春禧堂台灣料理餐廳 (已搬遷) 新店位置

旅行對港人來說非常重要，在沒有出行的日子，只可在港尋台味。滷水蛋，味道濃，而且軟硬適中。上湯浸時菜，唐生菜滑脆口。滷水豆腐，豆腐外皮煙韌。滷水豬腳， 豬腳的肉有味道，而且豬皮比較煙韌。香酥炸排骨滷肉飯，排骨內軟外脆有肉汁， 滷肉飯味道濃烈，滷肉做得不錯。台灣烤香腸，烤香腸是沒有得輸的，味道甜甜的，而且外面脆脆的。台灣香腸菜粒炒飯，喜歡香腸的我當然會再叫香腸炒飯，分量夠多，飯粒粒分明。芝士奶蓋阿華田，甜度剛剛好。幸福紅豆豆乳，這個值得叫，豆味香濃，紅豆軟綿可口。這裏還有鳳梨酥可買回家吃，下次可以買來試一試。味道: 值得一試環境: 舒適衛生: 尚可以服務: 尚可以價錢: 超值

好耐冇食台灣嘢啦，好掛住台灣啊，見到尖沙咀中港城有間新開嘅春禧堂專門食台灣野，我就約咗朋友去試吓呢間新開嘅台式餐廳，入到去侍應帶我哋坐埋卡位，呢度裝修到好靚，門口有個打卡位，一定要影，我都影咗好幾張入到去咁啱係我卡位隔離係一個花海咁嘅牆打開Menu，我叫咗個海鮮鍋，而我加多$6有個滷肉飯好抵牙，個海鮮鍋好足料啲蝦都有成十幾隻，我就加咗$18蚊配埋個茉莉珍珠奶茶加仙草熱嘅以我朋友叫咗個台式蚵仔酥，呢個跟埋個滷肉飯嘅，個蚵仔酥好香好脆，佢就叫咗個荔枝綠茶凍嘅跟餐加$8另外我哋仲叫咗個台灣烤香腸， $28，一上枱陣陣香腸未配埋有啲蒜片，咁嘅配搭好香又唔油膩因為我哋坐卡位嗰陣時侍應都推介我哋呢個台灣鳳梨酥咁我哋最後試兩件試吓，$15有兩件，入邊都係爆鳳梨用都好香口好好味，今晚攬住個肚走大滿足

有咗小朋友之後，YUKI一直都有留意香港既親子餐廳🍴始終出去食飯都想帶埋小朋友一齊開心下麻🥰原來香港唔係好多餐廳有BB櫈，而且外食多數好高鈉，對小朋友腎臟唔係咁好😣所以帶小朋友去街一定要好識揀餐廳上星期YUKI帶粉餅去咗一間位於尖沙咀既台式親子餐廳，佢哋有啲食物相比起其他餐廳係冇咁鹹😋都岩小朋友食，例如花枝丸蕃茄米線🍜湯底由好香濃既蕃茄煲出嚟，所以味道酸甜可口，少鹹味，粉餅仔食到停唔到口😝另外我食得出比較低鈉既係牛肉濃湯水餃🥟真係唔鹹，但又好香好好食☺️俐兩款連YUKI鍾意食好嘢既先生🐮都話好食👍🏽另外我最我嘅食春禧堂既➡️黑醋醬汁茄子🍆上面既黑醋醬汁真係好香，搞到我食完仲想再食多碟😹涼拌貓耳朵、手拍小黃瓜🥒都係我最愛😝之後仲有➡️滷肉飯➡️炸地瓜條➡️滷水雞翼➡️鹽酥雞排(我先生話好好食😆)飲品方面粉餅就飲少少咗外婆家的豆乳🥤我先生飲珍珠奶茶🧋(冇廢水店既咁甜)茶味幾香🌿我就飲暖粒粒嘅薑母茶🍵啱晒鐘意養生既我😌對餐廳評價❤️10分滿分💯整體評分:9分🌟食物味道:8分服務態度:10分（店員好Nice)環境:9分(好多打卡點）回頭率:70%食完美食當然要放下電⚡️啦🍜春禧堂🍜尖沙咀中港城店限定最新🆕親子

✚✚✚✚✚✚✚✚✚✚✚✚✚✚✚✚✚✚✚✚✚✚最近返工發現公司附近開左間新既台式餐廳，就買外賣🥡試下😂，事關我唔係咁鐘意一個人係出面食飯。鋪頭裝修得唔錯，門口位置設計左個位置比客人影相，都好有心思❤️再講下食物啦，我點左個$69 既set 餐，個餐包括有鹽酥雞扒滷肉飯、滷豆腐、同埋豆腐一杯。 個餐係超大份，一個大食既女仔食，都會食淨🤭個滷肉飯就有待改善，可能味道唔係咁似台灣果種。而個鹽酥雞扒係好大份，但雞扒唔夠味。個滷豆腐就ok,飲品就夠大杯，都ok 既。始終都係試業期間，仲有好多改善既空間🙈，不過整體上，如果同朋友去飲下野，傾下計，坐得都舒服既。人均消費：$50-$80左右✚✚✚✚✚✚✚✚✚✚✚✚✚✚✚✚✚✚✚✚✚✚

位於尖沙咀中港城的「春禧堂」絕對能解台灣控的愁。這台式餐廳提供了多款人氣台灣美食和飲料，喜歡台灣美食的我當然不會錯過。這店的裝修陳設以清新的湖水綠色為主調，給食客一種清新、舒適休閑的感覺，店內隨處也找到打卡位。入座後用二維碼點過菜，不消一會兒，美食便盡在眼前。～雙盛紅燒牛肉麵+黑白配珍珠豆乳腱心牛肉和牛腩口感非常好，牛味突出，有咬口卻又一點也不會韌。入口絕不過濃的牛肉湯和較硬身、有𡁻口的台灣麵配合十分得宜。值得特別一提的是這碗麵的配菜--切得”大大嚿”的紅蘿蔔，白蘿蔔和菜膽，大大啖咬下去令人感覺特別滿足。滿滿一大杯的豆乳豆味十足，配上煙煙韌韌的珍珠，除了賣相吸引之外，味道亦相當不錯。～鹽酥雞排麵+熱蜂蜜綠茶鹽酥雞是即叫即製的，外皮酥脆，雞肉卻嫩滑，味道適中；吃過湯麵後，來一杯微甜的蜂蜜綠茶，感覺清潤。～椒鹽花枝丸炸得恰到好處，外皮香香脆脆的，內裏的花枝肉非常彈牙，配合惹味的椒鹽，入口非常美味。～滷水豬手炆得淋而入味，調味不過濃，富有骨膠原的豬皮完全不感肥膩，煙韌的口感頗為討人。～紫薯珍珠黑糖冰仙草客人可以自選甜度，紫薯味道突出，珍珠和椰果有咬口，仙草和黑糖冰沙配合得宜。這款甜品有十分豐

就到聖誕去尖沙咀食飯睇燈飾，黎到中港城平台見到有間新開嘅台灣菜餐廳裝修幾靚一於試下，比較文青嘅裝修，燈光鮮明，仲有放滿花嘅打卡位🥰菜式選擇多，出面另外有台式飲品外賣區👍🏼春禧牛肉鍋寒冷嘅天氣當然要叫個鍋暖下身，湯底係紅燒牛肉湯，可以選擇清雞湯或加錢轉特濃蕃茄湯同麻辣牛肉湯，另外都可以加配飯同飲品，牛肉湯非常濃郁，配料都好豐富，牛肉嫩滑煮耐咗都唔會鞋，豆腐好滑好好食，有火爐保持熱辣辣嘅溫度😋士林夜市鹽酥雞即叫即炸，炸到金黃色，真係要襯熱食，外脆內嫩，一啲都唔厚粉👍🏼九層塔蚵仔煎蛋本身跟白飯加錢可以有滷肉或雞肉，蠔仔新鮮，送飯一流，滷肉飯好夠味又唔會太油膩🥰芝士奶蓋紫薯鮮奶跟餐優惠價，價格適中，好好飲，底下仲有紫薯粒😋

春禧堂聽個名以為係食中式小炒，原來係食台灣野㗎😃 餐廳環境幾靚地方幾大，裝修好有心思，門口位置仲有個打卡位，設計幾似新㯋cafe。三寶紅燒牛肉麵 $92三寶有牛筋，牛腩，牛肚，份量幾多，配料滷水入味，牛肉湯底濃郁，仲可以揀麻辣同轉米線，米線煮得啱啱好，軟軟地好掛湯。塔香三杯雞定食 $99三杯雞粒粒濃香惹味，又juicy💦 送飯一流👍🏻 前菜開胃又爽口😃台灣烤香腸 $28台灣腸切片配生蒜片，食落蒜香味濃😄滷水雞翼 3隻$26滷水色香俱全，雞翼大隻啖啖肉又入味👍🏻 百香果QQ綠茶 $21 百香果QQ口感Q彈，少糖後綠茶清甜好飲🤤

在尖沙咀逛街逛到餓，想吃台灣菜，就找到這家，事不宜遲，gogogo。餐廳在中港城，一入商場門口，直上前面的長扶手電梯，轉右就是。餐廳新開不久，有好多花花🌺🌸🌼。我們分別點兩個午餐，再另加一款小吃和甜品。‖ 鹽酥雞排雞肉飯 ($69) ‖午餐包括有涼拌前菜、小吃(三選一，滷水蛋/滷水豆腐/上湯浸時菜)、主食，以及飲品。好豐富😋。平時吃台灣菜次次都是點滷肉飯，今次一於試下叫雞肉飯😆。雞肉夠滑，有少少汁，拌飯吃很不錯。鹽酥雞排夠酥脆，調味適宜，雞肉十分嫩滑濕潤，好味😋。‖ 紅燒惹味牛腩麵 ($75) ‖試了少少，牛腩都軟淋入味，湯底正常發揮。‖ 椒鹽花枝丸(3粒) ($26) ‖熱辣辣。外面灑滿椒鹽，十分香脆，裡面滿滿花枝丸味，口感軟彈。😋‖ 紫薯珍珠黑糖冰仙草 ($48) ‖店員捧出來時，十分精美，有乾冰散著煙霧。裡面有紫薯、珍珠、椰果、仙草和黑糖冰沙。口感豐富，冰涼爽口，香香甜甜，好味😊。最後用甜品作結，開心☺️。今餐好豐富，吃得滿足。餐廳服務又好好，讚讚。😊👍🏽

今日同朋友行完街，想食台灣野。朋友話依間餐廳唔錯，所以一齊黎試下先😋餐廳環境好靚，周圍都有好多打卡位😆 首先我就叫左一個小辣嘅香酥炸排骨麵。排骨炸得好香，唔會落好多炸粉，而且咬落去排骨肉好鬆軟，調味啱啱好！朋友就叫左一個鹽酥雞排滷肉飯。鹽酥雞排炸得好脆，裡面仲鎖住好多肉汁。而個滷肉飯都好出色，唔係好肥，食完罪惡感無咁大🙈我地分別都叫左兩個小食，椒鹽花枝丸同鹽酥雞！花枝丸炸得唔油，而且好彈口，好好味！野飲方面，我就叫左仙草凍奶茶。仙草好滑，奶茶都唔太甜😋😋朋友杯芝士奶蓋抹茶都唔錯，芝士味好濃，而且抹茶好濃，都唔係好甜😋 好耐無食過鳳梨酥啦！見有得單買鳳梨酥，身為鳳梨酥控嘅我地即刻Order!!😆 鳳梨酥係台灣製造，皮好酥軟，鳳梨醬甜甜地帶有少少酸，為我地今晚餐台灣晚餐畫上一個完美嘅句號😆

尖沙咀是我們喜歡逛的地方，商場連商場的，落雨丶太曬也不怕。今日下午逛到中港城，頗喜歡台灣菜的我們，見到春禧堂，便去試試。經一輪防疫手續，便被引領入座。很推薦坐卡座，除了有歸一獨立的感覺，可看到藍天白雲，感覺輕鬆寫意鹽酥雞排麵套餐鹽酥雞外脆內肉嫩，味香而咸味恰到好處，麵的林度適中，配上菜丶白蘿蔔和紅蘿蔔，湯香濃，十分美味！涼伴貓耳朵爽脆而微酸辣，引起食慾！黑醋醬汁茄手，茄子蒸得剛熟，黑醋醬汁滲入茄子內，咸辣得宜，十分惹味！香酥排骨滷飯排骨外酥而內肉潤不乾，調味到位，飯粒粒乾爽配上滷肉末，香而不膩，正！台灣鳳梨酥外鬆軟而內煙韌，甜得剛好，值得推介！走時候問了一盒多少錢，而我知道這款在別處售價，就決定買了兩盒回家，一盒作送禮，一盒自己食。蕃茄濃湯水餃水餃肉末和菜彈口而咸味適中，配上香濃的蕃茄湯，十分搭配，欣賞！！台灣烤香腸香腸味美而不太咸，若你喜歡蒜片，不防夾著一起吃，另有一種感覺。不錯👍不錯👍雜果黑糖冰仙草內有紅火龍果粒丶蜜瓜粒丶綠豆、仙草丶大竽圓第等，口感豐富，喜歡爽爽林林丶煙煙韌韌的你，不要錯過！玫瑰花茶奶蓋及茉香綠茶各茶茶底香丶味俱濃，特喜歡芝士奶蓋沒有羶味，配搭一起，無得輸！

近期大熱台灣菜！見到好多人介紹呢間，果然抵食又唔錯！餐廳好大，坐得幾舒服，窗邊位下午仲有日光，幾舒服😌▶️鹽酥雞排滷肉飯$82怕食唔哂，揀咗少飯～ 少飯對於我來講啱啱好。跟餐可揀一款小食，揀咗滷水蛋。原來有兩隻，相當多。鹽酥雞扒夠香脆，雞肉夠嫩。滷肉飯肥瘦適中，滷肉撈飯真係一流。▶️黑糖珍珠奶茶🧋叫咗半糖走冰，味道啱啱好。珍珠有黑糖味好香好味😋奶茶奶及茶味好平均、呢個珍珠奶茶好飲！▶️滷水蛋牛腩滷肉飯 $95呢個飯份量揀咗正常，真係好多。男人都一定食到飽飽。牛腩夠入味，呢個仲有滷水蛋。跟餐小食揀咗上湯浸時菜。▶️奶蓋紫薯鮮奶揀咗少冰.少糖，奶蓋味好香，紫薯奶都幾好飲。顏色賣相仲好靚！▶️ 蒸包另外見到有個好得意嘅蒸包，忍唔住叫咗一籠share。外型得意，有紅豆、奶黃餡。新鮮熱辣辣蒸起，外型得意影相打卡夠cute 。好耐冇去旅行，所以掛住台灣手信。呢度都有得賣，揀咗鳳梨酥及蛋捲。▶️台灣鳳梨酥2件 $15返屋企叮熱食更加好味😋▶️三星蔥鮮蛋捲(1盒）$35呢個蛋捲係宜蘭出品，非常出名，蛋捲鬆脆，正呀！呢間台灣餐廳坐得好，價錢又抵食，得閒飲杯嘢都唔錯！

食台式食物，款色好齊全，又正宗。用QR code落單，慢慢揀。餐廳佈置好靚，座位旁仲有花花牆，想影影相打卡岩晒。 紅燒腱心牛肉麵。配了三款前菜，酸青瓜，麻辣雲耳，芽菜。湯底有唔同選擇，揀了麻辣牛肉湯。湯好濃郁，只帶了小小辣，直接飲都好好味。腱心片煮到好軟腍。配料都切成粗條，更有咬口感，蘿蔔好甜。 加配了小食涼拌黑醋茄子。雖然是加配，但也有4件，大大件茄子好入味，醬汁調得不錯，酸酸地帶點甜，夠晒開胃。 晚市有小菜點。選了酥炸蚵仔酥，配白飯，夠晒台灣風味。蚵仔酥，外皮炸皮香脆夠薄，蚵仔軟滑肥美。仲有炸一口豆腐粒。好香口，停唔到口。 點了麻辣鴨血 。台灣特色小食，配了滷肉豆腐。鴨血同豆腐都係厚切。鴨血好滑好彈，麻辣味好出，入晒味。台式飲品都有得跟餐點。仙草凍鮮奶，茉莉珍珠奶綠。 估唔到連鳳梨酥都有賣。散叫左兩件，過下台灣癮，煙煙韌韌又幾正。

香港通關有望，中港城係香港同澳門及內地主要客運碼頭，商場有唔同食肆，方便旅客同寫字樓返工一族覓食，朋友經常去買健康產品，見平台新開咗間台式餐廳，就同我去試下😄餐廳門口佈置有家的感覺，配上聖誕裝飾，啱哂打卡🤗，接近下午茶時間，客人唔太多，餐廳以藍色為主，有現代感，色調和諧悠和😄餐牌食品選擇多，午餐💰55起，價錢唔貴，掃QR Code自助落單，方便快捷👍，可以剔選啱自己嘅組合，我哋要咗兩份午餐，再加配小食同甜品😄滷水豆腐、滷水蛋、台灣烤香腸同涼拌黑醋茄子滷水蛋同豆腐係跟餐小食，豆腐同蛋滷得入味，台灣烤香腸油香惹味，最愛🥰，涼拌黑醋茄子酸甜麻辣😋紅燒惹味牛肉麵牛肉麵超大碗😅，牛骨湯濃而不膩，有三大嚿牛腩，牛腩炆得軟腍入味，配菜有大大條嘅紅，白蘿蔔同小棠菜，白蘿蔔吸收牛骨湯底，更冧甜😋香酥炸排骨配蕃茄湯麵香酥排骨原塊切件，又厚又大塊😅，排骨炸得香脆乾身，裡面有肉汁😋，濃郁蕃茄湯底台灣麵，越食越開胃😂黑糖珍珠鮮奶，黑糖珍珠奶茶黑珍珠煙韌透心，茶味濃，必點😍紫薯薏米黑糖冰仙草+大芋圓冰仙草材料豐富，有紫薯、薏米、綠豆、仙草同黑糖冰沙，擺盤靚，賣相吸睛，上枱時加咗乾冰效果，仙氣十足，打卡要快手D😜，

/ /打卡必到台式餐廳🤪🤪好耐冇食台灣嘢啦！今日去開尖沙咀碼頭附近，見到呢間又幾特別裝修好靚，超岩嚟打卡！嘢食仲好大份，食到飽飽的🥰🥰紅燒鍵心牛肉麵🍜今次揀咗紅燒牛肉湯，肉嘅份量都幾多食落好淋好入味，麵質都係我中意嘅超有咬口，彈牙！春禧牛肉鍋🍲麻辣牛肉鍋，揀咗小辣🌶都唔係好辣，可以再濃啲！麻啲🤩唔食得辣嘅都可以試下！超多料，有牛肉、豆腐、雲吞、牛丸、蘿蔔椒鹽花枝丸呢個好有驚喜！超大粒一份有3粒，好彈牙仲食到啲墨丸粒係入面添！黑白配珍珠豆漿估唔到飲落又幾fresh😗😗唔會太甜，珍珠夠煙韌！

Jo又想飲珍奶🤣今日收早同好朋友來到尖沙咀新開的春禧堂試下.🍜紅燒半筋半腩牛肉麵 $72好大碗麵仲大過我塊臉😂牛肉好多好大件非常淋身，紅蘿蔔白蘿蔔樣大大件超飽😂.🍜鹽酥雞扒配小時候牛丸湯麵 $48呢個價錢個雞扒太多了吧，會唔會太抵食😂超大塊啖啖肉好juicy仲炸到脆卜卜，牛丸同樣出色牛味濃又彈牙，有驚喜！.🍧紫薯薏米黑糖冰仙草 $48好igable相機停不了，乾冰好夢幻餐具又靚靚，賣相100分👍🏻.古早味滷水拼盤 $68一樣感覺，好大盤🤣有四款：牛肚、雞翼、雞蛋、腱心牛肉，第一次見咁大塊牛肚！牛肉同牛肚一樣好淋身和入味，好食！.🧋黑糖珍珠咖啡 $31食台灣野緊係要飲番杯台灣飲料，珍珠幾有咬口半糖剛剛好，好飲！.🍹藍柑梳打 跟餐價$13朋友見幾得意就點來試下，海洋的藍色，味道幾清新好特別！..整體滿不錯環境好舒服有梳化卡位，窗外係平台氣氛寫意，仲有靚靚花牆同門口打卡位，呢個價錢真心平靚正！