新南苑海鮮飯店 (已結業)

尋晚成家人去左daddy收工既觀唐食飯, 我地去左新南苑海鮮飯店.第一樣叫左daddy 媽咪中意既豉汁鱔, 幾多同幾肥美, 豉香撲鼻, 佢地3個食左95%雖然我唔太中意食多骨既野, 試左一舊整係個汁都幾野味, 唔覺得醒.再黎左個蒜蓉開邊蝦, 幾大碟, 蝦都夠多, 以量取勝, 大隻就真係唔大隻架啦~我仲用d蒜蓉汁黎撈飯~kaka俾細妹話我食完口臭=.=最後叫埋吊燒骨, 甜甜地幾香口好食, 我最中意食骨~^^整體黎講幾好食, 唔錯, 約200$, 食完走人daddy埋單~

尋晚與一位朋友飯敍 ! 選址觀塘 !又想食小炒....上左黎睇評價都唔錯 ! 點知去到又兩回事 ! 嗌左三樣野食 ! 蠔餅 , 椒鹽九肚魚 , 蒜蓉炒油墨菜 !先講蠔餅 : 雖然份量幾多 , 好似幾低食 , 但食食吓感覺到酸既 ! 唔知係烹調時落錯調味還是蠔仔變左呢 ?椒鹽九肚魚 : 食落質感唔錯 , 但一睇就知係唔止用萬年油整 , 而係億年油 !成碟魚睇落似濃哂既咁 ! 同埋過咸 ! 最後係碟蒜蓉炒油墨菜 : 呢碟最對辦份量都唔少 ! ( 如果炒菜都唔掂就真係摺得 !)

11月24日（星期二）晚，如果沒有記錯，已經很久沒有和女友來觀塘食宵夜，是晚難得有這個雅興，女友刻意加班等我收工後，然後在觀塘會合。為了方便女友坐地鐵回家，所以選擇在仁愛圍吃，因為已經很久沒來過而女友又想再試，於是就來這裡。「新南苑」坐擁幾個鋪位，選擇很多，在火鍋與小菜之間，我們還是選擇吃小菜的。女友一向愛看圖點菜，所以選擇了招牌菜吊燒骨，我就見到魚腸肉鬆煎蛋這新奇菜式，就試試這個，再加一個EXTRA醬炒雜菜就夠了！這裡雖然人客眾多，上菜速度卻不慢，有條不紊，落單後約十分鐘就有得食。秘製吊燒骨食落像是蜜汁牛仔骨，蜜味頗濃，牛仔骨被炸得過了火而變得頗韌；魚腸肉鬆煎蛋就類似煎蠔餅，主角由蠔仔換成魚腸，不過魚腸無味，肉鬆蛋餅反而不錯，但煎得不算金黃；EXTRA醬炒雜菜是甚麼就不得而知，但味道上和ＸＯ醬沒甚麼分別，炒雜菜的分量頗多！是晚女友不想喝茶，罕有地陪我喝啤酒，雖然祇是半杯，難得我們開懷暢飲，感覺很好！

......幫襯過四,五次,食物水準不錯,大排擋的風味.但沒有驚喜那一天又來左呢度幫趁叫了蠔餅,豉椒鵝腸,金銀旦莧菜和豉油皇炒麵蠔餅,熱辣辣的蠔餅,蠔仔大大粒的..個餅好香脆加d辣椒醬...正.豉油皇炒麵炒得不好,淋身,硬是覺得怪怪地豉椒鵝腸,鵝腸夠大條,夠爽,夠彈牙又夠火氣,豆豉入味夠辣送beer一流更比較合心水的是金銀旦莧菜清清地,濕濕地.易入口叫了二支啤酒,每人平均消費 $90因價錢相當平宜,衛生不提吧,亦沒服務可然環境不乾淨,大排檔要乾淨謝絕幫襯

4個人黎呢到食野 .. 叫左 香煎蠔餅熱辣辣 .. 好好味 .. d 蠔仔又唔會話好細隻 芝士西蘭花伊麵為左cheese 而叫 .. 都幾好味 .. cheese 又會太咸 馬拉盞炒飯 呢個又係炒得好好味 .. 好足料呀 沙嗲牛肉粉絲煲又係熱辣辣 .. 佢d 牛肉又唔算小 .. 粉絲都幾入味 4個人叫左2個炒麵 都唔洗叫送就飽 ..呢個dinner 一人$50都唔洗 .. nice

觀塘面臨社區重建，雖未及牛頭角下村般「緊急」，但亦是時候來到地道的大牌檔懷緬一番本土飲食文化及風味了。新南苑佔據了仁愛圍附近多個鋪位，座位雖多，但周末周日及假期入夜後，除了空調鋪內座無虛席，就連街頭位置也得加設桌椅才能應付源源不絕的人客。我們今次一行六人未到七時就入座，成功避開高鋒期的人潮。食物方面選擇很多，除了有傳統大牌檔的鑊氣小炒，也有酒樓點心、火鍋，甚至連潮式打冷也一應俱全。我們今次主打大牌檔小炒，當然還有不可少的海鮮吧。 胡椒豬肚湯：胡椒味甚濃郁，鹹菜及豬肚亦份量十足，味道很好。 不過大熱天時喝胡椒豬肚湯，雖然有空調開放，但也吃得汗流浹背吧。 香煎蠔餅：兩大塊煎蠔餅配上檸檬汁，味道不算頂級，但也可接受吧；而且蠔仔也大大隻，份量也不少哩。 避風塘瀨尿蝦王：巨型瀨尿蝦王兩隻盛惠 $98，以避風塘方式泡製，再切開三段上檯。瀨尿蝦鮮甜味美，肉質爽口，橙黃色蝦膏充斥整隻蝦身，絕對不能錯過。 酥炸豬大腸：豬大腸酥炸後切成小段，外脆內軟，配以略甜特色醬汁；大腸洗得乾淨，沒有異味，不錯嘛。 蒜蓉粉絲蒸扇貝：大扇貝每隻 $12，點了每人一隻以蒜蓉粉絲蒸。扇貝很新鮮，吃得出少有的清甜，

原本諗住去森記. 但我遲左到, 朋友又搵唔到咁去返新南苑啦, 新南苑基本上係霸晒成個地盤.7人叫左6個餸6碗飯, 飯每碗$6蠔餅, 開頭食就脆, 不過下面o個塊好似油浸咁, 唔脆而且好濕. 蠔都算幾多既咸魚雞粒豆付煲, 似乎求其叫樣餸唔係好得. 個煲聞唔到有咸魚味. 雞粒係急凍既, 冇雞味, 可能冇醃過, 而且汁都入唔到去. 所以其實係冇味. 豆付比較好d. 但亦都唔係滑漏既豆付.馬拉盞通菜, 辣就比上次辣. 但鹹味就唔夠, 蝦醬付乳唔夠. 通菜就索索聲幾新鮮西檸雞, 炸得麻麻地脆. 汁偏酸.魷魚鬚, 一上台見到個賣相就知咩事. d 魷魚鬚睇唔出係鬚. 條條都咁短. 炸粉厚, 冇魷魚味只有鹹味. 最後一舊仲比我地發現有卷曲毛髮一條並已與炸粉融為一體 炒蜆, 只有殼但冇肉. 亦唔見得特別鮮味, 搵笨.$50, 還可以啦. 還是想試下森記既魚腸!

同朋友睇完戲就搵野食.原本諗住去千和, 但離遠已見到大大隻字寫住結業沙嗲王又要排隊.咁就過一條街去仁愛圍度食打冷小菜.由仁愛圍入去有幾間. 諗住去第一間, 但室內冇位, 一直入既新南苑就有位了.哩間野好大間, 佔幾個鋪位, d 台仲擺到出室外, 仲坐滿晒人我地一行6人叫左6樣野, 心知食唔晒, 但樣樣睇落都好想食咁炒蜆, 好新鮮, 連住個殼勁難拎佢出黎. 夠鑊氣, 只有兩隻唔爆開.有d 生生地既味, 好似海水咁. 平時o係第二度食炒蜆食唔出哩種味. 又幾特別.蠔餅. 唔錯. 唔算太脆, 但幾足料. 好香蛋味. 加埋少少魚露唔駛淡茂茂馬拉盞通菜, 好大碟. 條條都好大條, 炒得生生地, 都可以話爽口既.我都覺得可以再炒耐d, 同埋都係蝦醬/ 付乳炒好食d 同夠味d炸魷魚鬚, 好受觀迎呀. 小弟都只係食左兩條.都炸得唔錯. 唔會炸到勁黑, 少炸粉, 魷魚都夠爽口芝士西蘭花伊麵. 為芝士而叫. 其實都幾普通. 伊麵還可以, 夠煙韌芝士雖然多, 但冇乜味蠔仔粥. 好大煲. 一見到就知今次實飽. 好多蠔仔, "不"極都有, 仲有好香既芫茜味.最後都係食剩.汽水$5/支, 王老吉$8/罐.每個小菜

呢晚成三十度，老友相約食飯，都係去番大排檔最好﹗今次無去食人氣好像不復當年勇既新南苑﹗食野為次飲野為實，一來到已經先開三支獅威，一路食一路傾最開心﹗要左碟佢地個個餐牌都推介既吊燒骨，個汁蜜味香濃而惹味，雖然叫做骨不過肉都不少，啜下咬下送酒很不錯﹗再來要碟佐酒的椒鹽翼尖，翼尖加入炸粉同炸，比森記的香脆卻欠椒鹽的惹味，呢碟餸由於食得耐，食到尾0的炸粉腍左味道自然差，最後沒有吃完便算數了﹗仲有要左個extra醬雞煲，雞肉嫩滑份量亦多，個芡我嫌佢杰左少少，少鹹帶蠔油香，好送飯﹗今日坐既位岩岩好，在冷氣區出面，陣陣涼風吹埋黎，對抗炎夏又要地道風味只有如此吧﹗最後埋單一人一舊水，還不錯，不過始終都係森記好吃點﹗

一星期前（星期二）跟表哥及朋友三個人去了新南苑食晚飯及飲陴酒，環境跟一般的私房菜差不多，太靜或太嘈我都唔係咁鐘意，睇呢度可以飲陴酒食吓煙感覺好自由，有點像大排擋的氣氛。當晚點了五道小菜：招牌吊燒骨 ： 骨1/3肉2/3比例適中，肉質軟滑炸的相當好，有點密糖味、小辣、有肉味。雖然不是非常好吃，但也在合格之上蠔餅 ：份量十足，蠔也很多，但那個醬汁太咸，建議改改…除去醬汁問題，蠔餅 水準是一般之作豉椒炒蜆 ：份量適中，個汁做得唔錯，蜆是花甲蜆蜆的大小也合格。小辣、鮮甜、咸味適中。燒乳鴿1隻：我無食，所以不評滷水鵝 例牌： 肉質軟、滑、鮮！一食就知係獅頭鵝，味道也相當唔錯（鵝片較貴）白飯 ：2個陴酒 ：8支香煙 ：1包

H & K今次晚飯試吃這間都經常滿坐的小菜飯店當晚點吃了三個小菜椒鹽九肚魚＝＝＞好黑喎，應是千年油的問題，味道亦只是一般招牌吊燒骨＝＝＞招牌當然要試，但失望！骨比肉多，只有蜜糖味，應改名為蜜糖骨吧粉絲雜煲＝＝＞份量好足，有多款菜，味道可以總括食物質素未如一般的大排檔，應不會列入Ｈ＆Ｋ大排檔之選！

因工作關繫, 要到清水灣走轉, 點知一心諗住之後去西貢食海鮮, 大鄉里唔識路, 放棄搭車番去將軍澳, 又搭錯去觀塘十級肚餓, 又唔想食apm啲集團式食物, 決定去老區兜兜, 見呢間一開幾個舖咁巴閉, 試吓乜料先...點知... 食到一半仲比伙計嚇走埋眼見咁多, 加一個靚仔, $238, 如果只係要飽, 係可以嘅...一般排檔挌局, 膠枱布, 感覺比較乾淨，　六點已經有打冷白勺蝦, 超肚餓, 所以覺得好食, 鮮味, 但有部份霉嘅... pass!　個士油較得幾好味椒鹽九吐魚, 炸得香脆, 到尾都未塌，　略嫌漿厚同唔夠椒鹽味, pass!生炒骨, 顏色鮮艷呃得吓人, 實情係汁唔夠酸甜, 骨炸得厚粉但唔夠脆身, 肉質硬, 有幾舊有死肉味辣酒煮花螺, 個酒唔夠味, 入唔倒啲螺度, 偏偏又好杰, 仲有種不知名香料, 通常個汁我會飲晒, 呢個飲得兩啖...花螺其實好細粒, 所以煮得好老, 啲肉得尾指甲咁大粒...蠔餅，　乜蛋好貴咩而家? 個餅粉多過蛋嘅... 蠔倒新鮮...馬拉盞通菜, 幾好鑊氣, 但冇馬拉盞味, 換來嘅係, ”項項”哋嘅鹹魚味...所有嘢望落係相當唔錯嘅.. 食落兩回事.

21/2(六) 8:30pm煙雨霏霏,飢腸轆轆;遇上濕滑的小巴司機,耽誤了點點用餐時間.阿梁先早取位.小菜跟火鍋,挑了前者;來了滷水豆腐$25,吊燒骨$48,砵酒焗魚腩$48及南乳粗齋煲$42作晚餐.滷水豆腐--我本善良的豆腐挺嫩滑,豆味平平.奈何滷水殊不出眾吊燒骨--一個"甜"字,啖不出他味,而豬排骨之肉質還可.砵酒焗魚腩--挺不濟的焗魚腩;魚肉霉口之餘,食味也講不上標青.南乳粗齋煲--粉絲多於一切的粗齋煲;黃芽蔔及白菜仔之份量得過且過;至於南乳之香,食而不知其味!相伴的是濕漉漉,教人倒胃的環境,出品亦然...何以場面如斯盛況空前?饒我參不透...

東龍島提早撤退成功, 回家前先料理一下一副饑腸轆轆. 原來押店前的小片空地周日是個墟, 老中賓人山人海. 幾經辛苦左穿右插, 終於在一裝修中(還是拆卸中?)的鋪位前坐下. 我坐的膠凳下的木板只是為蓋住坑渠而設的臨時設施, 正是坐都坐唔穩, 環境實在有夠惡劣. 不管了, 有油入就可以.1. 咸魚肉餅飯: 肉餅醃味還好, 軟腍容易切開. 咸魚本身不夠咸, 自然沒有香味去為米飯增值. 飯本身只屬合格, 水份過多有點糊了, 可能是放得太久吧, 畢竟十時過半, 已是早茶尾市.2. 蒸排骨: 水準以上的一道. 醃得軟腍, 混有幾塊包住大舊軟骨的更有咬口. 墊底的芉片都烙過, 邊位微焦, 很香口.3. 牛肉球: 有高球大小的牛肉球和急汁永遠是最佳拍檔.4. 鮮蝦粉卷: 快被人遺忘的點心, 不過似乎剩貨頗多. 放得太久了, 皮和蝦已經老掉, 如非味之素全力護航, 味道更不堪. 5. 棉花雞扎: 好傳統的味道. 魚肚和付竹充分吸引了雞皮的油脂, 油水十足. 再來微咸的火腿條和滑雞, 吃一件已經夠皮了. 6. 煎蘿白榚: 感謝阿姐不惜成本去下油, 令這件全無蘿白味的榚點變成一碟炸物, 再沾上辣醬甜醬完成其

上星期五（24/10），女朋友返工時受了很多怨屈，沒有心情和胃口食晚飯，而我亦很擔心她所以相約了吃宵夜，雖然自己很夜才收工。好不容易才等到收工，即刻趕往觀塘會合女友，而她亦因為等我收工才刻意加班至這麼夜。其實在觀塘吃宵夜，一早已經想好去“新南苑”，貪其多選擇和多位，食物亦不錯。由於我倆都志不在食，所以祇點了豆腐泥“魚孟”湯和煎蠔餅，還有一支啤酒。點完菜後立刻聽女友細訴工作上的怨屈，女友訴完苦後再加上我的安慰，感覺上好了些，我亦放下心頭大石。此時食物剛好來到，豆腐泥“魚孟”湯：湯料很足，約有三條泥“魚孟”左右，豆腐和菜亦頗多，惟湯很淡味；蠔餅不算很多油，煎得不錯，蠔仔亦不少而且都算大隻。因為女友心情不好，所以特准她喝半杯啤酒，今晚終於能夠一睹女友一喝而盡的英姿，佩服、佩服。