明閣 (鷹君中心)

上星期約埋中學同學食 lunch，因為大家都中西區番工，最後揀左灣仔鷹君嘅明閣。其實有左會展站之後，中西區真係多左選擇，而點心中菜不嬲隱陣，但覺得來來去去都係食嗰幾款，冇乜諗住會有咩特別，但今次鷹君明閣係有驚喜嘅 由於本人遲到，門口帶位嘅同事都好細心，望一眼都早知我係邊張枱，要讚 👍🏻 環境好舒服，唔會太逼夾，枱同枱之間係有距離嘅，有啲熱鬧又唔會聽到大家講野，幾好，係我鐘意嘅 atmosphere service 亦到位，侍應對客大概一對二、三枱咁上下，因為我最怕有人企向隨離隨時幫你收碗碟加茶呢種 食物方面叫左幾款大路點心同豉油王炒腸炒，味道可以算係中上上，睇得出有手工同心思，上碟擺盤亦算細緻 而最最最令我驚艷嘅係個 飛天XO 醬，好香，食得出有條條瑤柱絲向入面，唔會太辣，又唔會死咸，係落少少落咩都會好食左嗰種，最衰唔記得左問有冇得買走 同經理傾開先知原來旺角 Cordis 明閣係有米芝蓮星星加持，班底亦大有來頭，鷹君明閣係由粵菜大師曾敬超師傅掌舵，帶住行政總廚陳漢章師傅同其他弟子坐陣，唔怪得坐落望落食落都咁高質，大家食完呢餐，都不約而同話要離試下佢地晚飯，但我地一行六人，有兩個九

今天第一次去明閣食lunch，食物水準很高，果然係米芝蓮之選。 首先，環境舒適寬敞，侍應生服務周到，由安排入座，上菜到埋單都十分有禮。食物方面，每道點心都十分精緻，味道豐富，各有特式。特別喜愛雪山竹炭叉燒包，竹炭口味清新又有滿滿的餡料。還有蜂巢芋角，而家很難搵到呢個傳統既點心，除此之外，咬落好鬆脆，同芋頭好夾。最後我都喜愛既係海龍王紅米賜，第一次食，配搭好新鮮，外軟內脆，好得意。最後，仲有其他未試過既點心都想下次試下，值得再去。

Z話升職請我食好嘢。第一次去會展站，一出就係。既然被請，就由Z發辨。龍皇帶子羹-> 清香、鮮甜金沙脆香廣島蠔-> 蛋黃味濃而不膩芝士焗釀鮮蟹蓋-> 蟹肉鮮美欖菜蓮藕生菜包-> 中式生菜包，預期之內；生菜整到好似個貝殼咁，仲有啲食用花伴碟，讚！乾炒牛河-> 唔記得影相。本來冇諗住叫，但Z話佢請客就乜都試吓。第一次食咁貴嘅牛河，牛肉出色香芒凍杏仁豆腐-> 杏仁味恰到好處，三者融合得幾好，份量多啲仲好食得好滿足，Z果然冇介紹錯！

疫情之下，呢餐飯一改再改，所以特別期待，好在冇令我哋失望！環境：有格調而沒有土豪感；枱與枱之間有足夠空間服務：細心有禮擺盤：整體好有美感，有花心思味道：脆皮燒腩肉，皮脆肉嫩荔茸百花香酥鴨，加埋個香菇汁，鬆脆味美鮮花椒蒸龍躉球，必試！有少少麻香嘅龍躉，口味獨特不失鮮味乾炒牛河，水準以上，一般餐廳冇得比美點雙輝，金箔鮮磨芝麻糕加火龍果桂花糕，呢個就冇乜驚喜回味度：爆燈，好想試埋lunch啲點心、蛋撻仔

疫情期間無得去旅行, 為左對自己好D, 一定要定時食下好野, 平衡下心理! 今晚約左老公加2個朋友一齊去明閣食中菜, 兩位女士叫了東方美人餐, 另外再散叫了好幾道菜, 人均大約$900位, 這個價錢, 加這個水準及用料, 我覺得我絕對有責任向其他人推介明閣 先看看東方美人餐的餐單:<東方美人·養顏套餐 >酒香海蜇醉鮑魚、極品蜜汁叉燒、車厘茄紅燒蟹肉燕窩羹 (位) 魚子醬雪地明蝦球 鮑汁脆皮花膠素千層 紅棗杞子蒸龍躉球 麒麟雲腿翠玉瓜 窩燒滋補竹絲雞炒飯 (位) 桃膠薑茶湯丸、暖胃棗皇糕 每一道菜也很好味, 當中頭盤: 酒香海蜇醉鮑魚、極品蜜汁叉燒、車厘茄; 魚子醬雪地明蝦球 ; 鮑汁脆皮花膠素千層 ; 紅棗杞子蒸龍躉球; 桃膠薑茶湯丸等等都非常出色!  最特別一定係脆皮花膠, 第一次食酥炸花膠, 很香口感很鬆化,  令人一試難忘! 其他菜式水準也十分高,  的確要珍惜能與好友共享美酒佳餚的機會, 好好活在當下!   

一向鐘情於西餐, 所以對中菜沒有多大慾望. 但聽朋友推介灣仔明閣水準出奇地高. 抱著"即管試一試"的心態, 與幾位朋友一起到明閣點了 <東方美人. 養顏套餐> 單看名字已對這餐飯充滿期待! 果然, 不但食物質素高, 環境也很舒適, 服務一流, 果然驚喜連連! 單是一杯house white wine, 已經好好飲! 本來今晚打算滴酒不沾, 但最後還是忍不住, 叫了兩杯. 可惜忘了問是哪個牌子....頭盤是: 話梅柚皮車厘茄、鮑魚海蜇及叉燒.  鮑魚海蜇固然好食, 叉燒肥瘦剛好, 而最令人驚喜的是車厘茄! 柚皮的清甜配合車厘茄的點點酸, 簡直一絕!紅燒蟹肉燕窩羹.  這個蟹肉燕窩羹用料十足, 充滿鮮味, 正!魚子醬雪地明蝦球. 這道菜是今晚其中一個亮點!!! 整碟蒸蛋都很滑很滑, 超好味. 再加上中間有龍蝦口感, 啖啖肉的虎蝦 吃到這裡已值回票價紅棗杞子蒸龍躉球. 紅棗杞子一般都是甜品的材料, 我從未試過配龍躉球. 這又是另一高水準之作! 龍躉很鮮很滑, 加上紅棗杞子淡淡清香, 連粉絲也變得不平凡! 這可能是我一生中吃過最好吃的蒸龍躉!其實這個套餐邋有好幾道菜. 但我愈吃

第一次嚟明閣就試吓佢哋嘅套餐，Around $900 就食到原價$1388嘅嘢，都算物超所值，唔怪得環顧四周，大部份都係嗌呢個東方美人養顏套餐。最記得佢哋嗰個龍躉球係用紅棗杞子去蒸，好嫩滑同埋好入味，底部嘅粉絲索晒啲精華。仲有個雲腿配翠玉瓜，一般嘅雲腿都係又咸又乾爭爭嘅，呢個竟然出奇地嫩滑同埋有啲甜味。個脆皮花膠都好特別，高級嘅食材配上特別嘅煮法帶來出色嘅味道和口感，不得不讚吓個大廚！頭盤嗰個柚皮同埋車厘茄都有意想不到清新嘅感覺！講到養顏點少得蟹肉燕窩羹。成餐飯食嘅速度有啲似食法國菜，加上高雅裝修環境配合，食完溫和得嚟又好舒服，有一股由內而外散發出嚟嘅美·味。

無意中喺OpenRice見到明閣嘅＂東方美人·養顏套餐＂promotion，即刻call埋班好姊妹去試。哇哇哇！一嚟就俾佢嘅明閣三小碟吸引住眼球！先食個fresh 嘅酒香海蜇醉鮑魚，之後係肥美嘅蜜汁叉燒，加上口感十分特別嘅話梅柚皮車厘茄（有金箔㗎💛），真係一次過滿足晒三個願望！另外好欣賞佢哋嘅魚子醬雪地明蝦球，爽口彈牙之餘，底層配上薄薄嫩滑嘅蒸蛋，好味👍🏻冇得輸嘅仲有佢哋嘅鮑汁脆皮花膠素千層，第一眼以為係豬皮但原來係一塊炸到薄脆嘅花膠，How can they do that ? 食落口竟然係有煙煙韌韌幸福嘅感覺❤！最後嘅桃膠薑茶湯圓同埋棗皇糕為養顏畫上完美嘅句號。我哋仲叫咗House white wine, 易入口又唔酸澀，佢哋Bar嘅推介不錯呢～姊妹聚首當然好多嘢傾，坐耐咗都唔緊要，原來會展站就係正隔離，行兩步就上到地鐵了，勁方便呀！Like 👍🏻

平時愛食意大利菜，約朋友香港區食晚餐朋友愛中餐，無所謂一食無妨。橫掂之前食過都覺得唔錯。晚餐去得明閣，都預千一二落樓，點知竟然有個$838既美顏餐。餐名叫東方美人，中菜美顏餐用東方美人尼個名改得好，易記又合題。餐如其名，全部菜式都係充滿骨膠原，補血補身又護膚。最愛當中脆皮花膠，花膠竟然可以造成脆皮，口感豐富，配鮑汁很好吃。尼一客如果單點都成600蚊，尼個餐真係抵。另一最愛紅棗杞子蒸龍躉柳，龍躉柳魚油豐富，配紅棗杞子正好補補血。甜品薑茶湯圓, 薑味十足, 驅寒很好。如想試一次高級中菜，800幾有咁既水準。入門級價錢，米芝蓮級數菜式👍🏻推介。

疫情之下真係冇乜機會可以食下啲好地方適逢而家放寬少少諗住去試吓啦可一不可再非常失望真係唔知佢點樣攞星逐樣嘢：伙記嘅招呼簡直係犀利好多都係短暫眼盲簡直當你透明樓面大部份都係除咗幾個似返個人餐具就此係芝蓮級數冇乜挑剔先講個花膠雞絲羹足料，有些少喊叉燒乳豬拼盤叉燒- 令人失望有啲好乾嘅部位都攞俾客人食乳豬- 10個讚做得非常好尤其是個醬汁，應該係自家做有啲玫瑰露嘅味龍王被金甲- 真係唔係好得賣相冇得頂，遺憾地有腥味鳳梨咕嚕黑豚肉- 質素好過美心少少冇性價比令人失望花雕蛋白蒸雞- 賣相直程唔得係我自己喺屋企煮嘅水準蛋白唔多啲雞肉黐刀上枱成個面頭都係油唔知係咪應該係咁樣定係我唔識食蔥香鵝肝和牛窩燒飯- 唔夠乾身和牛食唔出嗰隻味甜品成餐飯甜品最好食- 烏梅凍糕- 香芋鮮奶燉蛋白- 黑糖薑汁奶凍總結甜品係做得非常好乳豬都非常好其他嘢麻麻地餐廳環境係OK嘅啲夥計唔OK收客人呢個價錢就真係要俾返啲誠意同質素出嚟希望佢哋盡快改善如果唔係真係有啲可惜

約咗朋友食明閣去會展睇Art Basel點知歐聯決賽太精彩令到遲咗起身用咗15分鐘梳洗再搭超音速火車用咗15分鐘由沙田到會展站由遲到變準時因為選擇困難症，直接揀咗點心套餐明閣叉燒係最最最好食嫁，伴住我最愛嘅海蜇跟住三款新蒸嘅點心 保持水準再嚟四款煎點心 很有驚喜最後係最最最期待嘅甜品雖然食到好飽 女人嘅甜品永遠都係吉秒速Ko奶凍除咗享受明閣精緻點心亦同時享受明閣嘅親切服務尤其在bar 枱附近遊走嘅四眼哥哥仔🫰🏻

和朋友相約明閣小聚菜品真是驚艷每一碟都好精緻看出廚師的用心烹制味道也是沒得說給我印象最深的就是那碟「鮑汁脆皮花膠素千層」平時花膠湯就喝得多，第一次試花膠的另一種煮法，外層香脆、內裏軟糯，鮑汁的鹹香又將花膠的味道昇華，總之，這是一個非常讚的嘗試，試過之後一直讓我回味！另外，竹絲雞炒飯也是香滑軟糯，一點沒有竹絲雞本身的那種味道，反而更多的是雞肉特別的香氣，而且是石鍋裝盛，保溫度很好，這個也推薦紅燒蟹肉燕窩羹，看名字就覺得好養顏，吃完燕窩瞬間覺得自己皮膚美美噠，料好足，肉眼可見滿滿蟹肉和燕窩，

With Covid restrictions easing, my friend and I decided to take a day off and organized an fancy and elegant day for ourselves. Since it was just the two of us and we wanted to try all kind of dim sum but worry that we might not be able to finish all the food, we booked Ming Court Wanchai for their Dim Sum tasting menu. It was hard to book but the wait was totally worth it!! We portion was perfect and gave us the chance to try EVERYTHING. I especially love the Deep fried Taro puff pastry with

闊別半年嘅朋友聚會，有人提議去明閣，難得個個都話ok咁冇所謂啦，心諗都係撳定多啲錢穩陣。收工搭地鐵，嘩！原來去會展站超快，之前勁怕轉車同行嗰條奪命天橋，以後唔使怕。B出口一轉就係鷹君中心，地點贏晒，聽講本身响嗰度泊車都有lift直達，而家連搭車都咁方便～一入去waiter已經好好招呼，帶咗我埋去朋友張枱，好有貴賓feel。一坐低幾個女人仔已經決定好食而家做緊special嘅東方美人餐，望一望餐牌，超抵食喎。8道菜又花膠又龍躉又燕窩加埋一都係9百？？？高級食府喎，好親民♥️♥️♥️～餐廳成個環境都好舒服，而且枱同枱隔得相當遠，空間十足，唔會話邊枱嘈到邊枱。菜式一度接一度由waiter送上，我地多嘢傾又食得慢，唔使怕啲嘢放晒响度攤凍晒。講番食物，質素的確對得住個品牌，好好食。唔好睇每樣好似得少少，食到第6道已經飽飽地。其實咁樣好好，款式多，份量拿捏得啱啱好，又唔會嘥嘢，好啱女仔。其中最最最中意係脆皮花膠同個蟹肉羹，估唔到花膠都可以咁整，一咬落去脆皮香口然後就食到花膠嘅黏口，好特別。個蟹肉羹冇得輸，啖啖都係燕窩同新鮮蟹肉，好滿足成餐飯坐足3小時傾足3小時，朋友仔果然冇介紹錯，即場約實下次飲茶試埋點

套餐有8道菜，份量剛剛好，每道菜都做得好細緻。上次食過一次覺得好好味，所以今晚同家人一齊來再食多次。Quality好好，性價比好高，可以一次過試到咁多道菜，好滿足！服務員係一道一道菜咁上，可以每一道慢慢品嚐。蟹肉燕窩羹好多蟹肉，湯底味道好好。蒸蛋同蝦蒸得剛剛好非常滑。花膠炸得好香好脆但係唔油膩，火候剛剛好！蒸龍躉好滑加埋粉絲好好味。炒飯好多料，雞肉彈牙又多雞蛋，正吖！最後既甜品為晚餐劃上完滿既句號，湯丸夠薑味但係唔太辣，紅棗糕真係好香紅棗味但係唔會太甜，回味無窮