新唯一麵家 (已結業)

話說小妹細細個就成日食燻魚但因為煮的工序好麻煩所以知道有得食就同媽媽黎左食看看同家鄉的有咩分別淨燻魚 $32味道同家鄉的沒兩樣一樣都係用左醬油浸泡再去炸而依度同細個食的分別就無咁乾身小妹反而鍾意咁，無咁熱氣有啲人鍾意乾身啲，香口啲招牌餡餅 $16韮菜味道幾濃，餡料豐富不過不足之處就係夾既時候餡料同餅皮有少少分開左 咸豆漿 $16以前真係從未飲過第一啖飲有啲似魚湯鹹鹹地甜甜地入面榨菜同油炸鬼同飲普通豆漿既感覺好唔同無錫小排骨 $28酸酸排骨食落好開胃，肉唔韌擔擔麵 $38與平時食的好唔同，平時食的湯底有點麻醬聽說有麻醬既係台灣先係咁依個唔同既係上面係菜甫碎無麻醬的膩食落有微微的辣郊外油菜 $16凍豆漿 $12

原來今時今日係尖咀搵間價錢冇咁離地既食肆係咁難同朋友經過厚福街 見到呢間上海野  價錢都好貼地  諗都冇諗就入左去食今晚餐晚飯LU可能大家返工餓壞左  一口氣叫左勁多個小食 - 全部都係以4件為單位 同朋友一人兩件K.O哂佢鹵水雞翼 - 好入味 唔會話好咸 食完好想叫多碟  不過被朋友阻止左我蔥油餅加蛋 - 如果你覺得蔥油餅太單調  咁你一定要加埋蛋  放心 一D都唔油膩鍋貼 - 少少燶  少少脆口 入面有少少肉汁 好味!!豬扒炒年糕 - 老實講 呢個配搭  我第一次食 其實都幾MATCH 份量唔洗擔心  大大碟俾足我地 當然  轉眼間就俾我地清哂喇!!主食我地反而靜係叫左一個牛腩麵 -  牛腩蚊得好入味 麵線又彈牙 份量都好夠如果唔太大食既  其實兩個人食一大碗都岩岩好我地每人仲叫左杯凍豆漿  食完好滿足  銀包當然都好滿足  真係好抵食!!!!!

週日中午來這家食麵，叫左酸辣湯麵和餡餅。麵上到後發現麵全是生的，好硬，完全食不到。餡餅的皮也是生的，都可以看到裡面的白色。無奈只能換別家。店家態度也好差。這餐完全沒有食到野。

朋友介紹黎食 見下午茶無飯食 就單點左個無錫小排骨飯首先個菜飯既飯唔係粒粒分明 似煲過龍同水太多 又霖又爛 就算有菜增加口感都好差其次個排骨味道係無問題但所有排骨都係超級超級瘦同鞋食落成口都係渣 完全食唔落因為黎一般食個lunch就無影相 無諗過差到忍唔住要比差評Lunch黎食48蚊唔連飲品已經唔係好抵食

今日去尖沙咀行完街後，同老公簡簡單單食餐飯，揀左食上海嘢“新唯一”呢個東坡肉好好味，調味調得很平均，好香口，又不覺得很油膩，肉質好冧，結果成碟清晒，$35好抵食燻魚麵，令人失望，因啲魚炸得不夠乾身同入味，唔似一般既燻魚，似食緊煎魚多d豆沙窩餅啲豆沙好滑，$16超抵食

有一晚，竟然心血來潮開電視，收看肥媽的烹飪節目。今晚教煮鹹豆漿喎！肥媽先去買材料並細述選料的因由：蝦皮，台灣淡味榨菜，淡豆漿和油炸鬼。最後將油炸鬼剪成一片片，即可完成鹹豆漿。看到六號食得好開心，搞到我也心癢癢想試煮。可是要自行買料煮一鍋鹹豆漿，又真係几攞命。肥媽的制作的份量，是多人分享。家中無咁多人，煮給何人品嚐？唯有希望在香港鬧市中的餐廳，能遇上鹹豆漿吧！今晚就在尖咀厚福街，給我遇上鹹豆漿了。其實是朋友口痕，想食鍋貼餡餅，原來這裡有鹹豆漿。十几蚊炸，點都要試啦。一碗鹹豆漿呈上，真係有蝦毛，榨菜，片片油炸鬼。蝦毛細得有如櫻花蝦，咬落軟軟的，没有桔口的感覺。榨菜切至細細粒，較淡口，和肥媽所用的淡口榨菜一致喎！但是豆漿不似預期的米白色，開始分離為豆腐渣及水的狀態。猶豫之際，職員教～撈勻來食。整體的鹹味是以榨菜的為主。蝦毛略帶海鮮的味道。油炸鬼只是作點綴，有Ｄ野咬下。但就未知鹹豆漿為何會帶有一陣酸味。是否醋呢？醋把豆漿凝結成碎碎的豆腐花？　朋友覺得好似糊仔。自己當作試新野！今次就是第一次試鹹豆漿了。另外也點了鍋貼及餡餅。

一個人lunch唔知食咩好，突然醒起，仍在口福街，現在叫做'新唯一'，仲好唔好食呢，即管試試吧由公司行到去都點幾，仲有好多位，叫返以前唯一時最鐘意既酸辣湯麵比較下先酸辣湯麵，$36賣相依舊無變，但份量少了，記得以前既料係滿滿的一碗，內有豆腐，少少肉絲，冬菇，木耳，今次揀了上海幼麵(可以要求要粗麵），煮得太耐，'林'晒，一夾就散，仲隱約食到少少果皮味

求其同朋友食一啲嘢啦去咗新唯一，應該係再從開了，之前的消失了一陣子叫咗咸豆漿豆腐味咪好濃，仲有鹹酸菜同蝦乾，食食下下有少少嘅酸味，又有豆漿的固體。唔可以講話好好食，但係真係有傳統嘅味道，係香港好難找到了了

有日朝早同男朋友食早餐+送佢番工, 見到厚福街好多鋪都未開門 (可能真係太早)經過呢度比佢Menu同粢飯的報導吸引左, 因為個人是粢飯控, 食過好食的粢飯是在銅鑼灣, 但對於住+番工都在九龍的我專登過海食一口粢飯好似有D遠~所以發現呢度都係一個好消息~店面裝潢好現代, 唔似一間食上海菜的店, 坐位都好闊落,坐得都舒服~酸辣湯麵個人唔食得辣..但呢個我都食到, 係酸多過辣, 食落普通味道.但係有D淡~粢飯比我平時食開的份量細D, 但都叫大份! 食落都好飽肚!油炸鬼好脆好好食~但個人覺得肉鬆唔係好夠! 令到個粢飯味道有D淡!炸雲吞同我地想像中的炸雲吞個樣有D唔同,我地想像中的炸雲吞係好似酒樓只得好少餡而且皮好薄好脆個種, 但呢度唔同,呢度係真係拎隻雲吞去炸, 名乎其實”炸雲吞”。但可能我地食唔慣,我地覺得個皮太厚, 變左個雲吞唔夠脆.但個雲吞好夠味!如果就咁湯煮我諗會好好食!其實呢間個人認為一般, 所以應該會少去

三四點 肚餓 想搵下午茶 食小小野 行過厚福街入去睇下見到三十幾蚊 有碗上海担担面就膽粗粗入去食 點知中伏d 担担面 完全成碗湯麵 上面pat 漿肉 同湯 混為一體 唔知自己食緊湯面 定係担担面豬扒面塊豬扒ok既 但好細塊同好油過對面食碗魚旦面好過呢間早知都係唔貪新鮮同平喇！

好多年响尖沙咀區嘅星期六，經常幫襯“唯一麵店”。年幾兩年前佢結業，我曾經惆悵咗好一陣，因為唔知去邊度搵到上海雲吞同麵、牛肉餡餅、葱油餅、粢飯、鹹豆漿……早排行過匆匆見到“新唯一”，知道佢已回歸厚福街，黐响甜品舖裡面，今日專程去試。叫咗牛肉餡餅，仍然皮薄，肉多汁連埋韮菜好味，好似比以前冇咁重手。鹹豆漿有啲蝦米仔炸菜油炸鬼，略嫌餸少咗啲，冇過鹹。