揉然地

營業中

休息中

作為一個不折不扣嘅麵包控，我覺得不論係店鋪嘅裝修，多樣化嘅麵包種類抑或員工嘅態度我都覺得冇咩可以挑剔，次次去嘅感覺都好好！（尤其鍾意店員們會主動問客人有冇自備環保袋，有時隨身帶多個袋，真係可以避免好多不必要嘅浪費㗎！）次次買之前我都會糾結一大輪，今次我就決定試試店鋪推薦嘅 台式拉絲麻糬芋泥包 $18佢嘅包身好軟熟，本身切開後我仲嫌餡嘅份量好似太少，點知麻糬同芋泥嘅比例同口感都拿捏得幾好，麻糬唔會太膩，芋泥都唔會過甜。平時有時間我會加熱完個包再食，但今次趕時間就冇咁做，係已經放左一晚嘅情況黎講，呢個包嘅表現真係唔錯！以呢種類型嘅麵包黎講，我覺得佢嘅定價都好合理（7:30-9:30買兩件仲會有折添！）聽講佢嘅卷蛋好受歡迎，買完後又見到佢有賣我好鍾意食嘅bagel，希望有機會可以通通試曬佢嘅包！

經友人推薦下，得知紅磡區近何文田站附近開了一間質素幾好、幾用心的麵包小店。這天在黃埔晚飯後，特意行過去麵包店看看。內進舖頭第一個感覺是很舒適，環境裝修得如一間比較舊式的外國麵包店，很特別麵包的款式都有很多，包括日式、港式、西式，還有很受歡迎的貝果呢。晚上來到原來買兩件有八折，比起平時會經濟一點。他們的膠袋簡潔美觀，店員提醒之後可以再循環使用，而袋子的底部很濶，容量幾大。日式濃香芝麻牛奶骰仔，原價$22，八折後$17.5。一拿上手的感覺是幾重手，裡面應該幾實料。麵包是原件售賣的，原因是舖頭會建議客人用手一件一件的撕開來食，那就能夠食到麵包本身一絲絲的質感，口感上會更好；倘若客人需要切件，舖頭也可以代勞。這個骰仔表面有磨幼的黑芝麻跟砂糖各半，黑與白的配搭如同「骰仔」。我跟著店員的建議用手撕開麵包，撕開時會跟著麵包的紋路拉出來，需要用少少力去撕開，因而感受到麵包裡面結實不空氣，如圖看到一絲絲如棉花糖的紋路。雖然不如那些空氣包那般鬆軟，但是這個麵包實料得來不死實，有點鬆軟得來有彈性，裡面又有香香的芝麻粒和芝麻醬，會有一定的飽腹感。表面薄薄一層的砂糖讓麵包帶有少少甜度，更容易入口，而整個麵包的配

最近係何文田站同黃埔區覓食，係何文田站B1出口，每次返工都係呢間小店路過。門外裝修好特別，用麵包LOGO配以水泥風格去做門面，吸引到我去望下佢，唔似舊區麵包鋪咁，大大個招牌，XX飽店咁。朝早係街特別顯眼，因為成條街真係比較靜，反正都係買早餐，就入去望下，亦都想支持一下小店，疫情下做生意的確十分不容易。一入門口有消毒地氈，大家入去盡責地量量體溫是必須的。入到去都好多款唔同既包，獨立包裝好晒，非常衛生。最吸引到我就係呢個芝士蕃茄包，所以我就買左佢黎試下。介紹非常清晰，寫到明日本直送，選用特級拉絲芝士，芝士控既我要試一試。個包面上用了新鮮香草，而且成個包有濃濃既蕃茄味，唔係空氣包，重點既芝士真係有拉絲，份量適中，而且芝士同蕃茄我覺得係襯到絕。 當我離開鋪頭，都有唔少人黎買麵包，睇黎有一定捧場客，路過既朋友不坊試試唔同種類既包，有驚喜的！

如果有我睇我食評都知我係一個超級麵包精香港嘅麵包店我試咗八九成，近日發現有間新開麵包店個位置非常之隱蔽，抱住一試嘅心態入去幫襯點知非常有驚喜，我第一次去試係芋頭麻薯包個芋頭餡唔係太甜加埋麻薯勁正，佢定價亦都比平時台式麵包店便宜，如是者我一個星期裏邊幫襯左三日🤣第二次係試抹茶忌廉包佢個抹茶味好濃而又唔甜，除咗日本之外，香港食過最好食嘅，感覺知有啲似當年啱啱開嘅幸福烘焙，之後我下次就買咗一個叫做芝麻吐司我食到裏面有好多芝麻餡係無添加嗰隻，啲芝麻起晒沙有少少似麻蓉湯圓啲餡。食咗幾次之後對佢啲包有信心，之後我就幫佢哋訂咗卷蛋，個賣相真係一百分，味道都唔錯包裝亦都好靚。如果個餡有埋麻薯仲好。同埋我特意要求佢哋幫我做一個低糖版老闆亦好好人一口答應，睇得出佢哋用心做麵包，希望同我一樣喜歡小店，厭倦咗出品一式一樣大財團嘅麵包嘅朋友有新嘅選擇😊:重申我不是打手，只是一個超級麵包精😚