜味等。仲有不同既小食，比起其他拉麵店黎講，選擇相對地多。自己叫左一個豚骨拉麵，普通版，特盛就多啲配菜，蛋。豚骨湯可算濃郁，仲有淡淡的白芝麻香。有兩件叉燒，味道都正常，但就覺得太薄了，最尾食曬啲肉都未食完個麵。之後我仲叫左個小食，炸雞軟骨。Um....個份量都幾細，性價比黎講真係低。軟骨都吾係話好脆，有少少韌。

The best thing about this place was the very friendly staff. The ramen was very bland. There was hardly any flavour. Many Ramen shops nowadays allow the choice of noodle and strength of the soup. I would very much appreciate if they offered that. This location was in elements mall and it has not impressed me. It is only a mall restaurant which serves the purpose of feeding hungry shoppers.

同老婆兩條友上完堂，搭車去圓方食晚飯再攞車返歸，老婆話唔想咁heavy 想食麵，就打算去360 到坐高櫈食拉麵，點知多人到⋯⋯⋯🙄之後諗起麵包舖對面有間拉麵舖就過去睇睇⋯坐低咗响貼牆山窿位兩個人啱啱好，叫咗兩樣嘢，一個沾麵一個拉麵配迷叉飯（迷你叉燒飯）首先上枱有拉麵一碗，第一啖試啖湯，再嚟多啖，湯底雖然唔係清湯但唔會好濃好鹹,ok 之後嚟個沾麵，嗰鍋沾麵湯仲滾到起泡，勁👍最後，迷叉飯上枱，望落size 其實正常男性食佢加埋碗拉麵一定夠飽，但係佢啲日式叉燒比想像中肥（若然照單全吞可能會塞咁條血管）但幾香先死🤦🏻‍♂️

第一次食呢間拉麵，都係因為貪方便又肚餓，價錢系圓方來講都算相宜，就坐低左食我叫左個豚骨拉麵，男朋友叫左個博多拉麵，另外叫左個自製餃子，埋單三百蚊有找一入口就食到好濃既湯底，麵的嚼勁不錯，但不太喜好濃味，所以唔係幾中意越食越咸既感覺。但其他配料及餸菜都幾好，博多拉麵有溏心蛋，唔錯唔錯，係唔中意啲薑～餃子味道好新鮮，幾好味的，麻油味重，所以都幾香！因為去到都好少人，我地揀左卡位坐，都幾舒服，服務態度都唔錯，值得一試～

拉麵Jo銅鑼灣店係我喺香港最鍾意食嘅沾麵店，但尖沙咀店個湯真係水到離普，完全掛唔倒湯。好失望。都後返銅鑼灣食好過。做壞招牌了... 同埋銅鑼灣店有石鍋熱任個湯，呢度冇。

第一次食，經驗好差：1. 我兩個人叫左五道菜，明知一張二人枱唔夠放，隔離有張吉枱都唔俾拍埋！結果，所有嘢到齊，唔夠放，迫我地張D餸幾碟放埋一碟2. 拉麵加叉燒，結果麵未到，一碟凍叉燒先上！3. 拉麵唔夠湯又唔夠熱，叫佢加多少少想整熱D叉燒，佢話無得加，加就要另外叫一碗湯，加錢4.叫了炸雞，夠熱，但一咬落去，唔脆，唔似炸雞5. 叫了蔥花牛舌，又硬又凍,完全不能入口可能晚市就係咁一個講完，以後black list呢間