摩登堂 (荃灣廣場)

營業中

休息中

今晚收工遇上落大雨，就同同事去附近荃灣廣場行街食埋飯再返屋企。有一段時間冇嚟，發覺開咗好多新食肆，就好似呢間「摩登堂」，看裝修就跟傳統泰國菜館有大分別，不但沒有艷麗繽紛的裝修，連傳統泰國跳舞公仔也沒有掛牆上，裝潢就以簡潔木系風格，以機械人送餐，我哋就比新派吸引了😂 入座後，見餐牌有些傳統菜式都給予新名字，幾有趣👍之後用QRcode order左幾款至愛餸菜。1-青咖喱雞 $88 咖喱香濃微辣，雞肉嫩滑帶椰香，另有蔬菜配合🥕2-印度烤餅 $38/2件 係即叫即烤，上到枱仲熱辣辣，點埋咖喱汁食超正。餐廳好貼心將烤餅切細片，好方便👍👍3-手打月亮炸蝦餅 $88/6件 6大件，香脆，口感彈牙，還跟幾塊脆蝦片，抵食4-青木瓜海鮮沙律 $98 份量足，海鮮有大蝦🦐鮮魷🦑和青口，味道酸辣適中，刺激味蕾更加開胃🤤5-打拋豬肉生菜包 $88 肉碎咬落唔鞋，有紅蔥頭、辣椒🌶️洋蔥及香料味，炒得香口惹味，用生菜🥬包住一齊食，絕配。6-斑蘭香茅雞油飯 $22 大大碗，充滿香茅香味，說是雞油飯，但一啲都唔油，好好食🍚7-榴槤糯米飯雪糕 $388-十勝紅豆雪糕 $28最

比甜品吸引左我眼球嘅泰國菜！價錢係荃灣廣場黎講都叫親民，晚餐人均$200。開胃菜柚子沙律有清新爽口嘅口感，柚子微酸，加埋脆口米餅一齊食，可以解膩～招牌菜和牛船湯河嘅湯底香氣濃郁帶有八角味，加上彈牙嘅牛肉加牛丸，層次感滿滿😋秘製豬手份量超大，加埋應該有一隻手臂咁多 味道偏甜，唔需要點佢d醬食都得都夠好味～豬手好軟囉入味！ 最後一定要點埋佢地個泰式奶茶刨冰👍呢個係今餐嘅Highlight ⭐刨冰細滑好似雪花咁，而且有好濃郁味嘅奶茶香氣。仲有豐富的配料西米、芋圓同麵包塊！一定要同人Share，都好夠食！煉奶可以按個人喜好隨心加，好Like 💕📍摩登堂荃灣大壩街4-30號荃灣廣場3樓350-352號舖

入座時同我講限時個半鐘，講左三次😨可能見我哋帶住bb，門口嗰位肥先生講限時限時限時，驚我地食唔切，即時感覺好大壓力，食餐飯啫⋯⋯香港食肆再咁落去真無得救了！間中見到門口排隊等位，但試完無第二次！價錢貴，但對唔住個質素！食物質素一般到無得一般，同出邊$78一碟金邊粉差不多，但呢間要$128，榴連冰沙榴連味淡到呢，全部係水味，無下次！串燒係燒定，落單唔洗3分鐘送到，啲肉又乾又硬，仲要$15串，蝦餅正常

朋友一直話好想試位於荃灣嘅摩登堂，因為覺得佢啲食物好吸引同埋甜品都好適合打卡，整得好靚。由於佢好中意食粗河粉，所以就叫左和牛泰式炒河，唔知點解食落去酸酸地咁，佢話出面食果啲好食好多，呢間既味怪怪地。仲叫左打拋豬肉生菜包，不過不失無咩特別之處，炒通菜係全晚最好食既一道菜，叫做唔會太碎濕濕，味道正常發揮。至於飲品方面我都係叫咗佢哋好出名嘅芒果沙冰，但係飲落就完全冇芒果味，勁稀咁，唔知係咪因為我叫咗少甜，所以先係咁，但正常應該都唔會，所以整體嚟講都係唔建議食呢間。

望完menu價錢都算中上格價，絕對唔會預佢係D茶餐廳水準去食，怎料......金邊粉下午茶都$98，冇鑊氣，冇特別，似D小店專做外賣既水準蝦餅$14一塊，同快餐店跟餐水準流金歲月丹麥酥先最失望，八十幾蚊，一上枱細份到呢，仲要D包，醬，雪糕都完全唔夾，D包完全唔軟唔香唔入味，完全唔可以用甜品黎形容，似續命包多D，即係但求餵飽就收貨佢D野食唔係要彈D咩，只係性價似極低，只要稍為有期望去會極失望

之前行過荃灣廣場見到呢間餐廳好多人等位，今日收工就過黎試吓係咪真係咁好食先。職員好有親切感，笑住帶我哋就坐，被安排坐窗邊卡位🥰🥰佢嘅飲品選擇真係好多😎😎全芒果沙冰$48一上枱職員仲叫我哋小心凍，不鏽鋼杯又真係好凍，但可以保持到冰凍嘅感覺，芒果味好重，飲完個人真係好解暑。柚子X蜜桃X四季春$38好香柚子味，佢啲飲品大大杯真係好抵飲。香茅雞中翼$52一共有四隻，肉仲係keep到好嫩滑juicy。香茅烤豬頸肉配泰式醬$88入口半肥瘦的感覺好正，燒得唔會乾身，個味好香。泰北咖喱雞肉金麵$88好大碗，入面仲有一隻大雞鎚，肉質爽。個咖哩汁好香夜奶味，好香好食。金磚蒜蓉包$58有四件，麵包幾軟熟。焦糖嘉年華丹麥厚吐司$88有一球雲呢拿雪糕，爆谷同埋一塊焦糖味曲奇，個焦糖味唔會太甜，加上個麵包嘅鬆軟，呢個大推👍👍👍👍👍食左咁多先係$517，性價比好高，加上啲職員俾人感覺好友善，食都食得開心🥳

荃灣摩登堂，好多椰樹裝飾，近門口既卡位更佈置到成隻船仔咁，充滿泰國風情。餐牌提供多款新派泰國菜，包括泰國街頭小食、主菜、涼盤沙律、泰式燒烤、甜品、茶飲。泰國皇室鳳爪沙律：鳳爪去晒骨，酸酸辣辣，開胃小食。米網蝦春卷(4件)：網面用米造，捲住成隻蝦，炸得脆卜卜，夠晒香口。炭燒沙嗲豬肉串：豬肉串燒，烤得恰到好處，加埋微辣既沙爹汁，非常惹味。摩登手工海南雞：海南雞肉質嫩滑，雞皮爽彈，配搭3種唔同既醬汁，令雞肉鮮味更加突出。鮮奶油蜂蜜丹麥厚吐司：吐司外層香脆，內裡鬆軟，上面放左鮮奶油和蜂蜜，甜而不膩，打卡一流。榴槤糯米飯雪糕：榴槤蓉加在糯米飯上面，味道香濃，配上2球雲呢拿雪糕，透心涼。總結，食物美味，配搭有創意，除左可以嚟食泰國菜，仲可以嚟食甜品，同樣出色，值得推薦。

呢間係經朋友介紹話喺荃灣一間新開嘅泰國餐廳，佢喺荃灣廣場嘅3樓，當晚人流唔算太多所以冇預留訂座都可以即刻有位，所有泰國食品都只係一般，我覺得最好味係個飛天通菜，不過多咗油，有機會可以試吓嘅

今日去咗荃灣廣場，見呢間摩登堂嘅甜品好吸引，又唔算好多人排隊，就同朋友一齊喺度食個lunch餐廳有set lunch，可以加飲品小食同埋甜品，價錢都算合理。我哋嗌咗兩個set，再加小食同甜品，非常豐富。豬手飯本來都唔係諗住叫呢樣，但係見隔離好多枱都嗌，即管試吓，果然豬手好淋好入味，值得一試豬頸肉撈檬豬頸肉燒得好香，而且有好多片，檬粉加上酸汁，很適合夏天食鮮蝦柚子沙律柚子份量唔少，加埋秘製醬汁，作為前菜很開胃馬拉盞炒通菜呢碟馬拉盞炒通菜超級惹味，一大碟嘅通菜原本都驚緊食唔晒，不過太好味，最後都係清晒碟。沙嗲豬肉串燒豬肉燒得很香口，加上沙嗲汁，好好味手打月亮炸蝦餅蝦餅熱辣辣出爐，炸得香脆而且彈牙有蝦肉👍全芒果沙冰飲得出係用新鮮芒果打嘅沙冰，滿滿嘅芒果肉，而且好大杯流金歲月丹麥厚吐司呢個厚吐司個麵包好好味，外面脆入邊有少少酥皮嘅感覺，沾滿朱古力醬再加埋雪糕一齊食，睇得又好味

Happy Friday ，呢期好想食泰菜，見到荃灣有間摩登堂嘅泰菜幾吸引，一於去試下，唔想等緊係book 位最實際。餐廳面積頗大，以木系為主調，綠色植物佈置，感覺柔和舒適。餐牌，都幾多選擇。椰楊枝金露，$42，友人的。菠蘿冰美式咖啡，$36，咖啡較重甘苦，有微微的菠蘿味。冬陰功海鮮湯，$98，2位份量，個湯連用個爐上保持溫度，海鮮有蝦、魷魚及蜆等，特別在有蘿蔔同瓜(成件事好中湯)，味道酸酸辣辣，唔算好辣，多左少許甘甜味呢。手打月亮炸蝦餅，$88，有6件，口感香脆彈牙，少許鮮味，配上酸酸甜甜的泰式辣醬更好味，不俗。蝦頭油大蝦炒金邊粉，$128，金邊粉煙韌，味道酸酸甜甜幾開胃。泰式糖水鍋(凍)，2-4位用，$108，上菜時的煙霧效果感覺夢幻，之後店員倒入椰乳後開始食用，好有儀式感~揀了斑蘭厚椰乳，椰香味濃，有微微私斑蘭味，配料十分豐富，時令鮮果、仙草、椰果、西米、芋圓、珍珠、白玉丸子及紫米，今次鮮果係菠蘿及火龍果，味道正常水準。食物正常水準，價格中等。

今日一家人過咗荃灣，就係過嚟幫襯依間泰式餐廳，因為之前望到佢哋有啲泰式刨冰同甜品好吸引，又有主菜可以食，所以帶埋老婆同個女過嚟試吓佢哋個裝修比較新派，都坐得好舒服，不過略嫌冷氣不是太足夠，另外大部份侍應亦都十分年青有禮。嘢食方面，整體都幾好，個人好鍾意佢嘅辣椒糕炒蜆同菠蘿炒飯，辣椒糕炒蜆好惹味，啲汁好Creamy，最衰冇嗌吐司。個炒飯連我個女都食咗大半，因為佢炒得好乾身，亦都有好多材料。不過甜品就冇啟德嗰間咁好食。期待下次再過嚟試吓佢其他唔同嘅菜式。

荃灣廣場有唔少餐廳選擇，見到呢間泰餐裝修幾靚，就入咗去試下，環境舒適，坐位闊落門口擺放咗好多甜品，另外仲有手搖飲天氣熱即叫左飲品先爆打香水檸檬茶，同無糖綠研茶絕對係夏日的清涼救星香水檸檬茶有淡淡香茅味，幾特別香茅烤豬頸肉 配泰式醬豬勁肉燒到側邊外脆，食落去仲有淡淡炭燒肉質彈牙，加上豬勁肉配汁，味道更好蝦頭油大蝦炒金邊粉蝦肉鮮甜彈牙，金邊粉炒得夠乾身摩登手工海南雞（半隻）皮爽兼色澤鮮黄，肉質嫩滑，皮與肉之間那層晶瑩啫喱，充滿骨膠原蛋白水準之作，再配埋個油飯，滿足！下次有機會要試埋甜品

喜愛泰國菜😋 坐港鐵荃灣線總站出口A1出口直行方向10分鐘到就會見到荃灣大壩街4至30號荃灣廣場3樓350至352號舖 鋪面非常吸引有新鮮感，地方寬闊，光線調和 空間感覺足夠。 店員有禮貌和笑容招待👍 冬陰功海鮮湯：海鮮夠新鮮😋 湯底有青口，大蝦，魷魚，新鮮蜆，湯底濃鬱，甜甜辣辣，重口味人士一定喜愛😋 和牛船湯河（金邊粉)：湯底有八角味道夠濃鬱和甜，羅勒加通菜很特別，湯面上頭放炸豬皮，配合新鮮牛肉和丸👍咬入口彈牙，豐富肉汁，咬落去好有質感😋 蝦頭油大蝦炒金邊粉：新鮮大蝦咬落去彈口好有蝦味👍 金邊粉非常之美味加入配炒雞蛋花，豆腐乾，豆芽和碎花生加上一小碗甜酸辣醬真的好食😋 最後叫了百香果蝶豆花梳打水和全芒果沙冰， 兩種極之不同，味覺在回味中😉

次次經過摩登堂都見到有人排緊隊，門口甜品部d野飲同埋甜品個樣好吸引，今次終於可以入去品嚐了！餐廳環境唔錯，裝修靚，仲坐到窗口卡位！手臂咁長燒虎蝦隻蝦有前臂咁長，賣相非常之好，燒得啱啱好，唔會太老，肉質爽彈，最重要係d蝦膏夠晒多，多到可以撈幾啖飯食，88蚊一隻值得一試。蟹肉炒飯炒飯粒粒分明，有蟹肉蟹子唔錯，睇menu覺得飯唔太多，點知黎到份量比想像多，飽到差d食唔晒！和牛泰式炒河河粉夠鑊氣，牛肉絕對唔係茶餐廳鬆肉粉牛肉，牛肉夠牛味，份量都唔少。生椰楊枝甘露椰奶味夠，仲有d一粒粒嘅野可以咬下，好飲！芒果沙冰勁大杯又靚，打卡一流，份量太多飲唔晒，可能兩個人飲一杯先飲得晒。埋單500, 今次太飽冇食到芒果刨冰船，下次會試下！

琴日同朋友去咗一間泰式餐廳，真係有啲唔錯，忍唔住要寫一篇食評同大家分享！首先講下個辣椒膏炒蜆，佢係好重椰汁味嘅炒蜆，粒粒蜆肉都好肥好飽滿，食完一碟仍然意猶未盡。跟住就係冬陰功海鮮湯，湯底酸辣適中，海鮮料非常豐富，有大蝦、魷魚同埋青口等，最欣賞就係大蝦咁鮮甜彈牙，好滿足。然後仲試咗個柚子沙拉，清新爽口，配上柚子嘅微酸，食落咁解膩，加上個米餅，整體口感層次豐富。飲品方面，我地點咗爆打香水檸檬茶，檸檬嘅酸甜，真係好清新，令整個用餐體驗更加完美。最後仲有份泰式奶茶雪山刨冰船，賣相勁岩打卡，一大碟泰式奶茶刨冰，入口細滑，非常消暑，仲有股茶香係口齒留香，真係齋睇已經流晒口水。總括嚟講，呢間泰式餐廳真係令我大開眼界，無論係主菜定飲品都好出色，一定會再嚟試多啲其他菜式，推薦俾大家一試！