新忠記打冷小菜館 (已搬遷) 新店位置

每次經過都想食，但次次都爆曬棚要等位所以放棄，今次難得早去，終於食到，我們大約7點到，都差唔多滿座🤣，這家正宗潮州菜究竟有咩魔力，地方都幾大，嘈嘈吵吵，又有啤酒小姐sell 藍妹，好有大牌檔風味，餐牌巳經好吸引，好多花款，價錢亦唔平，好多野想食，研究完一輪終於都係食返平時叫開既野🤣▪️涷烏頭 $228用楊氏烏頭，魚油豐富，鹽焗咸味啱啱好，食完一半呀姐仲細心幫我哋剪左條魚骨，好細心▪️鵝片拼鵝肝 $258食過最好食嘅，鵝肉味好香濃，鹵得好入味，鵝肝更加不得了，用上獅頭大鵝肝，好軟淋，真心好味😋▪️韭菜豬紅 $55佢個汁令到平平無奇嘅豬紅韭菜超入味▪️蠔仔肉碎粥 $62D料多到食到底都仲好多，好正宗，有好多𧐢仔，方魚，肉碎，香芹，莞茜，𧐢仔粒粒飽滿，超正💛💛▪️藍妹啤洒$36本來冇諗住飲，但藍妹姐姐叫支持下佢🤝🤝🤝

每次做冬屋企食飯都想上嚟食打冷， 因為知道餐廳一定好多人，所以已經專登揀星期四同早啲去…結果7點未到已經坐滿左……好彩咁岩有張卡位埋單，等左陣就入得必食： 鹽焗元朗黃油烏頭肉質結實新鮮，有魚味，唔愛食魚嘅人都會鍾意食！香菇滑雞煲仔飯加臘腸 煲仔飯好大個而且好香！ 個人激讚佢啲臘腸，真係好好食，口感同味道都好好，又唔太肥潮州鹵水拼盤， 用料充足，墨魚非常爽口！仲有紅腸、鵝腸、鴨腸、豆卜、鹵水鵝等等…海鮮窩， 鍾意食魚嘅朋友啱曬，仲有好多海鮮，蝦、蜆、花蛤、墨魚等，湯底非常好清！一滴油都冇又好鮮甜！ 我地四個人飲曬成兜湯一滴都冇話梅骨，係之前食過今次再食，開胃可口，令人食唔停口新忠記碟頭非常之大，適合一家人或者一大班人一齊去食！ 值得一讚嘅係侍應都非常頭醒尾做事快手！

This restaurant is one of my favorite places for Chaozhou food. Came here with my wife and my other 2 friends the other day, and it was on a Friday. Normally this restaurant is packed with people waiting in line before 20:00. We arrived around 21:00, so we got seats right away.Signatures dishes are fired oysters cake, oysters congee, marinated gooses, pork belly meat, Intestines, Wutou fish, and fried clams.Overall, I’ll rate this restaurant 4/5 Fried Oysters Cake:- well fried with a nice cri

同朋友去新忠記食晚飯，因為夜夜地所以唔洗等位, 叫左沙爹炒芥蘭, 煎蠔餅, 方魚肉碎蠔仔粥 同梅子排骨。沙爹炒芥蘭: 好夠味, 芥蘭都好炒得好夠獲氣同埋仲好翠綠同爽口 煎蠔餅: 炸得幾好, 唔算好炒, 但覺得D蠔仔唔係好夠鮮味, 不過夠香口, 唔錯唔錯方魚肉碎蠔仔: 都係覺得D蠔仔唔係好夠鮮味, 不過不失, 份量都夠既梅子排骨: 即得一讚係呢個梅子排骨, 佢個味調得0岩0岩好, 唔會太酸或太甜。D排骨都幾多肉同幾淋, 好醒胃好好好送飯, 份量都好多不過整體黎講覺得有少少貴, 4個送食左$466 , 小菜黎講唔算好扺食。

今日收工喺公司附近近近地搵食紅磡附近最夜收得呢間2個人叫3個菜剛好滷水鵝腸勁好食好夠味花生雞腳 好入味同香重點份量都好多再叫多個芥蘭牛仔骨 正！好好食可以日日都食收工

Everybody in hunghum should know about this chiu jau restaurant as it has been there for many years. As a normal family dinner we usually order the set meal for four which contain pretty much everything I wanted there. Their fish is unbeatable tender meat and oily. The clam and pork belly soup is tasty as usual and I love the spicy taste from the black pepper. The chicken is fresh chicken and the flavour is just right. The prawn with salted egg coating is also delicious. It is actually a very he

Honey原本打算去時X食漢堡包，點知收8:30食唔到。於是揸架車泊喺仁孚再兜下有咩食，兜完一個圈Honey就話食打冷，我老祖宗係潮州人緊係鍾意食潮州野啦，即刻話好呢！可能比較夜去到唔使等位即刻有位👍🏻睇住餐牌樣樣都想食先黎咗個蠔仔粥，其實無咩特別，不過夠多蠔👍🏻👍🏻👍🏻之後就有個鵝片三拼，我地就拼咗墨魚&鵝腸其實我鵝腸一向都好少食，但Honey鍾意食，所以就吓佢拼埋鵝腸，不過佢話鵝腸都幾爽口，鵝片都厚肉唔會太薄，抵食，不過呢碟最驚喜係豆腐，好滑呢！又夠入味，好好味👍🏻👍🏻👍🏻👍🏻👍🏻再黎個蒜蓉炒芥蘭，真係抵食到爆，超大碟！我同Honey成晚最覺得好食係呢個豬軟骨煲，D骨淋到夠適中有咬口，又唔會太硬咬唔到，少少脆口感仲好入味，個底係用咗支竹，索哂D汁正到爆，如果無叫蠔仔粥的話，可能食到一碗飯呢！成晚唯獨是四圍環境嘈過喺大排檔，不過食得打冷都預咗。

平時好少去黃埔，今晚咁岩有d野要係個邊整，食完就同朋友係附近搵食，經過呢間打冷小炒，好多人食，應該唔會伏，就入去試下。滿座架，等左一陣先有位。叫左幾個鑊氣小炒，個個都好好味呀！炒蜆炒通菜夠晒味夠晒鑊氣，非常好食！招牌咸雞就真係咸雞，咸左d，但雞肉都係滑嘅！魚香茄子煲超好食，係街食得茄子就預左多油架啦，真係同平時係屋企整個d好唔同架！每樣都好滿意，傾足一晚，真係好滿足！埋單每人$150到，都算幾抵食！

今日收工後山長水遠入去紅磡揾視光師朋友配眼鏡，配完梗係要搵野食啦！上網睇左一輪，決定去食潮州打冷。呢間位於寶石戲院大廈附近既打冷店生意非常好，八點出面都有人排隊，仲有幾個爐頭煲緊煲仔飯，正啊，今晚有D凍，埋煲仔飯就啱曬。我地埋去問下有冇臺，侍應問我地搭唔搭臺，太肚餓，搭臺都冇所謂啦！睇完manu，樣樣都想食。但係得兩個人，都唔可以太眼闊肚窄！所以決定叫三樣，個侍應都話兩個人夠食啦！金牌鹵水鵝片拼盤，鵝片數量只有幾片，但其他鹵水配料都好足，薄切五花腩，唔肥好爽，鵝腸唔韌，仲有豬耳，腎片，魷魚片，紅腸，芽菜，豆卜，全部好好味，有驚喜鹽焗元朗揚氏黃油烏頭，好大條，背脊位有好多黃油，肉質好實，冇泥味，當我地食左上面果邊，個侍應就埋來幫我地剪起條大魚骨，等我地可以好方便就食到下半邊既魚肉，好貼心最後上既係田雞煲仔飯，好大煲啊，足夠四個女仔食，上台後加豉油再焗一陣就食得，飯有少少濕，不過食落唔chi牙，但D田雞稍為鞋左少少。食左兩碗已經飽到上心口，都仲有大半煲，下次都係要多D人食，開心D

好耐無食過打冷,見呢間野排哂隊又多人咁,2個人食好快就有位 諗住吾會差得去邊啦~點知真係超級差!!!個menu既海鮮大部分寫時價, 問左伙計2樣餸: 凍蟹$388; 聖子$70/隻. 雖然佢話好大隻 2個人食岩岩好 但聽完呢2個價錢已經吾打算再問落去.可能我少食呢啲野啦, 但都覺得偏貴. 最後剩係嗌左個鹵水拼盤, 炒辣蜆, 2隻聖子加支嘉仕伯. 本人對炒蜆真係情有獨鍾 基本上一定會嗌. 到真正上菜, 個鹵水拼盤係無乜味 諗住點啲辣油會好啲 點知碟辣油都係吾辣, 食完呢樣已經覺得一般般.到我最愛既炒蜆 蜆殼好多 肉好少 同埋超級極之咸 我本身食野都比較重口味既 但呢碟真係咸得過分. 到最後一碟聖子, 個伙計聲稱好大隻. 但真係得好少 仲要斬件添. 除左咸都係咸, 食完好似無食過野咁. 總括嚟講, 呢間野係劣質. 吾明白點解咁多人食. 埋單三百六十左右. 走果陣行過見到其實隻凍蟹吾係好大隻 好彩無嗌到 如果吾係真係揼心口.

晚飯時段去紅磡食飯，咁啱朋友想食潮州野，所以見到新忠記喺同一條街有兩間分店，所以朋友見到店外煮煲仔飯咁得意，二選一之下選擇了新忠記打冷小菜館（寶石大廈店）。朋友原本想叫黃鱔煲仔飯同瓦煲潮州濃湯翅，不過我哋仲有三個人未到，所以叫左幾樣普通潮州餸食住等～我未去過一間潮州菜館叫白粥，嚟到粥裡面係杰撻撻一舊舊米團咁嘅，賣相非常差見到杰撻撻嘅白粥，我食咗兩嗒都唔想再食落去，白粥都會咁差，中伏！韭菜豬紅，豬紅係唯一好味嘅食品，韭菜超級無敵老，好似食柴食渣咁，失敗！豉椒鵝腸，個豉汁ok，鵝腸好乾好老，乾柴烈火OVERCOOKED，鵝腸份量小咗啲～全宇宙最乾柴烈火既潮州滷水拼盤，唔掂！！！ 個拼盤𥚃有著全宇宙最乾、最薄、最難食嘅潮州滷水鵝片，又無端端有一大堆豬舌、豬頭肉，另外滷水墨魚得四舊，豬大腸完全唔入味，腎好硬好難食，又一失敗之作～～～最後食剩嘅滷水拼盤，新忠記跟本係浪費食物，大廚跟本唔正中兼冇未蕾，冇試過食物就上菜，出黎既食物跟本令客人入唔到囗，價錢仲要唔平，咧間就係一間冇Heart既潮州菜館！！！P.S. 隔離枱叫左嘅煲仔飯同餸都係剩低好多就離開，我同朋友食左一陣就埋單去第二間菜館再食過，

I am a big fan of Chao Zhou food, and I will definitely recommend this restaurant for everyone.Went there for dinner with 3 friends few weeks ago. We ordered one congee, one soup and four dishes.Mini Oysters Congee: good portion for sharing, have many mini oysters. Big Clams Soup: very tasty with many big clams.Marinated Goose Meat and Intestines Platter: delicious and served with some tofu.Satay Beef with Gailan Veggie: A little salty but still tasty.Overall rating: 4/5

外賣叫左$148既走地雞排骨煲仔飯。企喺街邊睇住佢煮左廿分鐘，見佢大大煲，非常期待！三分鐘的路程便回到家。一食，d飯，比電飯煲乾d，有d飯焦，一d煲仔飯既味都無。落埋豉油，就得豉油味，完全唔香。D雞件同排骨好少，加埋都無十件。雞仲要係有鳳瓜同頸，好少肉！排骨好少肉，d肥膏成半吋厚，個味好淡！其實見佢煮嗰時都係擺雪藏既。總之，唔係淨係因為飯多餸少唔抵，係真係好難食，兩個人都唔想食。其實見佢喺街邊整，你話好食就係有風味啫。如果又污糟，又貴(白鱔要$288!) ，又難食，點解要幫襯佢。我寧願去排四季！

有時下午經過紅磡寶其利街，通常焦點會放係香噴噴串燒店美味佳，呢次夜晚係附近，想試下其他。「新忠記打冷小菜」經過無數次，次次都見座無虛席，尤其冬天，可能好多人食羊腩煲掛。今次見裡面有張吉枱，就二話不說入去了。食潮州菜都唔駛講咁多，鹵水係必點的，但又貪心，點左雙拼：鵝片拼大腸。鵝片切得薄薄的，雖然偏瘦但都好腍好滑。鹵水顏色比較深，但又唔會好鹹，相反好有醇香。大腸幾肥，但軟腍，咬落去亦有肥膏油香，怕太肥膩，點d醋食可以中和下。墊底的豆腐先係精華，有肉的香，又有鹵水的鹹。蠔仔肉碎粥（$45碗）當然唔少得，雖然話一碗，但兩個人的話每人都分到2-3碗。本身就唔濃味嘅，作為食鹵水時清清味蕾都唔錯。蠔仔粒粒都勁大勁肥美，唔算腥，而且越食越有，落足料。係d咁街坊式店食嘢，叫碟豉椒炒蜆（$75）最啱氣氛。鑊氣的確好足，豉椒汁唔多唔少剛剛好掛係每隻蜆度。雖然蜆肉炒到跌晒出來，但至少唔會唔見晒，肉都尙厚，沙亦少，質素頗高。要留意，呢度的餸菜唔係平，但就碟碟都勁有分量（侍應叔叔話係賣點），所以人少的話唔好眼闊肚窄，要量力而為。

晚晚都咁多人去食呀！今晚睇完戲就去咗宜間打冷舖啦！雖然係咁多人, 但係服務態度非常之好, 一座㡳馬上有人放好呭餐具, 要乜比乜,快手快腳放好茶杯, 筷子, 碗同碟💯!我好鬼鐘意食韮菜豬紅,會周圍試吓唔同打冷舖嘅餸菜！今晚照叫我嘅打冷例牌啦！韮菜豬紅😋😋😋😋,豬紅夠入味, 韮菜頭部份夠冧呀！豬紅加辣椒油冇得壇, 再試吓個炒蜆,蜆肉粒粒都冇沙😋😋😋,D汁可以用囄餸飯一流呀！芥蘭炒牛肉😋😋😋😋牛肉冧,味道剛剛好！白粥😋😋😋好棉呀！韮菜豬紅炒蜆芥蘭炒牛肉白粥一碗辣椒油