日常素食 (已結業)

餐廳環境寬敞，有不少綠色植物，與素食的主題十分貼切。自助餐分為3個時段 — 午餐、下午茶、晚餐。午餐和下午茶的用餐時間為75分鐘，而晚餐是90分鐘，絕對有足夠的時間用餐。小童和老人可以優惠的價錢享用自助餐，平十幾至二十蚊。另外，穿校服的學生都可以在中午放飯時間以優惠價食自助餐。由於疫情關係，食客都需要戴住口罩出去夾餸。餐廳食物種類多，有炸物、刺身、湯、甜點......。炸物有炸矮瓜，炸蝦，炸魚蛋等等，食落仍然脆口，不會因為擺放時間長而不脆。把咖喱汁淋上炸物會令整體更出色，能起到畫龍點睛的效果，因為炸物與咖喱汁非常夾。除了炸物，腐皮卷的皮也做得超脆口，十分驚喜。不少得的是傳統的羅漢齋，內有雪耳、雲耳、粟米條、馬蹄等，煮得很入味。食完主食可以食甜點，有馬拉糕、薑汁糕、桂花杞子糕等。整體甜點算是不錯，馬拉糕蒸得軟熟，而桂花糕有清香桂的花味又不會很甜，非常適合口味較清淡的人。最後，離座前收拾好自己用完的餐具並分類好便可，是一間很實在的素食餐廳！

平日吃葷多，間中吃素都唔錯。 來到黃大仙唔係去求籖，係去食先真，擇咗去食素，呢度有經濟客飯套餐，小菜套餐及放題，就揀放題($118)，可以食足90分全鐘，款式多元化，就算每款淺嘗都足夠飽肚😙。 食店地方寬大，坐座舒適，枱與枱之間有阻隔，環境衛生，客人取食物均有帶上口罩，防疫功夫做足，取食物後埋位再消毒🤲就安心進食。蒸，炸，炆，炒粥，粉，麵，飯，湯甜品，飲料以供選擇🥢🥢 款式多，食得開心，發覺無肉的一餐都有食肉的感覺，廚師真有一手。 菠蘿咕嚕肉，鹵水豆腐 四季豆，涼瓜支竹田園炒飯，上海粗炒齋鹵味，芋頭魚馬拉糕沙律Bar椰汁紅豆，糕桂花糕

屋企人話想去食下齋，哥搵到呢間做素食自助餐既幾得意，就睇下有咩特别喇入面唔算好多人，好快就入到去一坐低就梗係拿拿聲睇下有咩好野攞喇！沙律想要點配搭都得，有酸辣野，有雜果生菜，楊枝金露，其他冷盤都會放哂係度除此之外，仲有好多唔既餸，例如咕嚕肉，咖哩薯仔等仲有素菜必有既羅漢齋熱飲方面有五寶素羮，綠荳沙，非常滋潤想飲熱茶亦有大量供應夜晚食唔算好多人，有圍板同坐開d 大家都食得放心第一round 盡量食多d 菜先，之後再掃其他野糕點大多都係熱辣辣，有咬口，味道仲好有層次。豬手賣相做得好似，口感亦同豬肉相差不太遠素翅清得黎好好味仲有熱辣辣薑醋蛋咖哩撈飯，煎蘿蔔糕，叉燒都唔錯！

去完黃大廟，在黃大仙商埸兜個圈搵齋食， 商場比起以前變化很大食玩買應有盡有， 終於見到間齋舖，食放題的，好似好抵下午茶 只需68， 就去試試。環境感覺乾淨衛生，大約兩點鐘時段廚師陸陸續續添上新的食物。熱食方面有鹵水豆腐，還有很多炒瓜菜類新鮮出爐。炸物有天婦羅，矮瓜，蕃薯， 炸鮮奶， 芋頭魚，腐皮卷， 反沙芋頭等等。但唔敢食咁多因為怕食飽個肚， 但真係好吸引好好味。沙律新鮮，紅椒和青椒很爽脆。點心有馬拉糕，紫米糕， 蛋散和蒸紅豆糕，幾特別。整體甜品也不算太甜， 感覺比較健康， 我尤其喜愛紫米露，椰汁糕和桂花糕都好味。不得不提就是薑醋蛋，調得很入味，因為酸酸地，可以幫助消化。

周五晚兩口子下班後想吃素，便到家人推介的日常素食開餐。這天幫襯了他們的自助晚餐，免收加一，但收碟就要自助了。疫情期間，取食物飲品時需戴上口罩，雖然不便，但能保障自己和别人，這些功夫不能偷懶。食物種種蠻多，從頭盤沙律到主菜小食和甜品糖水，以至點心等等，均有供應。炸番薯味道清甜。炸茄子火侯控制剛好，使茄子仍然有咬口。蘿蔔糕香口，而且質感富有彈性。菠蘿咕嚕肉非常像真，口感與真實排骨相似。這款仿魚生也很有趣，口感富彈性，可以一試。有白飯也有白粥，這粥是我小時候常吃的味道，就是純粹的白粥，有夠清淡，也可清腸胃，是在外用膳罕見的味道。

媽媽👩🏻‍🦱話未去過呢間素食店，所以今日就同媽媽去黃大仙食番餐素食放題，係商場2樓地方夠大，乾淨又光猛💡 食物方面仲好多選擇，比一般素食放題還要多。炸物仲有好多選擇，炸蕃薯🍠係一定要食，我仲食到我好鍾意食嘅炸蜜瓜奶🍈、炸素蝦，好好味 冷盤類🧊都好多選擇，有辣拍青瓜、辣木耳、素海蜇、酸蘿蔔薑等等；沙律🥗有齊蕃茄、菠蘿、粟米、鷹嘴豆、沙律菜等等；仲有糕點類🥧有熱嘅又有凍嘅糕點🍮，款款都好好味 當然唔少得有主食🍛，主食都有十幾款比你揀；仲有白粥、白飯🍚；有湯、糖水、仲有好好味嘅五寶素羹；仲有凍烏梅汁及蜂蜜雪梨汁🥤 呢到唔止只係食放題🍽，仲可以經濟套餐🍱、傳統素食、小菜套餐。每款都好想食，但肚子裝不下，下次要再嚟食過，因為款式多，真係好多選擇，每樣都好好味，最重要唔油膩，價錢超抵食，正👍🏻 日常素食黃大仙龍翔道136號黃大仙中心北館2樓N201-N202及N226A號舖

素食舖好多地方都有，但係素食自助餐就唔係度度有，在網上見到黃大仙有素食自助餐，下午茶時間仲要$68/位，咁抵食拉埋姑姐去試下先！未到2點下午茶時間已經有人在門外等位，大約1：50侍應見到多人等都識做地安排入座，我地被編排坐卡位，餐廳位於商場最邊的位置，店內中空的空間感充足，座位很闊落而且疫情關係設有隔板！2點正開始出去拎食物，侍應有叮囑各客人需要戴口罩取食物，可能下午茶關係，長者客人的人數稍多，值得一讚餐廳的餐具係用環保物料，用得好放心。食物種類很多，有素湯，西式沙律，素鵝，蘿蔔糕，芋頭魚，薑醋，仲有最少六款熱葷，炒飯炒麵，甜品有蛋散，紅豆沙，桂花糕，椰汁糕，飲品有雪梨汁，酸梅汁，羅漢果水等等。我最鍾意食蘿蔔糕和素鵝，其他的味道都唔錯，68蚊食到咁多嘢，性價比真係好高，下次要帶埋媽咪嚟食！

近排好鍾意食素食，⭐周圍去試，呢一間素食佢可以散叫，亦都可以食自助餐，價錢比較平。分別早/午/晚都有自助餐。今次因為唔太肚餓。所以兩個人叫咗一個二人餐，$162 可以叫兩款餸，🍝一個炒麵或者🍚炒飯，還有甜品，一嚟到原來咁大碟，最初以為炒麵每人一碗，結果原來一大碟上，😋麵質好彈牙，但係味道比較淡，我非常鍾意吃芋頭魚，炸得外脆內軟，有芋頭香味，非常推介，但係素鴨就一般般，薄薄嘅素鴨入面包住蔬菜，但比較油膩，最後還送埋糖水，今次係番薯糖水，番薯好粉，整體唔會太甜，可以成碗食曬😊非常飽嘅一餐。

唔到你唔信，118元竟然可以食到有幾十款嘅素食放題，真係多謝朋友好介紹🙏🙏地方在商場內側，開放式設計，地方整齊清潔，食物全部靠牆位置，種類繁多……食具自取沙律吧 楊枝甘露…椰汁紅豆糕 桂花糕…我較喜歡椰汁紅豆糕味道，味重而且紅豆軟冧菠蘿咕嚕肉 茄子豆腐…咕嚕肉酸甜適中， 茄子豆腐好惹味回鍋肉 四季豆…咖哩薯仔 羅漢齋…炸春捲咖哩角 炸蕃薯 炸豆腐粒 …竟然有黃耳薑醋蛋，沒有肉的薑醋蛋， 口感都不遑多讓，反而冇咁膩滯😁😁蜂蜜雪梨汁， 清甜潤喉， 適合這個秋冬季節馬拉糕還有炒飯、炒麵、白粥、米飯、 素菜羹、 紅蘿蔔葛菜湯等……食物質素唔錯， 不會將價就貨，蔬菜新鮮，出菜頻密。這個價錢一定收貨

見復業5個月，試一試素食自助餐，$68下午茶的確抵。之前網上食評說咕嚕肉、茄子豆腐很好味，抱住很大期望去。首先，食物是凍的，像放了很久的隔夜菜。食物和餐牌不一樣。茄子最後變了黃芽白，時蔬是黃的，放了很久很久，全場找不到咕嚕肉，而中湯已溝了很多很多水，沒有味道。自助餐有炸物，但都是凍的......唯一可以吃的是炒飯，炒麵和咖哩薯仔。$68這個質素也可以，但我以後不會再去。

是晚媽媽話不想煮飯，提議去附近食素食自助餐，大家當然贊成啦。黃大仙北館的日常素食，可選自助餐形式或者小菜套餐，一場來到，就食自助餐。個人習慣先食冷盤，有沙律菜、三色椒、鷹嘴豆、蕃茄粒等，豐富新鮮。還有我喜歡的木耳、拍青瓜，開胃。素海蜇很少地方見到，其實是蒟蒻製成，微辣的挺惹味。炸物如鮮竹卷、炸豆腐、蘿蔔糕及素叉燒亦是喜愛之物，平時不常食，自助餐好處就是每款夾少許，小食多滋味。之後便是熱食，金針雲耳蒸素雞、咕嚕肉、雜菌萵筍淮山、南乳蓮藕炆豬手、椰汁南瓜、豬腳薑等，款式風味變化多。還有炒飯和炒麵。蒸糕又熱又鬆軟。亦有素羹、木瓜甘筍湯及西米露糖水。捧腹而回，價錢相宜，外出想食健康豐富些有好選擇了。

我都很喜歡吃齋， 尤其喜歡到近年興起的自助素食餐廳， 貪其有多款選擇。今次去母親大人想試吃的日常素食 。位置方面很好找，就在黃大仙北館2樓。主要有沙律、炸物 、主食 等等， 都是中式菜色為主 ，味道比較 傳統中式 ，長輩們會更為之喜歡。以下的是印象較深的食物:炸物的 炸皮比較厚 ，味道則是一流。🔸️炸素蝦好得意!🔸️素叉燒加入欖菜， 甜甜香香， 水準之上。🔸️椰香芋頭南瓜 炆得夠入味🔸️麻醬蒟蒻絲 濃淡得宜 ，很好味🔸️胡椒芥菜豬肚 芥菜微苦， 是我喜歡的，而且 煮得好淋 ，加上重重的胡椒味道 ，和扮豬肚的 蒟蒻 ，很得分。最令我驚喜， 很想推介給大家的，就是🔸️素刺身 。刺身的樣貌 雖然 不似真的刺身， 但如果不看樣貌， 加上豉油和芥末， 吃下去的話 ，真的非常識真刺身 !有股三文魚香味， 味道和口感比以前吃過的大xx素食 更佳。餐廳裝修雖然 不算新穎 ，但是食物質素很不錯， 尤其對於喜歡傳統中式素食 的朋友 ，一定會喜歡。除了自助餐，也可以散叫， 或者自取一盒外賣， 價錢會比較便宜。

上網見有素食達人推介黃大仙的日常素食，而且價錢經濟，無論環境，衛生，食物種類都不錯，於是和老公前來嘗嘗。就如達人所介紹的一樣，店舖位於商場中間，空間感寬闊，座位鬆動。疫情關係，選取食物期間，客人必須戴上口罩，而店員亦會對忘記戴口罩的客人急忙提醒。食物種類繁多，前菜有多款沙律選擇，然後就是炸物，芋頭魚必吃，芋頭口感細軟，綿甜香脆。齋叉燒多汁香甜，味道，賣相，質感都與真叉燒相似。我覺得最好味是菠蘿咕嚕肉，酸酸甜甜的口感令人胃口大增，咕嚕肉用了厚身香菇代替，不看清楚的話，真的幾可亂真。 不飽的話還有炒飯，炒麵填肚，味道都不錯。加多碗湯就夠晒飽了。最後還有甜品， 有雲呢拿和香芋味雪糕選擇，生果也夠鮮甜。連平時無肉不歡的老公也吃到飽飽的又滿足感滿滿的。

去黃大仙辦事後想找點吃的, 兜兜轉轉去了少到的北館, 人流不多,  走到二樓見到吃素的日常素食, 也好吧! 讓心情身體也稍作洗滌除了自助餐, 見不少街坊來買外賣, 有折扣優惠雖然在半開放空間, 但環境比室內的自助餐廳清潔整齊得多, 食物盤的四周非常乾淨, 加分人客不算多,  但食物仍保持充足及熱辣; 取糕點時店員小姐剛好在旁, 問我食物夠熱否; 又介紹我看漏眼的點心, 小店就是有這種人情味食物雖然是很大路常見的, 但每樣質素都有水平, 吃來都維持新鮮, 見店員小姐常常走出走入換食物盤, 辛苦了很喜歡的菠蘿咕嚕肉及炆茄子, 咕嚕肉是豆卜, 滿足吃咕嚕肉的味道但不會令腸胃吃得太滯不是太多餐廳提供萵苣, 見到非常驚喜; 還有十分喜歡的淮山五寶素羹有粉葛蘿蔔, 清甜味香, 連連喝了兩碗冷盤也有驚喜, 仿魚生及鮑片咬口十足, 幾款糕點比一些集團餐廳的行貨更有水準掛住吃其實影少了其他食物的相, 但整晚吃下肚的都非常清香, 都是食物的原汁原味, 調味不多; 腸胃零負擔, 吃得十分舒服; 一窩蜂的追求口慾, 也需要踏實平凡的食物去平衡一下心態與腸胃

近呢兩三年越嚟越鍾意食素，不過就未去到咁叻可以全素，所以一有時間就會同媽媽去食。今次又係揀返黃大仙中心北館嘅日常素食，一來近媽媽屋企，二來好食嘅嘢係要返尋味！雖然已經加加埋埋嚟過5、6次，不過今次呢到多咗些少特色，真係諗都無諗過食素都可以有刺身，都幾特別，另外冷盤嘅就係有多款選擇嘅沙律吧，啱晒我呢類鍾意食沙律嘅人！不過講到我最鍾意嘅熱食係呢到嘅咕嚕肉同埋蘿蔔糕，咕嚕肉嘅汁唔會太酸而嗆喉，而舊肉又確係好似，真係無得彈！另外呢到嘅一口蘿蔔糕，煎到好香口，又食到有蘿蔔絲，果然貨真價實嘅蘿蔔糕，唔會放入口成口粉嘅感覺！其實熱盤區嘅嘢食加埋都有廿幾樣，可以做到每樣都好好味，呢到個廚師真係勁，就算我食肉獸嘅哥哥都話好味。