新強記燒鵝乳鴿海鮮酒家 (已結業)

港島已經滿足唔到鍾意捐窿捐「la」既我。今日一於入大圍食燒鵝！（其實係大鄉里，未去過老字號姐）正門是這樣子的。真係舊式酒樓既感覺。門口仲有隻鵝浮雕好搞笑！出發之前其實都有睇過openrice既評價，的確餐廳內員工都係上左年紀既伙計，而我同朋友兩個人都試過被其中一位叔叔吆喝調坐細檯。不過呢，我覺得佢地都係習慣左「粗聲粗氣」，點會好似西式餐廳咁要train 員工d manner先得架，嚟既客人或者可以將呢種睇成「特色」吖！而我呢，就即刻拍拍老伙記膀頭同佢講講笑，唔好禁燥添哈哈哈哈，佢之後又笑笑口啦wor。放輕鬆啦香港人！至於小強⋯我見唔到亦唔care⋯呵呵

阿媽生日，想食乳鴿，就入到大圍食，地點近大圍港鐵站，有代客泊車$35。店內地方大，好多圓枱，不怕人多。我們叫了乳鴿，雞粥，炸大腸和併盤。菜上都好快。乳鴿好熱，都好入味，不用加鹽都夠味。不是好大隻，但都有肉。雞粥份量是多和足夠四人食有多好多，雞不多，比較結和鹹。炸大腸不會太干，都香脆，但份量不太多。併盤樣子不錯，想試多些不同的食品但不要太多，只也是不錯的選擇，但價錢我覺得有點貴。

今日去大圍強記飲茶，食到想作嘔。食食下有隻大大小強在天花上行，已好得人驚，當我們避開，唔想坐小強下面，怕小強跌下來我個頭。有個阿姐用上菜用的盤子一野大力拍落天花，冇野附近有其他食客。隻小強當然逃跑，差D跌落隔離台客人身上，我們一台替她一把汗。職員表現淡定，完全見慣大場面，仲善意提醒我們：「咪以後咪鬼嚟囉！」我們食了數碟點心，賣相一般，味道一般，份量算合適，但見到小強後己冇哂胃口了。未食完，就埋單走人。

好多年無去過大圍食乳鴿，兒時曾經係每個星期日的家庭節目！我地一行6人（4大2小），9點去到唔洗等位。坐低先叫兩枝大啤，再點3隻招牌乳鴿，炸大腸，荔蓉酥卷，琵琶豆腐，雞粥，豉油皇炒麵。招牌乳鴿講真有D失望，賣相唔靚，好乾咁又唔夠金黃色，食落都係太乾身，完全無肉汁同嫰滑感炸大腸合附水準，鬆脆唔太肥荔蓉酥卷係全晚最精彩的，炸得鬆脆，荔蓉味道又剛剛好。連我老公平時最討厭食芋頭及紅豆食品的都大讚。雞粥普普通通，雞份量唔算多，雖然雞件係後加入粥底，不過都有好多碎骨，比小朋友食都要好小心。豉油皇炒麵係另一驚喜之作，個麵唔會油淋淋又炒得好夠火喉好乾身，份量又足，正最差就係琵琶豆腐，粉太多，食落無豆腐味無魚肉味好似咬住一口粉糕咁，咬左一口我無再食。

趁嚟沙田睇畫展嘅機會，梗系要試下呢度嘅乳鴿。差唔多夜晚七點入去，我哋三個人等咗十分鐘度。可能因為客人實在太多，服務質素真系麻麻地，嘈嘈地，傾解都有D難。我哋叫咗兩隻乳鴿，上湯菜心，仲有門口poster好似好吸引嘅水蟹粥。乳鴿名不虛傳，皮脆脆地，肉又熟得恰到好處。菜心就系普通嘅味道，水蟹粥雖然唔系想象中嘅鮮美嘅味道，但應該系無落味精嘅。覺得呢間應該系人越多食得越開心。

大圍新強記這個招牌相信很多人都很熟悉，這未必因為是它的「所謂名聲」，而是它這巨型招牌，特別是在晚上的時候非常耀目，當火車經過大圍站的時候，必然會看到。久而久知，人們都以為它真的是燒鵝大王......新強記自譽為燒鵝大王，什麼馳名烤乳鴿等等，住在大圍數年，也曾被這名聲騙了過來，那當然完全沒有特別，而且價值亦不便宜。這裡的裝潢十分舊和過時，無論是椅桌或是餐具，也能充分地感受那歲月的痕跡。而且那數架骯髒的收餐車會隨時放在你身旁，一個不幸便要你整餐也對著那些食物殘渣，毫無衛生所言，而且食具經常有很多食物渣宰洗不乾淨。包點雖然保存在熱蒸籠，可惜不知道為什麼十次有九次也是冷包子，又乾又硬又冷。沒錯，食物全放在酒樓中央位置，面對著不太守規矩的人，真的無話可說，人們都搶著拿食物。而且食物經常被拿光，永遠也硬著頭皮隨意拿一些便算。這裡真的完全沒有服務，不明白為何還厚著臉皮收加一「服務費」呢?價錢很像很正常，對吧? 可惜大部份食物不是大點，就是特點頂點，連平常酒樓的小點山竹牛肉也被當成大點$19.8+10%，真的不知道有沒有小點和中點，還是他們隨意圈的?第一輪沒什麼食物可選，唯有趕緊拿幾籠吃著等吧。包子可

娜娜病了好幾日，今晚終於等到可以見男友去拍拖了在討論去哪開餐時男友說了一句「最衰你未好返唔係帶你去食乳鴿」，娜娜當然立刻打死都說自己病好了啦！哈哈出了大圍馬鐵站後行過條橋就到了，地點十分方便就腳。由於去到時時間尚早，場內只有零星數台客人，我們二人可自由選四人圓台坐，而店內地方亦頗大，環境企理舒適。由於男友樣樣都想吃，我們只叫了一隻金牌燒乳鴿。乳鴿來到時熱辣辣香噴噴，雖然望上去不是太肥美，但吃落原來也有不少肉！除了皮夠脆，連骨也脆得可以咬爛，完全乎合期望十分惹味！另外，我們又叫了半隻南乳吊燒雞！燒雞對娜娜來說稍肥，明顯可以見到一層黃色的肥膏喔！雞皮略嫌燒得不夠脆口，但肉質算滑，味道亦十分足夠，不用點醬也是好吃的！最後當然也要懶健康地點個菜啦！在餐牌上隨意選了這個鮑魚螺扒時蔬，時蔬可選生菜、娃娃菜或油麥菜。我們選了娃娃菜，份量很多而且菜頗甜不錯！鮑魚螺也就是一般吃到那些仿飽片的口感，雖然「獻」汁不少但沒能入味有點可惜呢。最後我們二人吃剩了三份一碟雞要打包；整體來說送菜份量算多，但價錢連同茶芥、花生、加一也是不便宜的啊！

今日慶祝我婆婆生日，在新強記擺了兩圍晚飯叫左乳鴿同一份燒鵝做頭盤燒鵝無酥味唔太肥皮脆好食炸乳鴿夠晒香口叫左支可樂，用玻璃瓶好有童年感覺喔！！之後食左個炸大腸，識食一定配菠蘿食！仲有京都骨，啖啖肉無乜骨，送白飯一流。黎左個生菜包，配埋肉碎，肉碎夠味唔使點魚露都好好味。炒麵-普通炒麵無特別最後當然唔少得壽包啦愛包如命的我自私食左半打，不過太少蓮蓉唔太好食雖然只係普通舊式酒樓，但同全家人一齊食令我好似變番小朋友咁，有種童年跟媽媽出去食飯個種親切感

經常坐火車也會見到新強記的大招牌卻從來都沒有來過。這天下午茶時間, 有少少肚餓, 朋友便建議來這裡吃雞粥, 但唔知道地址，坐上的士, 問司機叔叔大圍雞粥, 醒目的一聽便知道, 就帶我們到這裡。先叫了一碗雞粥, 也頗大的, 雞很滑, 有雞味, 粥很綿, 味道清清的, 沒有味精, 太好了! 一隻乳鴿, 很香, 皮很脆, 肉亦非常鮮嫩, 很好吃~香橙牛仔骨絕對是新嘗試, 一上枱, 香橙的味道撲鼻, 味道還可以, 個人認為牛仔骨還是跟黑椒夾啲。沙律海鮮卷, 熱熱的, 裡面的海鮮跟沙律醬分量剛剛好, 不會過多醬令外面的脆脆變淋, 很香口。百花釀豆腐, 豆腐上面釀入了蝦膠, 然後脆炸, 太美味了!我們兩個人, 把以上的都全吃光, 很飽! 下次再來! 

因有家庭成員搬到大圍住,該店在大圍亦算有名氣,家庭聚餐使選擇了該店,亦是我第一次去,６個人點了８個餸,期望亦高,點知最出名的燒鵝D皮居然唔脆,而且食到起渣,做大班２味的魚帶霉唔新鮮,飯又硬,我要用冬瓜盅Ｄ湯淘飯,燒乳鴿好味,服務員服務態度很好,漏了一個菜即時跟進,很快就到,其他小菜只能說中規中矩,並無特別大的特色,其他地方食亦差不多,可能真的是期望有點高.

星期六我倆去開大圍睇展覽便計劃dinner去大圍icon新強記食。因好早睇完展覽，我地5:45pm便坐低叫野食，帶honey一場來到，梗係要食乳鴿啦：燒乳鴿 - $60雖然貴，但真係好惹味，咬落去好juicy, 我地2個人order一隻便夠~招牌雞粥 - 兩個人叫一碗便可以(4個人或以上便order一窩) ~因是2人份量，粥底超綿，真心未食過咁綿既粥，粥面亦有好多葱花(出面果啲俾好少架咋), 啲雞亦醃得很美味，呢個雞粥我勁like~~酥炸大腸 - 個甜酸醬係錦露雲吞啲醬，好味,但炸大腸略嫌炸得唔夠脆，但大腸底下的菠蘿好清甜，叫做balance番。蓮藕炆腩仔煲 - 另一驚喜之作，我地以為俾燒腩仔或普通燒肉落去炆，但原來俾豬手/腳既肉我地，個煲好多豬手/腳肉，啲蓮藕亦吸哂醬汁味道，送飯一流(叫左一碗白飯) ！！total連茶介加一合共$26x, 餐飯真在好好味，咁多年不論來飲茶或食晚飯，其水準依舊高企冇退步，掂！

今日同男友兩條友黎新強記食佢出名的乳鴒同雞粥~~點知兩個人眼闊肚窄，仲叫多碟燒鵝~~簡直係禽鳥大餐，無懼H7N9!哈哈~第一道菜便來了一隻乳鴿開邊，一上桌已經聞到陣陣香味，咬一口油香滿口，而且皮超級香脆。而且肉汁很多，即使是胸位的部份也不會乾柴。這比平時我們常去火炭「津津」的乳鴿，更加好吃!再上是燒鵝，這也是高水準之作，皮脆肉嫰，而且脂肪比例剛好，啖啖都是肉。但由於我們快太多時間吃乳鴿，所以再吃的時候，皮有點軟，但香氣依舊。再來是雞粥，吃了這麼多濃味的食物，雞粥變了用來解膩，粥的口感不會太稀，綿綿的，而且每啖都有雞肉的味道，加上嫰滑雞肉。這一餐簡直是大滿足!!

沙田飲食，最馳名的是什麼? 好多人會立即說《入沙田，去新強記食乳鴿啦》，《入沙田，去強記食雞粥啦》。《強記》這一個名字，就是小時候，家人要到沙田宴請朋友的指定品牌，在河畔花園的《強記》也許不太就腳，要說就腳方面，我們都會選擇大圍火車站旁的《新強記》，宴請朋友。事隔多年，《新強記》同《強記》，依然的旺盛，兩者更成為了那些《蛇齋餅粽》新界一天團的指定餐廳之一。是次，家人又提出了要在沙田宴請朋友，在沙田宴客，令我腦海中立即浮現了三個字，那就是大圍的《新強記》。《強記》雞粥，《新強記》是燒鵝同乳鴿，我們這一次來到《新強記》，當然要來一份燒鵝。我們一行7人，叫了半隻燒鵝，他們，連頭也斬開一半來上，令人感覺沒花沒假沒有騙人。肉厚的鵝，未入口已經看得出其油脂的豐富感。鵝皮因為那一層厚厚而且香味十足的油脂而顯得份外的香脆，鵝油的香味亦滲透至鵝肉之中，令到每一口鵝肉都充滿了味道同香味。好多人說食燒鵝要到深井，我就覺得不必山長水又遠地過去，新界東的沙田已經有靚貨。入沙田食乳鴿，是一個常識。而且，不論是新、舊強記，龍華，甚至區內的大排檔同酒樓，都會做出美味的乳鴿來分高下之餘，亦不會失禮於沙田這一個乳鴿之鄉。

I came to this restaurant for dinner with my family for its roast goose, however, it is a little far from our expectation. Though the portion is enough for four of us,the goose is unbelievably oily, actually, the fat part is much more than the lean part of the goose. Finally, all we could do to face this is to tear the fat part off and eat only the lean part of the goose...btw, the roast goose is not that hot..it makes me to feel that the roast goose is not that fresh...We also order the chicken

Been a busy bee recently as started my new job. Expected a great lunch out with friends to chill and wind down from stress.As an aspiring foodie dreaming to enjoy the reputation of a food/ restaurant buff, one of my unwise moves proved to be having taken the risk of recommending this restaurant to my friends who went a long way to Tai Wai for cycling. The food, the service or the price that this place offered were disappointing, to say the least.All of my friends commented that the dishes here