探魚烤魚

營業中

休息中

大陸食過幾次，終於香港有得食，質素保持到，幾好一入去都同大陸嘅裝修相似，橙色光管，朋友也有啲似大快話😂全部烤魚都有分唔同嘅魚選擇，基本上就係大細同埋多唔多骨嘅分別蒽蔥蔥聰明烤魚幾有蔥味，係等嘅時間比較耐，但係慢工出晒貨，湯底幾好，下飯👌🏻除咗魚之外，配菜跟埋好多豬肉丸，tastes ok ✅探魚鮮豆花幾新鮮，幾有豆味，幾吸湯蒜泥青瓜新鮮青瓜切片,拌以香濃的蒜泥醬料,為這道菜增添了豐富的香氣和味道。清爽的口感和爽脆的口感相得益彰,非常開胃解膩。一把滿足烤羊肉串嫩而多汁的羊肉,並以秘製的調料汁醃製入味,再用特製的烤爐進行燒烤。

探魚在觀塘開了新分店，就在APM三樓，對正自動梯，位置非常就腳，就去試下吧。通常新店開張都比較混亂，好彩又無遇到什麼情況，只是食材供應有些短缺，我去的那天全部燒烤和大部份小食都售罄。小問題，應該好快得到解決。一入探魚的圓形大門，即傳來「爽麻無極限，開心食烤魚」的歡迎詞，入內環境相當寬闊，保持探魚一貫橙色裝潢。我和先生都不喜歡被麻辣搶去魚鮮味，所以點了個小辣的「蔥蔥蔥聰明烤淩波魚」（$298）。淩波魚肉質細膩有魚味，配料有香蔥、大蔥和美味肉丸。湯底香濃，帶少許花椒香味，非常惹味好吃。當天既然無小食可選，就多點幾款蔬菜：大白菜、金針菇和萵筍（各$30），全部已烚熟，放入湯中吸汁就食得。飲品點了囂張冰桔桶（$68），的確囂張，而且非常搶眼。酸咪咪的桔子水唔係好甜，冰涼清爽。最後當然要一人一份無限探索任食冰粉（$9）。這個探魚招牌都不需多介紹，烤魚未到已食兩碗，食完烤魚又來兩碗，已是基本了吧。

一聽到 APM 新開左探魚分店，即刻約埋fd去試試!!❤️蔥蔥蔥聰明烤魚 烤魚可以揀淩波魚/黔魚/鮰魚 3款魚，揀左凌波魚， 一大條魚，啖啖魚肉，而且魚肉仲好鮮嫩!! 辣度揀左唔辣，但都有唔少綠色辣椒粒，愈食愈香，辣味慢慢出黎～調味香濃惹味，特別係好多香蔥，香味濃郁!!🧡蒜泥青瓜 新推出既小食，清新爽口既前菜，蒜泥味濃郁，片片好都好脆嫩，食落清爽又開胃💛絕絕子爆汁炸雞 炸雞外脆內嫩，咬落去仲有肉汁，塊塊都炸到外層金黃酥脆，點埋酸辣醬更好味💚自助冰粉 有原味& 蜜桃味，同埋多款配料，寒天晶球 +白珍珠+花生碎等等，冰涼透心

入到來12：04分點完菜，12：30幾分先上菜，期間其他後來的台都比我地台先上…等菜途中去冰粉自助區，配料全部空，得兩兜冰粉同紅糖漿，無員工自行添加，得一個啊姐走來走去，其他3個員工顧自己吃飯緊要…某位級別員工更加精彩，顧住廚房後面出菜，樓面完全唔控場，交俾啊姐自己睇…到上菜啦，叫左個重慶豆花魚，等左半個鐘之餘，上到來無介紹食法，洗吾洗再煮幾耐先食，無提及豆花系凍既，凌波魚睇落似鹹魚，白飯似隔夜飯…作為香港分店，入來坐低無提供9宮格小食，無叫口號，無音樂氣氛，員工服務差，經理無帶隊意識，出菜慢又無人跟單，樓面冷氣幾乎無開，坐低食野個個都全身汗💦，無服務仲要收服務費，笑死～唔會再光顧！

很久沒有食直升機的伏🚁🚁🚁🚁🚁新開十日八日，其實只係路過入去之前完全唔識呢間餐廳等了三十分鐘無人比menu ，無人比QR code入到去已經鬧緊魚要等一個鐘心裡驚驚第一伏，主菜烤魚等了成40分鐘先上，重要上錯枱第二伏，個牛串燒幼到牙線咁，叉到落去先勁第三伏，加三十蚊大白菜，係底喎，少到睇都睇唔到味道正常唔錯gei但貴過係尖咀食龍蝦鮑魚每人三佰，全單六佰又可以bad list返到屋企重成新烤魚味

探魚返大陸就食得多,終於等到佢登陸香港啦, 今次去左位於觀塘既探魚探魚以創新鮮味既各款烤魚聞名。今之點既係招牌菜「蔥蔥蔥聰明烤魚」, 今次點左凌波魚, 貪佢少骨而且魚味濃, 一拎上黎已經見到海量既香蔥同京蔥鋪面,色澤誘人, 魚肉用火烤制後, 放入秘製湯底再用文火煮, 魚皮咬落酥酥脆脆而魚肉又做到軟滑既質感,油脂恰到好處,一D都唔腥, 加埋陣陣撲鼻的蔥香,簡直係完美!亦點左「脆爽魚皮」同「海陸空把把燒天團」, 這款小食別具創意, 魚皮表面經過特殊處理,咬落不單冇一般魚皮的柴澀感,反而呈現出爽爽脆脆既口感,再配合左鹹香適中的秘製調味料,開胃前菜黎講一流, 忍唔住一口接一口。仲點左一款燒烤串串「海陛空把把燒天團」,有魷魚,雞軟骨,黃牛肉等既烤串,烤得酥脆可口, 一口一串, 同一大班朋友仔開心share就最岩!飲品方面,我們就點左「低糖紫米豆漿」同埋「低糖黑豆漿」,唔單止甘香可口,而且清爽解膩, 配搭烤魚真係一流。

一杯野飲話冇晒杯做唔到 取消左Order 轉個頭又話有杯做返比我地 跟住做完又唔係比我地先 樓面態度勁差 一啲基本溝通都冇 一個唔知取消左 一個唔知幫我地做返 離晒譜 啲串燒餵狗都未必食 條魚又冇配菜 碗又唔比 味道還好 但冇下次

叫個飲品半個鐘都上唔到 人哋遲過我哋叫都上到 追過幾次 男仔服務員態度非常差 以後阿姐幫我哋追單 過咗好耐 都沒 另外一個服務員同我哋講幾分鐘 之後又打算卑後面果檯 跟住又話冇杯 之後果個阿姐幾好幫我哋上飲品 另外一個男仔服務員即刻非常大聲的嘮佢 話我哋 態度非常之差 冇試過一個樓面係咁樣對客人 真係垃圾

之前見到探魚裝修，都幾期待，見到終於開咗就走去試，結果：唔係踩佢，價錢貴，味道差！味道真係真係好一般，只係感覺d汁撈魚同大陸食有落差預咗，估唔到差別咁大，冰粉焗你俾9蚊位之餘，唔俾9蚊想要杯水都冇，好喇俾9蚊了，去食冰粉，長時間冇冰，冇冰何來叫冰粉。配菜貴，叫咗個組合50幾蚊一個，拎出來俾你，一堆食剩菜咁，完全冇胃口。條魚份量兩個人就啱啱好，如果你多人去食或者大食就唔建議，皆因佢d配菜價錢貴之餘，份量少，多人就一定唔飽！

平時都好少寫食評，今次真係不吐不快一行四大一小，見佢有兒童餐所以入去試吓點知叫完啲嘢食，一上枱就勁中伏條魚個鍋就真係好大，配菜乜都冇你去酒樓食個酸菜魚都有芽菜墊下底啦成個鍋得條魚同啲辣椒咁就三百幾之後都算啦，諗住啲串燒會好少少點知嚿肉仲細過粒粟米嗰個魷魚鬚真係得尾果條鬚我諗都有5,6cm長嘅嘩！一上枱我仲以為我真係以為饑饉30我全家人睇到O咗嘴嗰10串串燒，都唔知夠唔夠攝牙罅咁就60幾蚊最後已經嬲嬲地個兒童餐先想死兒童餐個飯竟然少過2湯匙我個小朋友食晒成個餐，話自己都唔知食咗乜之後問啲職員有冇水可以解辣佢竟然答我叫我加$9買冰粉咁就可以解到辣，我真係好無奈問職員嘢好似個個都唔識咁但明明成間餐廳有好多職員呢間嘢真係冇下次成餐要成千蚊，食咗啲空氣落肚