新泰東南亞餐廳 (已結業)

今日灣仔收工約埋女朋友去呢間幾多正評嘅泰國野食dinner我地訂左位被安排坐包箱haha都幾有渡假feel員工態度好好，入去之前有量體溫又有提供洗手液，要比個like!先嚟一個泰式無骨鳳爪，份量足又開胃跟住就揀左推介嘅 咖哩軟殼蟹面包呢個做法同我喺馬來西亞食嘅好似D面包點滿咖哩汁真係好正，如果個皮再焗脆d就仲正D軟殼蟹腳炸都好鬆脆，完成唔會厚粉，我會比好高分呢個dish因為要留肚食芒果糯米飯，所以今次就淨係食左一個main，下次好想試埋佢個青咖哩羊架~

今晚同老公二人世界撐枱腳，難得拍拖 就搵間浪漫有情調嘅餐廳，嚟咗W Square 嘅新泰食泰國菜。餐廳裝修 浪漫有情調，燈光柔和，樓上舖地方寬敞，設有帳幕座坐得舒服又有私隱。食物泰國菜為主，亦有多款特色東南亞菜式。冬陰功雞煲冬陰功源用傳統火鍋爐，霸氣十足，賣相吸引。雞隻採用少脂肪嫩雞斬件放湯，肉質鮮甜嫩滑爽口。冬陰功湯 酸酸甜甜十分醒胃，剛巧天氣轉凍，飲完成個人暖笠笠！串燒沙嗲合共六 串燒 有雞牛豬 可以自由選擇 點了 雞和牛， 燒烤 焦香撲鼻 肉質鮮嫩 無骨啖啖肉大快朵頤 靈魂是那沙爹醬汁 辣裏帶甜，食到還有碎碎的花生醬粒，稠口惹味伴飯一流！飛天通菜飛天通菜 源自泰國地道大排檔，廚師把通菜拋上天空，侍應就在另一端接住上碟。材料用上豆豉、泰國指天椒大火炒香，鑊氣十足香氣四溢，通菜新鮮清甜翠綠，鹹辣適中惹味，令人愈食愈想食！芒果沙冰新鮮芒果 混合冰塊 打成冰沙 冰凍觸動腦神經 芒果鮮甜軟滑帶微果酸，減膩生津解渴。

今日放工喺灣仔公司附近搵嘢食，朋友介紹呢間泰國菜，約埋老婆就去試下。這裏裝修高級雅緻，到處擺設和掛滿了泰國裝飾，極具特色風情。地方寬敞什有空間感，有很多座位和窗口卡座，可飽覽窗外灣仔繁華景色。越南烤蔗蝦外皮脆炸乾身，內裏蝦肉彈牙爽口有鮮味，還帶有淡淡蔗糖甜味。 每條都份量十足，頗有飽足感。 墊底的是檬粉、生菜、蘿蔔、青瓜絲，陪伴上甜酸醬汁，便成為撈檬粉，醒胃美味！沙嗲串燒色香味美炭燒焦香，非常吸引。有豬、牛 、雞可自行配搭 。雞肉串燒 嫩滑多汁，牛肉串燒 牛味香濃有嚼勁。 點上自製沙嗲醬汁香濃惹味，令人愈食愈想食!泰式甜品小拼盤四款糕點，每款兩件，各適其適。個人最喜愛椰汁糕，椰汁味香濃伴底為西米粒， 軟滑得嚟有口感。所有甜品上碟時仍是熱辣辣，製作一絲不苟，值得一讚！芒果沙冰每次食泰國菜必然選擇 。芒果味鮮甜吸引軟滑可口，冰凍減辣，清新口腔龍烈味道！

好耐冇食過泰國嘢喇！今次慶祝朋友搵到新工，特登嚟到呢一間環境優美同埋口碑幾好嘅泰國餐廳食嘢，為佢慶祝一下！✨泰式生蝦刺身($98)黎泰國餐廳當然要食泰式山下刺身啦，山下刺身一共有五隻，每一隻都係晶凝通透，上面都沈上泰式配料，每一啖都係新鮮同埋刺激嘅感覺！✨半打串燒( 豬牛雞) ($88)沙嗲串燒簡直係泰國菜嘅主打菜，半打串燒入面包括有豬肉牛肉同埋雞肉。而我最鍾意嘅就係雞肉，整得好有炭燒嘅味道，旁邊仲有一小碟沙嗲醬，辣辣地好惹味✨泰式蝦炒金邊粉($98)呢度嘅泰式金邊粉簡直係非點不可嘅菜式，首先賣相非常特別，外層用上蜜糖同埋蛋漿造成一個鳥巢，入面就係非常足料嘅番茄味金邊粉，仲有為數不少嘅新鮮大蝦係金邊粉入面🤭真係非常滿足嘅一道菜，酸酸甜甜，食到停唔到口！✨泰式奶茶($38)泰式奶茶同一般嘅港式奶茶有着不同嘅泰式風味，主要原因就係因為泰式奶茶用咗泰式煉奶同埋泰式茶包製成，呢度嘅泰式奶茶絕對正宗，奶味濃郁，完全有泰國嗰種獨特嘅味道！✨ 麵包焗咖喱軟殼蟹($208)呢一道菜係用一個圓形球體嘅麵包承載泰式椰賴咖喱同埋軟殼蟹，椰奶咖喱有佢獨特嘅creamy味道，配合軟殼蟹係一個好出色嘅組合。麵包吸

話說嗰日咁啱大家放工，諗住不如搵間泰國野「大開殺戒」，根據朋友既推介就嚟咗灣仔w square既新泰東南亞餐廳。室內裝修低調充滿心思，泰式風味嘅裝修加上奢華嘅吊燈同枱燈，令我恍如置身於泰國燭光晚餐嘅感覺。新泰嘅菜式選擇非常多，包括湯，燒烤，小食，刺身，咖哩，菜，炒飯麵，甜品等，適合「花心」既我😎。- 生蝦刺身第一道菜當然係要開一開胃，生蝦刺身就最適合，新鮮嘅生蝦肉配合惹味嘅辣椒同酸酸甜甜嘅醬汁，好似係你味蕾上投下左一粒震撼彈咁，食完差啲將自己條脷吞埋個肚。- 泰式串燒第二道菜係泰式串燒，一共有牛豬雞三種肉，配上濃濃嘅沙嗲醬，味道非常惹味，肉質鬆軟有咬口，串燒黎講係上上之選。- 飛天通菜第三度菜係飛天通菜，話說我去泰國餐廳有一個習慣，就係次次都會叫飛天通菜，個人認為飛天通菜好食代表嗰間餐廳有一定水準，好彩新泰都冇令我失望，通菜新鮮爽口有鑊氣，香辣適中，絕對係我試過top 3嘅飛天通菜。- 泰式蝦炒金邊粉終於到第一道主菜，金邊粉賣相驚豔，用蛋絲包住成個金邊粉，營造一種好細緻嘅感覺。金邊粉食落唔油膩，好少可以將金邊粉炒到咁清爽，酸酸甜甜非常開胃，加上新鮮蝦令人食指大動，好快就俾我哋一掃而空。

朋友聚會，選擇了環境清靜，坐位寬敞既新泰。我倆坐足兩、三個鐘都無問題，不錯。酥炸香茅鱼 (配青芒果沙律) $168 無骨，啖啖肉，又唔油膩，上菜果陣卜卜脆，好好味，但千其唔好攤太耐先。食緊途中，先發覺原來仲有份沙律(小編不時會忽略配菜)。青芒切絲，口感爽脆，又帶點微酸，明明已經7成飽，但忽然又開胃番。南瓜焗咖喱海鲜 $148+印度薄餅餅$32一堆海鮮擺哂落去個南瓜度，齋睇同影相都已經一流啦。當然啲材料都好新鮮，但係不得不提嗰個咖哩汁，真係無得頂，咖喱本身既香味，再加上輕微帶少少甜味，溝埋一齊即時變咗好惹味。所以我一放入口後，即時叮一聲發覺，一定要叫多份抓餅先夠perfect。如果唔喺我個胃都唔知收科。個抓餅鬆軟既口感，加上輕微帶甜既咖哩汁，絕對係畫龍點睛既感受。芒果糥米飯 $68一個通街都有得食嘅甜品。芒果香甜，糯米飯軟硬度適中，加埋香滑既椰汁....正！但如果可以安排椰汁另上就更好了菠蘿沙冰 $38 由新鮮菠蘿製成沙冰，好香甜，消暑一流

約左係灣仔返工嘅舊同事食泰國菜。到步出𨋢口,眼前金碧輝煌,其裝潢設計及三張大龍椅凳好舒服吾打卡都對吾住自己。內裡面積相當大,難得係租金高昂嘅港島區,仍然揾到檯與檯之間保持空間寬敞嘅食市。入面裝飾充滿泰國風情,簡直係華麗食堂,令人感覺舒適寫意。服務員招呼我哋坐低,送來两杯和暖開水,係寒涼嘅日子來一杯暖水真令人窩心。打開餐牌見到寫着"用心製作東南亞美食", 越簡單嘅菜式越能考起大廚師嘅廚藝,我哋就點一啲簡單嘅菜式來體會一下什麼叫做"用心制作"。印度薄餅剛烤烘出來嘅薄餅淡黃金色,熱烘烘散發著陣陣香味，口感鬆軟,完全吾油膩,就咁食已經好好味。泰式炒什菜碧綠色、鮮橙色、淺黃色…一碟充滿泰式蒜香味嘅什菜,有西蘭花、椰菜花、紅蘿蔔、椰菜、粟米心同草菇等。各種蔬菜新鮮、有爽脆、稔甜等不同口感,非常健康。 越式蟹肉炒粉絲粉絲炒得爽．彈條條分明,粉絲中夾雜著爽口清脆燈籠椒、芽菜、甘荀絲、椰菜絲等配料外，仲有微辣紮肉,同真材實料嘅蟹肉,份量都好多呀。加上韭菜同芹菜獨特嘅香味,令整碟粉絲大大提升了口味層次。泰式甜品小拼盤甜品亦係食泰國菜嘅靈魂,椰汁西米糕、大菜糕、綠豆邊同千層糕四款甜品入囗都啖啖椰香,吾太甜。

W square既新泰係我去過既第三間新泰分店，裝潢一樣充滿泰式氣息，吊燈盡顯奢華，空間感更大。作為一間泰式餐廳，新泰嘅酒類選擇相當多，可惜之後要做gym，唯有忍下口。- 泰式蝦炒金邊粉賣相非常吸引，金邊粉上面舖上一層蛋網，食落完全唔油膩，炒得乾身，味道酸中帶甜。另外蝦幾大隻，食得出係新鮮蝦。- 砵酒羊架羊架有驚喜，醬汁似燒汁，羊肉大大件，味道唔氈之外肉質好鬼軟稔，肉汁仲好豐富。- 麵包焗咖哩軟殻蟹咖哩口感香滑，猶如滑蛋一樣，軟殼蟹幾多肉，炸得幾香脆之外唔算太膩，麵包索晒啲咖哩汁，即使已經唔脆但都好惹味。- 泰式生蝦生蝦肉質結實彈牙，少量蒜粒同辣椒更突出蝦肉的鮮味，酸辣既醬汁非常醒胃，作為第一道菜非常適合。- 飛天通菜通菜夠晒穫氣，味道濃香，真係食極唔厭。- 泰式奶茶因為煉奶嘅關係，自己預咗會幾甜，但估唔到咁多冰，飲幾啖就冇晒。新泰仍然係我最愛既泰式餐廳，沒有之一。

泰思鄉啦～ 不能去泰國，只好食餐泰國菜啦！一步出lift門，就見到金碧輝煌既裝潢，好華麗。枱與枱之間比較濶落， 坐得好舒服。南瓜焗咖喱海鮮 $148掏空原隻南瓜，把多款海鮮包括青口、大蝦、魷魚、魚柳等放進南瓜內，全部海鮮均沾滿香濃的咖喱醬汁， 相當入味又惹味。印度薄餅 $32食咖喱又點可以唔叫客薄餅，薄餅沾咖哩實在太配了。酥炸香茅魚 (配青芒果沙律) $168酥炸過後的魚片好香口，完全無骨，大人細路都可以安心食。青芒果沙律酸酸地好醒胃，配搭一絕。蒜蓉炒貴妃苗 $75 貴妃苗爽口，普通蒜蓉炒，已經可帶出貴妃苗既香甜。芒果糥米飯 $68芒果糯米飯係泰國最經典又道地的甜點之一，必點。香甜軟糯，椰汁份量剛好不會覺得溜。------------------------------

黎到呢間 充滿風情的泰國🇹🇭店環境裝修都好有氣氛😍餐牌有好多選擇 個人特別中意佢哋既甜品比一般的泰國餐廳 有特色 同多選擇而小食 都偏向有炸野多主菜方面，叫左 椒鹽軟殼蟹 （$78）價錢方面 都算幾掋！平時軟殼蟹價錢都偏貴🤣今次呢個椒鹽軟殼蟹 有啲似避風塘既風味有少少辣 好惹味 好香 佢所有配料同香料 都好適合配埋個飯食😛 配料有：菠蘿、青椒而個蟹 已經事先分開曬 份量啱2個人食😊食落去可以一口口甘食 減低食到周圍都係既可能性👍🏻👻香芒軟殼蟹紙米卷（$88）呢個偏向清淡少少 配搭埋個芒果 仲會有種新鮮感 甜甜地 令到個軟殼蟹 唔會太熱氣甜品方面，芒果糯米飯（$68）份量好多！ 芒果係好鮮甜個隻！而個糯米飯滿佈椰汁，有椰香味而呢個糯米飯有黑白糯米，好有誠意🥰飲品方面，椰青（$45）好清甜，好多椰子肉，正！

灣仔都有正泰菜，我以為好味既泰菜應該係九龍城，朋友推薦尼間新泰東南亞餐廳，一開門已經眼前一亮。門口裝修充滿泰式風情，坐左東南亞氣息的帳篷卡位，木雕既座位入面有一盞小燈，輕紗既帳幕飄飄下，以為去左峇里！！！去泰國餐廳，當然要食泰式明爐魚，泰菜其中一道靈魂菜式，尤其係冬天，暖暖嘅魚加埋酸酸嘅汁，令人胃口大增！泰式明爐魚原條魚上,大大條又新鮮又啖啖肉，肉質幼嫩而且入味，味道層次豐富。煮得好有泰式風味，加入香茅、辣椒、芫荽及青檸煮成酸辣魚湯，濃郁又惹味，再配合配菜有豬肉碎和菇,回味無窮！和朋友吃飯，主菜固然重要。但吃到尾聲的時候，甜品更重要，叫了泰式甜品小拼盤，可以一次過滿足所有人嘅願望。糕點食落有椰香，蓋上暖笠笠嘅椰漿,為晚餐畫上一個完美的句號。

今日同朋友仔黎食晚餐，這間泰國菜一直是有保證的，之前同其他姊妹黎過！環境寬敞明亮，設計泰式風格，更播放音樂，地點方便又服務優質，態度一流：細心添水、推薦菜餚、效率高又勤快，好多泰國侍應，真如去了泰國一樣！食物選擇多，難怪咁多客人食。點了有的菜餚，有：1. 泰國街邊豬肉串燒這個好香好出色，有4大串，燒豬肉好脆又大塊又多汁，口感軟腍，配上滋味好濃有蒜蓉微辣醬汁，推薦必點之菜2. 鹽焗驢魚驢魚啖啖肉，不會太多骨，外面是以鹽蓋著整條魚，讓咸味慢慢滲入魚肉中，點上香辣醬汁，好正！3. 巴東牛𦟌這個好食得不得了！入味香軟口感，唔會辣但超級香口，牛味濃郁4. 蝦醬炒飯大碟足料，有爽口大蝦、黃金蛋絲、青翠蔥粒、惹味臘腸肉，飯粒香軟

除左多人之外，係呢頭返工食晏真係好多選擇，今日就擇左食泰國菜。一入到去個環境就好似置身係泰國，裝修都好特別 暗暗地非常有氣氛！我就嗌左個午餐套餐1 - - - 泰式海南雞飯配熱奶茶 （$75要另加一、熱飲外其他都要加錢）有d似日式便當🍱首先d蔬菜食落都暖暖地，可以清減一下d油膩既味道。另外油飯都ok主菜海南雞既肉都好滑嫩又吾會話好肥膩，食落都感覺健康。再加埋姜蓉同埋泰式醬汁配搭油飯，食落好滋味 食完再飲個湯，入面有冬瓜，幾清甜可口最後食完仲附送一件甜品，椰汁味重，很特別既糕點

平時之前同我講呢度嘅巴東牛肉好味所以特登上嚟試吓點知嚟到先發現佢改咗Menulunch set冇咗巴東牛肉揀，最後我哋叫左一個蝦醬炒飯同埋黃咖喱海鮮飯蝦醬炒飯我試咗一啖，都幾惹味，唔錯！再嚟就係試我果碟黃咖喱，個汁偏向多蛋，邊度都OK甜甜地但係唔辣，不過我個人偏向鍾意食香料味重啲嘅咖喱，所以就覺得佢未夠香，材料方面其實佢係炸咗嘅海鮮，食得出有兩三隻蝦同埋兩三條魷魚，未到話好鮮味，但係整體唔錯嘅，同事之前仲試過佢個海南雞飯都覺得唔錯我諗佢整體上嘅嘢食應該都唔會太差都值得一試

🇹🇭🇹🇭🇹🇭朋友之前一直跟我推薦說：正宗泰國美食，首選新泰。今天正好路過灣仔。時隔四年又來新泰，還是一如既往地好吃😋周圍的人事都在變，而優質服務和美食不變👍.泰式柚子蝦🦐沙律🥗$98廚師用了辣椒🌶️調味用料大膽，甜柚子與辣椒的碰撞💥創造出新的口味。伴著腰果的香脆，整道菜不僅僅口感豐富，而且營養價值極高。.越式蝦米紙卷$68小編的必點菜式，平時少吃蔬菜🥬當然有機會時候，就要多多補充咯！如此清爽口感，永遠都是不會膩的。.原個椰青大菜糕$68廚師👩‍🍳將椰肉用勺子🥄刮下來，做成了啫喱，原汁椰青，完全無添加，純天然的食材，新鮮上等，原汁原味。甜品裡面，最健康的選擇。下次要多一點過來，嘗試不同的食物