新南苑私房菜火鍋鷄煲 (華僑商業中心) (已搬遷) 新店位置

又係三五知己，又係打邊爐，雖然其中一個有些喉嚨痛，但絕對唔影響我們開大餐。火鍋店超大間，坐位超多，可以坐得好舒服又自在。招牌麻辣雞煲：只點了小辣已經好惹味，一開蓋時真係好香，配了細細粒油炸鬼，吸了麻辣汁，又幾特別，煙煙韌韌。新鮮蟹鍋花甲湯底：真材實料，鮮蟹花甲鮮味之餘令湯底更甜。生猛海鮮拼盤：我至愛海鮮，全晚精華所在，樣樣鮮甜，有口感，鮑魚還在"郁"，尤其蚌同聖子特別鮮味。本地手切牛頸脊：牛味好重。任食多款配料：未計配料已八分飽，但忍不住還加了牛百葉，龍躉件，菜...等等，想不到配菜也很新鮮，水魷真的不錯，爽。仲有大腳板雪糕條，好耐無食，可以回味一下；任飲飲品，連豆漿都有，味道唔錯。

一諗起食好西一定想起旺角，因旺角美食眾多地理位置又方便。前菜蟹子沙律，蟹子，青瓜絲和蟹柳絲和沙律醬撈一齊食好美味可口。今次就選擇食打邊爐湯底選擇左新鮮蟹鍋花甲湯面有成隻蟹蟹肉質好結實和花甲肉好飽滿，湯底好鮮甜。海鮮拼盤有鮑魚好彈牙，象拔蚌好清甜，龍躉，脆鯇魚片啖啖肉，花甲好飽滿，聖子皇好鮮甜，生蠔好大隻，海鮮全部好新鮮。本地牛頸脊，平脂平均分怖，牛味濃厚，肉又夠淋又冇雪藏味。小籠包打邊爐幾特別，熟了內里又有肉汁又啖啖肉。仲有這些丸類食埋都飽了。仲有其他任食火鍋配料。汽水任飲

今晚同朋友慶祝生日，因為佢好鐘意食海鮮，所以就揀了這家私房菜，入到食店地方超大，圓枱又方便聊天，又有電視，店員招呼亦很好。今日天氣好熱，急不及待飲返杯"忌廉溝鮮奶汽水"，任飲真爽，嘻嘻..."招牌麻辣雞煲 " 好耐無食覺得份外滋味，雞肉好入味，忍唔住添食呀！仲有吸了麻辣汁的油炸鬼，都唔錯喎！"新鮮蟹鍋花甲湯底"加上"生猛海鮮拼盤"真係絕對無敵，鮮味到不得了，海鮮好新鮮。從來未見過咁大塊鯇魚片，好爽；蝦同大聖子都好有口感。"本地手切牛頸脊" 我很愛火鍋食牛肉，所以差不多食了兩人份量，牛肉味道好濃郁，口感鮮嫩。"小籠包" 無諗過可以係火鍋配料，食起來有點像餃子。"任食多款配料 " 自助形式自己夾菜真方便，生菜、通菜、粟米、蘿蔔，樣樣都好新鮮。餐後一杯芒果雪糕做甜品，即刻降下溫先，今餐真係滿足到一個點，好飽，哈哈哈！

被安排入座卡位，男侍應推介了多種食法及收費，可以選擇先食雞煲再食火鍋或者是蒸海鮮食法， 最後我們無選雞煲，只食火鍋，故可以加68元升級享用番茄龍蝦湯底！蕃茄龍蝦湯底有原隻龍蝦切件， 龍蝦肉肉質鮮嫩，湯底鮮甜， 海鮮拼盤有鮑魚，海蝦， 龍躉片， 象拔蚌， 生蠔， 聖子等等，全部均非常新鮮， 特別的是，還有小巧美味小籠包作火鍋享用！ 另外，還有四十多款火鍋材料任選任食， 龍躉片、海蝦及冰豆腐是必選項目！最後侍應還奉上甜品，今期重本推出杯裝dreyer's雪糕，令我和朋友的飯聚，畫上完美句號！p.s.男侍應主動殷勤，態度友善，服務態度非常好，值得嘉許！

真係任食邊爐都食好多, 最近聽朋友講新南苑都ok 就黎試一下, 真係又好ok 喎。一去到門口,店員好有禮咁安排入座.雖然我地得兩個人, 但都可以坐四人枱,  唔洗咁迫,枱又大, 感覺不錯!店員好細心咁先問我地食過未, 套餐有海解拼盤同牛頸脊就各一碟,其他配料同菜&飲品就任叫, 268蚊一位,可以先吃雞煲再用蕃茄粟米湯底打邊爐,或者自己揀特式湯底打邊爐, 因為我地得兩個人,就無得又雞煲又特式湯底,店員話3個人以上先得,咁我地怕食唔晒,就直接揀左個蟹窩花甲湯底.有椒鹽三文魚 同前菜小食湯底有一隻大肉蟹,花甲，個湯底本身有粟米，蘿蔔，什菇等。直接打邊爐, 梗係食海鮮先啦。牛頸脊幾新鮮,幾林,唔洗淥好耐就食得, 切得有少少厚度 , 口感好D!海鮮拼盤有鮑魚,蠔,聖子, 大蜆, 蚝, 蝦, 龍躉片，鯇魚片。 個鮑魚係最新鮮, 感覺到佢仲郁緊,煮左好一陣都唔韌, 仲好軟身, 新鮮鮑魚先會係呢個效果。 蝦就又係非常鮮甜, 蝦頭膏都啜埋。蠔又係一食就知新鮮, 蠔味重 又唔腥。第二輪就即梗係套餐跟嘅丸類, 呢個係小龍包, 原來小龍包係可以打邊爐咖, 佢嘅湯汁會夾雜埋海鮮湯汁, 讚的!除左跟餐外, 仲有任

Don't be fooled because it's "all-you-can-eat" ; The food is great!!!! The price is reasonable. The choices of items are acceptable. And the chicken is tasty.  Worth the price and worth the waiting time.  If you are trying to find a place where you can have a drink and a casual comfortable meal with your friends, this is a good option. I would definately recommend it

海鮮火鍋半放題 $268雖然佢自稱半放題 但放心一定實得飽!首先有小菜幾碟 其中呢個油炸鬼(應該係)係我最愛！脆口得來又索到啲湯汁1. 招牌麻辣雞煲超香 好多雞件 而且都好入味！2. 澳門豬骨濃湯底真係幾濃郁！另外其中一個好大優點係佢下轉邊爐會換過個煲 我地絕對可以試到個靚湯底既原味 唔怕同雞煲嘅油溝埋一齊 3.生猛海鮮拼盤真係絕不兒戲！款款都超大隻勁新鮮！其中最愛真係個蠔同鮑魚! 4.任食火鍋配料雖然佢叫做半放題 但任食既選擇都有成板！而且唔係cheap 野！豚肉蟹棒同雲呑一定要點！蔬菜直程可以行去任拎！爽呀5. 本地手切牛頸脊見到啲紋路同色水已經流晒口水！果然好食！6.有heart 甜品打完邊爐食雪糕是常識吧 不過竟然有dreyers 估佢唔到啊7.任飲涼茶汽水果汁買單計埋醬油加一都要300蚊落樓 不過性價比真心高 包左個海鮮真係值服務亦好好 我閒日去都爆爆地場 大家記住book 位喇

又喺旺角揾地方食晚飯喇！今次上樓食呢家係放題火鍋一坐低就嚟個前菜先，最起碼花生係脆嘅。其實隻雞腳仲好蜜味。今次揀個小辣嘅雞煲食先之後再打邊爐個雞煲個賣相同出邊其他雞煲舖嘅差吾多。不過就好香！啲雞肉好紮實，好入味！吾知係咪新鮮雞但起碼吾係皮還皮，肉還肉。而且冇雪藏味有個溫馨提示咖。不過其實開100已經好夠力。呢份油條不得了！ 簡直係呢個雞煲嘅神髓！好脆口又快入味！叫咗個番茄湯底先好新鮮咖！！隻鮑魚仲會旭咖！！全部都好鮮甜，尤其對蝦，即刻再添加！啲丸類就正正常常。呀！黑丸係彈牙咖！火煱一定要有牛肉！呢碟牛頸脊真係得。嫰口冇根，好有牛肉味。應該冇咩加工。總結下：食物質素高，服務好好，坐得舒服冇趕你走。

上一次跟老公食過灣仔店念念不忘，今晚心血來潮又想再食，就一於近近地去旺角分店試下先。位置非常方便向旺角地鐵站附近，環境舒服乾淨，仲有好多2人卡位，好適合2小口子。先order咗個小辣雞煲先，其他之後再選擇。店家門口附近仲放置咗飲品櫃，調味專區供食客自由調配，飲品任飲。 先上麻辣雞煲，再付上油炸鬼。 店員先幫我地炒一炒，大約6分鐘左右就落埋油炸鬼兜勻，蓋一陣就食得，雞煲是乾身的，有別於其他雞煲做法，雞皮炒到焦香脆口的，雞肉鮮嫩多汁好惹味。食完雞煲之後會換上清湯湯底打邊爐生猛海鮮拼盤 每日都會提供大約6-8款當日精選海鮮，貴妃蚌超巨型，而且肉質鮮美又軟嫩。 鲍魚雖然細細隻但爽口彈牙，非常新鮮。大蝦肉質鮮味有彈性。生蠔完全無縮水，好juicy呀！ 蟶子皇鮮甜彈牙。另外2款魚類有龍躉片，入口魚肉鮮嫩滑溜。 脆肉鯇肉質鮮美又夠爽脆，而且魚味濃郁。本地手切牛頸脊牛肉鮮嫩軟淋，肉味濃，超正！小籠湯包新出産品，竟然用小籠包打邊爐，口感特別，味道鮮甜，一試難忘！脆骨腩- 魚肉爽脆龍躉片- 肉質鮮美，任食配料首選😆😆炸魚片- 香脆可口，惹味十足。蔬菜籃所有蔬菜向出面自助選取，蔬菜新鮮而且仲清洗得非常乾淨，

絕對係為左個海鮮火鍋半放題套餐而黎 ($268)/person首先會有我最愛既雞煲由於根據多次既經驗~個湯打邊爐果陣一定係會越黎越辣!驚之後個湯底太辣食唔到~所以叫左BB辣~點知原來食完成個雞煲之後係會另上個湯底~早知唔洗驚~叫中辣啦!花型既煲都好靚~感覺好高檔~哈哈~除左海鮮外~仲會附上一份丸類同四個包~之前未食過~ 心諗做乜塞個包我食xdWaaa~食完之後推介大家一定要試!超多肉汁鎖左係個包裡西! 勁好食~千其唔好煲太耐~個皮一穿左D汁漏哂出黎就會哂左/.\海鮮盤大家望到相信已經留哂口水~~全部都勁高質! 大件得黎勁新鮮!建議大家最後一定要留少少肚食個公仔面~勁香既豬骨湯底加埋滾完海鮮留底係湯裡面既精味配個公仔面真係無得頂~完全唔需要落調味粉!!佢個調味區都有多種醬料不過其實都唔係好需要因為我地個豬骨湯已經夠哂濃郁入味附送既甜品果然冇改錯名真係超有heart竟然有Dreyers 呢！

今天和同事放工一起食晚餐，氣溫急跌，於是便去新南苑食雞煲，過癮一下！新南苑在旺角中心附近，非常靠近地鐵站，位置十分方便！搭了電梯到3樓，整層都是新南苑的，有卡位有圓枱，適合情侶也適合一大群親戚朋友的聚會！  看了餐牌，$268一位可以任食雞煲，食夠之後，就可以換了鍋變成打邊爐，每一枱有一個“生猛海鮮拼盤”，一碟“本地手切牛頸脊”，還有其他配料任食，飲品任飲！我們一坐下來便點了一個雞煲（半隻），小辣的。送上枱時，侍應哥哥很有禮貌地講解如何炒出好味的雞煲，味道真的很香，雞煲的麻辣醬都均勻地包圍著雞塊，相當惹味。這個時候侍應哥哥很貼心的過來問我們要不要追加雞煲，還推薦我們食中辣，他說更加惹味！所以我們也試了中辣的雞煲，真是比小辣的香，辣得過癮！雞煲還有附上油炸鬼，很特別！小辣 :中辣 :食夠雞煲便開始打邊爐了，湯底我們點了清湯，可是原來湯裡面也有番茄，粟米，薯仔等，很夠料！這個時候侍應哥哥抬了“生猛海鮮拼盤”過來，真是很驚訝，居然有聖子皇，鮑魚，生蠔，大蜆，魚片和蝦！其實食到這個時候我們已經很飽了，可是還有一盤火鍋配料，有雲吞，魚皮餃，水餃，牛丸，墨汁墨魚丸，芝士丸，用意是給食客先嘗嘗，看看

之前同事推介旺角一間中式火鍋店，性價比好高，所以相約朋友星期日去試試！新南苑在華僑商業大廈，好近地鐵站！地方好大，招呼好周到，坐得又舒服！海鮮火鍋半放題套餐，每位收費$268，醬料每位$10。餐前小食，有鳳爪、小蕃茄和花生飲品自助，款式好多，有汽水、韓式飲料、Jolly Shandy和自家煲涼茶等等！這個菜單是免費追加的火鍋配料！這個套餐是先吃雞煲，我們選了BB辣，雞肉都幾多，每次翻動雞煲都香噴噴，大約6分鐘後加上脆油炸鬼就食得！調味夠惹味，而且肉質嫩滑！食完雞煲就開始打邊爐了！這個是粟米蕃茄雜菇清湯底！海鮮拼盤超級豐盛！有鮑魚、蠔、海蝦、蜆、扇貝、象拔蚌、脆鯇魚片和龍躉！全部都好鮮味！鮑魚鮮甜彈牙！脆鯇魚片和龍躉啖啖肉！象拔蚌爽甜！蠔又夠大隻又不會腥！本地牛頸脊，好有牛味，我最喜歡這個部位，因為脂肪較少但肉質又夠軟稔！這期火鍋店會給客人一人一隻小籠包，想不到也很好吃，內面滿滿的湯汁，好juicy！另外，還有一些火鍋配料！菜肉餃雲吞、魚皮餃、芝士丸、墨汁墨魚丸，都不錯！菜也是在自助區，很新鮮，有生菜、娃娃菜、金菇、白菜等等！我們還點了響鈴和冰豆腐！最後還奉上甜品，北海道3.6 牛乳奶凍

係呢頭行完街又到開餐時間, 假日就是要食好D, 見到樓下有宣傳易拉架, 火鍋鷄煲相片相當吸引, 一於上3樓試下先!坐底後見到呢個任食海鮮火鍋半放題套餐 ($268/位), 限時有成3個鐘, 夠晒時間慢慢食!  呢度仲特設私人房間, 4人起計, 每位只係另加$20就可入坐房, 有電視睇又有波睇, 岩晒一大班親友黎開餐喎!套餐係先食招牌麻辣鷄煲 (辣度可選大/小辣), 送上枱後, 加熱6-8分鐘就食得! 打開煲蓋就聞到惹味鷄煲香味, 鷄件都唔少, 配埋油炸鬼索埋D濃味醬汁, 又一種新食法! 鷄煲仲係無限任食, 鷄煲控黎呢度就心心眼啦啦!食緊濃味嘢, 出去凍櫃拎返岩飲凍飲先, 凍飲包括汔水, 特式飲品及涼茶混醬區, 自己出去隨意混合自己喜愛醬汁食完鷄煲, 轉個清湯底進入火鍋時間!  侍應快速地已預備好生猛海鮮拼盤 (6-8款), 今晚呢個拼盤包括帶子, 大蜆, 蚌, 蝦, 鮑魚, 蠔, 龍躉片! 每款味道鮮甜, 品質唔錯, 最歡喜係彈牙鮑魚; 爽口蝦肉; 蠔夠蠔味又大隻!  食呢個海鮮拼盤都值回票價!各類蔬菜及菇類係出面自取, 貨色幾新鮮, 唔會雪到變晒肉酸色!亦有各類丸類, 當中的貢丸食落

為食同事推介話呢間雞煲打邊爐好抵食所以趁住放假前夕就去happy一下😁＄268一位又可以食雞煲又可以打邊爐，確實又真係抵，為食同事話如果唔book嘅話就唔使旨意可以walk in有得食我地雞煲嗌咗小辣，老實講佢啲味都幾好，係啲配料少啲，我嫌佢啲洋蔥蒜頭唔夠多，啲雞件斬到個size好細，其實味道來講斬細啲好啲，夠入味不過佢啲雞太肥，似我，肥膏多過雞肉食完之後我哋就換清湯打邊爐，我哋兩隻海鮮怪，見到個$388嘅象拔蚌，雙眼發光其實我哋見侍應哥哥咁俾心機落力推介叫牛，又叫我地叫多一個雞煲，我哋都冇幫襯，咁所以順水推舟，叫一個我哋想食嘅象拔蚌啦🤣個象拔蚌好鮮甜又夠爽，兩個人食啱啱好其實佢268個餐包嗰啲海鮮都係好鮮甜美味嘅👍🏻因為我哋叫咗象拔蚌所以食唔晒啲丸

當香港剛開始興起雞煲嘅時候， 我就已經試過旺角嘅「新南苑」， 當時都仲未有灣仔分店， 而家開到連港島區都有， 可想而知幾受食客歡迎👏🏻！😏 咁啱友人想食雞煲，我又想打邊爐， 所以就又黎幫襯啦。😂 餐廳裝潢走平民街坊路線， 前台有個大魚缸， 比食客揀當日嘅游水海鮮加料，😎 中間有好多張大圓枱， 給人一種舊時大排檔的感覺。 餐廳更設有包箱， 啱晒一大班朋友黎烚下烚下！😏 我地被安排到二人撐枱腳嘅卡位， 座位都幾舒適。 呢到得一款套餐—海鮮火鍋半放題套餐， 基本收費$258，醬料每位$10， 小食另加$20， 如果以$20一碟前菜，有三款小食黎講算係唔錯 ， 鳳爪酸辣惹味，四季豆微辣爽脆，幾開胃！ 最新更有特別優惠， 贈送特別小食—燒鰻魚， 肉質軟腍又不失嚼勁，鰻魚汁幾滋味！😁 招牌麻辣雞煲 食之前要等雞煲煮6分鐘， 每2分鐘需搞拌一次，避免癡底， 最後將油炸鬼放埋落去一齊食， 食法幾特別～😏 油炸鬼吸收左雞煲嘅醬汁，幾惹味， 但小編覺得稔左嘅油炸鬼口感唔太討好。🙊 雞煲比坊間普遍嘅較乾身， 雞件鮮味嫩滑，麻辣滋味， 如果一煲食唔夠喉既話， 仲可以係上火鍋湯底前免費en