新麻蒲 BBQ (新都會廣場) (已結業)

家庭日食新麻蒲的下午茶餐，份量多之餘價錢合理。先選Happy Hour Set 2人餐，4人分享。3牛1豬組合：新麻蒲牛護心肉、秘製牛肋排、韓式秘製烤牛肉和新麻蒲五花肉。再加$48 追加一主食，選了海鮮辣豆腐鍋 ；餐飲加$12/杯，要了酸梅汽水和熱柚子茶。 再散叫了鮑魚蔘雞湯。前菜有泡菜、海帶和洋蔥，可追加的，醒胃十分。店員隨即準備鐵網爐，Happy Hour Set 都上了。 3款牛均切成條狀，方便燒烤。 其中護心肉和牛助排，燒起再點燒烤汁和辣醬，就是簡單好味。 雞湯湯身滑中帶黏，人蔘雞肉嫩滑；海鮮辣豆腐鍋，湯拌飯食係可以飲得盡成鍋湯架。

不知所謂的服務，趕客走嘅餐廳好極有限，食物好食但職員無禮貌，食客是有感覺，何況會喺食客面前講「行快啲啦！後面有2個人等緊⋯⋯」😡😡🤬，真係火到嚟，食完野都背脊骨落🤮平心而論時限90分鐘，我地過左20分鐘，你提我地，我地絕對接受，咁我地咪燒快啲囉，都唔想阻住個場⋯⋯但幾分鐘內第二次又催場😤⋯⋯大佬，啲嘢食生架，燒都要時間，點話食就食晒俾返張枱你😠⋯⋯我建議嗰餐廳時間要咁捉得緊，好心啲職員幫啲客嗱嗱臨燒晒啲嘢，咁啲客咪可以專心食！咪可以早啲交返張枱囉！

咁啱經過葵芳，自己一個人食飯，又想食韓國野，喺openrice搵到新麻蒲，所以去試吓！我叫咗個燉牛排骨，飲品就叫咗藍天檸檬汽水，牛排骨份量都幾多，有10幾件，都燉到好淋好入味，一d都唔韌，牛味好重，藍天檸檬汽水原來係波子汽水加幾片檸檬，好fresh！

一個人係葵芳行街，又唔知去邊度食好，經過新都會廣場，見到有韓國菜，就食呢間新麻蒲啦。見到餐牌都幾吸引，一坐低就有前菜食，分別有芽菜同泡菜。最後揀咗燉牛排骨配白飯，飲熱柚子蜜。其實一個人午餐真係好寫意，埋單100蚊。牛排骨好冧，好入味，湯底偏甜，但好味！配白飯真係好岩！牛排骨都有8大件，其實真係食到好飽。好滿足嘅一餐！

年初三同老公指定活動睇戲。因為都知假期人多，所以未夠六点巳决定食晚餐。即興提議去食韓燒，咁梗係揀幫襯多次既新麻浦。之前試過幾次叫set, 所以今次决定散叫。老公想食豬皮，我又想食五花腩，而牛就必食推介。食刭中途再加個海鲜豆腐鍋，真係接近完美。不過唯一就係限時。

一向食開銅鑼灣個間 第一次試葵芳分店 呢間既位比較隱蔽 同另一間韓國炸雞店平排既 今次我地叫左個火山芝士飯，五花肉同醃牛肉 最欣賞佢地既泡菜 超好食 酸同辣都適中 最嚇人既係個爐好猛火 好睇個員工好好幫我地換左另一塊板 就解決左呢個問題 坐位亦算闊落 同朋友同事放工後食飯都唔錯既選擇

通常和同事們午餐時段吃烤肉，一來抵吃，二來抵吃，三來也是抵吃😂不過服務員比較繁忙，所以很難叫他們加東西，不過也能理解的，因為人手不夠吧豬類是比牛出息，所以近幾次也只叫豬頸肉及豬護心肉了☺️豬護心肉特別好吃的，是經過調味，冬姑及雞肶姑也很肥大肉厚，所以我們還是每月也會來一次，小菜也可免費續添

午餐買3送1，好抵就去食，最好食既係風味牛肉湯飯，好大碗，1個人會食唔曬，牛肉好淋，入面仲有唔同既菇。另外叫咗個牛肉濃湯，味道淡，麻麻地，入面係類似牛展，有d難咬

二人餐有豬有牛有菇😚😚😚份量好多，好彩朋友食得多，否則真係食唔晒🤪牛肉好鬆化，入口都有即溶嘅感覺(當然都係因為我廚藝幾好，燒得啱啱好🤣🤣)，同埋佢唔洗點調味，燒完都已經好惹味！😋😋五花腩都唔錯，肉汁豐富，正！估唔到佢有豬皮，其實除咗食麵嘅時候我會嗌豬皮，估唔到燒豬皮都幾得意，好味！😚😚同埋燒肉我會唧左d檸檬汁先食，唔會咁膩😛😛另外，鍾意呢度雖然係韓燒，但係唔會話好多油煙，火唔會太猛烈😝😝

有冇試過凍嘅石頭鍋飯？大家可以嚟呢度試下啦。我知道其實好多餐廳的石頭鍋飯嘅飯都係用電飯煲煮好咗再擺落去石鍋， 但係都唔會離普到啲飯係凍嘅， 就咁排好啲菜上去，就拎嚟畀客人食。最少你應該係鍋邊度加返啲水，然之後將個石鍋擺上個爐度，燒返熱有點飯焦先 serve 出來。現在連凍嘅石鍋都夠膽拎畀客人。 我知道你地中午價錢平＜＄78-168午餐＞，但使唔使做到比凍的石頭鍋飯客人食呀 ？一個冇可能做得難食，而且完全不需要技巧嘅韓國菜都可以畀你哋搞到咁，其他嘢唔使問喇，你仲會唔會再去這間試其他菜呢？仲有，抹了檯，但張檯依然是油潺潺的，衛生情況可想而知。

星期日夜晚去食, 要等20分鐘左右.2安人被安排到一個極古怪既座位, 正常座位卡位, 我地坐個位係2個一坐係一邊, 無左個卡, 面對行人路, 前方係放垃圾的餐車. 頭頂仲要係個冷氣出風位, 好凍 叫個左set, 好似$600左右, 個set有個部隊鍋, 牛, 豬, 海鮮, 前菜, 2杯飲品同甜品.都幾抵食, 2個人都食唔晒, 飽肚, 味道都算唔錯. d包住肉既生菜唔新鮮, 有d爛都照出, 叫服務員換左.杯飲品幾靚, 好吸晴, 係梳打汽水黎.個甜品難食到一點, 係唔知咩冰黎, 好大碗, 不過堅係難食.overall間野食物係ok的, 不過個座位真係差到一個點. 

今天約咗舊同事去葵芳新都會廣場新麻蒲BBQ食午餐, 點解要揀呢間 ,只因佢哋而家做緊買3送1, 非常抵食雖然訂咗位, 都要等一陣,因為午飯時間實在太多人了😜入咗位之後就有四碟前菜 ， 可以食完再加🤭今次叫咗 芝士年糕炒拉麵烤秘製牛肉石鍋拌飯火山芝士泡菜炒飯食物份量十足， 且美味可口👍餐飲叫咗藍天檸檬汽水， 色澤漂亮， 好襯今天嘅天氣😍四個人食咗二百幾蚊， 每人才不過平均食咗65元， 食物不錯， 座位闊落 ,絕對會有下次

相比其他韓式燒肉店，呢度算係快靚正， 而且店員都比較有禮貌！是次晚餐點左一個二人嘅烤肉套餐，有豬丶有牛，另外叫咗兩個拌飯，因為淨係食肉真係會死㗎。。。之前都喺度食過牛肉拌飯，今次就試章魚拌飯同全州拌飯， 可能係我對韓國拌飯嘅認知不足，食起上嚟，我覺得所有拌飯嘅味道都差不多，甚至乎係每一間鋪頭嘅味道都差不多。。。 初初以為章魚拌飯裏面嘅章魚粒粒會好韌， 好彩食起上嚟唔韌，仲有少少鮮甜， 已經喺呢一餐飯好嘅開始！先上一碟豬拼盤，其中一樣叫豬皮嘅嘢，聽起上嚟同睇起上嚟都好核突，但估你唔到，只要燒耐少少，食起上嚟真係幾好食！ 總括只可以講：牛拼盤比豬拼盤好食， 因為所有韓燒嘅味道都係差不多，只係呢間冇出面嗰啲咁咸。。。BTW, 如果係三五知己嚟食，建議大家可以點一個 tower, 因為tower 比散叫細啤化算！

星期日夜晚想食韓國燒肉，8點左右到，已經好多情侶喺到等位，好彩拎完飛等15分鐘左右就入得<3 第一次食，心思思牛肉豬肉都想試下，叫左個【牛/豬肉套餐】，份量十分多！3碟燒肉、新鮮蝦，部隊鍋、外加蔬菜雜盤，甜品飲品，還有火炙牛肉壽司，喺面前即刻燒，非常有趣隨餐附送兩杯非酒精飲料 我地揀左【藍天檸檬汽水】不過不失喇，但望落幾養眼甜品二選一，揀左餐牌上推薦嘅紅豆豆粉雪花冰非常失望，賣相十分差，倒胃口，食落味道亦好淡

新麻蒲是葵芳一間韓式燒肉店，入面的佈置令你彷如置身於首爾的烤肉店：銀色的申縮抽氣煙囪，黑色的主旋律佈置，背景播放著節拍強烈的K-pop。要食得健康，飲食必須要營養均衡，進食講究次序，先菜後肉可以減少油份吸收，韓式料理同我的飲食信仰不謀而合。前菜柚子沙律、前菜四小碟，是健康飲食的前奏，接落黎係肉類：牛肉、豬護心肉，帶來豐富的蛋白質。至於爐邊加入蛋漿，燒肉時帶來的餘溫將蛋漿慢慢煮熟，亦係蛋白質的泉源。午巿套餐買三送一，三個燒肉餐加一個燉牛肋骨餐就岩岩好。