新強記燒鵝乳鴿海鮮酒家 (已結業)

當天和有神心朋友去拜見車公和四面神.朋友說到大圍沙田點唔可以食乳鴿和雞粥 ? ! 坐底店內阿姐推介我地這個點心蟹籽百花釀花膠 -味道還好吧.不會太硬肉質先來燒鵝比先入口就知道比連鎖快餐店的分別入味十足,肉質軟.不會硬口感的. 例牌 HKD 110乳鴿都是不錯,味道偏淡口,可能是燒鵝太好味令乳鴿失色了.雞粥也不錯,最少不是味精粥份量十足. 好少下午茶食得咁"豪"總括三寶-燒鵝,雞粥,乳鴿.都是必食之選 ! 

This place was rather packed. But the food was quite good. The porridge (jo) arrived first. It was essentially a bold-flavoured dish made of chopped roast chicken in a porridge of rice. Just be careful of the bones as they were everywhere. But certainly worth the risk as the taste was very robust. The roast goose arrived next. It was actually quite a good proportion. The dipping sauce was rather nice also --just a tad on the sweet side (if only expected). Still, not as much meat on it as possibl

突然在OPENRICE看到大圍雞粥，就來過朋友小聚簡簡單單4個人，一窩雞粥、一碟豆腐、一塊蠔餅。結帳每人$70左右，最可惜的是人少，不能再點鼓汁雞和乳鴿。夠份量的雞粥，粥夠綿、雞夠滑。這個煎封豆腐，有點失望，可能放涼了，豆腐滑倒是真的跟蠔餅一清一濃....帶來強烈對比。PIZZA型蠔餅..生菜在底，感覺無咁油XDDD終於有次食蠔餅係食到蠔啦！

星期日下午2 點先嚟到, 仲驚佢收咗市, 點知未收之餘仲有點心出, 正呀! 點解要嚟呢到食呢, 就係因為之前老豆帶我嚟食過一次就上咗引囉. 呢到既裝修除咗牆紙同地毯之外; 其他仍停留係80年代左右咁啦, 連侍應都係有返咁上下年幾.佢地無點心車, 無點心紙比你, 全部都要自己行出去大排檔到攞, 一行行大大細細既點心放係到等你去揀, 我地既鐵膽一定係山竹牛肉 - 好味又彈牙, 即使什麼大集團酒樓都遠不及佢地, 真係好好食架.鴨腳扎 - 成碟嘢最出色係件芋頭, 又香又粉既泥普芋正到不得了. 鴨腳又唔會諗 bed bed, 第一次係同人分, 但第二次要獨霸一件(即係食咗半碟).魚雲 - 我唔食魚都覺得佢好食, 仲第一次食咗一大片, 如果唔係比人食晒, 我仲想食多件添呀.蟹籽百花釀花膠 - 呢個又係好好食, 一碟有3大件(頂點), D花膠係比上湯喂過既, 但唔會霉 duck duck, 一次過只係放花膠入口, 成口full到講唔到嘢, 再食蟹籽百花爽口夾好味.之前亦曾經食過.... 馬拉糕 - 係舊式馬拉糕, 無而家D咁諗, 彈彈地又唔會好甜, 好食. 珍珠雞 - 呢款係新式做法, 有張白

新強記都幾出名, 今次有幸黎試~但又覺得不外如是~不過~ 燒鵝真係好味~! d 皮剛好脆脆的, 上菜時仲係暖暖地~ 加上酸梅汁, 一流雞粥反而失色左..粥冇雞味,雖然有雞o係入面, 但好明顯唔係一齊煮~ 只係煮完再放落去...沙律海鮮卷上菜時仲好熱, 夠料, 好味~燒雞比較普通~豆腐好入味~ 煮到好林, 而且又夠汁, 都幾好味~總括黎講, 係ok 既~ 樣樣都大大碟, 又唔太貴. 人多的話,黎呢度食都幾好係嘈d~ 伙記都係有一定既年齡, 服務態度就唔好太高要求喇~!

菜色尚可　　　　　白灼蝦一隻燒鵝　　　　今年冇甘肥膩蠔餅　好多粉ヌ濃又油沙律卷　　幾正大大件　炸得幾好　唔油膩豉汁蒸鱔魚　　　上次嚟叫例牌霉嘅勁差！所以今次都有些戒心但都點咗，今次算唔錯！白粥　　　有白果幾绵好味有樣唔合格：往年飯後送甜品或生果　但近年生果糖水都欠奉！百冇～有代改善

以前曾與朋友到過這餐廳吃過飯，印象並不太好！今晚要到大圍寶福山向離世親友拜祭，完事後已晚上9時多，剛好車停在該食肆間外，因方便便與家人進入這食肆用餐，除了燒鵝外，其他食物都強差人意，令人失望！

出街食飯都係想食到酒樓啲鑊氣炒法, 二人食飯除左叫馳名燒鵝(例牌),重想叫粉絲蒸象拔蚌. 但9點幾又冇. 上次7點幾都冇.應該只有餐牌先有,伙記建議食炒蜆, 我地另加清炒白菜仔.食物上桌, 都預左燒鵝會溝埋啲過氣斬件,都能接受. 但最接受唔到係碟炒蜆明顯是先用水淥熟, 才加豉汁兜下. 個碟白菜仔同出一徹, 又冇味,又黃,.真是失望到極點.各位老友, 此間食店, 我地已BLACKLIST佢, 建市都不用再去.

這天跟家姐姐夫去了沙田, 跟車回家時說起原來很久沒去吃雞粥了,大家談得興高采烈, 最後忍不住大夥兒去了途經的這家新強記吃個下午茶.強記出名雞粥街知巷聞, 現在在另一地點開了這家新強記, 雖是同一集團, 但不吃不知質素如何.甫坐下馬上來個雞粥一碗份量夠一人下午茶了~看上去好像很稀, 但吃了口, 是有點稀不過很綿, 味道有點淡, 雞味亦不濃,比我想像中遜色了.還好雞是嫩滑的.也叫了碟乳鴿過過癮說實在, 很瘦的鴿, 雖然是下午茶特價, 但沒什麼肉. 不過皮是燒得脆也香口, 算是有點補償.還回了個沙律蝦球其實蝦球是脆而香, 但不明白為何硬要加那麼多沙律醬在上面...吃得滿口都是醬, 如果分開上會好好多.猶記得十多年前去沙田吃的雞粥是令人回味無窮, 雖然環境不算好但食物好吃就是了. 現在這家新的雖然裝修環境坐得舒服, 不過食物質素相比下實在失色得多.

我們一家人入大圍探舅舅, 之後就於新強記吃飯我們叫套餐吃, 有燒鵝, 咕嚕肉, 羅漢齋, 椒鹽九肚魚同炒菜食, 食物十分好味, 特別是燒鵝, 鵝的皮燒得卜卜脆, 鵝肉甜美雖然食物的味道好, 但餐廳侍應的服務就不太好, 沒有人理我們的呼喚, 雖然他們不是專登唔理我們 (因為人手很不足), 但我們食得不是很開心我們下次會來, 因為好食, 但希望下次會改善啦

(這篇東西, 還是過了正月才敢貼出來...)Um...說起來新強記也有很久的歷史了, 起碼我還是豆釘的時候, 父母還會特登帶我入來騎單車, 所以應該來吃過...該是乳鴿吧。近年也鮮有入來, 情形也不同了, 來新強記的原因, 都是因為在山上辦完事下來吃飯。因此店家都見怪不怪, 百無禁忌了。菜色由長輩們話事, 我們做細的只管吃。燒鵝 - 皮不脆, 也肥, 好在肉夠厚琵琶豆腐 - 有幾條菜圍邊, 豆腐餅本身做得比較結實, 不熱, 但有一點點香口大斑兩味 - 還是喜愛啖啖肉的西蘭花炒斑球多過豆卜蒸斑翅北菇髮菜炆豬手 - 不太肥, 我主要吃肉, 難得的不會太鹹瑤柱蝦乾蒸勝瓜 - 比較清新的一味, 但我覺得鋪面的瑤柱和蝦乾更吸引生炒骨 - 我正在咳, 沒吃太多, 主要吃菠蘿, 份量挺多的, 排骨就骨多過肉由於在座有素食人士, 所以點了兩道蔬菜, 分別是瑤柱扒豆苗 (幾青綠, OK), 及上湯浸菜心 (用小鑊上, 有心思, 食味正常)對上一次就吃過焗蠔 (想不到舊式酒家也有這一味, 大大隻, 用芝士焗得香口, 有驚喜), 和乳鴿 (近年都不太吃燒/炸乳鴿了, 色澤也算均勻, 又不是特別出色)聽親友說

星期日，沙田處處都人頭湧湧，兜來兜去，最後決定食新強記。得兩公婆撐檯腳，所以點了兩碗雞粥加個羊肉煲。先講個「招牌」雞粥，白粥底，應該係同雞分開煮。雞件小，冇乜味，元朗發記好食好多。反而個羊肉煲有少少驚喜，羊肉多，汁濃又夠味，連少少骨的羊腩最好味。個有檸檬葉絲，似模似樣。羊肉煲跟一碟唐生菜。80年代的裝修，一入門口就見好大幅彩色山水畫，係LEUNG，不過就係合乎80年代的風格，第二處好難搵。沙田好多老店都沒落了，希望新強記可以繼續保留自己的本色啦。

星期日去踩單車之前, 成班人去左新強記食燒鵝未食之前, 都抱有期望, 話哂"強記"兩個字都算係老字號! 不過, 食落原來水準只係一般而已隻鵝都無咩肉, 仲好多油, 肉汁欠奉! 食鵝時成口油, 食左一半已經唔食冬瓜盅就過得去, 成盅冬瓜粒, 份量就幾夠了, 不過湯就咸佐少少, 但都可以接受的其他點心都係不過不失, 唔算好好食下次都唔會專登嚟食了, 因為都唔係好好食

終於有幾會試到新強記﹐同個客黎食﹐地方寬躺﹐又唔係太多人﹐所以傾計都唔差。我哋兩個人叫左半隻鵝﹐金蒜蒸吊片﹐椒絲腐乳通菜同白飯。先講半隻鵝﹐皮脆肉厚﹐唔肥唔瘦﹐我覺得幾適中﹔金蒜蒸吊片 - 個人比較鐘意食蒜蓉﹐哩度D蒜蓉夠晒香﹐加埋有咬口既吊片﹐所以覺得正! 最後個味椒絲腐乳通菜就一般大排檔貨式。整體黎講算幾好﹐係多油左D﹐間唔時食下都幾滋味﹐但成日食就一定超肥 值得一提就係送左個腐竹糖水﹐都係唔錯!埋單$330﹐都略為貴左D..

今次專誠一試馳名的脆皮燒鵝，半隻價錢是$130．半隻份量也不少，大大隻的燒鵝，有半邊鵝頭，鵝尾。上枱時的確新鮮熱辣，皮薄但不夠脆，皮下有很多脂肪，吃得滿口是油，肉質有點實，個人覺得以前陳記的燒鵝較優勝。反觀點心較可取，特別是蝦餃，大大粒，爽口的蝦，外皮沒有散開，沒有過鹹。叉燒包香軟。魚頭雲大大碟夠份量，很滑，可惜不知是否加了人造色素，顏色是深橙色。我一般不太喜歡吃燒賣，因為通常饀料不好吃，但此處的燒賣很爽口，有驚喜。