新南苑私房菜火鍋鷄煲 (華僑商業中心) (已搬遷) 新店位置

第一次食呢間，買單每人$340左右，半任食，因為有些海鮮不能任食，但係一開始會每人有一舊海膽😋，同海鮮拼盤，拼盤入邊有大大隻花竹蝦，成2隻手指咁粗😱仲有8吋長聖子、鮑魚、貴花蚌、龍躉片等。(㊙️而細隻海蝦可以任叫，但每次都係俾每人一只，要叫佢寫每人2只先不用叫咁多次)。食物質素:屬於中上，海鮮可以說頗新鮮，如圖中花竹蝦肉質實、味鮮甜，值得一提係脆骨腩，爽口！鍋底:可以揀雞煲先，後加湯。但我直接揀左花蛤蟹湯底，所謂花蛤就可能因為唔啱季節，所以非常細隻等於普通蜆一樣，蟹，食得出係新鮮嘅，佢嘅甜度令到我有嘩一聲、正，既反應。環境:和其他任食比較，枱大啲啲，枱與枱之間闊少少，仲有好多間VIP獨立房，眼見獨立房可容納八至10個人。會返食指數:⭐️⭐️⭐️⭐️

食物一般，雞煲可以，海鮮又唔太新鮮，任點火煱配料係菜, 菇，丸，麵，其餘例如牛肉只有一碟，用3佰幾價錢完全唔值，送刺身完全唔精神，有些職員態度差又黑面，一定不會有下次！

唔止黎過一次呢間新南苑，我諗大大話話都有十幾次，身邊有朋友都幾鐘意黎呢度，好多時慶祝生日、人多聚會都會考慮，最主要係鐘意有房，比較私癮啲，靜靜地可以傾下計飲下酒，同埋都收得夠夜。是日同朋友慶生，都係選擇新南苑，訂枱後仲見到有團購，打過去確認可以用先買，計番我諗每人都平到50蚊左右嘅。餐廳位於彌敦道678號，電梯一上，開門便是，成個場都算幾大，位置頗多，外面嘅位會比較密麻啲，人多起上黎都會有少少嘈，所以我地鐘意訂房，雖然每位要加廿蚊，勝在夠舒服。訂左六點，準時入座，人頭定價$268，週五、六日、假期每位加10蚊，連埋訂房每位加$20，虢礫緙嘞醬油前菜加一等，人均$350，入座起三小時，屬於海鮮火鍋半放題。我地嘅房間坐六人，不至於好闊落，每房有電視，主要係睇波。冷氣都可以，唔會好弱，不過食完一陣味就梗架喇，無可避免。房間入面設有對講機，只要掣就有店員應機，可以直接講埋要求，例如加湯、點配料等。效率挺高，唔會話因為放題，就hea時間醬油 $10/位；餐前小食 $20/份 (1-4位一份；5-8位兩份…)海鮮火鍋半放題套餐 包括：招牌麻辣雞煲 (3位以上先可以享用，無限任食，可選大辣/小辣)

HM飯團又出動去搵好嘢食，今次揀咗呢間火鍋店 ，一行七人晚上六點9抵達， 先嚟個雞煲~~一個bb辣，一個原味， 雞煲係任食的，所以encore時，我們除了原味加碼要了個小辣的， 四個雞煲都非常美味。同時還有一個 刺身盤 ，裏面有多款刺身，相當新鮮輪到食火鍋了，我們要了一個蟹鍋，一個清湯，其實兩個嘅味道都差不多，沒什麼分別，只不過蟹鍋內有一隻大蟹，味道一般。店家先來一盤海鮮，這是指定的 ，不能任食，其餘火鍋料都可以再叫 ，海鮮盤內有虎蝦 ，基圍蝦，帶子，花甲 ，卜卜蜆 ，鮑魚 ，每一樣都非常新鮮，美味無窮。跟著還有一盆牛肉和豬豚肉，這也不能任食。任食火鍋料包括：響鈴，炸魚皮，牛柏葉，午餐肉 ，各式丸類，雲吞，水餃 ，龍躉 ，脆骨腩 ........任飲的有十數款包括啤酒埋單用了團購coupon, 每人263個大洋,非常抵食。

之前同事一直介紹，新南苑飲品無限任飲，雞煲無限任食，無論賣相同味道都超正，所以就同屋企人去試試，慶祝家姐生日！新南苑位置都算方便，而且裝修好新，地方又大，又乾淨，坐得好舒服！我地叫左個餐，以前吃雞煲打邊爐，都是吃完雞煲然後加湯打邊爐，但今次係先吃雞煲，食完可以選擇另一個新湯底打邊爐，就不會有油油的感覺!另外，我們勝在人多，可以選了一BB辣，一唔辣來試試!一上檯，香味湧出黎，另外還配有我最愛的即炸油炸鬼，待雞煲滾後放落去，十分入味，咬落又香又脆，超正!至於雞肉，BB辣係惹味好多，雞肉都幾多，而且不算油，所以我地唔覺唔覺都食左3個雞煲!之後重點海鮮拼盤來了! 海鮮數量及種類係按人頭及餐廳分配，而我地有有鮑魚、蠔、海蝦、蜆、扇貝、象拔蚌、脆鯇魚片，超級新鮮、豐富！

越嚟越多火鍋店有火鍋雞煲同時食嘅套餐， 今晚同班同學去嘅就係其中一間。嗯，因為我地其中一個同學係火鍋控，所以約親食飯多數都係去打邊爐。其實同類型嘅火鍋店我地之前都去過幾間， 但今次呢間我覺得幾唔錯。因為啲食材比較細緻比較新鮮啲， 但價錢同坊間嘅差唔多。首先個雞煲冇咁油，同佢有備上油炸鬼，令雞煲口感更豐富。食完雞煲再打邊爐，跟其他火鍋店一樣，先上一個海鮮拼盤啲海鮮幾新鮮， 仲有大大隻鮑魚添😋湯底有冬瓜，比較清甜，仲可以解暑👍每次我食完雞煲同個海鮮拼盤就已經飽左八成， 所以其他配料如牛肉呀， 丸呀咁我都只能吃一點點試下味，睇下得唔得，值唔值得介紹俾朋友，呢點呢度合格了👍。最後重點係甜品度，佢嘅奶凍同埋軟雪糕，都好掂，我雪糕食左兩大杯呢😅🤭鍾意打邊爐又唔想落單時就住就住嘅大伙兒，呢間就啱哂喇！我會再同屋企人嚟一次，事關我地都好鍾意打邊爐架！

以前吃雞煲打邊爐，都是吃完雞煲然後加湯打邊爐，這樣做出來的湯底總是不夠味道。這次來新南苑，就可以先吃雞煲，之後還可以選擇另一個新湯底，有兩種不同味道。雞煲要了中辣，辣味濃香不過火，對愛吃辣而又不想辣味太搶的我，是剛剛好。雞件份量都幾多，而且多肉，雞肉都嫩滑。另外還配有啲即炸的油炸鬼粒，待雞煲滾起後放落去，十分入味，咬落香脆惹味，夠特別。吃完雞煲後，就上冬海龍王湯底。魚有炸過，不會腥之餘亦不會煮到肉爛，而且還用冬瓜托起，方便吃魚肉之餘，冬瓜亦盡吸湯底及魚鮮味，無得嘆！海鮮盤非常豐富，扇貝，元貝，鮑魚，生蠔，鮮蝦還有鱔皮，更重要的是重全部都新鮮。再有鮮魚湯底打邊爐，真係鮮上加鮮，鮮味倍增！打邊爐不能沒有牛，鮮牛肉肉嫩有牛味，油脂不多但細密，入口煙韌不鞋口。到最後還有甜品牛奶布甸，奶味香濃幼滑，絕對有質素。

Happy Friday 又有世界盃睇特別開胃，最好同一班frd 子食聚一堂。呢度個放題好味抵食食雞煲前先嚟碟麵包蟹，大大隻啖啖肉，肥占食完已經話飽之後就上雞煲，體貼既伙記教先焗一陣，再炒，両焗，再炒，如是者又焗又炒兩，三次再落埋油炸鬼粒再炒一炒就食得個雞煲落左花椒八角，食落辡得嚟又香口，連d洋蔥都好鮮甜！我地好快就食完再encore多1 round (食放題，雞煲任叫，但一定要食完雞煲先上火煱，所以一定要留肚），有幾位朋友已經開始飽飽地，但美味子我一食到好味既野就會越食越開胃；突然，現場全場大叫，完來我食到差d錯過左巴西🇧🇷既入球⚽️🥅賽事繼續，我地都繼續接住既打邊爐，食埋d鮑魚海鮮同牛肉仲有小籠包，今次就真係飽啦，最後上埋有heart甜品(有奶凍同Dreyers朱古力雪糕揀）,食埋雪糕再飲多罐烏龍茶（飲品任飲）清清個口。成餐飯同場波都完滿結束🍻😋

朋友聚餐最好就係打邊邊，大家可以慢慢食時又可以傾吓偈，唔怕坐得耐。呢排見出咗d優惠，收工後就同班朋友嚟試試。早一日前已訂了位，每位加多$20要間房，但因客人未走，所以嚟到都要等多10分鐘。每間房間都有個對講機，方便叫野食。坐低一陣，好快就有個雞煲俾你止止餓，然後再轉湯底才正式開始鷄煲有bb辣/小辣/中辣/大辣選擇侍應亦會提醒你每2分鐘要撈一撈，6-8分鐘就可以食~~貼心我哋叫咗bb辣，真的好微微既辣，但配料足夠，味道不錯雞煲後會另上一個湯底咁次揀咗蕃茄海鮮湯，裡面有蟹，蜆，份量十足湯底鮮甜蟹就…… 有點遜色，肉質較梅頭盤：海鮮有點令人失望牛油脂分怖均勻，食落口中溶化，推介👍小籠包係蒸氣火鍋食得多，用嚟打邊爐就真係未試過，估唔到出嚟效果都唔錯，還可以保留到小籠包內既肉汁。旗仔會提醒你整幾耐時間

274蚊任食雞煲三小時，讚好新南苑私房菜火鍋鷄煲Facebook 及分享專頁既可買一送一即可獲取，雞煲小辣，好香，煮2分鐘要攪一次，6分鐘可放油炸鬼，食得，好好味雞又嫩，4人食左2份雞煲好飽，加88蚊可任食海膽，每次大概上每人兩份，都不是等太奈，不過可能要提示一下才會快點上，食完雞煲可以點個花甲蟹湯煲打邊爐，送左份海鮮同牛，可以任食火鍋配料，丸，餃子類，菜等，可能太飽，只是食了一轉，途中都係食海膽回本，本來可以食到12點半，因太飽12點左右就結帳走人，很滿足。加埋雜費同加一，每人大概$280。

未食過就緊係一試就想試曬4 隻湯底🤔莞茜皮蛋，沙爹，麻辣，蕃茄薯仔👀配料都好多！菜係可以自己出去拎👍🏻首先就緊係食左一大輪雞煲先啦🤤🤤嘩！原來雞煲加油炸鬼係咁正！😎雞煲係可以任食的！係加水打邊爐之前你想食幾多都得🤣🤣🤣🤣實物同圖真係一樣！超薄既牛頸肉🤤🤤🤤滾一滾就食得超軟綿綿呀口感超正！（不過lee 個又唔係任食既，想食可以加錢）海鮮一set! 真係你講得出既都有🤤都好新鮮！特別係聖子同鮑魚😏(有魚，蠔，蝦等等）😍4 個湯我最喜歡麻辣配牛肉真係無得輸😌野飲重有新鮮豆腐👍🏻 無咁熱氣👀

宵夜夜場的不錯選擇，位於旺角彌敦道黃金地段的新南苑，任食食雞煲再加打邊爐，基本飲品、蔬菜、調料汁醬是自助的！如是朋友聚會聊天可以選擇每位加$20坐入房間，一班人歡聚一下這是不錯的選擇！食物方面先說雞煲是份大、中、小辣，建議食中辣會比較好，記得同服務人員說要濃味一點😏這裡的海鮮都不錯，鮑魚仔、聖子、花蛤、龍躉斑片、海蝦、扇貝都是比較有保證！而附送的小籠包就一般般，皮很厚⋯😒湯底我們選了花蛤蟹鍋及清湯，味道都幾好！另外，記得吃到最後添加一份不倒翁拉麵吃吃，麵質很Q很好吃！至於環境方面，因為我們是坐房的，所以都感覺可以的，有電視機📺2部又有免費WIFI，是友人打機的天堂😆

今日放工去接姑姐，姑姐公司樓下有間新南苑火鍋私房菜。姑姐話同事去過唔錯的。所以今日專登叫我出嚟接佢放工順便請我食火鍋。$268+10%+醬油=每位$316.8。有海鮮拚盤+任飲任食。如果3人以上仲有雞煲任食。如果好似我地只有2人就要加錢了。自助調味吧前菜湯底有好多款揀, 我地揀咗豬骨湯底. 有起碼3-4件大豬骨, 粟米, 蕃茄, 白蘿蔔海鮮拚盤有鮑魚2隻/大扇貝2隻/大海蝦2隻/馬刀貝/聖子2隻（這5款海鮮以人頭計，如想再食可以加錢叫）鮑魚size比較細扇貝好大隻聖子大蝦, 非常甜及爽牛肩脊一碟，肉好淋，好有牛味（不是住食。唔夠可以加錢再叫）龍躉片/脆鯇魚腩可以任叫職員會再奉上芝心丸/沙律芝心丸/貢丸/黑墨魚丸/雲吞。這些都可以任食。芝心丸嘅芝士好香，而且好彈牙沙律芝心丸，酸辣甜甜好特別最特別係有2粒小龍飽用嚟打邊爐。第一次食2都唔錯。皮薄餡靚冰豆腐, 職員介紹的. 又真係唔錯, 吸晒湯汁最後還有甜品。有Dreyet's雪糕及鮮奶凍。而鮮奶凍是火鍋店自製的。好滑，好香奶味。飲品柜大家如果去開旺角，不防去試試吖。

Lovin' U 若快樂似肌膚     Lovin' U 無時無刻都想你繼續去呵護     營養是那麼豐富     願我是你最在乎今日係520的日子，當然也要好好慶祝，就決定試一試海鮮火鍋半放題。一個半放題，就滿足到鐘意食雞煲的老公和鐘意食海鮮的我。店舖頗大，內有不同組合的枱椅，可以少少哋兩個人食，亦都可以一大班十幾個人去食。店舖在不同角度都安放著大電視，無論坐邊個位，都可以清楚睇到電視，唔錯唔錯。飲品是採用自助形式，飲品有不同的紙包、罐裝及樽裝飲品。除了大路的可樂、忌廉，連出面好少地方有得賣的道地菊花綠茶、道地冬瓜茶、菓汁先生雪梨蜂蜜茶同得米烏龍茶都有。首先一入坐，店員就送上前菜，包括非常入味的凍雞腳；脆脆的花生；新鮮的蕃茄仔；爽脆的鵝腸。套餐包括招牌麻辣雞煲，雞煲有大中小辣，我們叫了小辣。雞煲一開蓋就聞到好香的麻辣味，香氣四溢，雞肉好嫩好滑，而且每件雞都被濃郁的麻辣汁包圍，正。我們好快就將雞煲清晒，店員見我們將雞煲吃到乾乾淨淨後，問我們駛唔駛再黎多一個雞煲，原來雞煲是任食的，唔夠可以再叫，我見隔離枱足足再叫多兩三次雞煲，哈哈。雖然我們得兩個人，但是我們吃了雞煲後，仍然可以不用加錢就

曾幾何時新南苑依個名號，好早已經存入我嘅耳中。以前坐落喺觀塘仁愛圍巴士總站旁嘅大排檔，現在已經重建。昔日嘅風光不再，但係味道依舊可以喺香港唔同嘅角落搵到。 旺角嘅呢間新南苑雞煲火鍋，秉承以前喺觀塘嘅傳統，晚晚爆場，侍應仲話前一晚做到三點先收工。可見餐廳依舊夠晒平靚正，好多捧場客。 三個人點咗最平靚正果個餐，有海鮮，有丸類，有甜品有牛肉，有免費任飲，免費蔬菜，包羅萬有盡在一煲，豐儉由人。 前菜蟹子沙律做得都唔錯，簡單食物卻味道不俗，幫我哋填下肚仔。 麻辣木耳做辣，車厘茄好甜好新鮮，油炸鬼係一陣間落入雞煲內嘅，但已經唔太脆。 雞煲嘅份量頗多，叫咗小辣，麻香味十足。要分三次炒， 炒完出嚟配料味，麻辣味好香，味道好惹味，食到咀lam lam, 雞肉啱好嫩滑,係幾好食。 食完雞煲打邊爐,叫咗個清清哋嘅豬骨湯底。雖然唔係咩貴價煲，但卻係廉價嘅美味。 咁嘅價錢食到咁靚嘅牛頸脊肉，都算係咁。牛肉鮮色 有紋理，質感軟淋而帶濃郁嘅牛味。 海鮮拼盤有蝦， 蟶子，鮑魚，脆魚鯇，龍躉，大蜆， 真係值回票價。海鮮都好新鮮，蟶子同埋鮑魚，質感結實而帶嚼勁。鮮蝦爽甜新鮮，龍躉肉，脆魚鯇大大塊，鮮味濃郁， 貝殼類大大隻