拍板風味 (已結業)

朋友知道我中意食酸菜魚，今日得登帶我黎拍板品嚐正宗酸菜魚，我地仲點左兩個凉拌小食，凉拌蓮藕片，麻辣水鵝腸。經店員介紹，點左枸杞菊花茶，兩者搭配我都係頭一次飲，入口清香微微甜，仲有緩解眼睛疲勞或幹澀症狀功效，好飲又健康！！凉拌蓮藕片，色澤潔淨，入口微麻香口，藕片清甜可口，冰涼够味！！麻辣水鵝腸，入口爽滑幼嫩，經過咀嚼可以感覺到麻辣香味好濃郁，十分令人回味！！最後一道經典菜，鰂魚（酸菜味）呢道菜擺上台時，正飄蕩着一層熱騰騰的白氣，魚香四溢，今人聞到暗吞口水，夾起白嫩魚肉擺入口中，魚片肉質鮮柔，口感滑嫩，就像係入口即化的感覺，湯酸微辣鮮美濃郁，既冇魚腥味，又保留住魚的鮮嫩，酸菜酸爽有味與肥美鰂魚好夾，味道恰到好處！！

身邊總有啲中意食辣野嘅朋友，今日一落班就被佢地抓黎拍板，如果唔係佢地帶莪黎，莪都唔會知呢度仲有間菜館，鷄煲，打邊爐，炒菜樣樣有！！泡椒藕帶，清脆可口藕帶，吸引左酸辣的味道，酸酸辣辣更加開胃爽口，特別適合夏天里食慾不佳嘅時候食用。川醬爆臘肉，臘肉一片片薄厚適中，配新鮮辣椒同幹辣椒加啲川醬一起爆炒，令到鹹鮮味十足的臘肉，味道鮮美濃郁，又可排除油膩。最後主角出場，水煮桂花魚滿目的辣椒紅亮特別搶眼，桂花魚切成一片片薄厚適中，一啖入口肉質唔覺韌，口感滑嫩鮮美，油而不膩。既去除左魚的腥味，又保留左魚的鮮嫩，辣而不燥，麻而不苦，十分惹味！

三五知己聚餐食飯，想食辣野同坐得舒服D，可試下勝利道既拍板風味，離旺角不遠，靜中帶旺，食物以蜀風為主適合香港人口味。前菜我地哎左香辣鴨腎，開胃菜，廚師將鸭腎薄切配上辣椒，香菜混合而成，香辣無比，鴨腎爽脆有嚼口非常入味。我地幾個朋友都吾係幾食得辣，店員推介我們水煮桂花魚(用酸菜烹調)，桂花魚肉質细嫩，湯酸香鲜美，辣而不膩，片片魚肉爽口彈牙，酸菜同豆牙非常匹配，此菜下飯更是绝配！尖椒爆肺片，用青椒，红椒，芹菜，加上將肺片薄切，肺片爽脆嫩滑，辣椒香濃入味，好好味值得一試。

香港地無辣不歡，我朋友喜歡食正宗辣風味，我地來到間係旺角吾起眼但門面好有特色風味的舗頭，好有四川重慶的味道。坐底咗之後店員好熱情推介辣之風食物涼菜小食泡椒藕帶水煮豬面青四川口水雞都係我地鍾意既食物。藕片食得多，藕帶還是第一次嘗試，非常清脆可口藕味甚重，用泡椒泡浸過辣辣的很開胃。水煮猪面青，未想過豬頸肉也可以水煮，整道菜全是干辣椒跟豬頸肉泡煮而成，肉質鲜嫩滑口，辣味湛入肉中食欲大開。口水雞之所以叫口水雞是因為有很多花椒，吃了會麻到嘴巴不由自主流口水。但這裏的口水雞具有麻辣，鲜香，嫩爽的特点，皮滑肉香但不太麻，適合香港人既口味。

膽粗粗去食下川菜，看看什麼料子叫左水煮桂花魚，口味就選左酸菜味，應該不是火紅大辣成碟水煮桂花魚，用個大盤載住，真係好大份，載住奶白少少黃魚油的魚湯，入面d魚全起了肉，冇碎骨桂花魚好鮮甜，魚味香濃，又嫩又滑，魚湯加左酸菜，少許辣，易入口，酸味剛剛到位，結果差不多飲曬d湯。湯內除左桂花魚，湯內配料很豐富。黑木耳厚身又爽口；芽菜又爽脆香甜，豆腐卜又吸左魚湯鮮味，更淋更入味，豆味仍在。呢盤魚湯好好味，一兩個人食都得

想辣一辣，振奮下，實想起在四川時吃的水煮桂花魚，在這間小店找到這種風味看到紅紅的一盤水煮魚，一食入口桂花魚，即回憶起當年在四川吃過的感覺，花椒和辣椒爆過的香味滲透桂花魚肉中，肉質緊緻而幼嫩，辣味回轉在口中，少少麻昧作配襯另一道夫妻肺片，新鮮牛肚好爽口，個陣辣味重的水煮油索入左牛肚中，異常香口入味藕帶爆香川腸也好地道，藕帶即蓮藕仔，新鮮而帶爽甜，爆至乾身另有香川腸，呢種腸係四川的臘腸，咸味十足，送飯送酒不錯，質感實滑，脂肪比例適中，有咬口帶甘香，好一味川菜令人回味無窮

座位幾舒服，紅紅裝修火辣辣，食川菜好配合鰂魚，酸菜味條鰂魚比平日更肥美，上碟差唔多成隻碟咁大條，揀咗酸菜味，因為不是太吃得辣，而且未試過酸菜味，有興趣試試是如何筷子夾落鰂魚，好多肉，入口好鮮嫩。估不到鰂魚用酸菜、豆卜、木耳、芽菜煮，肉質好嫩，且有陣淡淡的魚味，沒有濃烈的腥味，比我想的更好。豆卜好林已入味，木耳、芽菜爽口又有酸酸地的魚湯味，食食下有少少辣感湯底一路食一路飲，味道不錯，魚鮮帶酸，隨着時間滾，杰少少更濃，就是我意想不到的好味冷盤配食烤魚不錯，菜單也有不少選擇尖椒皮蛋，皮蛋完整不爛，外皮啫喱狀好滑，內黃淹製得宜，好香濃，配尖椒切碎，加重口內味覺刺激，爽而辣麻辣鵝腸也不錯，鵝腸鮮嫩爽口，入先口辣味，然後有陣麻香入舌頭，麻味輕辣味重，多重感觀刺激

今日同朋友黎到拍板風味，我啲揀左個招牌香辣鷄煲，差唔多二十分鐘熱氣騰騰鷄煲黎喇，闻到啲香味睇到賣相流哂口水，咬一啖熱辣辣鷄肉食起黎肉质鮮嫩又多汁，湯汁精華全全入味到鷄肉面食起黎非常入味，香香辣辣十分惹味，我每次食辣野必點竹蔗茅根，味道好甘甜又下火，冰凍凍的飲一啖全身凉爽晒！！

呢日同幾個朋友睇完模型車已經好餓，於是就响附近搵嘢食。行到嚟呢個門口，望到有火鍋，於是大伙兒入去諗住 “拾拾下”。點知其中一個 “拾郎”坐低咗先嚟講自己作感冒… X(好彩呢度仲可以叫餸食…但係睇睇下個Menu我就開始驚…喂，川菜嚟喎，我唔係好食得辣架喎！大家睇咗5分鐘，你眼望我眼，似乎都係諗緊　“辣”既問題…有個似部長，自稱 “肥仔”既哥哥見我地啲表情都知我地諗乜，主動走埋嚟同我地講唔洗擔心，師傅習慣就客人口味，一般香港人食唔到咁辣，可以試 “少辣”，但又唔會失咗川菜個特色。我地見佢拍晒心口咁，就即管試試 “少辣”菜色。由於花多眼亂，最後都係由呢位哥哥介紹，點咗幾味招牌菜：水煮豬面青(必試)平時叫得 “水煮”一定有番咁上下辣，何況單睇面頭既辣椒就夠辣啦…戰戰兢兢咁夾件豬面青試，嘩，堅係唔辣(少少辣啫)，而且醃得入味又唔會太咸，啱晒一向鍾意淡口味既我。豬面青本身好新鮮好爽口，加上少少辣確實惹味。招牌烤魚(側魚 必試)據部長哥哥講呢個招牌烤魚之所以係招牌貨，原因係在於個酸辣湯底，因為師傅係用雞骨同魚骨熬幾個鐘，跟住將烤到半熟既魚一齊上菜再滾一陣就食得。呢次我地試咗條側魚，唔試尤自可，一試真

身為雞煲控的我，又極之非常鍾意食川味辣野，要係香港搵間一次過滿足兩個願望嘅食店，真係痴心妄想好彩食友通風報訊，有間新開隱世小店，絕對啱我口味。二話不說，收工即刻衝去。望見拍板風味四字，已聞到陣陣刺激香辣味的引誘打開菜牌，辣雞煲，要！夫妻肺片，要！冰镇雞雜，正！尖椒皮蛋，吃！農家小炒肉，識食湖南菜，必吃！仲見到有貴州酸菜魚唉……，個肚装唔落，下次先。先送上涼菜，雞腎雞肝，好新鮮！唔太腍唔太硬，以麻辣汁浸透勝過旁邊的夫妻肺片幾皮。再試下尖椒皮蛋，碎粒尖椒，唔夠辣！反而皮蛋溏心，味道又濃又香，如果配上酸紫薑，就冇得輸了。到農家小炒肉登場，紅椒、尖椒、乾葱炒豬爽肉，火候夠，肉炸過，咬落脆爽，幾特別不過，我還是喜歡湖南小炒肉的香辣咸油混成一體的味道終於辣雞煲上枱，散發出香噴噴嘅麻辣味，件件雞球嫩滑，咬下去彈牙，煮得剛剛熟，骨肉仍帶點血，啱哂我呢種食材要鮮味嘅人。配上香蒜粒，在熱辣辣的鐵煱裡邊炒邊吃，又香又辣又滑，再飲啖冰凍竹䉀茅根，過足食雞煲瘾呀

忽然想食辣菜，川菜係我今晚嘅心水。係旺角唔多川菜，上Open Rice揾到呢間。有我好想食嘅雞煲，結果沒有失望，雞件肉真的很滑，配麻辣香，焗一陣，急不及待試一件，果然嫩滑！加上洋葱上台才加入鍋炒，剛剛好，不太軟，打開蓋子，麻辣葱味撲鼻，熱辣辣，非常好味。還有，必食尖椒皮蛋，流心皮蛋配尖椒碎粒，味道好複雜但回味蛋香，若果配上酸薑，效果更好。

香港聲稱美食天堂，各式菜式的餐廳多不勝數，我個人無辣不歡，鍾意品嘗唔同既川菜。Menu介绍飯前小吃，尖椒皮蛋，用既係榕記皮蛋，加上微辣尖椒份外入味，凉拌蓮藕片，爽口清脆，味道麻辣香口。麻辣水鹅腸，麻辣適中啱晒香港人口味。香辣雞煲隆重出場，老遠已經聞到濃郁的香味，加上大量嘅洋葱同辣椒配料經過烹煮之後，雞肉的味道鮮甜入味，爽口彈牙。

今次黎拍板風味系經朋友介紹嘅，菜牌好多選擇今次我哋只有两個人所以只點左幾道菜，香辣鷄煲，端上桌時香噴噴熱辣辣鷄肉，肉質細嫩加埋D洋蔥一起煮鷄肉更加鮮甜入味，鍾意食香辣D朋友值得一試。麻辣水鹅腸，看起好似没味，其實好爽口好麻辣好够味嘅。凉伴蓮藕片，看賣像好似清淡，食一啖你就知道咩叫菜不可貌相，藕片好清甜脆口，同埋呢食起來嘴好麻，我都系第一次食到呢種獨特風味。最後一道菜系四川回窝肉，師傅刀工非常了得，每片五花腩薄厚適中，加上新鲜配料，味道香辣带D甜用黎下饭很开胃。

朋友介紹我來呢間餐廳，佢話食過幾抵食。食川茶菜的，我少食既，當無係試下。有水煮桂花魚廚師用料十足，材料用足全條桂花魚，魚身上灑滿辣椒、花椒粒、花椒粉、莞茜等爆香，迫出陣陣油香，味道滲入魚肉，魚肉非常嫩滑。除了確保魚肉能保持熱之外，更能令油香被魚肉吸收，麻辣味十足。川醬爆臘肉-用辣椒、青椒及花椒粒爆香後再加入臘肉臘肉炒得香脆煙靭，味道偏重身帶咸味麻辣水鵝腸 鵝腸肉嫩滑，爽口彈牙，異常醒胃尖椒爆肺片 - 用青辣椒和紅辣椒小炒牛肚片，牛肚嫩滑，牛肚佈滿香濃辣椒味，辣度適中，辣椒都易入口。侍應好有心機介紹每度菜既特色，我覺得不是太辣，原來問番係廚師整少左辣比我啊

今日同個friend行過勝利道, 諗住食茶仔，但見到呢間食烤魚, 川菜既餐廳都有幾多人等位，於是就走入去食下。睇下個菜牌有乜食先，川菜我比較少食，見侍應非常體貼，全程由佢拍板哈。 未點菜之前要講下佢壺菊花茶,飲落去越甘甜，越辣就越甘甜水煮豬面青到我既至愛, 我本身鍾意食辣, 呢味就岩晒我, 佢辣黎又夠麻, 麻香滲透入豬面青，面青又夠滑，爽口仲要好林，好像食緊滑牛咁, yummy.話明見佢有烤魚食, 當然是點個酸菜烤側魚, 食落去條魚好滑滑, 肉質好鮮甜，而個湯同豆卜都好入味.之後仲點了以下幾個菜麻辣水鵝腸最後既鵝腸又係好爽口, 夠大塊，配上麻辣水, 如果你唔多食得辣, 一定會辣到飛起.尖椒爆肺片不過因為我個friend唔係好食得辣, 所以叫師傅唔好整咁辣, 最後食咗幾款菜, 原本最唔辣就變左碟肺片, 食落去都爽口好食, 紅椒及青辣椒都爆得幾香。川醬爆臘肉呢味就紅椒青椒都好爽口同唔係好辣, 臘肉都好食, 咸咸地又甘香，送飯一流。 不過以上既菜, 我地都叫師傅整小辣好了, 如果食得辣一定要來試下