新南苑私房菜火鍋鷄煲 (華僑商業中心) (已搬遷) 新店位置

今次食係Lunch牛王餐, 有免加一,  179一位, 唔算貴.有4種牛任食, 當中黑毛和牛肉眼和安格斯肩胛肥牛最好食, 如果本身中意食油花味重d既可以選黑毛和牛肉眼如果中意食牛肉味重d, 少d脂肪既話安格斯肩胛肥牛會比較好.唯有本地手切牛頸脊唔係任食, 但呢個係最好食, 口感彈牙, 肉味重, 打邊爐一流!我自己本人打邊爐咁耐 一向火鍋都係手切牛/安格斯最好食. 和牛做火鍋總係發揮唔到和牛既主要味道所以我覺得和牛用火鍋煮唔太好.首先又係會上左個雞煲先, 雞煲其實都好飽, 如果中意偏向火鍋多d可以叫佢上少d雞肉, 如果唔係太飽好難打邊爐, 呢個雞煲比較特別係最後會落埋炸兩, 配埋本身小辣既雞煲汁,連埋炸兩同雞肉食, 脆脆地, 味道又帶小小辣, 好開胃. 最右手邊係最好食既手切牛, 口感爽同彈牙, 牛味都係最濃, 彈牙得黎唔會難咬肉身比較滑, 唔會硬. 呢間餐廳最正既牛右2係牛小排, 肉身唔滑, 但比較薄, 牛味小濃, 個不太喜歡.左2黑毛和牛肉眼 + 安格斯 係呢家任食入面最好食, 油花算小量, 但都香, 肉味本身都唔錯既濃.左1係美國肥牛醬料方面有我最中意既沙爹醬, 醬料算齊既, 有時

說來慚愧，我從未食過雞煲，今次好朋友生日指明想食呢間，我當然奉陪。一坐低就有職員介紹餐牌，而飲品/菜/小食/醬酒都係自助，地方幾企理。唔洗五分鐘雞煲出現眼前，一打開煲蓋就香味撲鼻，雞件幾好肉，叫咗微辣，對我嚟講辣度perfect，亦都唔多油👍🏻食完主角到我最愛嘅打邊爐🍲 點咗$288牛王餐，牛肉好新鮮，兩個女仔都食唔哂。配菜任點，幾多嘢揀，推薦*墨汁墨魚丸 + 小籠包*，好彈牙！小食區嘅咖喱魚蛋豬紅，都值得試 食咗兩個幾鐘，連加一$634，值👍🏻👍🏻👍🏻

早放lunch 衝左去新南苑任食雞煲我呢個牛魔王梗係食牛王餐啦今次真係肥！$179一位有得食黑毛和牛肉眼、牛小排同安格斯肥牛 真係抵到爛！ 咁抵要食多幾轉😋醬汁Bar都好齊最欣賞係有花生醬！溝埋沙嗲醬冇得彈👍🏻仲有日式章魚仔都好大隻下嘢飲都好多款式任食雞煲嚟到份量都唔細以2個人嚟講👍🏻仲有脆卜卜嘅油炸鬼食完再食第二轉👍🏻👍🏻👍🏻食完再揀埋個火鍋咁貪心四隻味要晒😜😜啲牛肉用冰鎮上新鮮！好味！牛肉味勁重！食完再叫無限量任加😍😍😍除咗牛肉之外其實都仲有好多唔同嘅嘢食就好似平時打邊爐會見到嘅配料一樣而海蝦係一定一定要叫！！大隻！新鮮！有圖有真相淨係蝦我哋都食咗幾轉呢個價錢我哋係咁食真係好抵！唔知呢個價錢做到幾時呢？😋😋😋

以往嚟呢度多數都係晚市。。。所以唔知道佢疫情期間改變有埋午市。。。openRice嘅book位又只係由5:30開始。。啱啱14號嗰日食完。。。就決定今個星期要試吓佢哋$99雞煲🐔午餐放題優惠好彩一早book咗位。。。但係你到嘅時候都有啲情況混亂。。。明明book咗一點但係已經冇晒枱。。不過職員姐姐都好好即刻開間房俾我哋坐。。。平時要加$20 㗎。。坐低咗梗係立即order個中辣🌶🌶嘅雞煲🐔。。雖然大廳全院滿座。。。但係上菜都好快。。。幾分鐘已經上咗個雞煲。。。服務員仲溫馨提示我哋要炒三四次。。。我呢啲熟手技工梗係冇問題啦。。食完一煲一定要加碼。。。因為雞煲🐔一煲係唔夠喉。。食多一煲就可以上火鍋湯底打邊爐🍲。。。午市$99估唔到湯底都咁多選擇。。今次我揀咗四色湯底。。麻辣🌶。香茜皮蛋。沙嗲。清湯。。。配料方面其實都好多選擇。。。肥牛就唔使啦。。。我就鍾意佢墨汁墨魚丸🐙。響鈴。炸魚皮。海蝦🦐。。。出邊仲可以知幾攞蔬菜🥬。。仲有三款涼拌。。日式墨魚仔。蒜香螺頭。白雲鳳爪。。。飲品都好多選擇㗎。。。都係任飲🥤🧃🍹除咗酒精類要加錢其實兩小時都勉強夠時間。。。。最後仲有北海道牛乳布丁🍮贈送。。。。

今日又係旺角返工，返左成日工放工就梗係想慰勞下自己！所以就bk左好耐無食嘅新南苑，佢個雞煲係少數我覺得嫩口嘅雞煲，真係值得一試。上到去發現佢新出左小食任食，出去行一圈發現左有麻辣鴨血豬皮魚蛋同魷魚圈，另外仲有日式八爪魚仔同螺肉。我就試咗佢個豬皮同鴨血，豬皮好入味好稔，鴨血好滑。另外佢個魷魚圈都滿足左我想食炸野嘅心情。雞煲雞煲我地就叫左小辣，上台嘅時候未熟，要每隔兩分鐘開蓋炒一炒，第三次嘅時候落油炸鬼。為食嘅我偷食左個油炸鬼，脆卜卜，就咁食都好正。第四次開蓋終於食得！油炸鬼索左啲汁仲惹味。雞肉一如既往嘅嫩滑，入口唔會剩係得醬汁嘅辣，仲食到雞嘅鮮味。兩個人食份量啱啱好，唔會太多，仲有位打埋邊爐。新鮮蟹窩花甲湯底湯底方面佢都有好多選擇，例如豬骨濃湯、花膠椰青湯等等，鍾意海鮮嘅我就簡左蟹窩花甲湯。湯底除左有蟹，仲有粟米、蕃茄同菇。飲落去有好濃嘅蘿蔔味，慢慢會試到有蟹味。海鮮拼盤除左個雞煲，佢個海鮮拼盤都係重頭戲！有海蝦、帶子、青口、鮑魚、生蠔同魚片，樣樣都係我嘅至愛。海蝦肉爽口彈牙，帶子好鮮味，鮑魚好厚肉有咬囗。生蠔同青口都好新鮮，完全無令我失望。牛肉拼盤目測有大約三至四款牛肉，我最愛都係手切

和朋友去了旺角彌敦道678號華僑商業中心3樓的新南苑私房菜火鍋鷄煲食火鍋。這火鍋店佔地相當闊，闊落讓人坐得舒服。而且店員服務殷勤有禮，非常主動，使食客有親切的感覺。我們點了$169元的海鮮午餐。首先是食雞煲，可以選擇bb辣，小辣，中辣與大辣，我們選擇bb辣。上枱時因為雞煲仍未全熟，需要煮每隔兩分鐘 將雞攪一攪，一共四次，供八分鐘之後就可以食得。而第三次，需要放埋油炸鬼落去煮，第四次已經香噴噴，香得讓人流口水。這些雞真是非常入味，雞肉嫩滑多汁，加上bb辣調味，非常惹味好食。油炸鬼，亦好脆，沾滿了雞煲汁，一口雞一口油炸鬼，好味得停不下來。食完雞煲後，店員為我們送上海鮮拼盤，非常豐富，有超大型虎蝦，鮑魚，扇貝，桶蠔等。而且鮑魚是南非活鮑，相當新鮮，在魚缸裏可以看見新活鮑魚。我們選了藥膳雞鍋都作打邊爐，配海鮮卻異常配合，虎蝦超大隻，而且肉質結實彈牙又鮮甜。另外鮑魚也非常鮮美，肉質結實。另外會跟一碟手切本地牛頸脊，肉味濃，而且有趙頭，鍾意食牛肉的一定會喜歡。在外面還可以自取火鍋配菜和另外填紙添加火鍋配料。至於飲品方面有多達十款以上飲品，有含糖的汽水，與不含糖的茶類，滿足各人口味。總結：新南苑私房

呢間聞名已夠嘅新南苑一直都未有機會黎一試究竟晚市重開後我就立即約朋友黎食返餐好嘅⋯😋.超級為食嘅我當然要揀最最最多野食嘅至尊餐啦雞煲⋯牛同海鮮都可以任叫😍係雞煲未上枱時先食一食小食先呢個魷魚真係不失大排檔 ⋯炸到一啲都唔油本身粉漿都好夠味🦑⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯雞煲調味好惹味．雞肉好嫩滑🐔第一次食雞煲會有油炸鬼．好吸味....但都好吸油 食2.3舊就會有點兒膩⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯湯底我地好貪心⋯揀咗4款分別係麻辣．番茄🍅．沙嗲．芫荽皮蛋本人覺得沙嗲最好味 好香濃不論係海鮮．肉．菜都好啱⋯⋯⋯⋯⋯⋯⋯⋯⋯⋯⋯⋯⋯⋯⋯⋯第一次食咁大隻嘅蝦🦐大隻過我隻大手板肉質好緊實 好新鮮鮑魚好厚身 好嫩⋯⋯但任叫嘅會係小 鮑魚蟶子無沙 好鮮甜蠔🦪帶子都可以任食⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯第一次小籠包邊爐 爆多汁 好特別⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯我覺得可以任叫咁多靚牛同海鮮真係唔算貴食家們 真係要黎試一次⋯⋯跟住一試就會愛上了

好耐無同朋友一齊食飯，今日下午同朋友一齊去旺角食雞煲。餐廳地點好近地鐵站，B1出口唔洗1分鐘就到。環境舒適，地方衛生，唔同嘅位置都有放酒精搓手液。首先食任食雞煲（中辣）賣相一流，漂着濃濃的麻辣香味，雞肉嫩滑，味道濃郁。配上油炸鬼（必食）簡直錦上添花。我哋點左牛王餐每位$179免加一，安格斯牛任食，牛肉高質脂肪分布均勻，味道一流，牛肉味濃郁甘香。非常高質！火鍋湯底選擇多，有濃有淡，我哋今次揀左椰子雞湯底，味道清甜，有淡淡的椰香味。火鍋配料種類多，乾蔥加蒜蓉絕配！飲品種類豐富，還有我最愛的荔枝紅茶！還有一個自助小食區和蔬菜區，蔬菜非常新鮮！侍應態度有善，有求必應，好熱心！

一個清閒既中午，係應該“清清地”食下牛牛邊爐既 😆😆目標為本 叫左個 “牛王餐” ， 有和牛肉眼、安格斯牛小排同肩胛肥牛🐮。 首先，係黎左個小辣雞煲先，仲有油炸鬼脆脆，好有heart 呀。食完雞煲就黎個主菜，牛啦牛同埋牛，紋理清晰、肉質有層次，最香牛味係牛小排，非常爽呀！另外俾我地任食既都好多選擇，中午時份都有海蝦，同埋好新鮮既炸魚皮 😍 蔬菜自己夾返黎，應有盡有 👍🏻最欣賞仲有好多韓式罐裝飲品，成本一啲都唔平，唔怪得之前限聚令咁影響到火鍋店既生意，新車苑都繼續營運到，真係不無道理！

好耐無食過🐔雞煲，講到雞煲，旺角新南苑好出名，餐廳用上三黃雞，雞肉嫩滑有彈性， 仲可以揀唔辣😃。選擇左每位$178既牛王餐，午市無加一好抵食，包任食雞煲，黑毛和牛肉眼，安格斯牛小排，安格斯肩胛肥牛。我尤其鍾意食和牛，因為佢嘅雪花紋理平均，肥瘦適中，另外仲有超過40款火鍋配料。食完雞煲就可以打邊爐啦，有多款鍋底選擇，我揀咗南瓜花甲，夠清甜。飲品自己拎，我最鍾意佢提供淳茶舍嘅杞子烏龍茶，味道甘甜，有明目功效，夠曬健康。出面仲有啲小食例如麻辣鴨血，鳳爪，螺肉，八爪魚仔等。食完最尾仲每人有一個奶凍，好幼滑，奶味香濃😋😋

今日同同事出旺角做野，到左中午，咁岩計劃有變就多左d時間食午餐。同事話有時間不如去火鍋，我心諗洗咪咁heavy呀。。佢強烈推介仲話中午好扺食。間餐廳就係地鐵站隔離，好易找到棟大廈，主要有分四個餐，雞煲，海鮮，和牛同一個至尊餐。我地中規中矩叫左個海鮮餐，首先來一盤海鮮雜錦，有大大隻的聖子皇，鮑魚，魚片，好大好大隻的蝦同生蠔。首先，食左個好足料的雞煲先，然後再加個自選湯底，我見椰子雞煲唔洗加錢就叫喇。😙雞煲仲有油炸鬼，吸晒啲雞汁勁好食，然後就換椰子雞湯底火鍋了，椰子雞湯底入邊好多雞件，而且都係雞翼和雞髀，啖啖肉又滑加埋d厚切肥牛，超有牛味。其實仲有其他配料任食嫁，但淨係食個海鮮盤同牛，加埋雞煲已經好飽。。中午食性價比好高。。。

午市打邊爐真係好邪惡🙈午市都可以食得好豐富！ 平日嚟最好，因為唔使同人迫，午市食咗任食套餐，揀咗牛王餐$179一位。我哋揀咗雞煲，雞煲可以任食；不過我哋兩個人食一轉已經相當之夠。雞都幾滑，而且夠入味。店員仲會協助你炒啲雞。揀咗微辣，辣得幾香！食完雞煲，就揀湯底，揀咗四色湯底。最鍾意食牛，揀咗好多牛肉。牛肉拼盤非常豐富，每隻牛款我哋都試咗。美國SRF黑毛和牛肉眼、安格斯牛小排、安格斯肩胛肥牛、美國肥牛、雞件、仲有40種火鍋配料都係任食。仲有多款飲品任飲！就算每樣食少少都已經好抵！大胃王嚟食真係超級抵！呢個價錢來講仲咁多要求咩～

香港人最愛打邊爐，我都唔例外！仲要係食高質嘅邊爐先滿足，一直都知道新南苑私房菜好食，對上一次食已經係幾年前，今日再黎因為想打邊爐又食埋雞煲。今次係下午時間黎，因為有優惠，非常抵食！有三個套餐選擇，我哋揀咗$169蚊海鮮餐，有海鮮拼盤+任食雞煲+ 40款免費的火鍋配料任食，飲品任飲。首先食雞煲。新南苑雞煲係我食過咁多間之中最滿意，原因係雞有雞味，好新鮮！雞肉都好滑，即使係雞胸都唔會dry!味道又好夠，仲有油炸鬼脆卜卜，所以淨係雞煲都食咗兩round!之後就到打邊爐。我哋揀咗椰子雞湯底，湯底好足料，有埋紅棗、蟲草花，養生之選。海鮮拼盤真係好驚喜，除咗海鮮好新鮮之外，仲好大隻，尤其是虎蝦，聽朋友講就算係出面就咁買都要成三十幾蚊一隻。而且蝦肉好厚實爽口，正！另外就係牛肩脊肉，好爽好滑好重牛味！至於其他火鍋配料，就正正常常。深海龍躉同埋脆鯇片有得任食真係好好，好新鮮！ 總括嚟講呢個價錢，可以食到咁多嘢真係抵到爆。

又想食海鮮又想食雞煲應該點算好？今日呢新南苑食個late lunch, 午市海鮮餐$169一位任食雞煲, 可以滿足曬兩個要求！先嚟雞煲揀咗小辣, 用三黃雞肉質厚身嫩滑, 脂肪少, 啖啖肉好滿足！一定要加埋油炸鬼, 煲一煲軟綿綿, 醮滿麻辣醬汁, 香口惹味, 真係食到停唔到口！食完雞煲食火鍋就打邊爐, 揀咗南瓜花甲湯底。好多花甲幾清甜唔上火啱曬我！海鮮拼盤有虎蝦、蟶子、鮑魚、台山蠔、脆鯇片和龍躉片。虎蝦好大隻爽口彈牙有蝦膏。鮑魚仲識郁好新鮮。龍躉片鮮甜有魚味！除咗海鮮, 仲有本地牛頸脊和小籠包。牛頸脊鮮嫩有嚼口牛味濃郁。用小籠包嚟打邊爐又幾得意, 一口咬落去軟綿綿, 湯汁四溢！蔬菜、小食就去自助區自己攞, 除咗火鍋配料任點任食, 梗係仲有汽水任飲, 有三個大雪櫃款式都幾多。最後食埋個360牛乳奶凍, 甜甜地有好濃沃嘅奶味, 為呢一餐劃上完美嘅句號。

無諗過咁好味嘅雞煲可以仼加仼食😄雖然叫左微辣，都有3分辣！本身大概有半隻雞到，2人食嘅話，應該加多一round先夠喉！醬汁都好濃，咸咸地，啲汁入曬雞件到，好好吃！店員話煮8分鐘，2分鐘就炒一炒，但我覺得可以吾洗煮咁耐，啲雞其實6-7分鐘到都食得😙之後去到打邊爐，揀左超濃沙爹湯，都係有微微辣，湯底好惹味，越煮越濃！蔬菜可以自己去攞，都好乾淨，有蓋蓋住，保持衞生！其他配料就可以寫紙仔，配料雖然吾算好多款，但大眾化的食物都有，美國肥牛、韭菜餃、沙拉包心丸、海蝦、灌湯小籠都係我特別鍾意❤️估吾到有韓國芝士麵！！第一次見有餐廳提供，加分加分😊飲品除左汽水，仲有10幾款，令我覺得好似去左自助餐咁，鐘意飲乜都有！最後送牛乳布甸甜品🍮好滿足😌