新高麗苑韓國餐廳

營業中

休息中

曾幾何時，韓燒自助餐當道，當年有漢和、漢陽院等，一班年青人就係狂風掃落葉咁狂燒狂食，個個都好似食肉獸咁，尤其是d男仔。而當年的我，最喜歡的韓燒自助餐就是新高麗苑。時隔多年，以前最出名的韓燒自助餐好似都執得七七八八，唯獨新高麗苑依然繼續做緊生意。咁多年無去，再黎番呢間餐廳，最想既唔係食個夠，而係好想重拾童年回憶，順便帶個女去見識下呢d老店。門口嗰三十級樓梯，簡直係考驗一下為食的食客，我們一家當然無問題啦！呢度咁多年黎都係街坊價，夜晚自助餐價錢真係唔貴，而且無限時食物的種類同以往差不多，我最喜歡的是牛舌，老公最喜歡燒排骨，囡囡最喜歡肥牛。我們一致覺得燒菠蘿無得輸，又甜又多汁。韓燒當然唔少得配菜啦！配菜都真係款款都好味，尤其是酸青瓜同埋豆腐卜呢度有少量熱食，我食咗個豬腳薑，炆得好入味呀！甜品方面，真係令我童年的回憶番番哂黎！有涼粉、啫喱、melona雪條、牛奶公司的雪糕。講真，全部都唔係咩貴價野，但就係兒時快樂的泉源。呢餐飯，食得開心既唔止係因為d食物，仲係情懷。事實上，整晚幫襯既客人唔多，walk in 都大把位，希望呢間老店可以繼續經營落去，我地一定會再番黎幫襯！

今日一試新高麗苑韓國餐廳嘅任食韓燒，真係讓我眼前一亮🌟！食物選擇超多，仲特別新鮮，每樣菜都好似剛剛從廚房出嚟咁。前菜由韓式泡菜到凍豆腐，每款都一試難忘。肉類多到眼花撩亂，五花腩啲肥脆嘅邊緣，豬扒鹹香中帶微妙炭烤香，唔係普通嘅正！🍖特級肥牛細膩得黎滿嘴肉香，我兩碟就唔夠喉。加上嗰啲汁味濃郁嘅牛舌，牙齦都覺得幸福滿滿。亦有海鮮提供，個蝦爽口彈牙，三文魚滑溜嘅質感配埋燒焦嘅香味，正到不得了！🍤蔬菜同樣新鮮有勁，冬菇啲口感夠晒彈性。唔少得韓燒必備嘅雜菜湯，辣辣暖笠笠，另一邊嘅人蔘雞湯飲落去夠晒回甘。甜品環節，我就愛上咗佢哋嘅喳喳同韓式雪糕，絕對係滿足嘅完結。總括嚟講，呢度唔止食物上乘，服務質素都跟得上，真係價錢實惠之選。下次有機會，一定再嚟光顧，嘗返哩一盤盤靚嘢！👍

呢間韓燒，正宗得滯啊！🥩 插電燒得嘅豬五花，呢個脆皮鮮香，肥瘦得宜，咬落香脆得嚟唔肥膩，口感正！牛肉嗰邊，腍滑好入味，真係入口即溶，滿足感爆燈💥！再嚟件驚喜係雞肉。多時雞肉燒烤都易做得乾柴，不過呢度雞扒保持住嫩滑，略帶香烤味，好夾！涼菜就咸香微酸，開胃得嚟啱晒配肉食，夏天食最正👌！枱邊個服務，親切有禮，又唔會成日黐住你嘅感覺，好岩食嘢傾偈。整體黎講，係一個幾可以嘅地方，呢個價錢得嘅體驗，真係物超所值！燒得爽口，食得暢快，韓燒控，一定唔好錯過啊！

经过很多次都想试，今天约了朋友附近睇戲專登约吃，原本以為是贵嘢，但是日午餐自己燒揀了"牛肉"$68+10%=每人$75，性价比高。原先在此先睇評价，發现有说衛生一般及員工態度不太好等，但今天親身试过感覺1)環境装修較傳統，但也可籍此感受懷舊特色2)套餐包反，肉(自選可揀厨房燒埋同价)，茶，湯，花奶啫喱3)牛肉腌夠味加少許醬油送反好吃4)约下午1点不用等位被安排濶落卡座，雖然不很爆座，但期間也有客人Keep住幫襯(只是个别客人声浪較大有点嘈)5)員工態度正常沒有不禮貌喎。總括，也會推薦朋友P.S.如以上套餐有"双拼"肉，就算+$20我也会選，反正餐廳都係做咁多功夫，不如比客人试多1種肉(不用Double量，比多半份量双肉平均)又可做多$20生意可说是"双贏"。

 在附近約了朋友吃午飯, 本想食茶記算, 見到有韓燒午市套餐不貴, 兩位才150元兩個餐, 就想試下, 點了豬頸肉和雞肉自己燒每位有3小碟配菜兩位有6小碟, 還有兩位胡椒湯及飯, 甜品有啫喱十分抵食, 肉也新鮮調味不錯, 服務也很好, 唯有一事令我非常不安 入大門口見到很美的8條錦鋰, 很大條擠在一個小魚缸很可憐, 我養開金魚, 魚兒太大缸太細不夠氧氣, 魚兒很辛苦的在水面吸氣, 相信這缸是老闆的風水魚養了很久, 香港地租又貴要有大魚缸也不易, 但如錦鋰是作招財用途而魚兒又每天在受苦, 這也是風水大忌, 希望老闆可能的話令牠們活得舒服一點, 又或可與黃大仙/志蓮淨苑有好環境魚塘的管事人商討, 送了出去, 讓牠們臨終也可活得舒服快活, 此乃無量功德才是真正招財之法, 祝老闆生意興隆

離家不遠，所以選擇呢度， 沒想過多年前黎過 而家唔同曬 ……爐火方面， 同朋友燒足90分鐘， 就要換3次鐵板。過程當中， 不斷痴底， 就算食物做到幾好食， 都冇法盡情享受……食物方面， 採用自助式， 但生肉就禁放係出面， 一啲蓋都冇， 令人不禁擔心起 衛生同食物係唔係新鮮， 難怪有一組客人未入座 只是看環境後離開⋯⋯價錢上小貴 接近300一位 但飲品又要額外收費，食物質素又欠奉， 呢度我未必會再黎 希望餐廳可以改善一下衞生環境， 如要堅持自助式 都從衞生角度 考慮

環境：屬於比較老派的裝修，但都ok。食物：肉係醃得夠入味，牛選擇多，秘制豬同牛ribs推薦。appetizer 多選擇，味道好多春魚好食，其它海鮮一般服務：啊姐態度良好，殷勤

路過間餐廳已經幾次，昨天中午終於試到。BBQ午餐很抵吃，只是六十幾元起。我看完餐牌，想試下西冷，於是叫了一客盛惠$128(另加一盒)的定食。點餐時待應姐姐已經說牛肉是比較大份，我說沒問題。送餐先上三碟前菜，一碗白飯，一碗湯。侍應姐姐很好，可以讓我選前菜。及後主餐到，像牛肉多過似西冷，但真的頗大份，味道不錯，相比鄰座的普通午餐，目測牛肉應該多一倍。但見鄰座一家幾口，每人點一份六十多元，有幾份肉類，已經十分豐富。餐後，侍應姐姐送來甜品啫喱，完成了今天的午餐。

上個禮拜食完間垃圾光波爐韓燒，今個禮拜即係去食返間正常韓燒中和返！食物質素好好！牛豬雞同幾樣海鮮樣樣都有！幾鍾意佢係嘅肉放喺到任攞，唔使等佢上菜等到有晒時間，可以狂砌😋魷魚真係勁正！勁香勁好味不得不提係服務真係好好！由於我地晏咗去，有幾樣野都冇refill，但我地問姐姐佢都好樂意攞俾我地，仲攞咗大大碟驚我地唔夠😋食到尾尾食物區要收野，都提我地要攞多啲！仲教我地點燒啲肉香啲😂仲幫我地燒！食到夠鐘都叫我地慢慢嚟，唔夠再拎！好有賓至如歸的感覺！

久唔久就會有個想食個簡單燒肉既時間，我就會黎西環尾呢間新高麗苑食個快燒肉lunch。佢lunch 燒烤有唔同選擇，有豬肉，雞，五花腩等等，我個人最愛食五花腩😋d肥野平時好少食但燒親呢個一定食佢！燒到少少乾身係好正。多油既肉燒起無咁易粮方便好多！😆通常2人有6碟，4人有12碟泡菜，睇到花多眼亂！😋😋除左飯外，仲有碗胡椒湯，送啖飯食真的很讚哦！分數：（10分滿分💛）味道：8價錢：8環境服務：7.5（以上評分只是本人個人口味而已）

禁晚市，所有餐廳生意大受影響，有些結業，有些暫停營業，有些苦撐轉營做外賣，各出奇謀，為的都是生活。「新高麗苑」晚市一直都係做二百零蚊嘅韓燒放題，而家唯有外賣餐盒同燒肉，幾十蚊一個餐盒連餐湯，真係抵到爛，西友真係要去支持下。🥢牛肉餐盒套餐 $60⭐️⭐️⭐️⭐️每個餐都有3個自選前菜、白飯同牛骨湯，前菜有10款選擇，豆卜同薯仔個汁甜甜地幾好味，豆卜入口爆汁，薯仔腍兼入味，而醃蘿白酸度剛好好開胃。主菜牛肉係用上偏瘦嘅肥牛，少少鞋但醃得好入味所以我一向都鍾意食，如果堂食包生菜好正，而家變咗白飯蘸汁都唔差，成個飯一下子吞晒。🥢牛排骨餐盒套餐 $70⭐️⭐️⭐️⭐️呢個牛排骨有5件，煎得香口惹味唔會乾，如果鍾意食骨嘅人必試，至於前菜豆芽同魚仔兩樣都好味，我第二次再幫襯餐盒，心水推介前菜係豆卜、薯仔同魚仔，三樣都係甜嘅好好味。二人共消費：$130 (外賣自取)

很久也沒有吃過韓國菜了，一時興起便跟着男友來到這間餐廳食韓燒。踏進餐廳，裏頭的水晶吊燈、木製舊傢俱以及復古擺設等，都令食客好像回到了20年前一樣我光顧這家韓國餐廳起碼有五次以上，無論是中午或晚上都嘗過。中午推出全部都是自選午餐，當中也可以選擇烤肉午餐（自己燒），午餐比較便宜，因為有甜品有湯有飲料，整個午餐只需要50-70元左右。至於晚餐主要是自助餐形式，種類很多，味道又好吃，而且還有人參雞湯！

之前同女友黎西環影下相，黎到附近食左先去。見到呢間58蚊韓燒一碟加前菜等。。就試左呢間。Lunch可以話好抵食。cp值高，味道唔錯，招呼都幾好。所以今次假期再黎呢頭行街，又想再黎食。晚市6點9黎到，等位等到7點半。食個半鐘。個人覺得唔多夠時間，不過夠鐘又冇摧我地。可能冇人入啦，幾好，慢慢休息埋再行。食物質素唔算高，不過都幾ok既。唔會覺得唔新鮮。不過奇在冇任飲，只得湯，茶。汽水酒類橙汁要加錢。呢樣係我覺得唔好既地方，即時分數拉低左。埋單480（218x2+10%)，找錢20蚊，太多碎銀，拎左17蚊走。3蚊tips... 不過覺得咗樣好煩下，又扣一扣分。服務又冇其他人講到咁差，叫加水又會好快加，清碟都算清得密既。總結。lunch黎食cp值高。唔好錯過Dinner就覺得中下，價錢唔貴，但總感覺cp值低，黎食一次晚市應該唔會再黎。

放假去香港大學，lunch就去呢間抵食的韓燒與一般韓式餐廳類似中央是燒烤爐 晚市有任食午市即燒套餐 - $58牛肉、豬肉、豬扒、雞肉、牛肋骨(加$10)等(任揀一款)包開胃配菜、牛骨湯、白飯及甜品我們選了牛肉和牛肋骨韓式配菜 兩個人去食有六碟記得可以換你鍾意的配菜我就必定點泡菜同魚仔碗牛骨湯超入味，好想添多幾碗飲韓式牛肉標準的韓式醬醃製，牛美濃牛肋骨 也是傳統醃製，燒骨比較香甜品一碗花奶啫喱，好耐冇食過啦～慢慢燒到燒咗成個鐘～真係抵食推介

午市揀左唔洗自己燒既套餐餸揀左牛肉前菜有3款：豆卜，芽菜，薯仔都係正常薯仔甜味可以重少少咁多前菜款式算幾多湯好重胡椒值得一讚牛肉唔係肥牛，唔肥得黎又唔un，幾juicy成個set 6x唔錯