新麻蒲 BBQ (新都會廣場) (已結業)

新麻蒲食過晚巿燒肉好抵食，今日襯住做完Body Check黎試下佢午巿買三送一優惠！十二點一開門我地就入去，所以仲有窗口位坐。四個午巿套餐會送最平果個，我地揀左兩個燒肉餐，一個燉牛肋骨，仲有個冷麵。一黎有四小碟韓國泡菜作前菜，仲有沙律同蔬菜添！兩個燒肉套餐都幾多野食，中價果個餐有牛肋條同豬護心肉，而平價果個餐有豬頸肉同豬護心肉，肉質唔錯兼醃得入味！燒肉果陣有抽風將油煙抽走，唔驚成身油煙味。燉牛肋骨好淋，個湯非常濃郁，愛黎送飯一流。至於個冷麵外表睇落平平無奇，食落有驚喜，黑色的冷麵質地非常彈牙，食完熱辣辣的燒肉再食返冷麵可以降下火平衡下，爽呀！

继续生日飯不停……多謝我既好姊妹同我補祝🎉🎊🎂😘。揀左我至愛新麻蒲食韓燒🔥🥩😋。叫左個2人午餐，另外加多個一人午餐……诲鲜豆腐鍋。前菜仲可以冇限添加，2個人食左3百零元已經好滿足。原本想叫多甜品棉花冰都食吾落

又到左一個星期最期待嘅Happy Friday 😍諗下同d同事食乜好呢？通常星期五我地都多d人一齊食，諗諗下好似好耐無食新麻蒲，即刻打去book位先🤨不過我地成十個八個去就算book左都要早少少落去🏃🏻‍♀️🏃🏻‍♂️佢嘅午市套餐都幾抵，有買三送一🤪我今次揀左燉牛骨牛肉濃湯麵，雖然佢話濃，但其實都算幾清淡，我個人就好喜歡💕，不過我d同事食慣濃味就覺得偏淡😅，成碗麵係用石鍋裝住，好夠熱，而且好多類似牛𦟌嘅肉，大概有六塊，不過略嫌有少少羶味🙊，入面除左有麵之外，佢另外仲跟左一碗白飯🍚，仲有飲品，飲品除左有一般咖啡奶茶柚子茶之外，仲有d特飲，我揀左一杯藍色嘅梳打🍹酸酸甜甜幾解渴🥰另外值得一提係佢會提供六款前菜，其中泡菜係最好味而且免費refill，我地黎親都refill 好幾次，呢度坐得都幾舒服，成班人嘻嘻哈哈又一餐😁

熱愛吃燒肉的我來了🔥 今次是第二次來新麻浦食韓燒！之前食過其他分店的，記得不錯所以再來！用餐時間：晚上9點(行完街剛好9點，見到9點有happy hour 2人set $248 於是點了）🌟happy hour 2ppl set $248新麻蒲䕶心肉秘製豬頸肉新麻蒲五花肉牛肋排肉特選什錦拼盤不知道是不是happy hour set的關係，這次的肉質很一般店內環境也很寬敞我最喜歡吃的五花腩！因為太喜歡吃五花腩的關係，本來想追加一份，最後試吃了但是肉質不是很嫩放棄追加....套餐還有2只蝦，我覺得全晚最吸引可能是這2只蝦了！這次整體我覺得OK, 沒有上次在其他分店的好吃！

經過新都會廣場，發現成個商場都翻新左，食店都多左。發現而家居然有韓燒店，於是和友人一起入去品嘗一下。中午時段人流未算太爆，walk in入去唔洗排隊已經可以安排就座。餐廳環境都不錯。就座後好快就上左幾款韓式小菜，例如泡菜，蘿蔔啊等等。 餐牌選擇都唔少，除了肉類外韓式伴面和伴飯之類的主食提供。大家不喜歡燒烤都可以點其它食物，不一定要燒烤。點好食物，店員好快就幫我地準備，燒烤仲有泡菜蛋無限refill。我地叫左一牛一豬，店員仲送左個沙律比我地。護心肉同五花腩都不錯，可以包生菜/點醬食。不得不提點，醬食能夠掉出肉汁的本味。

呢個Set有幾款牛肉同埋小小蔬菜，牛肉醃得入味，而且擺得幾靚，仲有芝士腸仔同埋雞比菇！爐邊蛋記得要早d食，如果唔系就會變硬！所有食材都好新鮮！呢個set仲包一個部隊鍋，系隔離有個爐燒住就唔怕凍曬~ 入面都有大量蔬菜例如金菇，菜等，湯底雖然唔系靚湯但係都唔算太重味精，2個人分量岩岩好！但係如果食量大既朋友仔就可能要再加野食啦！

好耐冇自己一个人食餐豐富。趁返工前要去葵芳拎信用卡禮物🎁，去食個我至愛韓國🇰🇷午餐。新麻蒲BBQ選擇多,而且又超值。我呢个set - 海鲜豆腐鍋，$68包埋🥤，前菜任食，而且我係會員免埋加一，真係好抵👍🏻。重點係啲食物質素好，職員服務態度又好。不過葵芳分店始終係寫字樓區，lunch time 十二点零已好多人!

新都會依一間既麻蒲係我同同事bucket list其中一間, 貪佢lunch 三送一, 非常抵食, lunch 仲有餐飲跟, 我自己鐘意order 藍天檸檬汽水, 味道係七喜但味道幾特別架！一坐底就會有配菜, 係可以任refill架, 飯前食少少辣野係幾開胃架！而且我覺得幾入味, 一d都唔求其menu入面我自己最鐘意就係6號仔-烤秘牛肉配白飯, 入面仲有少少韓國粉絲, 湯底偏甜,我自己好鐘意, 但如果想食辣少少我覺得撈d泡菜落去都有另一道風味架！

今日姊妹淘，由於朋友帶bb出黎，所以就選了鐵路沿線座落葵芳的新麻蒲bbq。我們4大人1bb安排坐於卡位，座位也算是寬敞舒適。本身叫了餐廳安排bb櫈，但可能因為係烤肉店，bb櫈都黏黏的，所以朋友安排bb坐在卡位旁，沒有使用bb櫈。由於有bb, 我們沒有叫韓式燒烤，我們點了石鍋拌飯（章魚）$78、鮑魚参雞湯$88、海鮮嫩豆腐湯$68及烤豬肉（辣）$68。另外，飲品點了熱檸茶1杯、覆盤子紅醋汽水1杯及藍天檸檬汽水兩杯。由於餐廳做買三送一優惠，所以收最貴的三個餐價錢，就可享用4個餐。石鍋拌飯（章魚），幾辣，章魚可以。鮑魚参雞湯，雞滑，材料足、味道正常。海鮮嫩豆腐湯，幾辣，豆腐好嫩滑，材料都豐富。烤豬肉，辣，豬肉都多。

今日食午飯，同家人食，叫個石窩飯，要牛肉，另叫個牛肉湯麵，最初來一個石窩飯，到麵上時，來的是芝士麵，我話唔係，要換，職員好似唔多想換，查完一輪后，再問我要牛肉湯麵，我話係，但要話成15分鐘才到，但來的是牛肉湯飯，我家人食完我都趕時間，所以無換。成日午餐都無牛肉湯飯。

之前都有食過哩間韓燒，今次帶朋友再次去食，其實係我自己想食。哩間d肉醃得幾好，唔會太鹹，而且好腍，，隔離d蛋都好好食，但一定要熟左就馬上食，否則太耐會開始變硬。

今晚轉戰葵芳繼續我地無飯夫妻偷食之旅，老婆落左order要禁絕澱粉質，easy汁完全無難度，一諗就諗到食韓燒！呢間自詡為韓國第一韓燒，試過午巿套餐已念念不忘，今晚朕要與妳共渡春宵。唔想自隊一個步隊鍋，睇見呢個泡菜仔居然以達人自居咁串咀，一於試下燒肉達人套餐！一開波趁住爐火純青，燒塊特級霜降牛肉，油脂分佈平均紋理又靚，我鍾意新麻蒲的爐火細唔會好多油煙，火候易掌握可以同老婆陰啲陰啲慢慢燒。霜降入口即溶，鬆化有牛味，靚牛即燒即食根本唔洗調味，齋試呢塊牛都已經滿足到不得了。世界第一唔敢講，葵芳第一一定走唔甩。品嚐完霜降，要進入加速模式了。狂風掃落葉式燒肉正式開動，有牛肋、牛護心、豬肩、豬頸，頭肩頸突破埋頸線就輪到豬排骨，燒肉達人當之無愧！再黎五花「腩」，千金裘，呼兒將出換美酒，與爾同銷萬古愁，今餐真係乜仇都報曬！超級滿足過後要諗嘅係要跑返幾多個圈先可以燃燒今餐卡路里！既然念左將進酒，緊係今朝有酒今朝醉，美食當前食左先算。唔可以唔提係爐邊果條罅，原來另有乾坤，趁開爐時灌入蛋漿，爐火溫度慢慢烘出泡菜玉子燒，真係別有一番滋味在心頭！

我係食肉獸中嘅牛魔王！韓燒？我ike！但唔會去食放題，原因好簡單（一）食得唔多，2round就完事 （二）CP值低，晚市放題平均$250，如果二人同行嘅話要$500以上，相對放題啲低級凍肉，$500 足以食到優質牛肉！麻蒲BBQ 嘅套餐係近期嘅推介！SS5 皇牌2人套餐 - 牛 + 豬肉套餐，有牛肋骨，霜降韓牛，護心肉，大海蝦，年糕，雜菌，豬肉香腸，4件火炙霜降牛肉壽司，部隊鍋一個，兩杯非酒精飲品，仲有甜品雪花冰一客。睇見都心郁郁！等我一一介紹！主角未上，配菜先嚟 - 泡菜款式繁多，有辣泡菜、醋醃蘿蔔片、海帶、洋蔥、芽菜泡菜、雜菜沙律，泡菜同埋生菜係可以無限添加。鍋邊仲有泡菜蛋，餸飯一流！霜降韓牛壽司 - 即場响你隔離燒俾你嚟，半熟韓牛香嫰可口，淋上麻醬，香到不得了！牛肋骨，護心肉都係醃漬肉，醬料甜甜地好入味，唔駛再點醬料，直接包菜食就最好喇！霜降韓牛比和牛少啲油，牛味重啲，相對又有咬口啲，4大片食得好滿足！大海蝦以為霉霉地，點知入口彈牙，蝦肉結實，意外驚喜。部隊鍋有拉麵，香腸，午餐肉，年糕片，仲有五花腩肉，好有飽足感，只可惜部隊鍋冇咗靈魂泡菜，要扣分喇！飲品揀咗金桔青檸果醋，有化解

之前聽朋友講話新麻蒲個Lunch好抵食，一直都想試下，但每次唔係早得濟未開，就係超多人喺門口等位，都無一次食到。今日同母親大人出葵芳買野，可能時間尚早門口既然無人等，即刻要試下。可能啱啱開門，門口無人帶位，要等一陣先有侍應見到我地出黎帶位。需然得兩個人，但安排左4人枱比我地，相當闊落。我叫左火山芝士泡菜炒飯加石榴果醋，媽媽叫左韓式豬肉餃子刀削麵加熱柚子茶，飲品先到，石榴果醋飲落個甜多過酸，唔係好似果醋，柚子茶正常。落好單侍應就放低左4碟前菜，有泡菜、芽菜、青瓜同西蘭花。除左西蘭花好難食，其他都正常。好快野食都黎，個炒飯超多，應該有兩碗飯。雖然係泡菜炒飯，但唔係好辣，飯面有芝士，都幾好食。旁邊個蛋超好味，入面都有芝士。個餃子刀削麵啲餸都有幾多蜆，有兩隻餃子，仲有啲好似係油豆腐，不過餃子就煮耐左，一夾就散，反而個麵幾好食，質感似烏冬，幾有咬口，個湯麵都幾好味，好香胡椒同麻油味。兩個餐都好大份，好努力咁食晒個刀削麵，但個飯就食唔晒，認真大件夾抵食。

平日放lunch時間都見幾多人排，所以一有時間就黎試下佢個午餐。午餐其實都算價錢中等，有3送1優惠，如果4人黎食就十分抵食。食物都唔錯，但就未算係好好味，比起其他韓國餐廳有少少比下去，因為燒肉都唔算好食而且偏貴。另外，想講嘅係員工服務態度真係差左少少，個個都黑口黑面，問多兩句都唔耐煩，好似想趕你走咁，所以整體黎講呢間餐廳真係一般般。