挽肉と米

營業中

休息中

幾經辛苦book到之後見到網上有人話，呢到係香港最難預約餐廳之一，我絕對認同😭10點準時入去已經被人on hold咗啲位！——✨牛肉漢堡套餐$138有3塊現絞、現烤手打日本牛漢堡。入座會有店員介紹，亦有介紹卡紙建議可以點食，超細心。「羽釜鍋」現煮日本米，特別鬆軟，仲可以無限添食！炭火味香濃，唔使試其他同類店已經知道，根本無！得！比！有6款特配醬料mix and match，另外蘿蔔蓉配特製柚子醋。油漬青唐辛子好出色，同肉味超夾！——✨免治牛肉薯仔沙律 $35試咗就算，覺得可以唔使試。✨紫蘇Shiso Cocktail G&T $58勁香紫蘇葉味道，好解膩。——$138一個set，仲可以歎到IFC維港海景😍我絕對會翻啅！

由知道佢會黎香港開鋪頭，每朝10點入apps度搶飛😣到今個月終於終於搶到飛同朋友一齊去食！ 等左差唔多5個月先食到！入到去個刻好感動😭😭😭😭搶到飛記得去到同職員報到左先！當日都要等到夠鐘先入到去坐低，一入去就見到個靚靚海景😍😍真係好chill～一入門口左手機有部販賣機，職員會說明只有一款餐可以點，set入面包左最多三件既漢堡扒，一碗味噌湯，一隻生雞蛋同白埋白飯任添既，可以追加漢堡扒同點飲品既～ 飲品有酒精同非酒精類😌 個日係lunch time去食，晏就仲要番工就揀左杯蘋果汁飲下😚點好餐坐低之後職員會黎介紹下有三種食法佢地推薦既：1: 白飯配漢堡扒2:蘿蔔泥加柚子醋放係漢堡扒上面食3:漢堡扒點打發完既生雞蛋/ 生蛋拌飯加漢堡扒仲有六款唔同配料，俾你自己發揮！個人最推薦香炸蒜蓉同MOU先生特製既麻辣粉yumyum😝😝😝職員見你食完一塊漢堡扒就會再夾另一塊啱啱煎好既你！ 最後個日食曬三塊漢堡扒仲添左兩次飯！ 超級滿足😌呢間絕對可以encore！ 仲想試下睇住夜景去食😌😉

與遠道回來友人預約了下午4點半品嚐呢間人氣食店，雖然預約了，但登記後都等了大約半個鐘先入到去，叫了兩set 餐加檸檬梳打，漢堡扒肉質鮮嫩，充滿肉汁，本人最喜歡都係原味配白飯食，各式醬汁都幾特別，服務都幾好，下次會再幫襯😁。P.S 坐隔離有個靚女好好人，主動話幫我哋影了幾張相😍

終於試到ifc 名物~炭爐現烤手工漢堡扒經歷咗兩次成功預約先食到一次😢第一次預約咁啱撞正8號風球被取消🌬️🌬️之後再重新預約先食到食法有去到有說明書係櫃桶,所以唔多講,另外多款配料係旁邊我幾鍾意椒麻醬🌶️我個人覺得值得去食,真心好食好juicy😍最好預約先去食,如果walk in預2個鐘左右黎緊尖沙咀有分店我都會去食👅我預約感覺唔難😝預約開放未來7日,每日早上10點更新只要早上10點前入到店舖社交平台之後follow制隔離有個搶先預約制好快就入到去,我兩次都係電腦入比手機快👩🏻‍💻

呢間餐廳真係好難book! 早一個星期前準時早上10點搶到今個星期六4pm嘅4人枱🤣其實都唔知4pm係食乜餐，不過book到已經好好🤣餐廳喺IFC rooftop (4/F)，有落地玻璃，好光猛。一人一個set，$138再加一。配3舊即燒漢堡扒、一碗飯同一碗麵豉湯🥣。凍水任飲，飯🍚都係任添，仲可以配唔同嘅調味料同一隻日本生蛋🥚。餐廳得一款set可以揀，想另加配菜或者飲品就要另外加錢。漢堡扒即場燒熱辣辣超新鮮，勁juicy，配上正宗日本米飯🍚真係好好味😋第一塊扒佢哋建議試原汁原味，唔加任何調味。第二塊就可以試下佢哋每日鮮磨嘅蘿蔔蓉溝柚子醋。第三塊可以加隻生蛋黃連飯一齊食。三塊扒係逐塊逐塊上，唔怕擺到凍晒😌食完三塊肉再加碗飯，其實已經好飽🫃🏻

🥢可以預訂亦可以現場後補，或者可以即日取票等幾小時，為咗係食一間日本🇯🇵過江龍嘅牛漢堡餐店，據說會開分店，減低等侯嘅時間。.🥢第一次食係有啲驚喜，的確係好味同有新鮮感，餐店只有28個座位，先付款然後入座。只有一個指定嘅套餐，配有兩款小食同飲品，馬蹄型嘅位置可以睇住自己將會食嘅炭烤牛漢堡，一件一件咁順序端上，會係滿心期待 。———————————————————————————.🍚挽肉と米套餐💬一個餐包三件牛漢堡，分三次端上，第一次建議就咁配日本米飯🍚進食，炭烤原味嘅感受；第二次會用蘿蔔蓉同自家製柚子醋一拼進食；第三次建議配上生雞蛋🥚伴飯，米飯🍚係可以任添。亦提供多款唔同嘅調味料可以變出多款味道，熱辣辣嘅漢堡的確好食，但係份量只有加唔可以減。另外，免治牛肉沙律🥗係非常美味，唔好錯過😛

位於東京渋谷的挽肉と米是人氣餐廳，必先預約才可。今年5月初，挽肉と米落戶香港中環IFC開設分店，作為人氣過江龍餐廳，同樣需經由網上預約日期。伴侶這次剛好預約到星期日的時段，下午4點半來個early dinner！餐廳位於IFC 4樓，不是商場室內位置，而是在平台層，景觀開揚舒適。入座前先在點餐機購票，套餐$138/份，包含的內容有現烤牛肉漢堡扒 (3件，每件90克)、現煮白飯、味增湯及雞蛋一隻，白飯可無限添加。除了套餐以外，我們還加購免治牛肉薯仔沙律、檸檬梳打及生薑梳打。店內每個座位都看到烤爐，望到店員即製漢堡扒並即烤，烤好的漢堡扒一件件陸續送到客人的座位前。入座後，店員會先簡介一下流程，客人也可看看店家提供的建議享用方式，亦有介紹各類的醬料或配菜，讓客人容易按個人口味去選擇合適的醬料和配菜。免治牛肉薯仔沙律，除了有免治牛肉外，薯仔沙律內還混入了洋蔥，增加沙律的口感及香氣。味增湯的調味恰好，濃味而不鹹，味增湯不能像白飯那樣任添，只得一碗。先上第一件漢堡扒，原汁原味的享用，漢煲扒烤至微焦，帶點炭火香，肉質不會太過軟稔鬆散，夠結實！用筷子一分開漢堡扒，肉汁就流到白飯上，想好好的感受那肉汁，

終於食到挽肉と米。未食過日本那間，冇得比較，但香港這間的出品我是覺得好食的。不過吃過便算，要提前預約太煩了，我未必會做回頭客。佢哋嘅漢堡扒細細舊，但油份、口感確係唔錯。既然店名挽肉と米，日式漢堡配白飯，後者的重要性亦不可忽視。店家用秋田小町米，我亦滿意其飯所煮出來的煙靭程度，白飯任添下我便吃了三碗。店裏主要只賣一客三個漢堡扒的套餐，包括味噌湯同一隻生雞蛋同任添的白飯，未計加一下$138，以IFC這地段來說不貴，我加了一個有唔少牛肉碎的小吃薯仔沙律，兩樣嘢連加一共收咗一百九十大洋。畢竟中環黃金地段，兼且攞碳烤牌不容易，價錢當用來支付這兩樣東西便覺可接受。佢哋建議漢堡扒的三個食法：原味，加蘿蔔茸與自家柚子醋，以及配生雞蛋。三個食法中我最like加蘿蔔茸及柚子醋，夠清新。值得一提的是他們的漢堡扒本身已夠味，但其提供的八種配料真的唔錯及夠多元化，令我忍不住添加。最近在內地發圍嘅肉肉大米亦進軍香港，我曾在內地食過，若兩者比較，挽肉と米仍勝一籌，畢竟碳烤便是王道。

𝑹𝒆𝒔𝒕𝒂𝒖𝒓𝒂𝒏𝒕 𝑵𝒂𝒎𝒆 🍽️: 𝑯𝒊𝒌𝒊𝒏𝒊𝒌𝒖 𝑻𝒐 𝑪𝒐𝒎𝒆🥩𝐿𝑜𝑐𝑎𝑡𝑖𝑜𝑛📍: 𝐼𝐹𝐶, 𝐻𝑜𝑛𝑔 𝐾𝑜𝑛𝑔𝐶𝑢𝑖𝑠𝑖𝑛𝑒 🥂: 𝐽𝑎𝑝𝑎𝑛𝑒𝑠𝑒 ℎ𝑎𝑚𝑏𝑢𝑟𝑔𝑒𝑟 𝑠𝑡𝑒𝑎𝑘🇯🇵𝐷𝑖𝑠ℎ𝑒𝑠 📸：🥩𝑯𝑰𝑲𝑰𝑵𝑰𝑲𝑼 𝑻𝑶 𝑪𝑶𝑴𝑬 𝑺𝑬𝑻🫓💨挽肉と米套餐🔥1. 𝘍𝘳𝘦𝘴𝘩𝘭𝘺 𝘎𝘳𝘪𝘭𝘭𝘦𝘥 𝘏𝘢𝘮𝘣𝘶𝘳𝘨𝘦𝘳 𝘚𝘵𝘦𝘢𝘬𝘴 x3 (90𝘨) 🫓現烤牛肉漢堡扒（最多三件，每件90克）🥩2. 𝘍𝘳𝘦𝘴𝘩𝘭𝘺 𝘊𝘰𝘰𝘬𝘦𝘥 𝘙𝘪𝘤𝘦 (𝘍𝘳𝘦𝘦 𝘙𝘦𝘧𝘪𝘭𝘭)🌾現煮白飯（免費添加）🍚3. 𝘔𝘪𝘴𝘰 𝘚𝘰𝘶𝘱🍲味噌湯🥣4. 𝘙𝘢𝘸 𝘌𝘨𝘨🍳雞蛋(一隻)🥚🌟𝐶𝑜𝑛𝑠𝑢𝑚𝑝𝑡𝑖𝑜𝑛 𝑝𝑒𝑟 𝑝𝑒𝑟𝑠𝑜𝑛：$138🍚挽肉と米🥩東京過江龍人氣漢堡扒專門店🫓以獨特既炭火現烤方式同對食材既嚴格要求而聞名✨食材都以「新鮮現絞」🔪 「板前現烤」🔥 「食材現煮」方式處理🥘務求呈現最高品質💫提供極致完美既漢堡扒體驗😝🫓漢堡扒🥩漢堡扒採用100%日本牛肉🥩肉質鮮嫩多汁🤌加上現場炭火燒烤🔥油脂迫晒出嚟😝肉質仲有陣陣炭火香氣💨🌾 大米 🍚 （無限Refill)大米用左秋田縣秋田小町米🌾 口感微黏具

上網book唔到, 所以試下walkin, 星期日10:45去到, 已經排咗好長人龍等拎籌, 11:00準時派籌, 我好好彩拎到最尾一張, 6點有得食不過6點去到唔係即時安排座位, 如果有網上預約咗的人來到, 就要俾佢地入先, 最後等到6:40先有得入座餐廳環境開揚, 無油煙味, 有專人同我講解食法. 有3塊扒, 佢建議用3種不同食法. 有好多醬汁配料可以落, 我最愛青唐辛子, 好開胃.仲可以每人一隻生雞蛋撈飯食. 塊扒煮得剛剛好, 熱辣辣食好正, 好香肉汁味白飯任裝, 但我食咗半碗姐, 因為3塊扒真係太飽. 我建議可以出個2塊扒set, 3塊真係有D多, 而且煮法一樣, 食到最尾有點膩

預約咗好幾次，終於book到去食呢間日本過江龍漢堡扒餐廳，用餐時間限時60分鐘，食得好趕。如果book咗要取消，餐廳會收返一定charge ，可見個取消政策對食客有點嚴苛。套餐包三舊漢堡扒、白飯（可任添）、一碗麵豉湯同埋雞蛋一隻，店員會俾一張指印食客睇吓個建議食法。第一件漢堡扒會建議原味食，可以品嚐食物嘅原汁原味。餐廳亦有提供五款配料，可以在吃漢堡扒是隨意點嚐，配料包括：生醬油、青唐辛子鹽漬檸檬、油漬青唐辛子、麻辣粉、椒麻醬及香炸蒜碎。第二件漢堡扒會建議配以蘿蔔泥同埋自家製柚子醋食用，酸酸地、口感清新，食落一啲都唔油膩。第三件漢堡扒會建議加生雞蛋配以白飯一齊食用。整體嚟講，漢堡扒冇想像中咁爆汁Juicy，但佢食落一啲都唔油膩，初初以為食晒三件會有一定難度，點知食食吓仲添多碗飯。以$138呢個價錢嚟講套餐真係非常抵食，加上店舖位置仲要喺中環商場裏面一個望海嘅地段，環境氣氛一流。雖然未算驚艷地好味，但CP值整體來說都很高，值得再訪！

最近去IFC試咗「挽肉と米」，冇預約，Walk in排隊，好彩係第4個，等咗45分鐘就入到去。搞笑嘅係，我排咗隊之後，身後即刻多咗10個人。餐廳規矩係每人要點一個$138嘅套餐，包括3塊漢堡扒、無限白飯、麵豉湯同一隻京都產嘅雞蛋。店員好細心咁介紹調味料，感覺幾貼心。白飯用秋田縣嘅水晶米，煙韌彈牙，麵豉湯味濃但唔鹹，配蘿蔔腍腍，飲完一啖即暖晒。第一塊漢堡扒原味試食，炭烤香濃，內裡Juicy但唔油膩。配青唐辛子檸檬醬，食落清新有檸檬餘韻，幾有趣。豆拌醬油搭配第二嚿，鹹香味道突出。柚子蘿蔔泥雖清香，但稍為遮蓋肉味。最後一塊漢堡扒我用生蛋黃撈飯，Creamy得嚟又煙韌，非常滿足。總體嚟講，呢餐飯性價比高，味道層次豐富，值得一試！

今日kk隊員們特別黎到挽肉と米 試下佢哋既肉肉與米 🍙🍙見到店外常常有人排隊 好期待 💛💛我哋對佢哋既肉肉與米充滿期待 💛💛店員現場手打漢堡扒 再即場炭火烤熟會忍唔住一直望店員做呢一套動作 😂😂慢慢睇住肉肉變熟~~ 又聞住肉肉既香氣~感覺好治癒😘😘第1塊肉肉試一啖原汁原味先~ 感覺佢既肉香同油脂 加埋米飯 真係好香💛💛之後可以加 鹽 / 黑胡椒 / 花椒 去試下唔同既口味覺得 鹽+黑胡椒 係最 Perfect ~~第2塊肉肉可以加蘿蔔泥和柚子因為本人唔太食蘿蔔 所以直接試少少之後 就試佢哋有自己做既配料：生醬油、青唐辛子鹽漬檸檬、油漬青唐辛子、MOU先生的特製麻辣粉、椒麻醬、香炸蒜碎、梅子醋漬白菜和豆拌醬油覺得椒麻醬係最 Perfect ~~第3塊肉肉搭配生雞蛋汁 + 生醬油感覺好幸福 十分中意食蛋 加埋醬油 就甘食個飯 已經好滿足💛💛連埋肉肉既肉香同油脂 係一種享受 ~~注意 : 打蛋要好有技巧 小心唔好整穿蛋黃  剩係用合蛋殼蛋黃同蛋白分離好難 建議大家多多練習😎😎小食免治牛肉薯仔沙津 、泡菜感覺有啲普通 冇咩特別感想

星期一唔使返工，諗住冇預約都去試吓啦。12:10去到，大概前面有八至10個人，結果差唔多1:10先至可以入場。佢只有一款菜式，就係三件漢堡套餐，包括麵豉湯湯同埋白飯。漢堡會分三次上，每一次佢都會有佢嘅建議食法。搵返個漢堡先，佢係多汁嘅，但係佢唔係用咩安格斯牛肉，所以你唔會諗住配有好重嘅油脂。白飯係任裝，用咗秋田縣嘅白米，好好味。基本上身邊嘅其他食客都會加飯，女士亦唔例外。如果預約嘅話，係要嗌一個套餐加一杯飲品，即場排隊就可以唔使嗌飲品。另外，去自家製嘅唔同醬汁都好好味，每樣都忍唔住試吓。

喺中環IFC 用$138 食3塊日本漢堡扒套餐，望住靚景食嘢。咁嘅價錢仲有咩好講😍5月開張，次次路過都見到大排長龍，好好彩星期一晚上去到嘅時候竟然有兩個Walk in位😍成個店舖裏面只有一個set可以揀，既可以話係好處，亦都可以話唔係好處，好處嘅就係啱晒選擇困難症嘅你，唔好處嘅話就真係冇乜選擇 。諗住得3塊肉，應該唔夠飽啦，點知原來其實都OK 㗎喎。如果真係唔夠飽，可以加返$35多多一件漢堡 。漢堡方面，做到外面脆但係裏面超多汁又唔會太乾，第一啖建議乜嘢都唔好落咬落去，感受一下嗰個肉嘅味道，第二件第三件就可以嘗試一下配搭唔同嘅配料，配料方面嘅選擇都幾多選擇，個人特別喜好就係蒜蓉同埋辣粉 。不過講到尾其實原汁原味都真係最好食。小食方面有兩個選擇，第一個就係免治牛肉配薯仔，個人一啲都唔喜好洋蔥🥲如果同我一樣都係唔鍾意食洋蔥嘅就記得要避雷啦 。另外一個小食就係泡菜，千祈唔好祈望好似韓國泡菜咁樣，基本上呢個泡菜只係似韓國嘅醃料放咗喺啲新鮮嘅娃娃菜上面。整體嚟講$138有一個套餐又係一個咁有特色嘅地方度食嘢，仲要有埋水準，簡直物超所值 。