新南苑私房菜火鍋鷄煲 (華僑商業中心) (已搬遷) 新店位置

一直好想試，不過沒有機會，又見好多fd介紹，今次一早打電話booking. 因為完全都未試過，所以都唔知有房，幸好訂位時服務員提醒了，雖然要加錢，但沒有所謂啦，因為我們玩得太crazy, 所以有房就OK.🤣🤣🤣服務態度超級一流，因為當日我們訂了8：30，因為突然提早有房，店舖也致電給本人可以提早點到店也可以。我們到了店舖見到人山人海🙄🙄🙄，幸好一早訂了枱😜😜😜。我8點10分已到達，但未齊人，不過服務員也很貼❤️，叫我們入房坐住先。房間雖然不算很寬敞，但剛好8個人都夠晒用。刺身拼盤雖然沒有什麼貴價魚生，但都唔錯，起碼都是新鮮的。首先雞煲，我們選了BB辣，醬汁超級好味道，而且不會太油膩，加上小小辣，正爆👍👍👍，再配上油炸👻，吸晒啲醬汁，更正。雞件又夠滑，所以食完即刻再來一round🤣🤣🤣食完第二次，我們跟住就上火鍋，我們點選了滋補野生水魚湯底，海鮮盤嚟到，超級吸精，即刻輪住同海鮮打卡😝😝😝今天海鮮拼盤包括，聖子，鮑魚，蠔，象拔蚌仔，海蝦，脆肉鯇魚片和龍蝦。所有海鮮都非常新鮮，完全不用點醬汁，食到海鮮的鮮甜味道。最正就係隻龍蝦，因為很多店舖都選用波士頓龍蝦，所以完全食唔到龍蝦的鮮味，這店就不同

食火鍋就任何天氣都是適合!今日唔熱唔凍，最啱就係打邊爐!其實任何日子最啱都係打邊爐!因為本人真係好鍾意打邊爐一開始就送一隻大閘蟹，沒有留意宣傳單張，唔知係咪呢期嘅特別優惠呢!總之送上嚟就食，唔係太大隻，四両左右，但係蟹糕好香。刺身，還可以，不過不失雞煲要咗唔辣，味道很好，夠味又唔太鹹，食完不會好口渴打邊爐，人頭份量嘅海鮮，新鮮好味!小籠包打邊爐，第一次試，但冇乜特別牛肉有牛味，唔錯!牛肉並不是任食的，但係如果加錢就可以轉為任食，我哋幾個都係好鍾意食牛肉嘅人，所以有加到錢。但係有心理準備，不是每次送上嚟嘅牛肉都是咁好味，質素有少少參差。。。湯底足料甜品有雪糕，或者奶凍兩樣都有試過，我建議食雪糕!打邊爐老實講唔會有任何一間特別出色，只要都係食材新鮮份量足，服務好，環境舒服，傾到計就ok。呢間雖則有限時，但係有兩個半小時，時間非常充足，夠晒時間傾計又有得食飽飽!侍應好nice，冇見過任何一個侍應黑面，讚!

第一次食呢間旺角新南苑雞煲火鍋放題。三位以上可免費任食雞煲！係無限任食雞煲啊！不過我覺得改兩位以上就最好，你知啦拍拖通常兩個人食飯。咁多野任飲任食價錢$300左右一位黎講算係Okay!雞煲要自己炒，記得真係要照佢方法同時間炒，如果唔係d雞真係會唔熟。雞好香口又唔會咸，小辣帶麻真係好惹味。仲有油炸鬼配送，d油炸鬼吸哂雞煲既味同油，食左一舊d油係個口到咇出黎，好邪惡！最重要係無限無限任追加雞煲！！比較驚喜既係，十一月份竟然有大閈蟹送！一人一隻，雖然唔係好大隻d膏唔係話十級多，但真係好驚喜打邊爐可以食埋大閈蟹海鮮上枱果下都幾震撼！有鮑魚蠔聖子龍躉片～龍躉仲可以無限追加啊！任飲任食食左3個鐘真係飽到上心口值得推介！

我是一個一年四季都喜歡打邊爐的女生，男朋友提意去打邊爐，當然舉腳贊成啦哈哈！平日六點左右去到，好似見冇乜人食，但見到訂位張list其實係已經full booking，好在男朋友提早book位咋！地方唔算迫，周邊都掛住電視，可以一邊食一邊睇。員工服務態度友善慇懃，解釋清楚，主動收碟同加水。點餐後，首先每人送1隻迷你大閘蟹，膏唔算多，但肉質都鮮甜，免費來説都叫不錯。之後再送一碟刺身，除去螺肉比較爽甜之外，其他都唔太新鮮咁。蟹窩花甲湯底蟹肉算鮮甜，但花甲好少好難搵，重點係個湯底冇乜味咁，好淡。手切牛頭脊肥瘦剛剛好，焯一焯就食得，牛肉味濃，唔會韌。海鮮併盤主角來了！海鮮併盤！有大聖子、鮑魚、生蠔、海蝦、龍躉件、脆鯇片。全部都好新鮮，脆鯇片入口真係好爽脆冇骨，而且可以無限追加，推介！聖子焯過之後依然咁大隻，和鮑魚一樣爽甜，但追加就要另加錢。丸類就一般，沒什麼特別，印象最深的只有芝心丸，因為煮熟待涼之後，d芝士都keep住流心架。除返開3百蚊幾一個人，價錢合理，但冇想像中咁好味，下次想試埋個雞煲再報告啦。

1. 入座時，每位送一隻大閘蟹，蟹不新鮮，沒有蟹膏，待應說來貨是這樣，沒辦法2. 豬骨鍋極淡，一鍋只有一個豬骨，加湯只是加水，非常淡3. 海鮮只是送蚊型鮑魚，其他聖子等四樣，每樣兩件也不新鮮4. 牛肉非常少，不能添加，一到四人也只是一小碟5. 30種火鍋料，只是包菜，丸等非常cheap的食物6.價錢一位350,完全完全吾值7.服務員態度非常差，跟他說海鮮不新鮮，店員只回覆沒辦法，來貨是這樣，換了也是這樣。可惡。

食物下欄，冰鮮無解凍，成舊冰；肉類方面，只有冰片豚肉可以揀，牛肉限食一細碟；湯底較淡，無誠意。據說有大閘蟹，所以試一試，點知侍應表示無膏係特色，味淡係特點。頭盤送上超市刺身，唔算太差。醬油唔錯，貨源最佳。服務質素okay，解釋清晰，係我真心畀錢中伏。環境寛敞，尚算安靜，方便傾偈。見到其他人食雞煲，看來較有睇頭，有尐香味。價錢貴，屋村酒樓貨，唔值呢個價。仲要去旺角咁多嘢揀嘅情況去食，真係好後悔。真心，如果可以嘅話，真係唔會去。打咁多字，都係想畀個負評。

拆蟹的季節又到;今日一行八人,兩星期前約好.到旺角新南苑私房菜火鍋雞煲嚐"秋之蟹逅火鍋半放題"。打從電話訂枱開始,到享用餐後結賬,所有接觸到的服務員工都以客人需要為首要,提供最適切的服務。對客人的提問,很耐心,仔細的回應。抵讚。好嚐蟹的,我極力推薦這個"秋之蟹逅"他們提供的食材很新鮮,各樣烹調的味道很合口胃,款式多性價比。在房間享用都只是每人加$20,自携酒每款只象徵式四支收$30 真的很好客之道。我認為係朋友聚會一個很好的地方。

今日約咗一大班朋友行街 佢哋話想食雞煲 跟住喺幾個人決定之後 就大家認同咗呢一間 就揀咗呢間雞煲 朋友話 每位 加廿蚊有房 坐 入面 又有電視又係私人空間 所以咩都唔使諗就加佢廿蚊 上到去環境舒適地方夠大 上面啲服務員好好禮貌 佢個雞煲 可以食到夠先至打邊爐 好似食咗六七轉 雞煲 又惹味 醬料又夠多仲有嗰啲汽水任飲 仲有好多海鮮 海鮮好新鮮 爽口又鮮甜其他配料例如丸,午餐肉,蟹柳,菜.魚皮餃,雲吞全部都係出面自己攞 牛肉都非常 好味 有牛味 另外會再有小籠包 咬落去嘅時候會爆汁 大家小心啲呀

成日都聽人講話呢一間雞煲好好食，身邊嘅朋友有好多都幫襯過，今日終於到我去試吓啦 ✌🏻，朋友訂位，因為每位人頭加$20就有房坐，所以訂咗房，裝修都尚算舒適，服務員都好好禮貌，由於係食完雞煲再加水打邊爐，而雞煲係任食，味道不錯👌🏻，所以我哋都好似叫咗五次😱先至開始打邊爐，海鮮方面都有好多，亦非常新鮮，其他配料，不過不失，飲品及菜累就要自己出去攞，每人268再加坐房$20，醬油及調味料及加一，每人大約平均$350，整體來講可以一試

同朋友行完街，對腳攰到爆，朋友問食乜好，咁既然你都旺角，一於就帶朋友去試吓我至愛嘅新南苑雞煲啦。一上到去，人頭湧湧，不過好彩時應勁熱情，勁快手咁搵到個卡位俾我哋兩個女仔坐，坐得舒舒服服，超正。飲品櫃仍然係應有盡有，連jolly Sandy都有,超開心。一坐低先上前菜，前菜都勁入味，好好食。價錢一向公道，咁耐冇食都冇咩加價，雞煲無限食，仲包一個湯底。任食嘅配料都好豐富，基本要食嘅都有齊。 我至愛嘅雞煲終於到啦，雞肉多汁嫩滑，雞味濃厚，花椒味超級香濃，醬汁層次豐富，仲加埋油炸鬼，真係good good good啊。 最正嘅係雞煲可以無限任食，我哋兩個女仔都食咗三煲。食完雞煲就想湯底打邊爐啦。送嘅海鮮盤10分乾淨新鮮，誠意十足仲送埋啲牛頸脊甜，牛頸脊牛味濃郁， 10秒就熟，半熟咁食真心好OK啊食到勁飽，配料淨係食咗少少，但真心唔錯。連魚皮餃都10分爽口，仲大大隻。

旺角雞煲何其多，呢間都算好有誠意，任飲任食3小時，連埋加一$320，book 埋房每位$340，坐得舒舒服服又唔嘈有私人空間雞煲（任食），雞煲啲雞係未熟咁出，要自己慢慢煮熟，都好快熟既，叫左中辣都幾夠味👍🏻食夠雞煲就揀埋湯底開始打邊爐喇，湯底都有好多選擇，啲基本簡單餸都係任食碟牛好靚 不過唔係任食，想再食多份就加幾十蚊，不過已經好多野食所以冇加。每人有一份海鮮拼盤，（呢度係五人份量），全部都好新鮮，最正係龍躉片都可以任食👏🏻勁滑又鮮甜😍不過唔係全個拼盤嘅海鮮都可以任食

最近九月份貓頭鷹時間做緊買一送一*盛惠$278*旺角B1出口轉左行幾步就到樓梯間都係新南苑既宣傳平時仲會係網上blogger見到任食海膽、蟹膏帶子！不定時做推廣～平時都好多人影餐牌，所以我就影咗啲特別推介。例如係....蒸汽火鍋$28 一客三文魚$68 任食牛脊肉$88 任食蟹膏帶子至於價錢抵唔抵就見仁見智，始終每個人鍾意食嘅嘢都唔同，我當日就見到有人加蟹膏帶子～聽嗰日嘅員工講遲啲可能會出大閘蟹優惠～首先黎前菜，我同行兩個人都淨係食左中間，應該係帶子裙邊。呢碟前菜係要$20架前菜預計應該係酸酸地開胃，但係呢碟就出乎我意料之外，佢嘅味道好似平時韓式'葉'野咁，絕對係唔會令你開胃啲嘅。你可以揀雞煲➕清湯或者直接嗌特色湯底雞煲又炒6分鐘，起蓋後倒油炸鬼落去。帶咗個小辣雞煲，炒嘅時候啲香料都幾刺鼻。但係啲雞都好滑，味道都唔錯。你會見到有層辣油緊緊黐住啲雞，但係唔會好似平時咁成個碗都係油。 至於油炸鬼就同我想像中好唔同，同以往嘅食評我所理解嘅都唔同，油炸鬼係吸晒雞煲嘅味係好食嘅，仲會食到油炸鬼本身嘅味，但係煲完之後好硬...食完雞煲就換個湯底，佢唔係好似坊間咁直接加水，真係換咗個新嘅湯底換咗個蕃

首先來個中辣雞煲都好好味, 佢D雞入哂味, 服務員態度又好好, 仲問你要唔要再加雞, 而且海鮮非常新鮮, 無論蝦定係魚都係彈牙, 魚無腥味又甜, 我都食過好幾間呢類海鮮火鍋, 呢間係幾出色, 湯底亦好濃, 佢亦會主動同你加水, 唔會叫餐死都無人理,而牛肉嘅雪花都好靚, 可惜一唻己經夾咗落鍋, 飲品佢都係涼茶供應, 仲唔會好甜, D材料都可以比你睇到, 呢間係會令我想再去嘅一間, 亦有菜類比你自己夾, 不過呢度可以放係有櫃門嘅雪櫃好些, 佢似沙律吧咁放出唻, 如果一盆盆放會新鮮同靚仔好多

醬油錢每位40元、 但啲醬油非常之那西。 完全冇可能每位要收40元。 所謂每款邊爐任叫配料、 居然一款牛肉都冇、 肉類只得一款豬肉， 仲要係下價貨、 埋單仲有加一。 幾百元都唔知食到什麼。 完全中曬伏，

之前係灣仔都食過呢間雞煲喇，印象唔錯的，今日同朋友係旺角覓食，咁岩又搵到呢間，於是我極力推薦朋友去食呢間呢度既環境比灣仔果間大，不過我就覺得灣仔果間比較舒服一點個雞煲超香呀每一件雞都被麻辣汁包住味道果然正而且每件都係啖啖肉架食完雞煲，職員就幫我地換左南瓜湯底既鍋for我地打邊爐食完雞煲再換呢個鍋岩哂，可以中和返個雞煲呢個海鮮併盤都好吸引蟶子、蚌、蝦、鮑魚都好鮮甜肥牛、豚肉、丸類都可以任食蝦、鯇魚片都可以任食每人$300就可以食到海鮮火鍋，都幾抵喎仲有Dreyer雪糕