旺泰特食 (已結業)

從來未吃過軟殼蟹米紙卷是這模樣的....最好吃的，是那個汁。十分好吃的泰式炒椰菜苗。勁讚，必吃！豬頸肉湯河，豬頸肉下的很多，抵吃又美味。青咖哩牛肉。嗯嗯，好像生吞一樽甜椰椰的椰奶咁....下了很多蝦的香茅蝦沙律。我真係勁鍾意香茅，瘋狂的迅速吃光光，然後連灌了三杯冰水解辣！失色的青木瓜沙律，一點也不爽脆啊，除了那些花生。雞肉濕炒河，兩個字，唔掂。另外還點了一打豬牛雞串燒（勁好食！）和蒜蓉包（硬到可以掟死人。），咩事呢，餓鬼上身嗎？而一個鐘後，是去吃海鮮的wor!

假日走入西貢relax吓,成架巴士都坐滿人,好熱鬧呢本想試六福呢間米豬蓮食府的,因見其椒鹽鮑魚仔好似好得咁.但大頭為我荷包著想,所以轉左去旺泰.呢度坐得幾舒服,環境唔錯,一大班人入來坐長枱都幾好feel架,是日有成17人的學生哥係度食嘢,即時熱鬧晒.菠菜鴨胸面:面都唔錯,但鴨胸切到好舊身,可能本身唔係勁嗜肉.最差係個汁囉.好漿住呀,i don't like this龍眼冰k,龍眼肉數量都夠,消暑妙品.咖喱鷄農夫包:個飽好脆口,好正.但入邊d鷄肉都幾雪蔵.個汁都ok.呢間店我諗短期內都未必會幫襯,因西貢太多美食選擇.下次都係食海鮮為上策.假日入吓西貢吸收吓d天地靈氣真係樂事其他好介紹:-有d團9a或2p出海睇怪石咁,係碼頭對出的公厠附近有個展覽.職員話暫時都有.有些80蚊一位,都幾抵玩呀,大家不妨參加吓.-lo lo盧冠庭綠色有機生活店:搬左去六福海鮮飯店附近.買左包廿蚊的蔬菜脆片食,好味的小食.(欣賞lo lo那種支持有機生活的態度,因地球真的很危險身邊好多知識份子都仍然唔肯支持環保分類,眼見佢地屋企樓下有晒分流收集箱都唔肯分.其實環境每天俾人破壞,每人每天做吓少少環保分類的嘢又幾難呀

今日痴起條筋同女友去西貢揾好嘢食，行咗好多間泰國餐館都唔啱心水，兜咗幾個圈，終於見到間四四正正既泰國餐廳。入到餐廳環境舒服，氣氛唔錯，起碼唔似食街嗰邊又逼又熱。打開餐牌，總類繁多，價錢唔高，商量咗一陣決定試下廚師既心水推介。泰式雜菜粉絲煲$45味道唔太濃，有淡淡既蝦醬味，蔬菜款式多，份量都頗多， 但粉絲比較碎，整體上可以接受。 黃咖喱羊腩煲$60咖喱味夠香，配菜如薯仔明顯係之後先加落去，唔太入味，但羊腩味道唔錯。 原隻南瓜炒飯$58飯炒得夠香，廚師調味好好，份量絕對夠兩個人食，而且絕不欺場，加好多海鮮落去作配料，感覺極抵食，很好。整體上三款小菜份量好足，四十幾五十蚊真係賺晒，而且食物、環境、服務員質素都好好，服務員姐姐仲不時幫客人斟滿水，下次去西貢一定會再幫襯！！

3條友係海灣晒完太陽游完水 隨意走到尼間食泰菜 開飯假期多人 安排靠門口位置 D客出出入入冷氣當然唔多夠 坐得又迫 好唔自在商議一陣點了~南瓜焗飯 $58 海鮮濕炒河 $48 炸蝦餅 $54/4粒串燒 $55/半打 (要PIG) 芒果沙冰一杯 好淡 多冰 無芒果味 overall味道可以 份量卻少得可憐 後加香芋焗飯$55 是晚尼味最出色***冇加一 值得可喜可賀 下次再來

喜歡食辣，泰式食物向為我所愛 (Man：你有咩唔鍾意食架？)食完Ali-Oli已經甚飽，逛了一會，正思索有甚麼可做時，被旺泰呼召了入去由於甚飽的關係，只叫了炸蝦餅、馬拉盞炒通菜、青木瓜沙津和冬蔭功炸蝦餅 都唔錯，咬落彈牙，但略嫌粉多了點，以致蝦肉和蝦味不足 (始終於泰國食過更好的，不免有比較)馬拉盞炒通菜 呢度既炒菜係較濕的，類似濕炒河咁，而非平時食炒菜好乾身；唔會過咸，菜亦剛剛好，都幾入味青木瓜沙津 它的汁正是曾於曼谷食過的，辣辣的很過癮，但敗筆處乃青木瓜不爽甜，有點苦….非戰之罪也，香港找好的青木瓜一定沒泰國易吧~冬蔭功 正~! 海鮮鮮味足料，辣味夠，亦是曼谷食得我上哂癮的味~ 終於讓我尋回。香港仍有很多泰國餐館我未試過的，難以判斷這店是否最好，但食物素質而言，已經合格有餘，起碼能勾起我曼谷之旅的回憶~

今日同個 friend 嘅仔仔慶祝生日 (呢個係借口 , 因為佢得一歲, 根本未食得大人嘢), 其實係自己想聚吓. 諗起之前睇過呢間嘅食評幾得, 想試好耐, 咁就嚟試吓, 點知 ..... 哎, 真係非常極之失望, 一入到去覺得好熱 (連相都唔想影呀), 因為佢嘅冷氣唔夠, 要叫佢開大啲, 但係都係唔得, 唔知夏天會點呢? 酸辣鳳爪 : 已經係全晚最好食, 但係同出面無分別 炸蝦餅 : 一般, 無特別 串燒牛&豬 : 有啲圻, 麻麻哋 馬拉棧通菜 : 好似淥菜, 一啲都無炒過咁 麵包局咖哩雞 : 呢個麵包幾 ok, 啲咖哩啱我口味, 不過唔知有無 5 舊雞呢 辣肉炒河 : 呢個都算 ok 嘅, 不過搵啲生菜薦底, 唔知慳幾多呢 鐵板毫仔蛋 : 好唔掂, 成 pat 嘢, 啲粉多到好似食槳胡咁 蝦醬炒飯 : 呢個都麻麻, 都係無乜鑊氣咁囉, 同埋啲蝦醬又唔知去咗邊呢 食食下, 無啦啦攞個麵包局咖哩軟殼蟹出嚟, 以為嚟錯, 點知佢話食滿 $500 送, 我哋都唔知, 後尾睇返張 poster 先見到, 但係張 poster 話 $300 送咖哩雞, $400 送呢個. 佢都無問我哋要乜

和朋友來了西貢, 我這個"泰痴" 當然要一試 may's!!!午餐有set, 真好, 四十幾蚊, 好ok 呢.我叫左雞肉炒河, 係濕炒; 加杯凍啡; 朋友叫了青咖哩雞飯.一個set都係三十幾.係送碗清湯的, 唔油, 幾好飲.炒河一上, 嘩, 勁多獻勁水... 係唔係咁架食一口, 河幾滑, 雞入味, 但帶少甜的, 係完全唔辣, 同想像中的差百幾條街...朋友的青咖哩則什有水準, 係中辣, 少少creamy, 送飯一流!咦, d 泰式茄子轉左中式的飲野方面, 我杯啡少許淡.服務ok喇, 阿姐姐一腳踢, 算快手了!衛生要讚, 洗手間都勁乾淨.但個勁濕又甜的濕炒仍然令我好迷惑... 泰式濕炒係唔係咁架? 定係 港泰fusion 菜式?有冇人可以告訴我?

大年初三落西貢運吉行一陣就覺得凍，想食串燒，點知另外果邊無開，就入左大舖食喇！大舖坐得比較舒服，同埋無咁凍……入正題！坐低叫左個青咖喱羊，一客薄餅同埋雞牛豬串燒。仲有兩杯檸蜜。檸蜜不值一提= =等左一陣，咖喱同薄餅黎喇！問過店內既姐姐，佢話青咖喱最唔辣。食落，真係唔辣，不過好香！好香香料同椰汁味！好正！佢個汁唔太油，飲左幾啖！入面有豆角、車厘茄、茄子，同埋不明瓜類。羊肉好嫩滑，好淋，好有肉味！食落感覺一D都唔肥膩！但係唔多…得幾件…大食既話會唔夠分…薄餅熱辣辣，都幾香麥同麵粉味，可惜唔多索汁……下次叫白飯仲正！仲有好多汁淨低呀！！！！><食到一半，串燒終於到喇！好滑！好嫩！好juice！燒到熱辣辣香噴噴！雞豬都好正！但係唔知係唔係醃製關係，牛串唔太食到牛味~~不過總括黎講都係好正！

今天全家人入左西貢行下，家姐book左呢間餐廳，佢之前食過話幾好。我一向都鐘意食泰菜，呢間味道真係唔錯。我地點了:炒椰菜苗 惹味串燒豬 燒得幾香, 唔會太乾燒尤魚 必叫, 有驚喜, 一d都唔硬, 勁讚菠蘿炒飯 味道唔錯 紅咖哩雞 好香喎. 蒜茸包 梗係點咖哩汁啦;)柚子沙津 ok 整體都好正..下次會再來呀!

週末時，西貢周圍都係好多人，所以想舒服食餐飯，都係平日去先好。今次叫左 set lunch，$38 連飲品，送湯，無加一。試左菠蘿炒飯 和 紅咖哩豬肉意粉，先講菠蘿炒飯，係打"豎"橫切個菠蘿，好似碗咁盛住，即整夠熱同新鮮，好好味，菠蘿又甜。另外個意粉係鐵板盛住，都係即整，新鮮整嘅野係好味d，紅咖哩好惹味又唔太辣。午餐份量黎講算多，食得好飽。總括黎講係會再去的，下次試下其他set。

週末時，西貢周圍都係好多人，所以想舒服食餐飯，都係平日去先好。今次叫左 set lunch，$38 連飲品，送湯，無加一。試左菠蘿炒飯 和 紅咖哩豬肉意粉，先講菠蘿炒飯，係打"豎"橫切個菠蘿，好似碗咁盛住，即整夠熱同新鮮，好好味，菠蘿又甜。另外個意粉係鐵板盛住，都係即整，新鮮整嘅野係好味d，紅咖哩好惹味又唔太辣。午餐份量黎講算多，食得好飽。總括黎講係會再去的，下次試下其他set。

到西貢揀野食，其實本來世想食某間西餐廳的，但到門口看見它天天都有外賣優惠，抵到一個不可相信的地步，所以去了都考慮過的旺泰了9點半左右到，人不多，只有一大家人，和另一對人食，店外已聞到香味！青咖喱羊腩煲，$55是特價，不是很大煲的，咖喱一食是有辣味的，羊肉骨連著肉，肥瘦都有，另人可以相信是新鮮羊，而非冰鮮，加上一點菜的配料，很好的開始！菠蘿炒飯，是半個菠蘿做底的，拖著成個菠蘿甘大的飯，好香啊，飯內也有雞粒和蟹柳等等的粒粒，最底的菠蘿是甜甜的，可以挖挖來食啊！包黃咖喱軟殼蟹，軟殼蟹好大件啊！之后黃咖喱當然會點包食，黃咖喱不太辣的，反而有點甜甜的，成個好大好大，食到“肚”昏腦脹應該只有六日和假期先加一，食到食唔曬都只係$193，加上服務員都很友善，加水不會慢，很正的！

由於家住西貢,所以附近幾間泰國菜都試過晒,其中呢間係成日"開餐"嘅心水裝修企理,閒日去OK...不過周未好多人,枱與枱之間都幾迫幾乎每次必叫...1.冬蔭功 (味道夠晒濃,夠晒辣,吾食得辣可以叫佢"小辣",有大窩同小窩選擇,大窩會用迷你火爐熱住俾你,冬天飲一流)2.泰式炒粉絲 (好足料亦好大碟,有蛋絲,豆乾絲,芽菜等...)3.泰式燒鳥頭 (即叫即燒,通常落ORDER後要等20分鐘,好大條,兩個人食非常夠,塞左一整條香茅,所以魚肉好香,內裡仍好JUICY,吾會太乾身,加埋一碟"酸辣汁",非常辣兼更好味)4.泰式炒椰菜苗 (泰國食店獨有蔬菜,食落特別爽口,如果嫌淨係菜,可以用咸魚或脆豬肉炒...不過周未黎食通常會炒得好"淋"吾夠爽口)甜品係芒果糯米飯 (可以要全白糯米或全紫米,或者每樣一半都得,我自己鍾意每樣一半,白米軟綿綿,紫米有咬口,比起外面冇咁甜,每次黎到都熱辣辣,芒果又凍冰冰,好正)

我覺得環境好好, 好整潔, 音樂又唔太大~叫左4樣野:1) 冬蔭功海鮮湯, 足料!而且大蝦好新鮮!!不過好似辣左小小~2) 蝦膏炒飯, 好香, 仲有少少雞蛋, 好正~!3) 泰式咖啡, 好甜...要一路飲水~不過都幾好飲既~!4) 馬拉盞炒通菜, 好味道, 食到停唔到口~旺泰的食物真的很不錯，便宜很來 (比真心平)又好味~侍應都好nice ~不停同我地refill 水~! 仲好好笑容

和同事到西貢找吃的，一行四人，有同事怕熱氣，吃美式大塊肉薯條的東西免問，見天氣又熱，吃南亞菜是不錯的，咁就促成大家去到這間好評不少的泰式館子，來一個快快午餐。此處的普通餐牌內的價位比Set Lunch的高上很多倍，所以最後也是點了四份Set Lunch，分別是紅咖哩雞燴意粉、椰汁青咖哩牛肉飯、泰式豬頸肉飯及傳統泰式炒河。先來一碗例濕濕口，是一碗有兩片蘿蔔的清湯，湯喝起來真的是很清，根本就是連中式的例湯也不大相像，個人認為像極某些韓國館子在餐前提供的蘿蔔清湯，喝起來很清，而抵讚的是那兩塊蘿蔔，真的是很清甜及一點渣及根也是沒有。在吃正餐前，也留意到桌上有四式調味架，本來也不是什麼特別的，分別有泰式魚露、辣醋、乾辣椒及花生碎，但較值得一提的是那泰式魚露，雖然看起來是浮了很多辣椒的，但吃起來是真的有鹹鮮，當然跟Le Soleil冇得fight，但已比外邊很多的越式店子的魚露更正宗，外邊的是魚露，很多是酸得嗆喉，真的嚇人；另外的辣醋也沾了一點試味，是酸酸而不太辣的，也是令人開胃的一款調味。先談紅咖哩雞燴意粉，以鐵板盛着熱騰騰的意粉，看起來不錯，怎知紅咖哩完全不辣，完全沒有咖哩香，只是在大量的甜味