新志記海鮮飯店 (已結業)

一向不嗜食既BF，尋日竟然會主動上網search下有咩好嘢食，跟住就俾佢search到呢間小菜館。我哋一入去亦都係order咗喺網度好多人推介一定會食餸菜：1)菠羅咕嚕肉$50：啖啖肉，少骨，外軟內脆，但嫌啲汁略酸2)骨髓燴三鮮$50：骨髓份量都算多，但我唔知道佢既三鮮係指什麼"三鮮"，除咗主菜係骨髓外，碟內仲有2隻無骨白雲鳳爪、少量西蘭花、其餘仲有什菌、鮮魷同埋幾粒庵春蛋3)生炒糯米飯$38/碗：啲飯真係炒得唔乾又唔濕，煙韌唔"痴"牙，三妹本人一向不太好糯米飯，通常食1小碗就算，但唯獨呢個食完1小碗都要再添食。4)雪梨木瓜雪耳糖水(free)：夠滋潤，不太甜，okay！呢度既餸菜確是夠份量，而且係大碟頭，價錢亦都合理。但何惜既係啲伙計計帳出古惑。2個餸1碗飯，計埋你加一，都應該係$151.8(齊頭$152)，叫埋單時，嗰個伙計拎張類似單既紙嚟就話收$154。一向數口精既BF，都知有問題，但因呃既數目相距實收數目不大，加上BF之前聽見隔離枱埋單後，客人同友人講話呢度啲伙計唔老實，所以BF無追問。嗰度無正式單據寫底頭先order過咩餸幾錢，只係拎張紙寫個總數係幾多就算，所以奉勸大家ord

想起生炒糯米飯,想起燉湯,就想到去太子的"新志記".雖然在不久之數月前已經吃過,在上月頭友人在此聚集,思前想後,趁夏天之前,再來一次.吃糯米飯不一定要分季節,但如果在大熱天時的日子吃,感覺就沒有冬天,或者微涼的初春那麼好.它們的燉湯,功效宏大,除有進補功能之外,更能慰眾麻甩男子之寂聊.因單身寡佬缺少湯水.今次我們就來夠三盅,川貝琵琶鷓鴣湯,喉嚨痛聲音啞,一盅搞掂晒.最喜愛的仍是海底椰燉螺頭湯,湯渣內的螺頭,點些醬油之後味道更鮮.忙於飲湯,差點忘了吃小菜,志記的椒鹽系菜式一向不錯,今次吃的椒鹽鮮魷,粉漿薄,香脆可口,魷魚彈牙又新鮮.其他的咕鹵肉雖不是名店之級數,食落味道又不錯.豉汁蒸鱔也好吃,濃香豉汁同爽鮮的鱔肉,好像是天生一對.骨髓三鮮也是出色,愛骨髓的滑不留口的感覺.最後,不少得糯米飯,水準如何?不再詳細解釋,只見是夜連下兩碟,已用行動証明一切.

每次來到新志記, 一定係為左佢地的燉湯同生炒糯米飯, 唔敢話佢地係最好, 但係水準同價錢已經完全係物超所值. 雖然佢地的老伙計服務麻麻佢地燉湯有好幾種, 有海底椰螺頭燉雞腳, 沙蔘玉竹燉龍骨, 但係秋冬季我就偏愛杏汁菜膽燉豬肺($60), 不過呢個湯經常賣晒, 所以我通常電話預訂, 個湯好足料, 燉盅內有大量南北杏, 白菜膽, 豬肺, 金華火腿, 痩肉, 完全無落味精, 有大白菜的鮮甜, 燉足幾個鐘, d料出晒味, 又唔油, 一盅大概有5-6碗, 賣幾十蚊真係好抵!! 仲好過自己煲!!另一個叫左一碗名物係生炒糯米飯($38), 其實已有好多媒體介紹過, 呢度的糯米飯係真正的生炒, 唔係出面'扮'生炒, 佢地將d糯米由生炒到熟, 炒到手都軟, 誠意可加, d糯米唔'林'又唔油膩, 而且材料亦算不少, 包括臘肉, 臘腸, 蝦米, 冬菇, 面頭再鋪上花生, 芫茜, 中芹, 色香味俱全, 粒粒皆炒得平均, 唔會有d有色, 有d無色, 真係絕對的出色 一年四季都有得食, 喜歡的真係值得一試

身為糯米狂熱愛好者的我,新志記的飯局join不到自然是一百個不甘心,剛剛好遇上加菲貓邀約看戲,便拖上他一齊來試此處的糯米飯,兩人叫了一盅燉湯,一碗糯米飯~七點未到,食客不多,廚房又剛剛開工,效率幾高,好快有得食,海底椰雞腳螺頭湯如傳說中那樣香氣撲鼻,香味卻並不霸道,想來調味料應落得不多,單憑香味便知這盅湯是下足了功夫的,加菲貓是燉湯的擁躉,試第一啖時已經開始大讚,而我雖然不識品湯,卻也飲得出其中的清甜,螺頭雞肉同雞腳都算是足料,螺頭相當大隻,雞腳非常軟腍,相當之美味糯米飯更是名不虛傳,乾身又不油的炒飯配上花生臘味與蛋絲,光看個樣已是幾吸引(當然,如果走蔥的話應該更吸引 =v=b)我向來中意糯米飯與潤腸的組合,這裡的潤腸酒味不算重,切成一小舊一小舊,拌上粒粒分明的糯米飯,縱使知道糯米不易消化,我還是忍不住食多了幾啖話說店裡的阿叔都幾好笑,初頭空閒的時候喜歡靠在柱子上聽我同加菲貓傾計,上菜的時候每次走過我們張檯都要傾兩句先走,後尾幫我們加水時終於忍不住出聲,問我是不是日本人(@_@)好吧,我承認上海話有小小似日文,不過阿叔,你見過中文講那麼好的日本人嗎?笑~其實,不要看他們個個一臉嚴肅,若

見咁多好評, 橫惦過開海, 食飽咗明記雞粥同花園街魚旦都照去試吓, 呢啲麻甩野, 我最鍾意一去到, 全場爆滿, 問阿叔又唔騷我, 無理由走架, 自己行咗入去揾, 好彩尾倉有1001張細枱, 即座 啲小菜實在太啱我啦, 攪到花多眼亂, 竟然忘記叫糯米飯, 到醒起時已太飽... 頂!都好, 即係比個excuse我番去再食 ps. 之前見有人話無service, 我又唔覺, 啲阿叔好友善, 做野無托手錚, 乜都得, 仲會放低手頭上既工作滿足咗我既要求, ＲＥＳＰＥＣＴ !!!先來推介既螺頭雞腳海底椰, 燉得好夠時間, 啲湯好鮮甜, 湯身清但夠哂濃, 足火候生炒骨, 呢味好多枱追單, 可能因為咁所以炸完未攤夠就上汁, 個漿脆但可以更好, 下次交帶要脆啲先. 不過係得既, 因為食淨既外賣再食都仲脆, good汁就略酸, 醋落重手咗, 反而攤凍後無咁勁.xo醬炒象拔螃, 個象拔螃好似係比膽位, 唔係好鮮甜同爽, 西芹爽甜但有啲根, 不過個xo醬非常冶味, 送飯一流, 我一滴到無淨骨髓會三鮮, 呢個得呀呢個!!! 啲骨髓超稔滑入味, 同打邊爐個度啲比, 一個天堂一個地獄, 魷魚新鮮爽口, 庵春蛋竟然

上openrice 做完功課就決定唻呢度食炒糯米飯：生炒糯米飯 - 我一向唔鍾意食街外的糯米飯，因為是很濕，黏成一舊舊。但呢度的糯米飯是生炒，粒粒分明, 正！而且，糯米飯內的臘味質數亦很好，老豆同老婆都係對臘味有研究的人，亦炒飯出式, 臘味也出式。媽子亦說此糯米飯很正。咕嚕肉 - 用梅頭肉，酸甜汁味道剛剛好，咕嚕肉的內味就不算太出式。中規中舉。BB 乳鴿 - 不食也罷，沒有鴿味，很差。始終不是此店主打。嚮螺燉雞腳湯 - 分到5碗仔，湯香料靚，我食嚮螺肉還有鮮味, 老豆食淮山話d 淮山係上等貨，豬肉亦很香，沒味精！炸蝦丸 - 沒有落粉撈蝦膠，很正！服務：老一輩的侍應看以沒有什麼禮貌，但跟他們談起上來便發覺他們原來是很健談。但也是粗聲粗氣。哈哈，睇你習不習慣了。以上總共296蚊埋單，很滿足！

話咁快就到年廿七，呢日難得得閒收工去食飯，食完之後去行花市﹗相約友人一行三人去左太子新志記﹗記得好似上年又係冬天來過一次﹗新志記最出名除左生炒糯米飯之外，就係老火燉湯，無味精架﹗有得飲喇，我地叫左海底椰雞腳螺頭湯﹗友人遲到我地飲哂佢﹗打開燉盎濃香撲鼻﹗夠哂足料，雖然無下味精不過湯水依然相當清甜，兩個人一人可以飲到三碗仔，同食家飲個不亦樂乎﹗來新志記必吃的是生炒糯米飯，待應阿叔同我地講成日有雜誌電視台來訪問佢地，糯米飯可謂佢地鎮店之寶﹗糯米飯粒粒分明，乾身得來亦有油香，入口極有彈性，唔會好似街邊吃到的黐埋一舊又腍又爛既感覺，三個人來吃一碗便可以，因佢係用大碗的呢﹗上次生記生炒骨油到無人有激死人，來呢度都整番碟先﹗咬落相當鬆脆，熱辣辣即口即做，炸漿唔會腍左變成糊狀﹔半肥瘦梅頭夠哂香，個汁酸酸甜甜的惹味非常，連唔食酸甜野的友人都大讚好食﹗西蘭花帶子象拔蚌﹗本來想捱番0的唔要帶子不過待應阿叔都係比埋帶子，七十幾蚊都幾大碟，象拔蚌彈牙而不韌，火候岩岩好﹗帶子細粒左0的不過有鮮味，不錯﹗最後一碟，蒜蓉蒸中蝦﹗蝦就細隻0的，不過肉質都新鮮唔係死蝦貨，如大隻0的更能食到蝦味就perfect﹗埋單一人百

今晚平安夜費事同人逼食聖誕西餐，於是打算去食中菜，原先諗住去上海街或者石硤尾幫襯另外兩間以前幫襯過都幾好嘅小菜館，點知去到太子，見到呢間朋友曾經介紹過話d小菜都唔錯嘅小店，費事再行來行去，於是同太座入去試吓佢d手勢。呢度地方係街坊左d，d一睇就知做左好耐嘅伙計d服務態度係比較普通，不過佢d小菜真係一d都不賴。今晚見係平安夜，諗住食得豐富d，兩個人叫左兩餸一湯，加個招牌生炒糯米飯，哈，樣樣味道都唔錯喎！1）生炒糯米飯：係最耐先到嘅，因為係即炒，所以要耐d，d飯好乾身，睇得出一粒粒飯係分開嘅，唔係一舊舊，料雖然唔算太多，不過都ok，而且面頭仲有蛋絲點綴，味道也好！2）西檸雞：味道都唔錯，不過d檸檬唔係咁靚，有d苦味，所以搞到有d雞都有少少苦，不過整體味道都算唔錯嘅。3）瑤柱扒豆苗：分量夠多，味道也不錯，係咸左少少咁多。4）海底椰螺頭燉雞腳：原本想飲好耐冇飲過嘅杏汁燉白肺，不過伙計話已經賣晒，所以改飲呢個湯，哈！味道又幾好喎，而且d料都幾夠，下次一於來試試個白肺湯先！埋單食到飽飽，仲有消滯橙一碟，都係二百蚊多d落樓，平安夜晚飯，都算好抵啦！

身為單身寡佬,缺乏家庭溫暖,長期缺乏湯水滋潤,個人自然又無力又"Dry",聽到友人相約去太子志記晚飯,一定舉腳支持.原因就是志記的老火燉湯,是單身麻甩之恩物.上年來飲過,念念不忘的住家風味,她們的燉湯燉足幾個鐘,不下味精.夠健康,這一夜的兩盅燉湯,川貝琵琶燉鷓鴣湯,清澈鮮甜,喉嚨痛聲音啞,一盅搞掂晒.而另一味是海底椰雞腳燉螺頭湯,也是很鮮甜.最愛吃螺頭,點些醬油吃很美味.據聞這湯有清熱兼舒筋活絡之效,對我而言,湯水本身的味道,大過其實際的效用.其他菜式不算很貴,如果你不是蒸條魚的話,小菜平均幾十塊錢一碟,這夜吃的盡是平價之小炒,骨髓炒三鮮不是什麼珍味,骨髓只是下欄位,但我很喜愛那種滑溜的感覺.伴碟之材料更有鵪春蛋作點綴,又骨髓又鵪春蛋,膽固醇一定超標.竹甫扒豆苗上的竹甫,是用枝竹包著鯪魚膠,配上豆苗同吃,幾特別的配搭.咕鹵肉味道酸甜有度,吃落香脆鬆化,雙冬紅燒豆腐夠惹味,整體上有水準.人多就叫隻沙薑雞,雞味就一般,全賴沙薑汁來搭救.椒鹽釀鮮魷最為特別,先將鮮魷用椒鹽處理,後再將蝦膠釀在魷魚內,鮮魷的香脆加上蝦膠的彈牙,兩種截然不同的口感,一次過滿足,即刻喝多兩杯風花雪月.燉湯之外,志記

中午大約一點幾響太子區揾食唔係咁易，諗住都係要幫襯快餐店，一出地鐵經過呢間食肆，望一望發現有位噃，咁就唔駛諗立刻入嚟。出乎憲意外，午飯時間竟然無乜人，連裡面個廳都無開，同夜晚要大排長龍真係有天壤之别。午餐主要提供粉麵飯及燒腊，當然小菜亦有供應，午餐送例湯由最平$25至$50都有，視乎你想食乜，最平嘅三寶飯及花生炆豬手睇落都幾正。本來想叫波蘿咕嚕肉但見到同檯都有人食呢味，個樣好唔對辦，似係預早整定，有一大pat汁而且D咕嚕肉肯定係淋嘅。唯有叫咗碟生魚片飯($28)，例湯先到，霸王花煲豬肉無落味精味道清甜，連渣都食埋，碟飯係即做要等咗一陣至有得食，生魚片有鮮味，更有好多菜一齊炒幾健康。環境就一般亦坐得好逼，不過食物有一定水準，仍然值得捧場。

我同男友間唔中都會去呢度食飯，因為好掛住佢地既生炒糯米飯呀﹗響呢度試過食乳鴿，骨髓會三鮮， 豉汁帶子蒸豆腐，豉汁蒸聖子，西芹炒鮮魷，西蘭花炒帶子，菠蘿咕嚕肉，荷芹炒豬潤，仲有好多都唔記得喇﹗水準唔錯﹗我會KEEP住黎食.....佢地既生炒糯米飯架喇﹗其他餸菜.....梗會繼續試唔同既野啦﹗

瀨尿蝦 俾人蝦叫左三味 香蒜骨 豉汁帶子蒸豆腐 椒鹽瀨尿蝦香蒜骨...油炸得幾香....肉夠稔....肥油精髓完全滲出....好味豉汁帶子蒸豆腐....差到離晒浦帶子 淡而冇鮮味....而且冇左帶子應有的軟軟感覺唔知點解可以整到咁的質感豆腐又係失色....一舊舊並不是過錯...但係 佢選用的豆腐的外皮係可以完完全全防水的亦即是 d 豉汁...又或者其他的味道係冇可能滲入其中豆腐還豆腐....豆豉還豆豉....帶子還帶子....我要安慰自己 可以 以一個送的價錢 食到三味送嗎?最過分係瀨尿蝦大大的瀨尿蝦....$18 兩....要了兩隻...三百多元...不打緊但係佢係整得令人徹底失望瀨尿蝦一開二.....蝦的鮮味...肉汁係煮的時候已經被 耗掉搞到新鮮大隻瀨尿蝦.....變左做 冰鮮 瀨尿蝦咁樣...冇聞冇味....點過意得去?再來.....呢度係要搭台的....仲要係一台 三家人坐.....嘩.....真係好耐都未試過lu....呢間野...唔得wor

今晚兩小口子黎到朋友介紹的一間海鮮酒家度食晚飯, 未食之前都好有期望, 但食完之後都相信唔會再黎喇. 我地叫咗3個餸, 原先想要個燉湯 (杏汁豬肺湯), 但伙計話售罄, 所以冇叫到湯.蜜汁西檸骨 - 賣相ok, 個檸汁都唔錯, 可惜我食到好勁的疏打粉味道, 即係佢用黎醃到肉質稔身, 麻麻地上湯龍蝦伊麵 - 龍蝦仔好細隻, 細到都冇咩肉, 所以都冇咩味道豉汁蒸聖子 - 呢個個味夠晒濃, 又辣, 我怕佢用辣黎遮蓋住聖子的唔新鮮, 同埋勁多味精

同朋友飯聚四個人叫左生炒糯米飯, 骨髓會三鮮, 沙薑雞半隻, 嚮螺燉雞腳湯, 炸大腸 及 西芹炒鮮魷.生炒糯米飯: 糯米炒好乾身, 好足料, 好好食, 唔知係唔係漏左單, 其他食物食晒先到.骨髓會三鮮: 唔係咁多地方有得食骨髓, 又原來三鮮有鮮魷, 早知唔叫"西芹炒鮮魷", 叫蟶子.沙薑雞半隻: 好有雞味, 又夠大隻.嚮螺燉雞腳湯: 清甜好味, 應該冇落味精.炸大腸: 雖然我唔係咁食炸大腸, 但試左件都覺得外面炸得脆卜卜, 好香口, 裡面就好爽.西芹炒鮮魷: 大量西芹, 鮮魷就唔係咁多.除左食野, 呢度的啤酒都好平, $10 至 $16 都有交易, 我地鐘意試唔同的啤酒, 個啤酒姊姊, 話我地樣樣都試係唔試佢賣o個隻風花雪月, 其實唔係唔想試, 但係風花雪月真係冇味的, 色都淡過人. 最後我地都幫襯左一支, 都係 $12.

入到去，無人招呼。一有招呼，都係D黑社會般的服務員的大聲說話: 「三個坐嗰邊啦！」真係俾佢嚇一嚇！個餐牌殘到痺，又污糟，真係唔多想睇。唯有睇貼在牆上的menu 啦。由於時間尚早，仍有杏汁白菜燉豬肺。叫餸時又係一肚氣。問佢有咩肉好食，佢話: 「黎呢度都係食海鮮o架啦！」真係俾佢吹脹我地係有叫海鮮o架，但都唔洗樣樣都係海鮮o架！真係激氣！d服務差到咁！講番食物質素，只能贈佢一句:「你哋真係未夠班囉！」只只有一街之隔ge 福來居無得比！如果唔係人地休息我都唔會試你呀！杏汁白菜燉豬肺:少數有豬肺湯飲ge地方，但不算特出。不夠濃，很清很淡。而且渣多過湯，湯得4-5碗。豬肺很多。白菜夠淋。蘭花帶子象拔蚌：蘭花無問題，炒得清綠爽口。帶子同象拔蚌都被化學物"o拿"過，有點難食。帶子質感已不太像帶子；象拔蚌又韌又無味！豉椒炒聖子：呢個最顯得佢未夠班！是豉汁而不是豉椒，一點都不惹味。最慘係汁還汁，聖子還聖子。聖子一點豉汁味也沒有！幸好聖子還算新鮮，但鮮味不是太濃。福來居ge豉椒炒聖子好過你地千萬倍呀！仲話黎呢度都係食海鮮！西檸密香骨：肉是很淋，因為"o拿"過嘛！已沒有肉味，很濃鬆肉粉味；食到條脷都覺"o拿