早辰 (已結業)

見復活節假期，梗係揾d好嘢食下，喺openrice search下，見到早晨comments 都好，諗住去試下，點知失望而回! 我哋一人叫左1份lunch set!我選擇左牛扒(108蚊)，我朋友就點左焗咖哩雞扒飯(48蚊)!我朋友話都幾好，但我嗰份牛扒就 ，又老又韌!餐飲我叫左杯奶茶，又無茶味又唔香 ，$108唔值!不過值得讚係餐湯!係菜湯!不過我無影相!

話自己意粉出名，但套餐竟然無意粉，set lunch menu 5樣3樣都有牛，唔食牛的我叫了佢個咖哩焗雞扒飯，已經等得耐，個portion細都不特只，咖哩無咖哩味，個飯底仲要得白飯。。真係無下次！！！！

正宗地中海口味@早辰其實食了已經一段時間,印象中,很難忘,我也介紹了好多朋友食過!他們也認定好食!味道就是正宗地中海的口味,服務好,價錢便宜環境舒適只是輸在地點~餐廳位置於元朗又新街附近之前就是滿記甜品的位置說真的,位置有點難搵餐廳入面裝潢雅致,令人感到舒適當時6點左右,人流不太多晚餐大約百多元左右,包了餐湯,前菜飲品和主菜屬區內中上價之選但當食過之後,我認為是十分合理點了綠茶Latte很有美感,綠茶味濃這個意大利菜湯,看起來沒有什麼得別一飲,不得了是我和老公人生中飲過最好味的,口味就是我們去地中海旅行時食過的我推介比朋友,他們也認同老公不禁要求找廚師交流一下,大廚原來曾在高級酒店餐廳工作差不多20年至於心得,就是用上大量蔬菜加入香料煮成,前菜點了牛油果蕃茄蝦沙律他他蝦肉很新鮮彈牙, 伴碟的牛油果好滑,蕃茄打成他他,酸酸甜甜的,口感醒胃清爽 前菜還點了蒜茸香草白汁煮紐西蘭蜆眼見人人都點這款,必然上品真的名不虛傳紐西蘭蜆大大只,蜆肉肥厚嫩滑加上蕃茄和意大利配料同煮,沒有搶去蜆肉的清甜大愛主菜點了燒羊扒伴菜有茄子、燒薯條和洋蔥配上燒汁很惹味羊質肥廋適中,沒有羶味肉質生熟剛剛好!跟本不用沾上

晨早流流仆入嚟元朗做嘢，lunch 時間緊喺要食得好啲啦！當頭痛唔知食乜好嘅時間，忽然間諗起好耐之前食過嘅意大利餐廳！上次晚餐非常滿意，今次lunch 唔知會點樣呢？一坐低，靚仔店長已經認得我，同我打個招呼！我問佢點解會認得我，因為我喺較早期幫襯嘅客人喎，但佢話我肥咗囉！打開個 menu 樣樣都好吸引！但lunch 冇理由食扒咁過份，相信越簡單就越考師傅嘅功力為原則，所以叫咗午餐B《乾炒香草什菌意粉》同《忌廉湯》！照晚市嘅做法一樣！先送上法式硬包，同配上橄欖油同黑醋！黑醋帶有酸味，用嚟開胃最啱！午市《忌廉湯》真喺冇乜特別！坦白講冇晚市咁好味！依個《乾炒香草什菌意粉》！賣相唔算吸引，如果喺面加上葱花或少少裝飾會比較吸引！味道方面，香草味同蒜香都炒得幾好！菇菌配料十足，都幾多吓！但意粉硬度未夠！雖然冇多餘嘅油喺碟底，但油份仲喺較多，唔夠乾身！但整體上都唔錯！依杯《伯爵檸檬茶》真喺要講吓！味道真喺唔錯，伯爵茶本身獨有嘅甘香加上檸檬，原來喺可以做到咁清新！坦白講，正宗意大利菜，麵條同飯都應該硬身，lunch 價錢都應該過100蚊！但中國人飲食文化比較喜歡軟身麵條同軟身飯，而且甚少人會負擔到成舊

得知住在元朗的舊同事兼好朋友轉新工，當然要出來吃飯慶祝一下！這晚，他約了我到這家餐廳晚膳。店名叫「早辰」，以為是賣早餐的，原來是主打義大利菜的西餐館。一進店就有靚仔招呼我們。雖然已近七時，但一個人也沒有，寧靜得可以，與街外環境形成強烈對比。餐牌有前菜、義大利飯、意粉和主菜可以選，每種約有二至六個選擇，也沒有set dinner等套餐提供，選擇不算很多，但已比一些明明寫了出來但實際沒有貨的餐館好多了。而且如果是好味的話，一兩道主打菜就可以了吧！我這樣對自己說。研究過餐牌後，點了以下數道菜：首先是凱撒沙律。沙津菜新鮮爽甜，煙肉粒和麵包粒仍覺脆口，合格之作。之後是蒜茸忌廉白酒汁煮藍青口。青口肉頗大粒，鮮甜無渣。湯汁有少許蒜味，忌廉味濃郁，令人食指大動。與友人分吃，每人約有5-6隻左右。跟着上桌的是燒黑毛豬鞍扒。豬扒厚切，肉質嫩滑，富有彈性，火喉控制得極好！如果怕吃牛的話，這個是很好的選擇。然後是龍蝦仔義大利飯。義大利菜對醬汁一向有很高的要求，我覺得這家餐館在這方面做得非常好。這個飯的醬汁有很自然的蕃茄味，並非快餐店般用茄膏茄汁撈出來的貨色，真的可以做到濃而不膩。而龍蝦和蝦肉的份量頗多，每一口

早辰 Good Morning 位於元朗又新街37-51號富祐閣地下8-9號舖當初聽到 “ 早辰 Good Morning “ ,仲以為係食早餐既食店 ,點知睇返資料 , 原來係一間意大利菜 .環境幽雅及整齊 , 裝潢亦有一番格調 ,坐位唔算太擠迫 , 坐落感覺氣氛良好 .餐牌上選擇有前菜 , 湯 , 主菜 , 甜品及飲品等 ,亦可選擇 1 個主菜 , 加 $50 配以餐湯和 1 款沙律或頭盤 ,或加 $40配以甜品或飲品 , 不同款式和配搭 .餐點未到時 , 即時送上橄欖油同黑醋 ,配合不同顧客口味 , 非常窩心 .隨即餐湯和餐包就上枱了 ,餐湯是什菜湯 , 材料豐富 ,味道十分香甜 , 蔬菜亦好新鮮 ,配上 2 款不同既麵包 ,入口唔太硬身 , 感覺幾開胃 .頭盤 ~ 牛油果蕃茄蝦沙律3 層口味 , 蝦肉新鮮夠彈牙, 牛油果好滑同爽身 ,蕃茄酸酸甜甜再配埋黑醋 , 感覺更加醒胃 .頭盤 ~ 蒜茸香草白汁煮紐西蘭蜆紐西蘭蜆十分大隻 , 夠晒新鮮甜美 ,醬汁加有雜菜 , 味道非常濃郁 ,用來點麵包 , 真係一流丫 !主菜 ~ 自家製手捲意粉 , 煙肉 , 青豆 , 羊奶芝士 , 忌廉

第一次寫食評 訂了枱1930，去到即時有位。門面靚，裝修設計也不錯。用上烏絲燈，很有現代感。 食物方面，先來 橄欖油+黑醋。蒜蓉包，好脆，好味。自家制鮮奶闊麵，蜆，蕃茄意大利青瓜，白酒香草汁汁是淡淡的，驚喜位～蜆好大隻丫，有口感，好味。雜菌義大利飯，義式忌廉芝士，巴馬芝士。只吃到菇味，沒有芝士味喔～

早前在元朗找雜誌專欄的題材時，曾想過找機會試試，但不到一個月，已跟幾位食友在團聚。翻開餐牌，選擇都不少，而且有著不同的配搭。Soup每份主菜可以另加$50，配以餐湯及一份沙律。餐湯是雜菜湯，配料夠多，煮得又夠腍，舀了一下，西芹、洋蔥及紅蘿蔔的甜味通通都跑到湯內，鮮甜得可以，真的很好喝。Salad沙律中以蒜茸香草白酒汁煮紐西蘭蜆及蒜茸忌廉白酒汁煮藍青口最啱自己口胃，雖然很大路，但前者蜆肉夠肥美肉厚，sauce亦夠香；而後者肉質幼嫩，而sauce同樣香甜及creamy。主菜龍蝦仔、蝦肉、蕃茄、紅椒粉及巴馬芝士義大利飯，散發了了濃稠的蕃茄及蝦肉的香味，用料足及有誠意，但咬落飯粒依然有點遷就香港人的口味，未夠夾生飯的質感。另一道個人喜歡的是燒羊扒、扒茄子、燒薯、焗洋蔥配黑醋薄荷汁，羊肉帶少許油脂位，略有羶味，女孩子較易接受，肉質還可以更生一點，蘸點一下醬汁，令鮮味再一步提升，真的不錯。另外又可以加$40在主餐牌自選甜品及飲品甜品蜜糖芭菲、松子仁、雜啤梨汁是店方極力推介的甜品，軟綿細滑，甜度又不會過於強烈。青檸忌廉凍、燴雜啤梨、脆杏仁片吃起來不太有青檸味，奶質輕柔幼滑，還是有一定水準的。整體而言

元朗美食多籮籮，尤其是小店，真係有排都食唔完。筆者近期也頻頻到元朗掃食，想起來，仍有多篇食記未寫/ 出，要加緊追番進度先，哈哈哈！今次講講這家早辰，當然不只是供應早餐的地方，是日我們就是來吃晚飯。點餐呢家嘢我沒有參與意見，總之大家喜歡食咩就叫咩，反正我什麼東西都吃的。先有餐湯，是什菜湯，至少是幾足料的，感覺健康。飲完湯，仲有大大路的凱撒沙律，爽脆的口感，加上脆脆的麵包粒，醒胃。頭盤還有個牛油果蕃茄蝦沙律，個人本身喜歡吃牛油果，再配以微酸開胃的蕃茄粒，兩者尚且合拍，面頭的蝦開了邊，作為點綴。還有青口，同埋紐西蘭蜆，兩者之中，較喜歡青口，而那忌廉白酒汁，千祈唔好浪費，最好就是用來沾麵包了。本常吃Risotto，多半是菌類的，而今次又嚐了較少機會吃到的蕃茄口味。要讚是米飯的口感，仍能保持一定咬口，味道酸酸的頗特別，再配以爽口的龍蝦肉和蝦，可以接受。另嚐了店方自家制的手捲意粉，是加了煙肉、黑松露醬和羊奶芝士，意粉口感還好，不過稍咸了一點。我這食肉獸在場，肯定少不了扒，牛扒單看色水，都夠吸引我了，咬落果然也沒有太韌，我還喜歡伴邊的三色椒，爽甜可口。至於豬扒，好厚身，肉質稍為實了丁點，不過邊邊位的

太耐無入元朗，一心諗住入去食番好耐無幫襯嘅老店，但友人卻推說有新店想試試，無辦法下就跟隊！去到小巷彎位見到呢間幾有型格嘅西餐廳，原來就係今日嘅目的地！入門口時見到呢張嘢，個心都定咗好多要點餐湯，小食同主菜是常識吧！喺得兩款湯的選擇下，還是濃味的義式海鮮湯較吸引我湯未到時，先食咗餐包，加上橄欖油同黑醋，蠻開胃的海鮮湯上枱嗰下，真喺嚇咗一跳原來份量噤大又噤熱辣辣！湯有大量蕃茄，海鮮(有魷魚、青口、蝦同帶子)又點會唔鮮？小食要咗扒帶子炒雜菌！淡淡黑松露香氣，再配上帶子同雜菌呢個百搭組合，令我一口氣食咗兩隻！不過如果少油啲嘅，我就成碟清埋佢 我點嘅橙汁什飲！味道似鮮榨橙汁加有汽飲料嘅混合版！啱晒清清口腔嘅油膩感！主菜黑毛豬鞍排加埋配菜焗蕃茄朳意大利青瓜到喇！豬鞍排切開時仲粉嫩嫁不得不說厚身嘅豬鞍排食落出奇地嫩口！而醬汁沒有太濃，令肉味更顯飽足10成嘅我係侍應嘅推介下點咗個青檸忌廉凍(配燴雜啤梨、脆杏仁片)！無失所望，食完一清口腔，酸酸的味道更吸引同開胃，而杏仁片增加口感，如果雪凍啲就可以留下完美句號了

原來元朗真係有好多隱藏的美食餐廳!今次露露發掘到一間令你一試鍾情的意大利餐廳---<早辰‧Good Morning> 今次同女友人第一次黎<早辰‧Good Morning> 餐廳的裝潢都有幾有格調,坐位唔適, 唔會擠迫我地一人叫左1個set dinner,見到主菜加$50可以配菜湯同一客沙津或頭盤當然要試埋啦! ^^首先送上的係餐前麵包, 好軟熟, 我鍾意左邊果款,加d olive oil仲好味<義大利雜菜湯>湯頭淡淡的甘香, 見到有好多唔同的新鮮蔬菜材料豐富 之後我地一個叫左沙律, 另一個叫左頭盤<牛油果鮮蕃茄蝦沙津> 露露推介蝦隻新鮮, 肉質彈牙,配上檸檬汁&牛油果醒神開胃<蒜蓉香草白酒汁煮紐西蘭蜆>蜆隻鮮甜肥美,再配埋蒜蓉香草白酒汁另有一番風味(愛酒之人的露露覺得白酒份量可以再多少少)主菜方面, 露露選擇豬肉, 而女友人選擇左牛肉<燒黑毛豬鞍扒、焗蕃茄、扒菜>露露推介HK$148黑毛豬係煮到8-9成熟左右而且係厚切黑毛豬!!! 又大又厚!!肉質鮮嫩, 切開見到粉嫩的肉質,又帶少少肉汁,

元朗這片美食集中地，對於老饕實在非常吸引。繼情人節暴食日，一班友好又約了個元朗拜年局，又連掃了五場！不過週日是我做姐姐的日子，只由第四場－－早辰 開始參興。去年十月餐廳初開第一天，兩口子就帶了妹妹；當時還是間比較港式的西餐廳，定價便宜（二人吃了 $90），也有供應港式西式早餐等，與店名相符。然而這間太多茶記，餐廳後來招請了曾於 Isola 及 Giando 的大廚，轉型成中高級餐廳，當晚也來一試虛實。　是晚一行五人在樓底高、新淨又企理的環境就坐後，一起研究吃甚麼好。這裡晚市選擇很有彈性，餐牌上的意粉、意大利飯或者肉類主菜 ($98-198)，加$50就可配上意大利雜菜湯及六選一頭盤；另加$40就可以配甜品及咖啡或茶。我們合共點了五款主菜，全部配上頭盤及甜品。以兩款不同的麵包開胃後（我當然較愛蕃茄 Foccia），又品嚐一下意大利雜菜湯吧。成品十分足料，有著不少雜菜在內，不過味道比較濃重。然後是自選頭盤（有六款選擇），首先是 蒜蓉忌廉白酒汁煮藍青口 "Cozza" Fresh Steamed Mussels, Garlic and White Wine Broth，每份有四大隻青口，肉質

相約好友在元朗掃街的一天，短短三小時吃了一餐又一餐，來到Good Morning還以為是吃All Day Breakfast那種，實情是西餐小店，走中上價錢格調，無論是Risotto, Pasta, Steak都有，七點半已經全院滿座Menu第一頁的頭盤小吃 幾乎都可以在點主菜後加 $50 選配，除了小吃還會有雜菜清湯 Minestrone，因此前菜份量不多，如我們所點的蒜茸香草白酒煮青口、蒜茸忌廉白酒煮蜆只有三、四隻，以加配的價錢來算是合理的，但賣相不夠大體，幸好味道搭夠，兩者的酒味都非常香濃，很好的開胃頭盤相對貝殼類，炸魷魚圈配他他醬賣相好多了，只是略嫌魷魚圈炸漿不夠脆身來到主菜部份，肉類菜式全屬驚喜之作，先來一道安格斯西冷牛扒，配菜比例充足，加上生熟程度控制得宜，面頭再灑上芝士焗，既香口也是肉味香濃的美味主菜 這裡的意粉都是自家製，滿有期待，面前的手捲意粉賣相好可愛，如果有小朋友在場必定說是蟲蟲粉，可能用上羊奶芝士關係，調味比較濃 燒黑毛豬鞍扒的厚度讓我們傻了眼，超厚啊，但生熟程度卻拿捏到家，難得難得，外層微微焦脆，中心粉嫩除了+$50的湯品頭盤，還可加$40在主餐牌自選甜品及飲

某日, 打開電話, 看見有個新的群組, 名字是早辰拜年局, 心想還以為是朋友們相約吃早餐, 原來說的是來到元朗這家叫早辰的餐廳吃晚餐. 搬家之後, 來元朗便利了, 也好, 就留下文迪跟小吉, 獨個兒來這邊走一轉吧.又新街附近其實也有不少食店, 早辰在這其中, 一點也不輸蝕, 是晚就全場爆滿, 還有客人在等位, 可想而知, 這裡也是家旺場的地方. 看看餐牌, 晚市的選擇比較彈性, 沒有限定的晚市套餐, 大家可以點選餐牌上的澱粉質或者肉類項目, 再加$50配意大利雜菜湯及頭盤, 另加$40就可以配甜品及咖啡或茶.麵包: 例牌的由麵包開始吧, 這裡的麵包有兩款, 質感不會太硬身, 配襯意大利雜菜湯是幾合適的.意大利雜菜湯: 7分, 至於minestrone是店方的推介項目, 用料幾豐富, 我愛吃菜蔬, 那就多吃一點雜菜吧, 不過我會喜歡味道比較清淡一點的版本.牛油果鮮番茄蝦沙律: 7.5分, 頭盤方面, 可以從六款選擇中任意挑選一款跟餐, 我們各人也揀來自家的心水. 牛油果鮮番茄蝦沙律會是清新的選擇, 健康的牛油果, 加上鮮甜的番茄, 再加上鮮蝦在面, 賣相是幾精緻的.凱撒沙律: 8分, 相

甚少來到元朗，聽朋友講呢間西餐唔錯，於是就決定試下，但位置真係有小小難搵終於搵到啦。內裡環境也算不錯，但位子不算太多。都適合情侶或是三五知己食下野傾下計。睇餐牌，野食整體也不算太貴。合理價錢，首先餐包黎到，熱辣辣仲好脆，配合黑醋和橄欖油食，味道很特別，但很不錯。之後再叫左個海鮮湯，份量很大呀，仲要用煲上，令到熱度可以保留，而且料份量十足，有蝦、青口、魷魚同帶子，飲落去冇乜味精，可能係意式，所以有很濃的蕃茄味，但味道很好，如果再濃一點，會更加好。 魷魚圈炸得很脆很香口，口感很好，最特別的他他醬，能夠把魷魚圈本身的油膩度和咸度消減，微甜的醬汁味十分配合。帶子炒什菌炒得很香口、而帶子很鮮味很大粒!! 配合了黑松露一齊炒，簡直冇得輸，每食一啖帶子，除了感受到帶子本身的鮮味、更加感受到黑松露那種獨有又難忘的味道，瞬間我地就清晒除了帶子外，手捲意粉亦係值得encore 之選，意粉口感同普通意粉有d 唔通，比意粉粗但又比通粉彈牙，整體感覺有d 似烏冬，而醬汁濃度岩岩好，忌廉、黑松露、煙肉 3者味道互相輝映，配合這個獨有的手捲意粉，絕對令人難忘。 而芭菲的外表很吸引，食落感覺有d 似雪糕同蛋糕既合體，