明豐粉麵廠 (已結業)

我見到大部份的食評都講它的餃子。它的餃仔真不錯。我試過佢幾款雞肉餃子，真的不得不俾個 LIKE.但我今日過講佢地的麵。我試過它的上海麵和雲吞麵。它的麵食非常新鮮而且彈牙，與出面一般麵食很不同。再者，其份量也足料，很飽肚。一間很多誠意的小店，值得支持

呢間想試好耐嘅手作餃子舖見佢店入邊仲有啲手作嘅麵條🍝例如上海麵感覺都好新鮮不過驚佢唔可以存放得太耐今次就買咗水餃同埋雲吞試咗先韭菜水餃$25有12隻，都幾抵食另外鮮蝦雲吞就貴少少$37有12隻建議心急同埋趕時間嘅人就唔好買餃子啦買面就唔需要排隊可以即刻買走當日排我前面只有兩個人但我都要等大概10分鐘因為佢真係即刻現場包㗎（一個人包🍂）返到屋企烚咗一半嘅雲吞一半嘅餃子落去氣炸每粒雲吞都有一隻蝦，豬肉調味做得好好另外韮菜肉餃既韮菜多到發現唔到肉既蹤影我反而覺得咁樣仲好，食落清新唔會太油膩下次有機會再試吓佢啲面先

食完泰菜出來，腍下晚餐食什麼好，見到隔離鋪有一間賣粉麵餃子的店名叫明豐粉麵廠，高高的招牌印著創立於一九六八年，即是這品牌有五十三年歷史，可以維持到今時今日應該都有其優勢。鋪仔細細，店員是老人家及中年女士，櫥窗內擺放了各式各樣的粉麵品種。透明膠帳篷上貼有鮮色卡紙寫上餃子和雲吞的價錢，種類多有十款可選擇，全部以每打計算，門口左邊標示買餃子的請在此排隊，門口右邊標示不用買餃子的請在這邊排隊。相信人多光顧時分流用，不過今天人少所以不用分，看看有什麼好買回家做晚餐，我直接告訴店員要買的就可以。餃子和雲吞都想要，奈何我家人口少，本想買兩款，每款半打，問店員可否每款半打，怎知她說只一打賣，沒有半打。最後選了最大路的貨式，鮮蝦雲吞試下。雲吞外型每粒圓圓潤潤放在一個紫色盒內，外皮撲上一些生粉保持乾爽。晚餐時段到了，把雲吞放入滾水內煮，煮熟的雲吞皮呈現淡黃色，餡料仍是漲漲實實被包裹著。把雲吞分開兩半，可以看到豐富的肉團和兩只小小的鮮蝦，蝦肉爽口，肉團扎實，味道不會太鹹，口感不錯。我再加一個麵團和菜心同吃，名符其實雲吞麵。

鍾意食雲吞嘅人，其實唔會介意四圍去買啲生雲吞返屋企煮。食過民豐十幾次，乜嘢款式都食過。今次想試下唔同雲吞餡料，於是特登行去明豐，佢個位置都算容易搵，但唔算超級方便。舖頭細細間，企理乾淨明顯做街坊生意格局。老師娘好友善，見我望住雲吞menu幾分鐘（我選擇困難症，好多款都想食），冇催我仲叫我慢慢諗。買咗西洋菜雲吞、雞軟骨雲吞同埋椰菜雞肉雲吞返屋企試。等幾分鐘，即場新鮮包再加埋即日食，雲吞個口感真係好正。雲吞皮薄，餡料足，我個人就非常滿意。值得推介：西洋菜雲吞、雞軟骨雲吞*食完唔口渴

身為荃灣嘅街坊, 一直都以為只有叫民豐嘅餃子好食, 後來食過明豐嘅餃子之後, 發現仲好食D。而且價錢實惠, 皮薄餡靚。有次做節, 放工去買, 賣晒添呀! 年尾果幾日凍, 老公就特登過去買咗3 打韭菜餃返屋企。如果雪冰格可以KEEP 到幾日, 咁就可以留返幾餐食啦! 韭菜餃 - $24/12 隻除咗韭菜餃, 仲有其他選擇。老公話睇住佢哋即包即賣。餃子整齊排喺盒內面。餃子SIZE 偏細, 不過真係皮薄。淥起見到D 餡 (留意返: 牛丸唔係明豐買架) 食落好有媽媽嘅味道, 想起兒時媽媽成日包餃子俾我哋食。而且食落D 餡好有水份, 勁多韭菜, 肉就少咗D。不過身為餃子控嘅我, 都好滿意呀! 如果你都係餃子控, 誠意推介你試下明豐嘅餃子! 

哩間小店就位於香車街街市對面，賣麵賣水餃，早已聽聞哩間嘅餃子出名，今日嚟到一次就買左三盒。▫️🥟韭菜豬肉餃、白菜豬肉餃、鳳城水餃各一打，一共$85，好抵！水餃粒粒飽滿，菜好新鮮，不過韭菜同白菜餃都食唔到有肉！調味唔重，有菜嘅清香，感覺幾健康！▫️🔺韭菜餃，韭菜好新鮮，好香好食！🔺冬菇白菜餃一般、菜唔爽脆、亦冇冬菇香。🔺鳳城水餃內有雲耳、紅蘿蔔🥕、豬肉、大隻蝦，口感豐富又爽口，蝦係鮮蝦！哩款好味！

好耐無買啦！雖然荃灣人都知香車街街市附近有好幾間名物，但基於位置考慮同時間問題，好難話去就去。今次就本來想食另一間，見無開就順便買盒餃返去。蓮藕雞肉餃，係盒面唔會見到依個名，因為款式不定期更新，除咗基本款之外都唔一定次次有，當然仲要睇賣哂未，雖然材料對面街市會一直幫佢補貨，但都要時間處理，加上存貨少到接近次次去都要等即包，其實真係唔得閒。荃灣餃子好多都好大隻，依間都唔細，對上過年買仲出現過巨無霸，因為原創人李太早已唔見佢包，近年見佢都係後倉出嚟，應該只負責餡料，始終餡料質素一直都保持到，但包法就次次唔同，今次個皮感覺就厚咗，唔知同包法有無關，但味道真係好，材料處理細緻，真係食唔出係雞肉！但都要講句，其實佢係粉麵廠。

從小到大都很喜歡吃餃子，荃灣餃子選擇多，今天去完肥媽屋吃車仔麵，順道過來買餃子。明豐麵廠歷史悠久，始創1968年，這裡的餃子皮確實做得不錯，可惜人越大，越來越少時間包餃子。幸好這裡有現成包著，即叫即做。現成包的餃子選擇多，筆者通常見她正在包的那種味道，便會吃那味道，沒有特定選擇。當日包的，正是韭菜豬肉餃和雞軟骨餃。由於一盒不能選雙拼味道，故此今次選擇了雞軟骨餃子。除了餃子之外，還有蝦子麵、全蛋麵、魚蓉麵等選擇⋯⋯由於後方，便是自設工場，所以有時會見他們一腳踢。盒子上印有餃子種類，有時候打算自家作火鍋時，會預早打電話預訂，省時即取。雞軟骨餃子$32~$32 有12隻，其實雞軟骨餃子的質感，煎餃比放湯更好吃，但筆者今晚打算省時，湯餃較為方便。明豐水餃皮夠薄，配上雞肉、馬蹄、雞軟骨，爽口有𡁻頭，淡淡的味道。配上點點辣油，簡單就是美。

真的好少見到一間地舖嘅水餃粉麵店， 員工會根據你選擇的水餃味道，收錢後會逐隻逐隻去包，放入紙盒灑上生粉，以避免黏埋左一起， 話說見到一兩個客人比完錢，排在我前面的，我好奇怪點解咁耐都未輪到我買呢，於是我伸頭入去望清楚，原來有兩個姐仔喺度摩打手即包客人要求之水餃款， 不得了， 能夠新鮮到咁，我即刻加碼由原本想買一盒轉揀咗三盒不同味道，真係等到隻腳有D攰不過係值得嘅，鮮蝦雲吞、西洋菜餃子和雞軟骨餃子，返到屋企比屋企人睇都話個賣相好掂食落又好味， 佢地食得快到我都冇影相， 下次一定要再試他種類

今日揸車游到去荃灣, 記得宜間細小的舖頭有有雞軟骨,鳳城, 西洋菜, 白菜冬菇肉, 椰菜冬菇肉, 蒜蓉莧菜, 蓮藕雞蓉, 木耳蘿蔔餃呀, 鮮蝦雲吞!原本想試多D呀！但係唔可以半打咁買要一合一合呀😔！原本想試雞軟骨餃點知星期六下午三時已經買呭啦咁冇法啦,今次試咗韮菜餃先啦！Wawawawa見到老闆娘自己包的韮菜餃馬上上前去買返合呀！我今次冇放湯我想試吓煎囄食吓！ waaaaaaaaD韮菜好多呀！皮唔太厚😍😍😍, 韮菜好鬼香呀😋😋😋😋！一合12粒煎餃子

之前見蘋果介紹，在香車街街市對面，但門面真係太低調，以前路過好多次都無察覺佢存在。前鋪後工場，鋪面很細反而工場很大。面內印有店名的白色方形大鐘，充滿歷史感。鋪面一位姐姐在默默包。點了白菜冬菇豬肉餃，$22一打，以為姐女姐拿一盒給我就是了，沒想到姐姐放下手頭工作，即時在凍櫃內拿出用方形不鏽鋼兜盛著的餡料，即叫即包。這兒的餃子是像慣食的魚皮餃的包法，可以一口一隻。這裡的餃子皮是獨有的梯形，讓摺疊的位置不會有過多的粉皮。回家後一半放湯一半煎，皮薄帶煙韌，餡料味道偏淡。個人認為更適合煎。

第一次幫襯，這地方第一次逛，也找了10分鐘左右，我們買了每款半打，試下好不好食，選了兩款，吃后，覺得皮很薄，味道也不錯，仲好吃過荃灣排哂隊那間X 豐...可值得一試

還在葵芳區工作時,一直想在週末下午時到香車街明豐粉麵廠買餃子,但拖拖拉拉的總是沒有實行,反而新公司就在附近,上下班每天也會經過香車街,除了附近的多間食肆外,這家粉麵店當是目標之一, 只因我們家其實都喜歡吃餃子。早上八時多已見阿姐們在店裡包餃子,晚上下班時她們仍在包餃子,真勤勞!但我又不清楚那位才是李太哩!門口招牌裡各款餃子在晚上也仍有供應,阿姐提議我吃西洋菜餃,正有此意哩!同是餃子店,客人比區內另一著名餃子店少人很多,不用排長龍才買到手作餃子。西洋菜餃數目不足而加了幾粒鮮蝦雲吞湊數,黃色雲吞皮很滑溜,有可能都是自家製的雲吞皮,小小一粒的像小金魚,不是大大顆的乒乓球雲吞。餡料蝦比肉多,蝦肉爽口可以一吃。阿姐推介的西洋菜豬肉餃,菜比肉更多,以西洋菜為主因而非常爽口,有著淡淡西洋菜香,果然不錯。在荃灣各街市都可買到優質西洋菜,這裡的香車街街市也不例外,也許這原故幾款餃子又以這款餡料最鮮美,應是最後期才包好的。最濃味的韮菜豬肉很有韮菜香,同是肉比菜少的比例,韮菜不老無渣,不過吃後總有點"回味"。白菜豬肉是椰菜那種北方大白菜,不是綠色白莖那種白菜,調味較清淡之下,菜跟肉也沒有什麼特別味道,這款是

在曹公坊的翠苑牛什粉麵專家吃了一頓很不稱心的下午茶餐後，離開時看見隔鄰有一間粉麵廠「明豐」，外面有個人字水牌寫著「李太新餃作」，一共10款水餃，有些確係頗特別，所以，既然晚飯煮甚麼仍未有決定，不如來個新餃作的水餃上海麵。每款餃以每打計，價錢各有不同，有平亦有貴，但老闆賣餃都有彈性可每打選擇兩款，價錢即是以半打計，所以揀了蓮藕雞蓉餃（$24打）拼白菜豬肉餃（$16打），一打合共$20。蓮藕雞蓉餃味道幾好，雞蓉打得細軟，肉中又混有蓮藕粒同甘筍粒，而且餡料甚多，雖然成本要$2隻，也甚覺抵吃；相反，白菜豬肉餃就比較普通，而且不及雞蓉餃的餡料多，可能只賣$16打，有少少將貨就價的感覺。抱歉，忘記把煮好的水餃拍照！