旺記冰室 (建利大廈)

營業中

休息中

忙了一個早上見有點餓，原本想去附近搵野吃就算，無意中到左旺記冰室，外面平時還有點隊，我們到果陣剛好不用排隊，趕快行三步去佔個位置。先點了滑蛋蝦仁牛肉飯個很足料，肉平均很多，滑蛋挺滑就是多了醬油沒有太多奶香味，飯粒真的香，很有嚼口，不是太腍口。朋友的是蝦仁滑蛋飯都是蝦仁，滑蛋是有點甜甜的，蛋同蝦整體食到和諧统一的口感。飲品方面絲袜奶茶幾濃郁，飲落口都幾滑。咸寧七標准港式飲料之一，咸橄欖在底部，上面加入冰粒，倒入雪碧或者七喜，故此也是甜中帶咸那種，冰透有氣這餐廳全都很合適我口味的食物，味道唔錯!!

各位甜親蜜友早晨，新工作週順利😘“孖寶“愛你妳💖💋🎉不過今朝個找餐，咁嘅價格…………d味道，“孖寶“就唔識食，夾唔到，正如呢個名，"monky"monky"“忘記“忘記“但絕了👏🏻👏🏻👏🏻不過午餐，晚餐未知，會試的，圖片影得好靚，佢個找餐就……餐肉 係韌唔係脆……個找餐牛肉有渣，麵淋…………咁嘅找餐價…………! 不過可能係坐得太擠迫影響食慾😝而家嘅食肆經營真係靠形象，未必系靠食力，噢賣葛

返學11點就黎到灣仔食呢間餐廳，平時聽人講就講得多，自己就真係第一次食。黎到都係11點零，唔洗排隊，店入面已經有幾台客人食緊。入到去夥計服務態度幾好。叫左個最多人食嘅叉燒滑蛋飯試下，加埋凍奶茶。黎到個飯賣相好吸引，好大碟。個蛋食落好嫩好滑，有蛋香味，應該唔係加蛋粉黎炒。叉燒偏瘦，適合我呢啲唔食肥肉嘅人啦而且份量都算多，一個人食絕對飽肚。下面啲飯有好多甜豉油汁，食落絕對唔會dry. 整體黎講係一個好好味嘅飯，價錢唔算貴，所以性價比較高。但係杯凍奶茶就比較平平無奇啦，可能係因為加得比較多冰，第一啖飲落幾香濃，但係越來越淡，我到後尾放棄左無飲到啦 食完嘅時候係打工仔lunch時間，所以舖頭外面有好多人排緊隊，所以就急急腳走左啦。得閒經過嘅朋友仔不妨可以試下，但係如果專門過黎排隊，就唔係咁抵食啦。

上網睇到人地去食，心思思又想試下有幾好食，心諗大把呢類既冰室，會唔會係得個樣，點知就令人好驚喜。個日已經係下午茶時間，但都坐到滿曬，我見大多數人都係食呢個滑蛋叉燒飯，於是即刻叫左，點知佢黎左滑蛋蝦仁叉燒飯，其實唔想食蝦仁，因為通常都係玻璃蝦質地，唔多喜歡，不過見等咁耐，都照食啦。碟飯一黎到，就香噴噴，個蛋望落去好滑，好juicy，食落去不失望，果然又滑又香，個蛋唔會老，非常好，叉燒又係有名堂，自製的，唔用出面野，呢點就值回票價。最後賣單時，好乖，比番滑蛋蝦仁叉燒飯個錢。

雖然澳牛近年光環越黎越淡但係鍾意食常餐既我，講起炒滑蛋依然會用澳牛做標準直至我遇上旺記😍之前係尖沙咀食過滑蛋叉燒飯覺得好香好好食今日黎灣仔做嘢梗係要encore旺記標榜係日本雞蛋個炒滑蛋真係好重蛋味同好滑真係無得輸！個多士就正正常常啦，之前食過奶油脆豬好食D（+$5）薑汁豬潤公仔麵唔係好食到薑汁味🤣豬潤唔鞋公仔麵唔腍過得去啦奶茶夠奶夠滑，茶底唔澀，不過叫左少冰都係太多冰啦總括黎講，旺記既滑蛋已經榮升我心目中既No.1其他食物就正正常常，所以建議黎食都係食番炒滑蛋同滑蛋飯，陣蛋味真係食得出唔同另外儘量避免lunch time黎食餐廳座位有限，我12:50排隊排到13:25如果唔係唔熟灣仔我都唔會繼續排如果係專登黎食就記得避免繁忙時間啦

🥚的確好滑蛋🥰🍳～～～～～～～～～～～～～～～～～～～難得去灣仔，試下旺記冰室嘅滑蛋系列。😋自家製叉燒日本滑蛋飯（$54）旺記冰室推介之一點可以唔試下，滑蛋滑溜滑溜的，可惜，蛋味唔夠，配上旺記祕製甜豉油同香蔥，特別易入口。扣分位係自家製叉燒，雖然好淋，但切得好薄，份量有D少。～～～～～～～～～～～～～～～～～～

旺仔冰室一直都很出名，每天都有很多人排隊。今天終於去吃了。爭扎了很久吃「自家製叉燒日本滑蛋飯」還是「滑蛋叉烧虾仁双拼饭」。這兩個飯都很出名，很受歡迎。最後選擇了「自家製叉燒日本滑蛋飯」！叉燒很好吃，炒蛋超級滑！醬油是用日本甜醬油，和蛋，叉燒很配合，「自家製叉燒日本滑蛋飯」果然沒有讓我失望！

真係終於食到喇！本身喺九龍返工，專登去灣仔揾朋友食lunch, 佢推介食旺記茶餐廳。我其實不太喜歡食茶餐廳，但友人話真係好好食，好想帶我去試，盛意權權下，就去試下啦。點知，真係三顧草盧，去第三次先食到！lunch time 實在太多人排隊太多人幫襯啦, 每次去到都長長人龍，無人排定隊，根本無可能喺打工仔有限嘅一個鐘頭裡食得到佢！店內座位密麻麻，但尚算乾淨。一間出名嘅食店，食物選擇真係唔使多，一樣拿手嘅，specialization, 就已經搞掂晒！眼見店裡十居其九嘅人都係點滑蛋叉燒飯！此店名物: 自家製叉燒滑蛋飯 $54賣相超吸引！ 滑蛋超滑！配甜甜嘅豉油汁真係畫龍點睛，好正！不過叉燒反而不太好味，有啲鞋，少少柴皮兩個飯都叫左加汁，走葱。(個人食咩都走葱的) 不過下次會想試下留番啲葱，有番啲葱香味，感覺應會不同。日本滑蛋叉燒蝦仁雙拼飯 $58加左$4,多左三粒蝦仁🍤蝦仁好爽口，不過唔太入味，有啲白烚嘅感覺呢碟嘅叉燒就好肥，都係有啲鞋口不過整體來說都好滿意。因為滑蛋真係好好味！杯朱古力都好夠朱古力粉，不會水溜溜另一杯茶走就普普通通，無特別是次體驗後，先發覺原來佢有其他分店，喺尖沙咀亞士厘

今日出灣仔工作，順便趁機會試試。店面不大，午餐時間，特別多打工仔排隊，只好買外賣返公司食。點了招牌叉燒蝦仁雙拼滑蛋飯（$59），午餐跟一杯飯品。飯量不算太大，女士食量應該剛剛好。白飯底，飯底加了甜鼓油，乾身啲會更好蝦仁有3-4隻，爽口彈牙。薄切叉燒有5-6件，未見出色，可能個人比較喜歡掛汁和厚切的口感。我下次應該揀蝦仁滑蛋飯滑蛋炒得滑身，返公司15分鐘路程原本擔心會焗熟變老，幸好打開時仲係僅熟狀態

好耐之前都係唔同既social media睇過旺記既介紹今日總於黎到一試午餐 - 滑蛋叉燒飯呢碟野既份量其實唔算大如果好肚餓既可能要叫多飯不過就有另一個問題就係佢既蛋同埋汁 同樣地都唔算多講返味道先 旺記係用日本蛋既所以蛋香同衛生都有一定既保證豉油食得出係炒過既甜豉油而差燒就差左少少 唔夠肥同埋無肉香午餐 - 濃茄湯午餐肉麵跟餐包埋野飲炒蛋同多士個茄湯係極之香濃！好似就咁將啲蕃茄搾汁咁濃 麵底煮得岩岩好夠彈牙而午餐肉係切角再拎去炸入口好香好脆！我比佢十分！唔好見門外咁多人就放棄唔排其實條龍去得好快 lunch我地等左十五分鐘就入到啦

旺記冰室四個字相信大家絕對不會感到陌生，招牌的北海道滑蛋絕對是經典中的經典。然而，旺記冰室近年分店愈開愈多，要品嚐滋味當然要試試灣仔這間本店。是日下午茶時段入座，全場爆滿，不得不說一句利害，而且分店內更貼上繁忙時段用餐時間為30分鐘更令我感受到旺記既魅力。1. 招牌滑蛋叉燒飯旺角聲稱全店使用日本產雞蛋，蛋味夠香，蛋黃夠鮮味，而且日本蛋對比本地或內地蛋品質更受保證，所以選用日本蛋作綽頭是明智之選。而叉燒方面，有別於傳統燒味店以麥芽醃製半肥瘦烤焗，旺角則是自家制叉燒味道，若單單以叉燒味道評論，旺記似乎仍需要改善，原因是叉燒表皮未有燒至卝焦香，麥芽味欠缺，但若配上滑蛋一口享用則是兩個層次。 滑蛋香口嫩滑，蛋汁蛋味非常重，不知道是否有加了牛奶關係，感覺更滑更飽滿。同時因爲叉燒不是焦香關係，未有搶過蛋香，嘗了一口終於明白為何旺記會選擇自家叉燒，能控制叉燒火喉之餘，亦確保不會過燶影響滑蛋口感。最後連同一杯忌廉即磨咖啡，為繁瑣的一天帶來小確幸

💁🏻‍♀️#旺記冰室🍴-灣仔既打工仔應該對呢間茶記一D都唔會陌生！傳說中嘅旺記，lunch hour永遠都超多人排隊，今次派左朋友早D拎籌，終於趕到系lunch hour試到佢！完全冇令我失望！係一間好高質嘅茶記！-午5 特濃蕃茄湯 午餐肉粒 通粉＋牛油包多士＋炒滑蛋($48)$50 都唔洗，就有個足料茶餐，午餐肉粒煎到極之香脆，蕃茄湯亦極足料！牛油包多士係有俾心機烘唔係薄EE果D。仲有！炒滑蛋真係非常之出色，又滑又重牛奶味～食完呢個lunch真係made my day ar~-呢到仲有個招牌菜叉燒滑蛋飯，有機會要再試。建議非打工仔可以揀非平日嘅時間來試，咁就唔洗等咁耐啦。-📍旺記冰室 (灣仔)#灣仔 謝斐道142號建利大廈地舖--

今次已是第二次光顧此食店。平日經過都排了十個人的人龍，所以都避之唯恐不及。但我發現原來每星期六，星期日早上都會比較少人不用排隊等候，所以都會趁這些時間幫襯。上次吃過通粉早餐，今次由於不肚餓的緣故，所以點了三文治餐：免治牛肉花生醬生菜炒蛋，原本覺得這個組合相當另類，但看過它的相片又很想一試。點這個需要等10分鐘，所以大家想吃但趕時間便要留意。三文治上枱時會聞到濃濃的花生醬香味，生菜是切絲混入蛋醬中炒的，所以不會在吃時散落四周，相當貼心。炒蛋的分量非常充足，是整份三文治的重要主體，假如你喜歡炒蛋也會喜歡這個三文治的。薑汁奶茶也是有濃香的薑味，但卻完全不辛辣，奶茶亦夠濃郁，兩個口味相當平衡，不會被搶風頭。

去開灣仔，見到呢間餐廳好評如潮，於是專登去食個早餐。8點20分到門口已經排咗四五個人，要齊人方可安排座位⋯⋯入座後便點咗推薦的A餐和B餐。我點咗蕃茄濃湯餐肉通粉，另配上多士炒蛋和熱咖啡。通粉煮得恰到好處，蕃茄湯汁名符其實，十分濃郁。多士係燕麥多士，烘過，所以暖暖地，外脆內軟，中間仲加咗蒜汁，幾有心思👍🏻日本炒蛋並唔覺得蛋香十分出衆，炒得也比較實。

師兄開當然支持，其實已經來了三次。知道要出灣仔，今早830未夠已到，羽量人龍。(Lunch至少排30分鐘。)滑蛋叉燒飯午餐當然出色，之前食早餐吃了咸牛治，大件又好食；畢竟是招牌。所以我今次想試非招牌菜，反而觸動我出post。自少喜歡五香肉丁，但不知為何，可能香港人愈來愈health conscious，愈來愈少茶餐室賣。賣的我都會試，伏多: 又乾又硬甚至凍。旺記的五香肉丁是”熟”而有少少肥的。不是什麼珍饈但我覺得吃到了小時候喜歡的肉丁！加上麵是湯而不是水，滑蛋繼續水準之作，加起來十分滿足。只好説，大佬請努力保持水準；同埋，旺記可否喺旺角開？