新南苑私房菜火鍋鷄煲 (華僑商業中心) (已搬遷) 新店位置

從來冇寫過食評，但呢間堅係太差。服務員對客人愛理不理，介紹d set 果陣講得勁快，入到去坐連張menu都冇😮‍💨煮到個雞煲lon 左先黎幫手搞。食物選擇勁少，落左單叫附加食物10樣野黎6樣，6樣野黎3樣甜品得個奶凍唔會再黎食

今日同媽媽黎到旺角華僑商業中心既新南苑私房菜火鍋鷄煲食dinner，我地要左個每位＄288既鮮味放題海鮮餐除左呢個餐仲見到其他唔同既餐就好似牛魔王餐咁，但因為太耐冇食海鮮，所以都係揀左海鮮餐，當然，亦都有得海鮮同和牛任食既至尊餐，但要貴少少，由於今晚得我同媽媽食唔到咁多野，所以至尊餐都係留返下次一大班fd再食我地要左個小辣既雞煲，店員會提示你大概上左台兩三分鐘就可以炒下佢，不同香科係雞煲入面即昤散發出黎，小辣夠哂香口，唔會辣到蓋過d雞味，雞肉肉質鮮嫩又唔多碎骨，店員仲會送上油炸鬼粒，加入雞煲一齊煮又多一重口感，店員見你食得7788會問你洗唔洗再添雞，驚再食食唔到其他野，就叫佢加個清湯比我地打邊爐每台會送一盤手切牛頸脊，而海鮮就跟據每台人數比每人六至七款海鮮，我地就有鮑魚，蠔，蟶子，海蝦，青口，脆鯇片，脆骨腩，每件都好大隻，尤其係海蝦，size大到令人讚嘆，食落都好新鮮手切牛頸脊牛味十足，輕輕碌一碌就食得，易入口，由添既肥牛都不錯值得一提，呢到竟然有灌湯小籠包，重點係小籠包撈返上黎你真係食到湯汁！仲有好多唔同一般打邊爐都有既配菜出面有吋小食可以任拎，有個香芋丸都幾好食飲品都係出面有櫃任飲

Openrice睇下旺角附近有冇啲自助打邊爐，質素唔好太差。看到很多人分享呢個雞煲火鍋放題，所以我同朋友就上去試一試啦！套餐中選了鮮味放題餐$288，先吃雞煲，後另用湯底打邊爐，或直接自選湯底打邊爐～ 自取區有飲品櫃、冷盤、蔬菜、餐前小食及炸物，均有蓋住保持衛生。小食有鴨血、炸魷魚圈、酸辣鳳爪等等海鮮拼盤＋打邊爐放題，湯底係椰青花膠蟲草花湯，濃郁的椰青味，好好飲，未食之前已經飲左一大碗，配料都食得添！湯底夠清，能保留海鮮原汁原味。海鮮盤內有鮑魚、虎蝦、鯇魚片、脆鯇魚腩、蟶子、扇貝及台山蠔。鮮甜扇貝很大隻，肉質爽又帶鮮甜！鮑魚非常爽口，虎蝦勁爽甜！牛頸脊，油脂分布平均，牛味很濃郁，入口即化，食落陣陣油香。至於美國肥牛都係任嗌，都算高質，肉質都唔錯，牛味突出。其他配料都係入紙仔落，有40多種火鍋配料！ 灌湯小籠包、黃油雞件、台灣黑椒豬肉腸呢D配料幾特別。我地叫左魚皮、蟹棒、鴨血、牛柏葉、芋絲，味道都唔錯飲品方面選擇都較多，有菊花茶、牛蒡茶、清熱飲、等等最后餐廳送上奶凍甜品，幾驚喜地滑！為今晚的放題添上完美句號，整體黎講好抵食，海鮮質素又高，而且店員態度唔錯，幾有心。

衷心希望考慮揀呢間餐廳之前 花2分鐘睇左呢篇食評先平時會睇好評去試餐廳 今次見到呢間好多好評 就直接去左試 但估唔到試左有生以黎 數一數二差 勝價比低到憤怒既任食火鍋!!! 相信隨便講一間火鍋店都一定勝價比高過佢 好食過佢!!! 令未寫過食評既我 都激起左一定要寫評語!!! 希望令有睇開食評揀餐廳既朋友唔好中伏😡😡😡 首先一去到就去咗廁所先個廁格細到一入去就差啲hi到個廁所 細到閂門都有困難平時食任食既都會睇吓有咩前菜可以食但呢度只係得3樣前菜揀 泡菜、鳳爪，日式螺肉個泡菜仲要有發泡膠味😡😡😡一開始先黎雞煲 味道正常 無驚喜 食左幾件就轉火鍋 我地揀左海鮮餐 (任食肥牛 鮮蝦 龍躉片)到到揀湯底 平日有分兩個價錢 $218非繁忙時段 $288繁忙時段但$288只係清湯底 3人以上先可以揀餐牌上顯示既湯底 因為我地唔食牛 就轉左豚肉片但估唔到個豚肉片係極度劣質 (佳x質素)一開始已經大打折扣到到食重點既海鮮盤 (海鮮盤共有蝦、鮑魚、蠔，馬刀貝，聖子，龍躉片同脆肉片 各2件) 一開始見到有2隻好大既蝦 都覺得有質素就即刻試左個蝦先 平時食蝦都會食埋蝦頭既蝦膏 今次如常 但一打開個蝦頭 一陣

🍴旺角任食雞煲火鍋店如果有選擇恐懼症的朋友，這間餐廳會解決了大家的選擇難題了。餐廳主打先吃雞煲，後吃海鮮火鍋，切定讓大家抱腹而歸。餐廳有自助飲品櫃，客人可自取飲品，但款式和種類並不多，而且補給比較慢，所以吃至中段再取飲品時，可能會有些是室溫的飲品。餐廳會先提供雞煲讓客人進食，雞煲可自選辣度，並附有脆炸油條。職員會講解一遍煮雞煲的技巧，喜歡吃麻辣的朋友必定會喜歡這款雞煲因為香麻度十足。雞煲是任點任吃的，當客人完成雞煲後便可以自選湯底進行第二輪打邊爐了。客人可到自助的醬料包和蔬菜小食提供處自行揀選想吃的小吃和蔬菜。椰青花膠蟲草花湯底，有原顆椰青入鍋，椰青底鑿了一個洞，建議最散底易熟的食物可放在椰青內燙，食物的香甜感會大大提升。花膠是薄身爽滑類，沒有提供額外追加的機會，有點可惜。每桌均贈送按人頭計的海鮮，每人包括海蝦、脆肉鯇魚片、蠔、鮑魚、白貝、蟶子各一件。美國肥牛首碟會最優秀，肥瘦均勻。其後上的牛肉質素會比較一般。灌湯小籠包的皮較厚，味道還是不錯的。任食的食物種類選擇不多，每次下單則只可以點選8款食點，喜歡點得滿桌都是食物的筆者吃得有點不過癮。任點的食物質素不過不失，沒有太大驚喜，擺盤不太

嚟到一間老字號餐廳小厨，裝潢格局很old school，有種回到細細個去屋苑附近食炒小菜嘅氣氛。圓桌、牆上電視與長輩級食客相談甚歡嘅畫面，懷舊中有人情味。久別嘅雞煲及火鍋放題，雞煲醬汁濃厚，微辣經已嗆喉，惹味！之後火鍋有本地手切牛頸脊、美國RP肥牛心片及美國SRF黑毛和牛，份量好夠！係一場餓鬼食到你爆胃嘅一餐。晚餐以雞煲及火鍋為主，點套餐後全部任點任食。選了能任deal牛肉嘅「牛魔王」餐，當中定量嘅係本地手切牛頸脊、美國RP肥牛心片及美國SRF黑毛和牛，份量好夠！另外肉類仲有豬、雞件及羊供選擇，其他配粒選擇都多，食多幾round 經已好full! 另外個湯底方面揀咗多人道嘅南瓜湯，個南瓜打蓉後變身成minions，好打耳，再倒入南瓜湯後望住佢慢慢溶化，好有趣！

今次來到新南苑食雞煲加火鍋放題最近看到很多人分享這個雞煲火鍋放題餐廳都幾大, 電視正在播足球比賽, 可以一邊看一邊吃餐廳有圓枱, 卡位, 旁邊還有獨位房間飲品是自取的, 有果汁, 烏龍茶, 龍井茶, 牛蒡茶, 冬瓜茶等等小食有麻辣豬皮魚蛋鴨血, 螺肉, 海藻和雞腳小食旁邊有火鍋用既粟米, 金菇, 還有4款蔬菜醬料區有蔥, 辣椒, 蒜蓉, 芫茜, 乾蒜, 辣椒醬, 辣椒油, 沙茶醬, 芝麻醬, 豉油小食既雞腳酸酸地, 幾開胃鴨血沒有味, 魚蛋好淋沒有彈牙口感, 不吃也罷雞煲到, 看到雞肉有10多塊, 還有蔥, 蒜頭, 辣椒, 我叫了小辣上枱時雞肉已經差不到熟, 不過店員說還要多炒2次雞肉不會"嚡", 醬汁惹味, 好吃, 吃完後店員會幫你轉火鍋本來想選四色湯底, 不過店員說已經沒有了, 還後選了沙嗲湯和芫茜皮蛋湯2款湯底味道都很淡然後看看點單紙, 紙上寫上每次最多選8款食物食物有42款, 加上自取的4款蔬菜, 粟米和金菇, 總共有48款食物任食第一轉點了水魷, 蘿蔔, 牛柏葉, 鴨血, 黑椒豬肉腸, 豬頸肉, 美國肥牛, 小龍包肥牛見到有碟底印, 係預先切好一碟碟疊起來其他食物全都放在同一

好少食放題的我，今日朋友請食飯，冇得揀啦，去了旺角依家新南苑食雞煲火鍋放題，Weekend 繁忙時間，都見佢未坐滿，都知道今次應該中伏，整體真係非常普通，先來雞煲，不麻不香不辣，材料不足，絕對唔可以用好味形容，食雞煲一定唔使嚟依家，跟住就到打邊爐，海鮮拼盤尚可，蝦和聖子都新鮮，花甲同魚普普通通正常嘢，大連鮑魚都是普普通通，跟住其他火鍋配料，都是啲中價貨色，普通任食放題質素，唯一特別啲任飲飲品選擇還多，買單$330個頭，應該仲有好多選擇。

今日同朋友仔做完運動想補充下蛋白質，見到有人派傳單，最平$99位食雞煲再加打邊爐，即刻就去試試佢一上到去就同店員講食$99雞煲餐，店員就話星期六，日同假期每位加$20連加一即每位$131現金埋單，感覺都可以既，$131就全包食兩個鐘前菜野飲同蔬菜放左喺出面自己拎既前菜有中華沙律，螺肉同雞腳，個雞腳好食，酸酸甜甜咁，雞腳有咬口得黎又唔會咬唔開👍🏻仲有個混醬區，基本應該要有既都有，辣椒🌶️，生蒜，熟蒜等等，旁邊仲有浙醋，陳醋添雞煲係任叫既，第一次先黎試下少辣，係食唔出有辣味既🤣之後再叫左兩次中辣，一上枱就知有料到喇🌶🌶🌶但原來食落都係無咩太大感覺既啲雞既質感彈牙既，醃料個味都算唔錯，所以先食到三次食夠雞煲就開始打邊爐喇，都有好幾款湯底俾你揀既，我哋今次就揀左椰子雞湯，湯底係完全冇椰子味嘅，入邊有幾舊雞同兩粒紅棗，基本上我覺得同清湯冇乜分別店員放低湯底就行咗去，要專登叫佢過嚟拎點餐紙🤣🤣食完雞煲都飽咗八成，所以都係求其叫咗幾樣野，肥牛都幾肥下，海蝦唔新鮮唔彈牙，響鈴一般水平，鴨血冇味，所以都係食下菜就算食到最後仲有甜品添總括呢個$99雞煲，都算抵食嘅，不得不讚店員態度唔錯，見你啲雞食到咁上下都

行過旺角順便openrice睇下附近有冇啲自助打邊爐搵到一間話自己任食雞煲下? 雞煲都可以任食架咩以前聽開都係任食火鍋架喎無乜聽過會任食雞煲咁所以我就上去試一試啦喺出面睇真啲先好行入去唔喺喎佢真係寫住任食雞煲坐低左就點左一個海鮮餐職員好快就為我地安排雞煲而且同我地解釋點樣煮雞啦一開始嘅時候我地唔敢食太辣因為到到雞煲辣度唔同所以點再一個小辣味道真係唔錯而且火候可以自己掌握只要你跟著店員講個方法去煮就一定唔會煮得太熟嘅因為出面好多雞煲黎都係已經煮好左然後囉上黎俾你有陣時真係煮得太過老我地好快就叫左第二次嘅雞煲其實食完兩個雞煲黎都已經飽飽地架啦但係我地叫左海鮮餐無理由唔食所以就馬上轉火鍋繼續食海鮮就正正常常餐內面包左牛頸脊, 深海龍躉, 鮮蝦仲有其他唔同嘅海鮮其他火鍋配料其實都好多種類幾特別既喺佢地會有小籠包用小籠包嚟打邊爐又真係好少見嘅但係煮小籠包小心控制下啦因為好容易唔小心就會滾碎咗冰豆腐打邊爐一流吸晒啲湯汁另外出面都有啲小食可以夾黎食如果下次黎,我可能會食99蚊一位嘅雞煲餐就算因為佢地個雞煲真係出色飲品都係任飲!99蚊 抵到飛起啦!!

很久之前食過新南苑晚飯火鍋放題, 有無限量雞煲任食, 有海鮮拼盤送, 再食火鍋放題, 當時已經覺得好抵食, 不過近年出邊有更好的火鍋放題選擇就沒有再來過了.最近再看這餐廳食評, 原來新南苑中午也有雞煲&火鍋放題, 看看價錢更抵食, 即管在來用餐. 今天叫了雞煲餐, 平日$99/假期$119, 再加一服務費有調味區自行調味醬汁. 有餐前小食區, 分別有酸味鳳爪, 螺肉&海帶. 食完酸味鳳爪都幾開胃. 其餘兩者小食質素跟別店也一樣飲品一共有3個雪櫃, 內有21種不同飲品任君選擇雞煲辣度有走辣/BB辣/小辣/中辣/大辣選擇, 雞煲內主力有雞件, 配料只有少量洋蔥&蒜頭. 如果有更多配料, 例如紫洋蔥, 芫茜, 蔥段就更好了. 雞煲的辣是紅辣椒的辣, 沒太多麻辣味火鍋湯底亦有四款選擇, 沙嗲湯底, 藥膳醉雞湯底, 南瓜花甲湯底, 四式火鍋湯底&椰子雞湯底. 雞煲餐的火鍋食物有以下選擇👇每次最多只可以叫8款食物, 基本上食物質素中規中矩, 特別推介海蝦, 灌湯小籠包. 另外還有蔬菜區, 內有幾款蔬菜&粟米選擇餐後有甜品奉送濃奶味布甸兩小時雞鍋&火鍋放題, 以這個價錢任飲任食是非常超值👍 為求飽肚

午市雞煲+火鍋放題2小時任食，99元加一，這個價錢真的很不錯👍味道也很好👍服務員態度很好，環境優雅，吃過第一次已再約家人再吃第二次🙏🏻😇🌟所以大家請多多支持

見新南苑出咗個午市雞煲放題，好似幾抵食就一於去試下😋！揀咗牛王餐每位179～呢個餐每四位都會送一碟本地手切牛頸脊，開頭以為佢係細細碟，估唔到份量都幾足，4個人食都好夠食！加上肉質唔錯脂肪分布平均，真係幾抵食！雞煲表現都出色，調味好惹味，雞肉嫩滑！我哋都食咗兩煲先夠喉😋😋😋至於其他配料，有40種可以揀，選擇都幾多！仲有我最愛嘅沙拉包心丸，超加分🤩另外雲吞同韭菜餃有驚喜，外皮夠薄幾好食～最後仲有甜品食，係牛乳布甸！牛奶味好濃！

Seafood lovers係見到poster右上角介紹嘅海鮮餐$288而黎溫馨提示1* 留意星期五六日公眾假期前夕每位+$20飲品自助區 大路嘅有可樂忌廉 啤酒就唔包喇 如另外叫價錢見下圖啦溫馨提示2* 場內唔提供飲管落單之後唔駛等好耐就上枱姐姐教路 每2分鐘要開蓋攪勻 大概4次就食得開頭仲驚落左雞煲醬嘅油炸鬼會淋左但原來一齊焗完仲係脆之後仲添食咗一次雞煲 溫馨提示3* 雞煲可以任食 打邊爐後就無得返轉頭添食最好味係鮑魚同蝦！！因為夠大隻任食火鍋黎講食材唔馬虎呀套餐包一份牛頸脊如果好鍾意食牛可能叫牛餐好D(以上海鮮拼盤同牛頸脊都不是任食)牛柏葉灌湯小籠包脆骨腩墨汁墨魚丸都係必試！食唔食都好 但只要有甜品嘅一餐都係完美架！另外 服務態度真係幾好 抵讚

今日黎到旺角做野，距離下午開會仲有大把時間，同同事決定不如攤長個lunch time食個雞煲火鍋攤下！ 黎到旺角中心附近嘅華僑商業中心，一上電梯就見到大大塊新南苑嘅廣告指示客人搭電梯按3字就去到。大堂都有指示往3樓係用另一部嘅。 入座前店員會先問我地揀咩餐，原來午市火鍋都有3種唔同選擇：牛王餐、海鮮餐、雞煲餐，豐儉由人。牛王餐同海鮮餐係除左黑毛和牛、安格斯牛同海鮮之外仲包埋雞煲架！任食雞煲餐連2小時任食火鍋只係99蚊！CP值極高！ 同場加映晚市餐牌，都好抵食！ 入座發現原來好多食客喜歡係午餐時段打邊爐，認真識嘆～ 飲品櫃及醬料區都係以自助形式，疫情關係為己為人出去拎野食都要帶番口罩～ 好快雞煲就送到啦！店員都好耐心地為我地介紹雞煲嘅煮法。原來雞煲每2分鐘要開蓋撈勻，一共4次先食得。8分鐘後就食得，少辣嘅雞煲辣得過癮，雞肉肉質嫩滑，正！ 食左兩三轉雞煲係時候轉打邊爐啦！我地揀左椰子雞湯。火鍋餐牌一共有超過40款食物可供選擇，應有盡有！ 食完火鍋仲有3.6牛乳奶凍呢～奶味濃郁，正！ 埋單一人都只係99蚊！鐘意食牛嘅我下次一於試埋牛王餐先！ =========================