掌壽司 (已結業)

朋友知道我喜歡食日本菜，就帶我來到觀塘駱駝漆大廈一間食日本料理的餐廳，入到店內環境裝修設計簡約，很有日本風格！餐牌上選擇很多，最後我們選擇了一個二人前😋人蔘果沙律，沙律的份量很大，有超多新鮮爽脆的生菜配上人參果及芒果醬，好食到停唔到口！刺身有五款，包括鮟康魚肝、拖羅、廣島蠔、赤蝦、原隻帶子，拖羅魚油豐富有入口即溶嘅感覺，帶子好厚肉鮮甜美味，廣島蠔超大隻新鮮，好味濃郁蠔香，伴檸檬汁及茄汁，味道更加提升！壽司有秋刀魚、油甘魚、碎蔥吞拿魚、太卷，秋刀魚油脂感十足，油甘魚魚味濃郁，碎蔥吞拿魚入口幼滑！鹽燒花魚，魚皮燒得脆卜卜，魚肉質鮮嫩多汁，配上酸酸地嘅醬汁一齊食，鮮味更加提升！壽喜燒鍋物，澳洲M9和牛，肉味比較濃郁，放入湯底滾十幾秒左右就食得，半熟食落特別柔嫩，點買日本生雞蛋，蛋漿唔單止令牛肉口感更軟滑，亦可以降低溫度，容易入口，湯底香甜，菜煮淋之後吸入湯更加美味😋日式松茸海參花膠燉湯，這個湯比較少在日本餐廳可以飲到，湯的材料矜貴，飲落好清甜，好適合而家涼涼地天氣👍果仁雪糕，果仁味好突出，又香又滑！

今晚去下觀塘工廈食日本料理， 雖然在工廈，但係駱駝漆大廈keep住人流多，上𨋢常排滿人。餐廳裝修得好有心思， 門口有個金魚缸歡迎我哋， 我座位對面有很多日本酒樽做裝飾，氣氛好，坐得舒服。點了精選2人套餐時令沙律沙律醬汁調得好好味，雖然只係簡單的蘿蔔絲，生菜絲 青瓜絲，脆脆絲等，仲加了蘋果薄片，好爽脆清甜。刺身盛有油甘魚、拖羅、廣島蠔、赤蝦、活帆立貝， 塊塊都超巨大而且好新鮮， 不得不提廣島蠔超肥美，店員說廣島蠔比較清淡要配醬汁一齊食。 第一次試活帆立貝，口感比較黏口，好新鮮口感好好。壽司盛主要有小肌、間八、秋刀同太卷， 三款魚比較特別。秋刀魚唔會太腥，估唔到同壽司飯幾夾， 小肌本身比較鹹所以唔使點醬汁。鹽燒花魚片開了兩邊， 方便進食， 一啲都唔腥，煎得好香脆。壽喜燒鍋物餐廳十分貼心，我朋友唔食牛可轉豚肉，而我嗰兩塊照舊係M5和牛，配日本生蛋 一起吃，分外嫩滑，牛肉油脂分佈適中，其他配料在壽喜鍋都好入味，有豆卜、粗粉絲、冬菇同菜， 好豐富。日式松茸海參花膠燉湯日式料理好少食到呢款燉湯。有花膠、海參、松茸 ，好滋陰養顏，燉得好夠火候，好味!超正!甜品係蜜瓜， 解一解全餐的飽肚感，真係大大滿

今天放工朋友約了我在觀塘吃晚飯，這間第一次吃已覺得好好味，同埋環境不錯，裝修有特色，好有身處日本感覺，今晚又上去吃，侍應介紹我們吃這個精選二人套餐，就叫這個，套餐入面有時令沙律蔬菜好新鮮，咬落去唰唰聲，沙律醬特別香刺身盛油甘，拖羅油甘同拖羅片片厚度一樣，嘴爵很有口感廣島蠔大隻，好有新鮮海水鮮甜味赤蝦蝦身特長，蝦肉結實，好鮮甜活帆立貝大粒同厚身，好新鮮壽司盛小肌喜靈魚壽司，口感好特別問八，秋刀同大卷很有鮮甜味同爽脆鹽燒花魚大塊，煎得香，檸檬汁加上魚，搭配壽喜燒鍋物金菇，冬菇，菠菜，豚肉沈透入湯底鮮甜日式松茸海參花膠燉湯好香松茸，海參同花膠大塊厚身

呢度地方幾大、環境舒服，裝潢亦經過悉心設計。妹豬仔同朋友就點咗：.💖 (HK$796/2位).🔸 係賣相吸引嘅南瓜醬沙律！有蕃茄仔、沙律菜、櫻花蝦等等，配上南瓜醬汁，食落酸酸地好醒胃🙌🏻！.🔸[刺身盛 六點] 刺身盛包括6款刺身，分別係：秋刀魚、拖羅、三文魚、帆立貝、赤蝦、赤貝。每件刺身都好鮮甜，拖羅、三文魚仲大件得嚟又肥美😍！.🔸[壽司盛 三點🍣] 刺身盛包括3款壽司，分別係：小肌、深海池魚、碎蔥吞拿魚。3款壽司同樣好新鮮，一啲都唔腥👍🏻。.🔸 花魚開邊之後燒得好靚好香，魚皮燒到好脆，但肉質依然保持嫩滑，沾點埋特製嘅柚子酸汁，食落魚嘅鮮味更加突出😋。.🔸 澳洲產M9和牛100g🐮同北海道豚肉100g🐷都好大片、肉質嫩滑，沾點埋來自熊本縣嘅雞蛋，味道一流🤤！.🔸甜品] .✨妹豬仔👧🏻💬: 整體來講，食物質素亦唔錯，而且呢度環境舒適，適合同朋友邊食邊傾偈。.(以上價錢僅供參考，一切以餐廳為準)

觀塘出名好多好嘢食，今日就試咗一間隱藏喺駱駝漆大廈嘅日本嘢。首先嚟嘅前菜係木瓜沙律配南瓜醬，食落清新得嚟又唔會好似平日嘅青瓜沙律咁悶，而且加咗少少乾蒜，令口感爽脆得嚟帶少少辣味，好惹味好開胃。之後係壽司盛 三點：油甘魚好肥美，油脂分佈均勻；小肌魚味相對重，魚肉亦都比較結實；碎葱吞拿魚就加咗芝麻點綴，食落有吞拿魚同埋芝麻嘅香味。餐廳亦都送咗時令鮟鱇魚肝做伴菜，雖然聽落好誇張，但係人生第一次食鮟鱇魚肝，簡直驚為天人，魚缸嘅味道濃沃，同時比鵝肝多一陣鮮味，呢一個月都係當造嘅月份。之後就係刺身盛 六點：有時令秋刀魚、大拖羅、三文魚腩、帆立貝、赤貝同赤蝦。根據餐廳嘅建議，我哋油味道比較淡嘅海鮮開始食：赤蝦非常多肉，帆立貝則非常鮮甜，赤貝肉質爽口，到戲肉嘅三文魚腩，味道新鮮濃沃，當以為已經好好味嘅時候，一口咬落去大拖羅非常肥美，入口即溶，過咗一陣個口仍然殘留住拖羅嘅油脂感。今晚真係試咗好多從來未食過嘅菜式，刺身最後一味係秋刀魚，之前都從來未試過生食，食落去魚皮同魚肉都好滑，係十月尾秋天嘅期間限定先有咁肥美嘅秋刀魚。餐廳另外上咗一碟醬油葱，配合秋刀魚味道比較濃嘅味道一齊食。餐廳嘅熱食都唔馬虎，有鹽燒

觀塘工業大廈真係有好多隱世嘅高質餐廳，今次經朋友介紹下又嚟咗一間平、靚、正嘅日式料理店食晚飯。唔好睇呢間日式料理店外貌不揚，但其實食物質數都唔算差，而且又多選擇，燒物、刺身、壽司、鍋物乜都有，最緊要價錢大眾化，所以見佢哋喺OpenRice都有唔少正評！ 精選二人套餐 (796/2位)，呢個餐有以下前菜、刺身、壽司、熱食、鍋物同甜品，乜都有啲，啱晒怕煩逐樣叫嘅阿叔。 前菜：木瓜沙律配南瓜醬，有少少辣，味道偏濃，十分惹味。 刺身盛：6款刺身包括秋刀魚、三文魚、赤蝦、帆立貝、赤貝同拖羅。秋刀魚因為時令，所以非常新鮮肥美；拖羅亦絕對無令阿叔失望，色澤粉紅，入口即溶。 壽司盛：套餐包有小肌、碎蔥吞拿魚同埋深海池魚3款壽司。雖然壽司款式唔算太多，不過有阿叔近期嘅至愛 - 深海池魚，呢款魚嘅肉質鮮嫩肥美，油脂夠厚，魚油又香，難怪越嚟越受大家歡迎。 鹽燒花魚：冷盤過後就開始熱食，花魚燒至皮脆肉嫩，記得沾埋特製醬汁，酸酸地更能帶出魚嘅鮮味。 壽喜燒鍋物：用上澳洲M9和牛同北海道豚肉，前者牛味濃郁，後者肉質嫩滑，如果多幾塊就好囉！ 成個餐比阿叔嚟之前想像中好，當然質素未必比起中環區日式料理名店，但以呢個價

今晚同朋友黎觀塘食掌壽司，間店都算大，氣氛溫馨。餐廳都幾多食物可以揀，今次就嗌左一份二人套餐，完全夠兩個人食，而且款式都幾多🤤🤤 值得一試！👍🏻1.時令沙律顏色鮮豔，裏面有沙律菜、番茄仔、脆米、洋蔥等，再配搭埋個醬酸酸甜甜，真係好開胃！2.刺身盛同樣冇令我失望，每一塊都係好鮮美、清甜爽滑。我第一次食到咁厚切嘅三文魚同埋拖羅，差唔多係我平時食嘅兩倍厚😂 真係每啖都好驚喜👍🏻 三文魚油脂豐富，層次分明，肥而不膩。拖羅油分適中，鮮味十足，食完滿口甘香。赤蝦仲長過個碟🤩，蝦身飽滿，肉質鮮嫩，甘甜不膩。3.壽司盛有油甘魚、小肌、池魚，仲有魚肝，件件都令人讚不絕口。鮟鱇魚肝真係入口即化，一啖落去，幸福感爆棚😍😍 池魚壽司肉質緊實、入口爽脆。4.鹽燒花魚魚嘅外皮酥脆，肉質鮮滑、鮮嫩，完全冇腥味。淡淡嘅鹽味令條魚口感更加鮮美。5.壽喜燒鍋物壽喜燒甜甜嘅湯底，好清新嘅感覺。裏面都有好多料，鍾意壽喜燒嘅人值得一試～和牛口感柔軟、油花分佈均勻，配搭壽喜燒嘅湯底味道偏淡，但味道仍然甘甜、鮮味十足。6.是日甜品今次餐後甜品係蜜瓜～二人套餐款式眾多，可以食到唔同嘅料理又同時保持高質素，下次會再黎食🤤🤤

同朋友在章壽司食二人晚餐 首先來了沙律🥗賣相一流，醬汁係酸酸甜甜的千島醬 第一次食沙律係有加柴魚片同飯素～即刻有番日式風味係度～好fresh🤩然後係我最期待的刺身盛 裡面包括了六種刺身 款款都係新鮮厚切 上來的時候都忍唔住影左好多張相～擺得好靚當中最驚喜係大拖 第一次咁厚嘅拖羅 口感係邪惡得黎又滿足 入口即融 油脂感no.1😜三文魚一直都係我嘅至愛 而帆立貝軟腍厚身赤蝦🦐有成隻手掌咁長 識食一定食埋蝦膏 配上蝦肉的鮮甜 應該比番個掌聲佢😂👏壽司盛 （小肌 油甘 池魚）我們當天的壽司盛包括了有三款 油甘魚冇得輸 入口微酸的醋飯加上少少爽脆的魚脂口感 👍🏻👍🏻一食難忘 小肌我都係第一次食 魚味好重 有少少酸味 師傅另外夾了少少紫蘇葉 我本身好鍾意食魚 呢個味道對我而言都好新奇❤️鹽燒花魚黃花魚燒得好香口 裡面的骨仔唔多 調味剛剛好食呢d燒物就好想黎番杯清酒能夠與朋友暢談一晚呢😉😉壽喜燒我最懷念的日本美食應該係壽喜燒了 甜甜的醬汁在熱烘烘的鍋裡沸騰 涮入牛脂豐富的M9和牛 以及 北海道豚肉 即刻有種入秋的感覺🤤🤤 煮熟的肉混合埋蛋黃汁 瞬間變得又滑又帶有蛋黃的香氣 👍🏻👍🏻最後的甜品係日本蜜瓜

I booked the table 7:45pm on Monday for 2. The restaurant is closed at 10pm.I arrived 30 mins earlier and the waiter remind me I hv to leave in 2 hours. Meaning I can stay until 915pm. I asked what if no guest come after 915pm, do I need to leave? She answered YES as this is the rule of the restaurant! This is just Ridiculous!!

好耐無去過觀塘食飯，怕咗佢夜晚人山人海。但今晚去觀塘工廠大廈食日本料理，就記得返佢可愛之處。地方寬敞舒適，更有空間放置藝術擺設，令晚餐體驗更精緻。今晚叫咗個精選二人套餐。首先係木瓜沙律配南瓜醬，顏色七彩繽紛，少少辣。套餐包括刺身盛六點，有拖羅、三文魚腩、帆立貝、赤蝦、秋刀魚等等。壽司盛三點，有小肌、油甘魚、碎蔥吞拿魚壽司，同鮟鱇魚肝。鮟鱇魚肝入口即化，但魚肝鮮味卻逗留喺口腔内，令享受延續。跟住係鹽燒花魚，壽喜燒鍋物，分別有澳洲M9和牛同北海道豚肉，最後係一個精緻嘅水果拼盤。今晚環境靚，食物質素高，非常圓滿。

秋天可以行山啦！朋友帶我去觀塘駱駝漆大廈買番對行山鞋，之後梗係去搵嘢食啦！我話想食日本嘢，於是朋友仔帶咗我去掌壽司，好彩6:00已經嚟到唔使等位，見到二人套餐都幾抵食，費事諗食乜一於叫套餐南瓜醬沙律，口味清新，立即開胃刺身盛 六點拖羅、三文魚、帆立貝、赤蝦、廣島蠔、時令鮮魚係堅魚堅魚好少有，好濃味食材全部新鮮，食出鮮味壽司盛 三點油甘魚火炙劍魚醬油漬海膽鹽燒花魚配柚子醋食到飽晒，點解仲有㗎壽喜燒澳洲M9和牛北海道豚肉好似去咗日本咁是日甜品食完真係飽到上心口，真心唔錯，性價比極高

真心CP值 麻麻嘢食味道正常 但係唔算好食 或者特別服務態度幾好 不過上菜時間 掌握唔到食2人套餐食完個刺身 等個壽喜燒都等咗好耐但係前後左右 就keep住出緊餸 可能本人心急掛只可以講 唔會再幫襯多次 唔抵

好耐無去觀塘outlet買平貨，今日去shopping, 朋友介紹日本菜掌壽司，咁耐無去日本，食個日本餐當去咗啦！🤣 店內燈光昏暗，情調浪漫。 地選咗精選2人前套餐 先來頭盆係木瓜沙律配南瓜醬，清新得黎有少少辣，配搭唔錯，十分開胃。 刺身盛六款，有肥脂平均的三文魚腩、肥厚拖羅、手掌般大生蠔、鰹魚，超新鮮牡丹蝦和大大粒帶子，食到唔想停😋😋 壽司， 店員介紹先食柚子果凍，清一清個嘴，先再食壽司，有共3款，鮮甜都不再話下，每件精緻細膩，好似工藝品一樣。😍😍 燒黃花魚，燒得甘香，香脆可口，沾上特製醬汁，野味非常。 壽喜燒鍋物， M9和牛果然不同凡響，牛味十足，入口有即溶感覺，食多多都唔夠。北海道豚肉也不錯， 肉質嫩滑，沒有半點肥糕，正👍 飯後水果是蜜瓜，又甜又香，蜜味十足。 這裡坐得舒適，佈置像日本風格，食物頂級，下次一定會再來😋😋

去觀塘唱k前想食個快lunch朋友上網搵左幾間最後扑搥揀左哩間日本野—————————————坐低睇下餐牌食物選擇唔少嗌左個壽司定食 （$138）哩個set可以係四個小主食入面揀一個朋友揀左角切魚生飯我就揀左蟹膏飯蟹膏份量唔少 配飯幾好食壽司如同相片所見一樣咁平實唔算好有光澤 鮮味亦唔突出屬一般街坊小店既港式壽司質素茶碗蒸就蛋滑 有少許配料如冬菇 但無嘜味麵豉湯同胡麻醬沙律亦係正常過正常最尾甜品係cocoberry雪糕以前好似話係哈根大師雪糕可惜可惜———————————————-食材普通 味道普通以觀塘區工廈位置黎講午餐定價進取不過座位寬敞 坐得幾舒服既可能係咁所以依然有咁多人幫襯啦我地食完埋單個時已經全場爆滿出面都有人排隊

今日去觀塘交收，所以約朋友仔去咗駱駝漆大樓搵食，最後我揀咗呢間日本餐廳，我地揀咗精選二人套餐 ($796/2位)，見樣樣都有啲，所以就點來試下。前菜先來一個1️⃣時令沙律 - 生菜絲，脆米，蕃茄仔，黑芝麻配上酸酸甜甜的醬汁，十分開胃再來就是2️⃣刺身盛六點：🥢秋刀魚、🥢拖羅、🥢三文魚腩、🥢廣島蠔、🥢帆立貝、🥢赤蝦刺身十分新鮮，有魚油香氣，赤蝦爽口彈牙，廣島蠔有點creamy3️⃣壽司盛三點：🥢醬油漬劍魚腩、🥢油甘、🥢碎蔥吞拿魚，配上數條漬牛蒡，店員細心提點我們最後才吃醬油漬劍魚腩，因為比較濃味。4️⃣吉列和牛丸子 - 和牛肉味香濃，炸得外脆內軟，香氣撲鼻最後再來一個5️⃣壽喜燒鍋物：🥢澳洲產M9和牛100g - 大約有3 塊，和牛油脂分佈平均，牛香味濃，配上日本雞蛋一起吃，令和牛更加滑🥢北海道豚肉 100g - 大約有 4 塊，豚肉嫩滑其他鍋物也不錯食飽飽之後就一定要食甜品啦。6️⃣是日甜品 - 是豆腐雪糕，蛋糕面用槍微微燒過，吃時有陣陣焦香，豆腐味也很出。