日常素食 (已結業)

素食人生🧘‍♀️🧘‍♀️今次試左黃大仙中心入面嘅日常素食係自助餐，但選擇可以再多啲會更開心食物質素不過不失炸物選擇都較多而素菜方面，都係一般食物原形經過都可以試試，見到比較多老人家食，因為有長者優惠

平時多肉少菜，最近識咗一個素食嘅朋友，就約佢去黃大仙嘅一間素食自助餐食個晚餐，傾吓計。氣氛環境都唔錯，地方寬敞乾淨。食物種類亦都多樣化，有壽司，沙律吧，炸物，糕點，炒飯炒麵，亦都有非常多嘅熱食餸菜等等。我好鍾意食豆腐，亦都欣賞佢哋嘅炸豆腐，香口結實，但唔油膩。香濃嘅羅漢齋同咖喱薯仔，襯托炒飯一流。飲品同樣多元化，今晚就試咗清涼香甜嘅楊枝甘露，同埋清熱解毒嘅羅漢果茶。員工不斷為蒸籠添加入面嘅甜品，試咗唔少養身嘅紅棗糕，薑汁糕，桂花糕。最後以雲呢拿雪糕配豆腐雪糕作結。我全晚都感覺唔到素食嘅單調，而我那一位素食朋友亦都好滿意呢一個自助餐，認為食到一種開始素食之後得唔到嘅感覺。非常滿足嘅一晚。

比錢食下午茶 只可以食到殘渣 看圖其實黎食過午餐 晚餐都ok 炸饅頭一食再食。今日諗住唔食晏 三點到達食下午茶。好失望，根本唔可以話係餐 ，都冇提供食物，只有未畀午巿食晒嘅 就有得你食左邊曾出現過幾件白糖糕冇見過 唔知曾有咩食以這兩款而言。職員話 有好多嘢食 又錯唔晒我係咪比錢黎食這盤冇人食、食剩嘅苦瓜？自助餐唔係可以㨂自己想食嘅黎食既咩？左邊這盤殘花敗柳 唔知係乜平心而論 炸野 有茄子同蕃薯 ok ge三點黎到已係咁又係得汁總結：畀錢幫佢清理剩食。咁樣做生意真係唔得

今天是十五齋期找素，想起之前到過的日常素食很不錯，於是便試試去訂位，一於今晚下班去吃素自助晚餐。我們約6時來到，已見陸續有客人入座，用餐時間是90分鐘。這裡的食物種類繁多，款式亦豐富，有沙律、各式熱食、素蛇羹、包點、炸物、炒飯炒麵、白飯白粥、寿司。飲品冷熱各兩款，甜品亦有甜糕點、西米露，及水果。可說是應有盡有，加上價錢公道，令食客過一個大滿足的齋期！沙律款式很多，食材新鮮，沙律控一定超like熱食都有很多款，首推生炒骨，味道酸咪咪，送飯一流，而魚香茄子亦燜燒得宜，兩款餸象真度都超高炸物亦有多款菜式供應，咖哩角及春卷很香口，芋頭魚啖啖芋香濃，鰻魚卷亦不錯雜糧糕入口鬆化，一口一件，也是推介之一素蛇羹食材豐富，味道清香，加點紅醋後，把味道更加提升，目測差不多每枱食客都吃一碗鮮竹卷皮薄餡料多，食落爽口寿司都做得不錯，令人大飽口福西米露不太甜，西米非常多，最適合夏天食用甜糕點細細件，味道清新，一定要留肚品嚐還有豆腐雪糕，可惜肚子已沒有位置，下次再試烏梅汁及蘋果汁夠冰涼，可口清新齋期價每位$136，不用加一，確是性價比超高

今日好開心，趁住明日係週末，放工去附近嘅黃大仙中心買定一啲日用品，行過見到有一間素食店，諗諗吓都好喎，健康啲，人都靚啲，哈哈哈哈哈。環境很開揚，餐廳都坐滿客人，證明很好受歡迎！ ！每天素食餐廳提供多種食物選擇，環境還是很乾淨整潔乾淨的。 設計也很一流，因為桌子與桌子之間都分得比較開的。講反食物，多汁的食物會蓋上蓋子，保持食物既質素。仲有沙拉，櫻桃番茄、不同類型的蔬菜同豆類配搭，新鮮開胃！我特別喜歡素食鵝，又香又脆，食完一碟再一碟。另外素食有很多種，大多以蔬菜為主，包括咖哩土豆、南瓜、芋頭等。 味道不會太濃，剛剛好，是家常菜的味道，沒有加味精~~另外，令我最欣賞嘅咕嚕肉，甜甜酸酸，醒胃醒神，呢間以自助形式嘅日常素食，平民價錢，抵食抵食！

這裡素食晚市自助餐才$125, 所以吸引不少不同種類的客人。例如有喜歡吃炸物的一家大小，有崇尚健康飲食的OL及老人家。西式沙律菜沙律菜有生菜，粟米, 紅腰豆等，種類多樣，沙律菜新鮮潔淨。需知道自己在超市買來吃也不便宜，這裡可任吃啊！另可配不同醬汁同吃，例如沙律醬，千島醬，日式芝麻汁。******************************窩笋准山 窩笋及淮山好爽脆，秀珍菇彈牙，有蠔油及麻油香，很好下飯。南瓜蓮藕南瓜軟糯，蓮藕爽脆，搞笑的以豆豉調味，又沒有突兀之感，味道調和。******************************椰香芋頭南瓜充滿東南亞風味的一道素菜，令軟糯的芋頭南瓜加添了一份椰香。菠蘿咕嚕肉外觀跟「咕嚕肉」沒兩樣，咬落去其實是糖醋油炸鬼，油炸鬼仍算鬆脆，加上糖醋汁醬，非常惹味。******************************很多炸物供應，令一向重口味的我們也吃得很「興奮」。(左) 炸素蝦外脆內彈牙，而且真的有點蝦的鮮味。芋頭魚齋鋪必備的「大菜」，這裡都有得吃。切成小塊的芋頭魚，外層香酥，內裡軟糯，芋香濃郁。(右) 酸齋/齋鴨胗酸齋調味太酸，齋鴨眕味道

素食近年愈來愈受歡迎，呢間係黃大仙廟附近嘅餐廳，素食自助餐，亦非常受歡迎🥰餐廳喺商場內，開放式座位，空間感大，座位都好舒服😌 自助晚餐 $125/人，好抵食🤩菜式選擇都好多，有沙律吧、熱食、炸物、湯及甜品等，我行咗幾轉先試到一半嘅嘢😋 一嚟到立即要飲番碗老火湯，紅蘿蔔🥕蓮藕粟米🌽，清甜滋潤。 旁邊仲有似碗仔翅嘅五寶素羹，材料豐富又香濃。 熱食有豉汁鮮竹炆涼瓜、魚香茄子🍆炆豆腐、菠蘿咕嚕肉、椰香芋頭南瓜、南瓜香菜炒飯等等，味道香口又唔會太油膩。另外仲有壽司、芋頭饅頭、XO醬炒蘿蔔糕、薑醋蛋、芋頭魚等等 真係食到你好滿足🤩🤩

見到呢間日常素食平日都有幾多人食，就一於去試吓，放題每位$125，免加一，用餐時間為90分鐘，見到啲食客用完餐之後都好自覺咁將碗碟拎到回收處呢度嘅食物種類都算多，除咗有熱食之外，仲有冷盤，甜品➕飲品，食物refill嘅速度都唔會太慢我比較喜歡食煎炸物區嘅素食，咖哩角同春卷都卜卜脆，蛋散鬆化，炸豆腐好香口仲有腐皮卷同蘿蔔糕都唔錯熱食嘅蔬菜味道都ok，個人比較喜歡食萵筍，滷水豆腐，茄子，羅漢齋冷盤有前菜，沙律，素刺身，壽司甜品方面有楊枝甘露，清甜嘅桂花糕，椰汁紅豆糕同埋雪糕飲品有橙汁，烏梅汁同埋汽水

今日放工約咗阿媽行黃大仙，行徑黃大仙中心北館，行到最上面嗰層，見到有間日常素食，見到價錢夜晚120幾蚊，都好似好抵咁咁即管同阿媽入去試吓，入到去師兄但我哋坐中間位置都幾光猛幾舒服，咁我哋就出去攞咗各人一疊素食，見到有啲啱啱炸出嚟嘅嗰個齋春卷哇呢個我同阿媽每人攞咗國6件，熱辣辣好好味，其餘見到有啲壽司啦，咕嚕肉啦，蘿蔔糕，仲有炒粉麵飯啦，沙律啦椰汁糕，蓮藕東坡肉啦，佢個蘿蔔糕好好味仲有佢呢度有羅漢果茶啦，熱普洱，仲有糖水啦糖水係腐竹薏米糖水仲有個湯粟米蘿蔔冬瓜湯，如果素食來講佢呢度都好多選擇而且全部都係熱嘅，款式多好好味😋

近排多左人開始無肉既伙食，我媽媽都打算開始慢慢食少d肉類，多食素食今次就帶佢黎黃大仙素食放題，等佢試下唔同素食既款式，素食都唔一定係得菜架～餐廳係黃大仙北館，係商場開放式餐廳，望落環境好大素食放題每人$125首先當然要出去睇睇有咩野食啦！ 沙律吧有粟米，三色椒，蕃茄，雲耳，醃青瓜，沙律菜等等亦都有壽司吧，隔離仲有素食魚生有豉油，wasabi素魚生口感好得意，類似菇物，但口感同質地真係好似三文魚落埋豉油同wasabi就真係好似食緊魚生咁行完沙律吧就到炸物，沙嗲角好好味道另外d炸物都唔錯羅漢齋腐皮卷，幾好味，腐皮卷內既羅漢齋好足料，腐皮亦都煎到香香蜜汁素叉燒，上網搵到好多人話呢到既蜜汁叉燒好特別，黎到當然要試試佢！食落係真係好重既蜜汁味，而用黎代替豬肉既麵筋亦都好有咬口，好似食緊一舊肥瘦適中既叉燒咁 外皮都有燒烤味同有脆脆既口感，幾特別，連燒烤既感覺都還原埋我同媽媽一共食左4盤，再加甜品同雪糕第一盤醃青瓜好好食，媽媽一拎再拎媽媽本身就鍾意食菜，呢到既任食好適合佢呢碟就係我既，有薑醋蛋，茄子，炸物，腸粉，滷水豆腐，咕嚕肉等等。估唔到有薑醋蛋食，不過薑醋味偏淡。亦都拎左一塊薑俾媽媽食炸物方面有

今日系黃大仙食素食，有90分鐘任食有炸芋頭魚，炸芋頭，羅漢齋，春卷咖喱角，炒腸粉，蘿蔔糕等炸物，仲有馬拉糕，饅頭，紅棗糕，又有甜品，糖水，飲品和熱食等。羅漢齋煎到好香口，芋頭又炸到好粉，咖喱角又鬆脆，蘿蔔糕又入味。咕嚕肉酸酸甜甜幾開胃，蓮藕又好爽脆，滷水豆腐又美味，翠玉瓜炒雜菇又入味幾香，茄子豆腐又煮到好香。滷水蛋滷到好入味，雞蛋又有咬口煙煙韌韌，南瓜芋頭又美味。椰汁糕好香椰汁，桂花糕好煙韌，仲有沙律又有沙律醬薏米腐竹糖水又唔會太甜。四季豆和滷水豆腐沙律吧又多種類。

今日係Green Monday，多食素可以清清腸胃之外仲可以洗滌心靈。去咗日常素食放題，百零伩由六點食到十點， 都算化算。店內環境都算寬敞，坐得舒服。有熟食區，炸物區和涼拌沙律區， 包點湯類、甜品等。第一吸引我的就是炸物區了有炸番薯、炸茄子天婦羅，香芋素魚， 炸豆腐，反沙芋頭，蛋散，蘿蔔糕 炸得好香脆，廚師還會不停加添。熟食區方面除咗飯同麵之外， 仲有鹵水腐，椰汁南瓜芋頭， 炒菇菜，牛蒡等等、 唔會太油膩，非常有益。凍食甜點方面除咗有沙律，仲有素壽司，素鮑魚扮刺身都幾有特色。 中式甜點有紫薯蒸糕，凍點有椰汁糕同桂花糕，唔係太甜都幾啱胃口，仲有凍楊枝甘露添。飲品方面推薦羅漢果茶同自製酸梅汁，真材實料之餘都係健康之選。

可能間餐廳近黃大仙廟，平日都多人去食，而且$93黎講任食都幾抵食物都多揀擇的，仲有雪糕同糖水，食物都會refill個人覺得炸物都幾好味，包括有炸豆腐同埋芋頭，其他蔬菜都普普通通，但唔會難食的

媽媽提出想食素食自助餐，上網搵到呢間評價唔錯，決定試下～位於黃大仙地鐵站傍商場頂層，環境好舒服～晚市每位$125任食～野食種類超多～有沙津吧，材料好新鮮～素食煎及炸物區～新鮮熱辣辣，店員都refill得好快，無試過見到空碟黎個近鏡，食物質素高，絕無欺場～包點區～熱食區～好難得真係每款都好好食，款式平實，好岩一家大小一齊食，帶埋老人家都無問題～飲品竟然有新出嘅白檸同哥喇，估唔到可以係到試到～.呢碟係我的最愛～腐皮卷同蘿蔔糕粒係我至愛，好正～總結：質素非常高的素食餐廳，媽媽話係係香港食過最正嘅素食會再幫襯～

今日同朋友行黃大仙商場，經過呢間餐廳決定試一試素食！ 我地大概6點半到，然後選擇了卡位就坐。我先出去環視一周然後拿了一些炸物，包括炸糖芋頭，炸南瓜，春卷。炸糖芋頭值得嘗試，特別。之後也拿了腸粉，茄子和娃娃菜，這些都不錯，而茄子的味道很足。 接下來就是令我驚喜的齋叉燒了！以前有聽説過齋叉燒也很像真的叉燒，而今天嘗試過后的確很好！無論味道，口感都像真的在吃肉。咕嚕肉也是，味道酸酸甜甜，很開胃呢。而那裏還有壽司，款式的確豐富。 而飲品方面，蘋果汁感覺淡了一點，不過旁邊也有可樂可以拿。 最後再吃了點蓮藕，正常發揮，也飽了~總的來説這家適合喜歡素食的朋友來體驗一次素食放題~