新麻蒲 BBQ (新都會廣場) (已結業)

次次經過，都想有機會穩個夜晚試下呢間的韓燒。但因為今天我地幾位午餐都諗唔到食咩好，就話不如試試呢間的午市套餐。平時都見夜晚大排長龍，但係今日午市去，冇乜食客。入去坐低，餐牌食物種類不多，我地每人就揀左一個韓國出名的鮑魚人蔘雞湯人蔘雞。見做緊午市套餐買三送一，所以我地叫左三個雞湯，就會免費送多一個牛肉飯。每台會送4款小食，有西蘭花加菇、泡菜、辣青瓜同埋辣芽菜。本人比較喜歡泡菜及辣青瓜，比較有味。雞湯一來到，熱乎乎的。入面有基本糯米飯，可惜飯太稀，食落冇乜味。而且雞太老，湯雖然夠滾，但係人蔘味少，紅棗未出味，感覺完全不正宗。飲湯仲飽過食飯。牛肉飯的牛肉沒有牛肉味，不值一提，不過因為免費及為左飽肚，要求不能高。我地三個野飲分別叫左：藍天檸檬汽水、雜莓果醋同酸梅果醋。樣子都頗為美觀，份量都夠大杯。其中藍天檸檬汽水較為好飲，其他2款似藥水味。環境來說，是值得稱讚的。有充足陽光，因為大玻璃對住葵芳站馬路，而座位寬敞同疏化坐得舒適。之後午市未必會再來，但是晚市會找機會光顧的。

食都可以，但侍應又超級有問題。事因係，我地食都未食完，侍應成日都黎掛住執野，左住我地一家人食嘢，我都萛啦，但食到最後時，大人就食完已停手了，但我的小朋友就仲未食完，侍應又來到我的枱子執野了，我的小朋友仲食緊的時候，不知道這位侍應是否未瞓醒，執執下好順手執左我的小朋友的碗，小朋友手中只剩返餐具，我們都嚇了一驚，我們都叫第一聲侍應一，未食完呀！侍應完全無反應，叫第二聲都沒有反應，我們要大聲叫停侍應，佢先有少少反應，好似如夢初醒，突然醒了，碗已夾碗已經執走，侍應仲比返我小朋友食，我話唔要啦，最後侍應都執走了未食完的食物，所以呢間店舖的侍應完全唔掂呀，以後不會再幫襯。

我同個friend嗌左個$118(冇記錯嘅話)嘅BBQ餐同個$68嘅套餐A嚟share個waitress擺低啲肉畀我地燒嘅時候話呢碟係豬肉一陣攞碟牛過嚟咁見牛好耐都未嚟就催一催個manager就話我地呢個set唔會分開兩碟上話牛已經畀左我地 仲話應該有兩種肉 有一種深色啲我緊係識分邊啲係牛定豬啦 唔識睇都食得出啦跟著我同個friend堅持話真係冇畀到佢就問我地個侍應係男定女話如果真係咁會要個侍應陪返錢 因為冇可能出錯答左係女就捉左2個嚟問係咪佢地大佬人地擺底嘢食就走架啦我點得間研究人地咩樣你咁想知可以自己check cctv啫最後死死氣用個鐵dow畀4粒牛仲話已經等於本身應有嘅份量又話咩我地嗰時未食晒啲豬係一碟嘅一半分量轉身走嘅時候勁大力咁一鋜打落條柱到bang一聲嚇到我地同附近啲枱都即刻抬頭望吓咩事仲未計佢喺我地收到牛之後不停bear住咁個bbq set就100%唔抵食啦如果好似佢講咁少仲要睇佢面色我不如去喜來稀肉冇咁嬲以後都唔去呢度

一星期食三次午餐，一次晚餐🤤食上癮了😅午市又平又抵食👍🏻以下是午餐價錢👇🏻$68/$78/$88/$118/$168，仲三送一添，今次埋單$308咋。推介燉牛排骨燒護心肉👍🏻🤤不過D女侍應就極具特色🙄🙄尢其是留海的那位😒聽到每枱也講緊，態度非常差，無禮，其實唔想做咪米做囉，又唔願執枱，放底食物時又大力😑又黑口黑面🤦🏻‍♀️你辛苦時，客人也受罪，食餐飯見到你什麼心情也沒有

第一次寫食評，今日同朋友試左呢度的午餐，都好多選擇，價錢都合理，我地當然要試下主打牛肉，味道吾錯，前菜又多選擇，座位舒適，員工服務態度好好，值得推介，有時間一定會再黎

最近似乎喺韓牛既季節😍好多間韓燒店都有返貨😎⠀⠀⠀⠀⠀⠀⠀⠀⠀⠀⠀⠀⠀⠀⠀但其實韓牛都分好多種登記😳從1++，1+，1/2/3😳數字越細，加號越多越高級😍⠀⠀⠀⠀⠀⠀⠀⠀⠀⠀⠀⠀⠀⠀⠀而由於成本關係，唔喺間間都會入1++韓牛😢⠀⠀⠀⠀⠀⠀⠀⠀⠀⠀⠀⠀⠀⠀⠀不過宜家你就可以喺新麻蒲試到！⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘快人快語💘💘💘 ⠀⠀⠀⠀⠀⠀⠀⠀⠀⠀⠀⠀⠀⠀⠀⠀*⃣新麻蒲單單於韓國已經有多達430間分店，其分店更加遍佈世界各地，本港店內裝潢主要仿照韓國分店而成，而味道則遵照韓國傳統，而其爐邊烤蛋，就比一般燒肉店嫩滑！值得讚賞！⠀⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1⃣1++濟州肉眼韓牛💲248💭1++韓牛作為最頂級既韓牛😍💭含豐富既不飽和脂肪及Omega-3💭有助降低血液中壞既膽固醇💭以及同保護心血管健康🤤🤤💭齋睇佢既油脂分佈已經好迷人💭幾乎入口即溶，完全唔韌😍⠀⠀⠀⠀⠀⠀⠀⠀⠀⠀⠀⠀⠀⠀⠀2⃣牛胸肉大醬湯💲68💭大醬湯可以話喺韓國最家常既湯類💭相當於味噌湯喺日本既地位一樣💭有好多雜菜，好fresh😍😍💭牛胸肉好軟淋，有驚喜💭不過湯稍微鹹

之前旺角店還存在既時候，我已經去食過任食放題，覺得護心肉唔錯，依家執左，我就去葵芳試下。哩到唔係任食，食返同樣食物，味道冇變仍然咁好味，不過散叫真係好貴，我都唔敢order太多，間唔中黎食下都ok

今晚是我和太太結婚四週年慶祝，她想普普通通食一餐。我們當晚在葵芳新都會廣場shopping。找了這間韓燒排隊，等了十四張枱（約用了半小時）才可進場。打開餐牌，選上了有牛和豬的二人套餐，加多杯菠蘿沙冰持飲。因女兒在年幼另選了韓式豬肉餃子刀削麵，比較味清。一如既往韓式的做法，先來幾碟小砵料理 和燒熱泡菜蛋漿。主菜先來韓式豬肉餃子刀削麵，女兒食得很開心（原來是烏冬麵）。菠蘿冰沙特飲＄88，原本來到杯菠蘿冰沙是很冰凍很正的，但另跟一支梳打是完全冇雪凍的。我對店員詢問，但店員回應：（冰沙已經很冰冷，所以梳打無需要雪凍）。？？點解飲冰沙會有這道理？？會嚴杯冰沙會太凍？梳打插了落去會不停滿瀉，要不停吸。到最後其實是吾夠冰凍的飲品，不可稱作冰沙！後來肉類拼盤到了還精致的，食落口牛肉普通， 已在預期。但厚切豬腩肉很有肉味，富有彈性。可惜食到中段店員突然給我帳單，同我講 last order。我再望一望點解還有入客？？店員同我講返原來每人限時入座只限一個半小時，我回應只食到一半都要我離開？店員說不可再加東西，就無回應便離開。我相信他們都是按老闆的規定辦事。又無在入座前預先講聲。明白返枱對營業的重要性 ，但

近排心血來潮好想試下韓國出名既「醬油蟹」咁就上網睇下邊度有得食，咁岩睇到openrice，「新麻蒲」又有燒肉食，又有醬油蟹，醬油蝦好多選擇，咁就約老公係31-05-2018 收工食喇。到左新到會見到已經有人排隊，我地都好開心諗住咁多人食，openrice啲人又講到好好食實冇死啦，咁就入到去，叫左：-SS5 牛/豬套餐 -醬油蟹 一份-醬油蝦一份一坐低見到成檯都係配菜，有泡菜，海帶，芽菜，洋蔥，蘿蔔，沙律，生菜，芝士粟米-醬油蝦我都係第一次食，我覺得個蝦頭啲膏都幾甜，啲肉冇咩味，似食緊生蝦刺身，點左佢跟黎既醬油會好食啲-醬油蟹依份醬油蟹真係好離譜！一黎到睇落去好似好好食架，又有膏，但係完全咸到食唔到！2百蚊一份蟹係可以咸到食唔到，直頭我同我老公想頂硬上唔好哂野食埋佢都做唔到，係食到我地怕怕，就係依份蟹嬲到我地要上黎openrice比負評。-SS5 牛/豬套餐套餐部隊鍋 -最快黎到 入邊有一個公仔麵，餐肉，腸仔，菇，泡菜啲餐肉係好粉好霉，啲菇好入味，個公仔麵我地諗住要煮就食左醬油蝦先，點知食完個蝦再食個麵，已經淋到唔好食，其實我覺得個部隊鍋可以由得個客人幾時煮先開火煮套餐霜降牛肉-有4塊，

除左火鍋外，另一樣我最經常食嘅，應該就係燒肉了。不論日式燒、韓式燒，始終都係去連鎖店多，畢竟價錢較相宜。提到韓燒，朋友間多數去某一兩間，反而第一次到訪新麻蒲。新都會分店面積都幾大，平日晚上都幾好生意。一貫韓燒裝潢格局，以卡座為主，闊落舒適。抽風不俗，至少食完都冇一陣燒肉味餐牌除左烤肉，亦有供應其他韓式料理，小食、拌飯、湯品、煎餅等，價格都係同一般連鎖韓國野差不多其實人少少食燒肉有時幾煩惱，想點多啲又怕食唔哂，但叫一兩款肉又好無癮。新麻蒲有套餐，分牛肉、豬肉、牛豬配搭，定價$368-678。點單後，店員就已經好快手上沙律、前菜、包肉生菜、醬油，滿滿一桌。麻醬沙律幾開胃，至於前菜可任添，包括有泡菜、酸蘿蔔、豆芽、白菜等，呢度嘅泡菜較淡，唔會好重口味。食韓國野至少要有咁嘅排場先滿足，店員見我地食完，亦有主動問及需要添加與否另一樣食韓燒最大嘅樂趣就係爐邊蛋喇，蛋漿加有少量泡菜，好快烤好，雖然偏淡，不過蛋皮微脆，一口接一口。此外仲有芝士粟米，不過份量唔多，而且只有頭一輪免費額外添加$28即可任食，相對其他韓燒略為失色啲。牛+豬肉套餐1 $548呢款套餐幾齊全，包括有特級霜降牛肉100g、護心肉1

這店在新都會開了一段時間了，但每次午飯時間都給它前面等候的人潮嚇怕了。那天與兩位男同事都想不到吃什麼，最後選擇試試這家。我點了海鮮豆腐鍋這個套餐，要少辣。先來的是三個前菜(泡菜/青瓜/海帶)，前菜味道不錯，也不太辣，飲品就選了酸梅汽水，味道都幾特別，幾清新。最後主菜也上了，味道比較清，應該說是太清，同事說可能我叫了少辣關係，醬料少了自然清了，但我的重點是不太覺有海鮮味，鍋裏看似很多料，有雞蛋、青瓜、一隻蝦、少許貝殼𩔬，但就沒有海鮮味，不過豆腐也幾嫩滑的，而整體飯餸份量對我來說是適中，兩位同事都說第一次看到我吃清一個套餐，也即是說他們兩位男士是不夠飽。最搞笑是我們最後發覺午市套餐是𧵗三送一，我們為何不多叫一個套餐呢?!  笨了 !

係香港食韓燒其實都幾貴，而且總係覺得冇韓國風味。不過原來新麻蒲BBQ有Happy Hour，係17:30前或者21:00後點指定既BBQ Set，價錢只係$248兩個人價錢咁抵，我同朋友都毫不猶豫要試一試！Happy Hour BBQ Set有四款肉：新麻蒲護心肉、秘製豬頸肉、新麻蒲五花肉、牛肋排肉，同埋特選什錦拼盤（年糕、蘑菇、金菇、大蝦）。一坐低侍應就送上好多韓國小菜，全部都酸酸辣辣好開胃，用黎包埋燒肉一齊食都好夾！最好既係侍應會主動幫忙Refill主角出場啦！一上菜既時候我同朋友都覺得點解啲肉咁少既，好驚唔夠食！不過其實呢個Set對於兩個女仔黎講都夠七、八成飽既！肉方面表現不錯，唔會好老同好靭，而且每款都有佢唔同既燒肉香味如果將肉剪開會更易控制，味道亦會較好反而啲年糕同蘑菇比較難控制，導致好易燶。飲品方面，呢個Set可以半價自選兩款非酒精類飲品。我同朋友都點左桑莓果醋，超級好飲，酸酸地好清新，仲可以中和番燒肉既油膩，簡直係Perfect Match*桑莓果醋 $14（半價）*最後，我同朋友都諗住試多一款肉，所以點左一份新麻蒲牛護心肉。牛肉同樣好多肉汁同好嫩，值得一試*新麻蒲牛護心

開張咁耐一直唔敢行入去，因為每次試呢D韓燒店都中伏，今次因為女兒扭肚餓，又見唔多人，膽粗粗入去試下，安排了一個非常舒適的空間卡位😍女兒餓到叫救命，求其叫住個牛肉套餐先，竟然好食喎😱再追加生蟹，點知原來已經一個月冇貨😢咁加左個生牛肉，不得了，竟然👍🏻👍🏻👍🏻🤤，牛護心👍🏻👍🏻😋牛肋肉👍🏻👍🏻👍🏻實在太意外啦！第一次冇中伏，太興𡚒了，搞到我隔2日又心思思再去🤤

係中午食佢既午市套餐，係一間不過不失既韓國店，因為係連鎖所以係意料之中既味道，佢比既泡菜，唔算係好有韓國味既泡菜，面食佢既豬肉泡菜飯，唔會好驚為天人，但中午想飽個肚都係唔錯既選擇。

屋企附近開左間韓式燒肉,之前其實已試過幾次。感覺係唔太抵食,同份量唔多。今日睇電視"孤獨的美食家"做緊個男主角係咁食燒肉,攪到好想食,但又唔想出葵芳,就比多次機會他啦。本人建議一係唔食,一食要食Ss5呢個set。因為最平個個2人餐都398,但比你既肉真係麻麻,似打邊爐既肥牛,難燒又唔好食,所以不如食呢個貴d la. 呢間韓燒一樣提供圍裙服務。先黎7碟前菜比你,任食架。個人最鐘意食個洋蔥,開胃又好食。入正題啦,首先黎個 火炙霜降牛肉sushi。職員會係你面前即燒,你仲可以選半熟定全熟。我就緊係選半生熟啦。上面加左芝麻醬。霜降牛肉好好食,啖啖油脂,正再黎上部隊鍋,有公仔麵腸仔等。冇咩特別。到主菜喇。由上至下有3碟,上層係蔬菜同海鮮。唔知點解他地個爐開到最大都係勁慢先熟。所以建議將上層既野放哂落部隊鍋到煮仲好食。第二層有超好食既霜降牛肉同必食既護心肉。霜降牛肉入口即溶,油脂分佈平均,好食。旁邊就係必食的護心肉。護心肉係咩黎架?其實係豬肉黎架,係豬橫隔膜與肝之間的肌肉肉筋,對身體好好架,仲有助減肥同鍛練肌肉架。女士聽到呢度,係未唔食唔得呢。最低層就係牛排骨喇。唔知點解見親呢隻色既肉都係好好食,