新肥泉海鮮大排檔

營業中

休息中

真係好耐都冇食過大排檔了🥹以前嘅大排檔感覺係冇咁乾淨，同埋市井而家好多搬咗上去熟食中心，地方大咗又乾淨咗，仲又不失港產大排檔風格呢間新肥泉海鮮大排檔喺官涌市政中心上邊，柯士甸站行過嚟只要幾分鐘，位置好方便試咗幾款菜式，味道方面唔錯，又有鑊氣～如果多啲人嚟試多幾款就更好✨海盐香煎雪花和牛粒（$118）和牛粒嫩滑多汁，灑上海鹽增添層次記得要趁熱食啊～✨椒絲腐乳通菜（$98）超級惹味，有鑊氣‼️✨薑蔥魚腩煲（$198）魚腩有10舊左右，上嚟熱辣辣勁有鑊氣薑蔥擗咗魚腥味～✨金銀蒜蒸花蝦（$168）蝦幾新鮮，同蒜香味好夾底下仲鋪咗粉絲，送飯一流～✨推介指數：7/10

餐廳名字：新肥泉海鮮大排檔 (佐敦)餐廳地址：佐敦寶靈街17號官涌市政大廈2樓熟食中心呢間的大排檔可以說是「食客樂園」。它採用放題的形式與傳統大排檔並不一樣,可以讓顧客可以隨意在各種美食佳餚中挑食自己喜歡的,真是「吃到飽」的好地方! 魚香茄子煲 大師傅做嘅魚香茄子煲,到嚟真係武功深厚!魚香適中,茄仔嫩滑滑嘅,一個箭頭就食開符。時間長都唔覺膩。黑椒薯仔牛柳粒 以前未試過有咁肉嫩既牛柳!放黑椒連咗一丁丁辣都唔覺,配咗脆脆既薯仔更無話兩次。我話一定得再叫啲黎食嘅!特色金沙雞翅 喂掂嚟一隻,真正嘅金香啲!憋得住都唔掂晒,外脆裏嫩咁好食!戴住返去就想食更多隻。京蔥炒牛柏葉 翠綠既京蔥加咗爽脆既牛柏葉,清新得可以!食完又飽又健康。菠蘿拔絲咕嚕肉 我地都知菠蘿脾氣酸,但配上咕嚕肉,滋味真係貼合到極點!個個食家都應試下呢碗飯。七味豆腐粒 七味粉都唔辣?真係有驚喜呀!豆腐又滑又嫩,好似靚妹罷架。

新肥泉海鮮大排檔(佐敦)地址:佐敦寶靈街17號官涌市政大廈2樓熟食中心香港最有特色的食肆，當然首選大排檔，朋友極力推介新肥泉海鮮大排檔，今日由港鐵西九龍站C出口，向佐敦方向經廣東道，再穿過九龍佐治五世紀念公園，好快就到，十分方便。❤️菜膽上湯雞賣相很靚，西生菜的清爽和雞肉的嫩滑互相襯托，上湯味道鮮美，令人垂涎欲滴，這道菜美味又營養豐富。❤️椒鹽九肚魚拼鮮魷一道菜可以品嘗到二種不同的食物，鮮魷的口感彈牙，有嚼口，九肚魚炸到外脆內軟，新鮮熱辣辣，搭配美味的椒鹽調味，香脆惹味，送酒一流。❤️豉油王新鮮鵝腸現今好少地方有這道菜，當然要試試，鵝腸新鮮，有獨特的風味，質地鮮嫩爽口，伴大量芽菜，好味又不肥膩。❤️肥泉小炒王有多種不同配料，入面有韭菜花、魷魚、腰果、蝦乾、銀魚乾…等等、鑊氣十足，味道濃郁，非常有特色。大排檔雖然在市政大廈，但地方乾淨企理，裝有空調，不會悶熱，每晚都坐無虛席，大家一定要來試試。

🍱餐廳:新肥泉海鮮大排檔🏫地址，敦寶靈街17號官涌市政大廈2樓熟食中心☎️電話: 27304968今日同家人在官涌市政大廈打羽毛球，梳洗後最方便梗係去2樓熟食中心開餐啦，今日七個人可以大開食界，叫了九款餸，大飽食福，分享吓其中三款先：～椒鹽九肚魚🌟椒鹽九肚魚炸得外脆內嫩，好似薯片一樣的脆，蒜粒的香氣真係冇得頂❤️師傅的調味適中，再加上少許喼汁，能提升我們的食慾👍～肥泉小炒王🌟小炒王配料豐富，包括韭菜、腰果、鮮魷及銀魚仔等😁其中的鮮魷特別出色，口感鮮美。整碟菜肴香氣四溢，令人垂涎欲滴，真是美味非凡！😍～豉汁蒸白鱔🌟白鱔夠新鮮，肉質爽口彈牙，口感一流，白鱔搭配濃郁的豉汁絕對是絕配！😬整體來說，這家位於街市內的大排檔環境乾淨整潔，菜肴香氣四溢。偶爾來這種風格獨特的大排檔享用美食，絕對能帶來不同的風味體驗，真是一個不錯的選擇！😋順帶一提，如果喺柯士甸站F出口行過嚟其實都唔使5分鐘，都算幾方便呢！

今日朋友話帶我食放題，以為又係果啲大XX食日式刺身壽司果類，點知去到原來係大排檔，真係夠哂驚喜。地方雖然偏僻左啲，但估唔到都有唔少人幫襯，咁應該真係靠得住。黎大排檔食就一定要試小炒，我地叫左椒鹽豬扒、尖椒炒雞雜、回鍋肉、水煮魚。椒鹽豬扒香口惹味，豬扒夠淋身，唔會好鞋口，配椒鹽食簡直無得輸。豬雜牛雜就食得多啦，雞雜真係好小餐廳有，所以忍唔住叫左黎試下。雞雜裏面有雞腎、雞肝、雞腸，雞腸係最特別，有咬口得黎又好香雞味。回鍋肉好夠鑊氣，五花肉充滿油香，椰菜爽口，增強口感同豐富左成道菜既層次。水煮魚夠哂辣，魚肉嫩滑無骨，食得好過癮，份量多到差啲食唔哂。

爆旺場既大排檔佐敦新肥泉係我最喜歡的大排檔，呢度雖然係街市樓上，但其實識飲識食既一定知道呢個地方。今晚又來食晚餐，因為佢既美食真係好吸引，超夠火候，真係超級地道的香港🇭🇰大排檔風味😌點左幾味必食菜式，絕對食到lamlam 利：1. 薑蔥生蠔煲 $168 超入味夠火候既生蠔🦪煲係最愛，每次來到都必食，生蠔新鮮大大顆，咬落去超juicy, 激讚👍🏻2. 肥泉小炒王 $118 小炒王也是食過最好味既，蒜苗超鮮嫩，仲有蝦米，爽口魷魚🦑腰果，真係足料好味🤤3. 避風塘軟殼蟹 $168 今次第一次試避風塘軟殼蟹，小小辣但易入口，而且好岩送酒🍻另外點了兩碗絲苗白飯，呢度價錢都好合理，整頓飯夠3 人份量，好多人結伴來食就可以點更多菜式share, 真係好食又抵食🥰

📍🇭🇰 新肥泉海鮮大排檔 (佐敦).來到佐敦熟食中心，估唔到有間大排檔竟然有多款任飲任食放題揀！.我們兩個女仔就揀咗最平的放題餐！試試佢先！餐牌款式選擇多到花多眼亂，選擇困難症的我們，最後揀咗六款，就已食到好飽啦！呢度真適合約埋三五知己一起飯局！食足咁多款！.1️⃣ 黑椒薯仔牛柳粒：薯仔炸得香口，配上一啖一口牛柳粒！😋👍🏻2️⃣ 椒鹽鴨舌：平時很少食到鴨舌，原來椒鹽鴨舌是幾香口，最適合邊飲酒邊吹水！3️⃣ 椒鹽雞軟骨：這個炸得酥脆香口，我們很快便清哂！4️⃣ 小食：可愛BB鴿一隻5️⃣ 七味豆腐粒6️⃣ 肥泉小炒王.整體嚟講，食物很有鑊氣，我們有讚冇彈，捧腹而回，感覺值回票價！還有很多款都未試完，下次再來真係要約埋成班朋友一起來食同聚會先得！

啫啫芥蘭煲一上枱，就見到煲仔滾滾冒煙，真係好吸引。芥蘭炒得翠綠爽脆，蒜蓉香味撲鼻而來。我試咗啖，真係好惹味！芥蘭嘅清甜味同蒜蓉嘅香味完美融合，再加上煲仔嘅鑊氣，真係食到停唔口。老乾媽炒四季豆嘅份量都唔少，四季豆炒得爽脆，配埋老乾媽嘅辣味，真係好惹味。我平時唔食得辣，但係呢碟菜嘅辣度啱啱好，食落唔會太辣，反而會越食越開胃。

朋友帶左我去佐敦官湧巿政大廈度搵食😋🐓炸子雞皮脆肉嫩，仲有旁邊嘅蝦片應該好多人同我一樣都會好鍾意🦀椒鹽軟殼蟹椒鹽香口，軟殼蟹厚肉有膏🦐沙嗲粉絲大蝦煲粉絲索曬沙嗲汁好入味，蝦肉都算彈牙新肥泉海鮮大排檔(佐敦)地址:佐敦寶靈街17號官湧市政大廈2樓熟食中心

//新肥泉（任飲任食）//我哋今次食咗佢$288小菜任食嘅套餐，一打開個餐牌見到粥粉麵飯，肉類，菜類都好足夠，仲有砂煲同好多小炒😍😍可以話啱晒唔同口味同需要嘅人士！😋😋我哋今次就試咗⭕️肥泉小炒王⭕️京蔥炒牛柏葉⭕️ 菠蘿拔絲咕嚕肉⭕️ 豬潤啫啫鮮雞煲♡̴ 肥泉小炒王大排檔必食嘅小炒王！好夠鑊氣，堅果亦都炒到卜卜脆，韭菜仍然保持到香甜爽脆，仲有佢哋嘅蝦乾好有鮮味，為道菜增色不少♡̴ 京蔥炒牛柏葉裏邊嘅牛柏葉吸晒啲味汁，好惹味，咬落去爆汁，京蔥亦都好足料，熱辣辣食落去好滿足，送飯食一流♡̴ 菠蘿拔絲咕嚕肉咕嚕肉皮爽肉嫩，配合菠蘿夠晒開胃，個汁啱啱好，唔會太甜，亦都唔會太酸，仲真係可以做到拉絲嘅效果！好食！♡̴ 豬潤啫啫鮮雞煲啲雞肉好嫩滑，啖啖肉，豬潤食落都好綿香，又有咬口，加上個味汁好出色，有少少辣味好香口，加埋一齊真係絕配！💰$200-300/1p⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆⊶⊷⊶⊷⊶ ⊶⊷⊶⊷⊶⊷⋆評分(五星為滿分)⭐️⭐️⭐️ ⭐️ ⭐️

📍新肥泉喺官涌街市樓上大排檔，如果怕污糟就唔好去，暫時天氣唔算太熱上去食飯都OK，有大風機吹下，但天氣再熱D，三十幾度我就頂唔住～🥢潮爆黃金炸魚皮每片炸魚皮包上薄薄嘅鹹蛋黃醬，咸咸香香，佐酒🍺一流🥢炸大腸大排檔梗係要食炸大腸啦，外脆內軟有質感，又冇臭味🥢蒜片頭抽煎海蝦🦐蝦碌大大隻，頭抽入晒蝦度好鮮味，啜埋個蝦頭蝦膏，正呀😋🥢薑蔥生蠔煲🦪肥美蠔肉加埋勁多薑蔥煮吸收晒蠔嘅精華，搞到D蔥係最好食🥢金銀蛋菜芯🥬怕炒菜太油，所以揀咗金銀蛋上湯煮菜，感覺健康D🥢芥末炒牛柳粒🐮牛柳粒切到bite size,每粒俾調左味Wasabi醬汁薄薄包住，味道唔會公鼻🥢老乾媽炒四季豆🫛火候控制得好好，肉碎四季豆炒得好乾身，少少辣好惹味🥢味菜炒牛柏葉牛柏葉吸收晒鹹酸菜嘅味道，不過芡汁太濃2️⃣支啤酒🍻5️⃣支汽水💰是日晚餐$1270💰人均消費$320評語：新肥泉小菜嘅價錢牌同一般酒樓價錢差唔多，不過佢碟頭都大，餸菜比較濃味，正宗大排檔味道同環境，想試大排檔風味就可以試試。

自助餐同日式放題就試得多，大排檔小菜任食你又試過未？今次嚟到位於佐敦嘅官涌市政大廈，準備大擦一餐！第一次黎食所以叫左個最平嘅任食黎小試牛刀，$288 可以任飲任食90分鐘，菜式包豬、牛、雞、小食、粥粉麵飯、小炒、砂鍋煲同各款飲品，想食海鮮嘅可以叫$488 嘅任食。所有食物嘅份量都係例牌，唔會因為人數而改變份量，所以如果想試得多款就要同多啲朋友一齊黎。今次我只係同老公兩個人黎食，但我地戰鬥力都唔野少，兩個人食左十道菜，不過份量真係好係好大，有時真係食到生無可戀，提提大家記得係限時內要食完所叫嘅食物，否則會被罰款架，所以最緊要係食得曬，先好嗌！-🌖香辣新鮮魚皮 $68魚皮爽脆，厚薄適中，香辣程度屬BB級，令人一啖接一啖。🌗麻辣嗦螺 $98一窩入面有非常多隻，每隻都細細隻好入味，不過進食方法稍為麻煩，唔太適合任食時order。🌖特色金沙雞翼 $108一碟10隻雞翼，隻隻都大隻肥美，而且沾滿金沙鹹蛋黃醬，鹹中有大少少酸味，似係特意為金沙雞翼消除膩感。🌖酸薑皮蛋 $48皮蛋有雪花紋，酸薑份量夠多。🌗潮爆黃金炸魚皮 $98魚皮有薄有厚，每件都沾有鹹蛋黃，而且份量超爆多！食到生無可戀😂，兩個人嚟真係

OpenRice 見到咁多人推介，一心諗住大排檔平平哋食晚飯，四個朋友食飯，傾下計吹下水，食咗普通小菜及平價海鮮,味道一般不是出色，但係價錢貴，食咗涼伴魚皮、鮑魚煲、豆腐魚雲湯、上湯菜、烚蝦（例排）、花螺、埾上炒米粉，味道不算好好食，海鮮份量亦唔多，飲咗幾支汽水，埋單加埋一服務費$1700😱街市大排檔加一，超出我想像😅

今晚與家人去到佐敦。由佐敦站C2出口，數分鐘便到達新肥泉海鮮大排檔。大排檔位於佐敦寶靈街17號官涌市政大廈2樓熟食中心，如果乘搭高鐵至九龍站，亦可經站內通道步行至柯士甸站F出口，再由廣東道轉入寶靈街，十分鐘左右到，非常方便 。 首先，我們點選了這裡引人入勝的鮑魚雞煲。大塊嫩滑的鮑魚與香氣四溢的雞肉在煲內交相輝映，入口彈牙的鮑魚搭配著鮮嫩多汁的雞肉，好味道在口中瀰漫，讓我們回味無窮。雞汁濃郁鮮美，絕對是這道料理的一大亮點，溫潤滋味，深得人心。 接著是肥泉小炒王，這道菜肴淋漓盡致地展現了大排檔風味的獨特魅力。每一口都香氣撲鼻，韭菜花在鍋中迅速炒製，保持了食材的鮮嫩口感和原汁原味。香氣十足的醬汁讓這道菜更加引人入勝，一口接一口，讓人難以抗拒。 而酥炸墨魚餅則展現了惹味的一面。墨魚鮮嫩彈牙，外皮酥脆香喷喷，每一口都散發出濃郁的墨魚香氣。搭配上特製的醬料，酥炸墨魚餅更是美味至極，讓人欲罷不能。 最後，配合絲苗白飯，更是最好配襯。米香四溢，口感細軟，每一口都讓人感受到滿滿的幸福。絲苗白飯的清淡口感與其他菜式的濃香鮮美形成了完美的味覺平衡，讓整餐更加順口。 總的來說，這裡給人一種美食大排檔風味的享受

我今日放工後，順道約同好友去位於佐敦寶靈街17號官涌市政大廈2樓熟食中心的新肥泉海鮮大排檔食晚飯，環境闊落開揚，舊式大排檔的搭配，人頭湧湧，很是熱鬧。我點左個松子黃花魚$208，好友點左個招牌涼瓜炒蛋$108，及黑椒野菌牛柳粒$128，白飯1碗$10，另外要加一服務費。黃花魚炸得皮脆肉嫩，很香口和好妹，伴菜豐富及拌著開胃甜酸汁，整體賣相不錯。招牌涼瓜炒蛋份量好，蛋炒得嫩滑好味，涼瓜翠綠爽口；野菌牛柳粒好有獲氣，熱辣辣的牛柳粒好鮮嫩入味。