時代冰室 (已結業)

放工特登出太子睇裝修嘢，行到凍冰冰，見到時代冰室，諗住食個普通晚飯，點知原來而家冰室都可以打邊爐！快靚正，咁嘅天氣，真係啱晒！依間冰室都幾大，入面有唔少卡位，晚飯時間都算幾熱鬧。佢哋有做好多唔同類型嘅火鍋秋冬限定台式火鍋，有指定嘅配料，湯底可以自己選擇「台式 牛三盛」湯底唔一定麻辣，可以自行選擇配料包括美國肥牛、滑牛片、五香牛腩、豆卜、生菜、娃娃菜、蕃茄、支竹等等，非常豐富。其中最吸引我嘅，就係五香牛腩，本身已經非常入味，再放入去火鍋入面煮一煮，更加軟熟👍🏼👍🏼我揀咗芫荽皮蛋湯🌟大大隻皮蛋，下下火，都唔錯屋企人就點咗一個醉雞肥牛鍋先70幾蚊，性價比非常高！除咗醉雞同埋肥牛之外，仲有多款唔同嘅蔬菜同埋烏冬，幾健康喎😎打邊爐食吓蔬菜，夠晒清新除咗一set set嘅火鍋選擇之外，佢哋仲提供散叫配料，價錢都算幾經濟實惠，鬼馬油炸鬼，六件，20幾蚊，過下口癮都正啦😎龍鳳檸樂XXXL加$18係兩罐可樂！非常誇張，夠晒爽！

上次屋企無煮飯又想自己一個人打邊爐 周圍搵吓邊度有一人火鍋🍲❣️珍寶海鮮鍋(秋季限定) $88🥢海鮮▪️海花蝦▪️日本帆立貝▪️深海黑魚片▪️蟹棒▪️飛魚子 • 粒粒鮮蝦滑▪️長洲魚蛋海蝦都算幾大隻 原先已經焯熟咗 只係煮一煮就即刻食得 千祈唔好煲太耐 唔係霉咗爛咗就唔好食㗎啦帆立貝相當大粒 柱肉大過五蚊銀 中腸線同心臟貼心地預先清理好 就咁淥一淥就食得黑魚片一份有六片 筷子夾住搞一搞已經即熟變白 食落爽口彈牙不過都唔夠鮮蝦滑咁正 按自己喜好分唔同份量 蝦滑中帶蝦肉粒 連埋飛魚子一齊食 好有口感🥢八寶盒▫️生菜▫️番茄仔▫️娃娃菜▫️金菇▫️粟米▫️冬菇▫️蘿蔔▫️烏冬蔬菜種類都幾多 唔似連鎖店咁得幾塊 相對有誠意 粟米🌽浸湯熬湯底 食到最後先夾返上嚟都依然清甜 烏冬大大餅 係平時正常量嘅1.5倍 相信一個人一定食得飽🥢五福臨門▪️鬼馬油炸鬼▪️脆鈴卷▪️獅子狗卷▪️貢丸▪️鴨血油炸鬼響鈴呢啲點濃蝦湯底真係冇得輸浸落去大概3秒撈返上嚟 成條吸滿湯底淡淡蝦香 即使打晒成個邊爐都唔會過鹹

之前喺長沙灣食過呢間冰室，途經太子見到大大個招牌，大家都有點肚餓，於是入去食個晚飯見有雞煲食，就叫黎試下，麻辣肥腸雞煲點了BB辣，肥腸處理得很乾淨，爆香過的肥腸加上麻辣香味，很惹味，雞肉沾上又麻又辣的味道，雖然點得是小辣，但也很美味天氣凍凍來一個暖湯，極尚•花膠花菇滑雞濃湯，先呷一口湯，香濃花膠雞湯味，入口充滿花膠黏黏的，皮膚好像吸收大量骨膠原，可點飯或烏冬，還有東菇，津白，羅白，飲埋湯真係好飽好友點了美國重量級爵士西冷煎得微焦的西冷牛扒，入口軟熟加上黑椒汁，更加好味，白飯大大碗，伴菜有西蘭花，小番茄，粟米，洋蔥，美味又健康

收工近近地去咗太子嘅時代冰室食晚飯🍴經常嚟呢度開餐，地點十分方便，地鐵站一出行3分鐘左右就到。而且鍾意呢度幾好坐，卡位夠晒闊落👍🏻今次嚟到見到又有新嘢，推出左幾款秋季限定煲仔飯同火鍋🍂仲有雞煲添，啱晒而家涼涼哋嘅天氣煲仔飯有五款選擇，幾經糾結之下揀咗滋煲北菇臘腸滑雞飯🐔雞件有好多件，雞味濃郁嫩滑，食哂成個飯都仲有雞淨😜臘腸同膶腸肥瘦均勻，臘腸脆身香口，膶腸嘅膶味非常香濃😚食到最後食埋飯焦真係完美火鍋就揀咗外邊少有嘅台式特盛臭臭鍋🥘材料勁豐富，有大腸，鴨肶，蜂巢豆腐等等，當然唔少得台灣火鍋必備嘅鴨血🤤另外我哋仲追加咗肥牛、牛丸、出前一丁。份量都好多，肥牛有成大概十片，$36好抵食，牛丸味道好濃郁。出前一丁索左沙嗲湯底味，夠晒惹味勁滿足🤤飲品就叫咗龍鳳•大檸樂，食咗咁多年冰室真係未試過凍檸樂係跟兩罐可樂，勁滿足，啱哂打邊爐，兩個人share似都得😜👍🏻

太子時代冰室，都真係幾近太子嘅自從一九年之後，毒L唔再幫襯吉野家打邊爐，冇得幫襯大家樂打邊爐一人一鍋，少咗好多機會打邊爐，近日發現燒山嘅時代冰室推出咗秋冬系列，有啲一人鍋同一人邊爐。雖然知道燒山賺到盤滿缽滿，淨係patreon一個月都多個好多人做成年，但都去試吓。環境及設備: 首先講地點，technically過咗界限街都係深水埗㗎啦，但佢由太子站E出口行過去，都係5分鐘內，咁都好近。裝修都係一般茶餐廳咁，有啲舊電影海報。廁所喺後行，要拎鎖匙，環境都……總之冇咩事就唔好去啦。服務：QR code自助點餐，介面都清晰，上菜都快，樓面收銀都好有禮貌。食物: 兩個人叫咗一個台式特盛臭臭鍋BB辣特濃沙嗲湯，同一個珍寶海鮮鍋芫茜皮蛋湯，湯底比較重口味，鍾意食濃味食辣嘅都會覺得OK，食材方面，就普普通通，對得住個價錢台式特盛臭臭鍋: 索到汁嘅都好食，炸支竹，豆卜等。大腸都好食，不過太薄切珍寶海鮮鍋: 蝦滑，油炸鬼都好食，其他就普普通通啦

今晚約咗一位好耐冇見的朋友敘舊，用餐地點揀咗大家都就腳的太子。邊行邊搵食，我哋被大大的廣告牌吸引住，咁啱有啲寒意，不如就試吓打邊爐。我揀咗珍寶海鮮鍋，而我朋友揀咗醉雞肥牛鍋。珍寶海鮮鍋多款湯底任揀，我揀咗芫荽皮蛋湯底，感覺比較清熱。不過我略嫌比較鹹，如果可調返清淡一點比較好。每份打邊爐都配一份八寶盒和五福臨門，八寶盒材料有生菜、娃娃菜、粟米、冬菇、蕃茄仔、金菇、蘿蔔同烏冬。而五福臨門有鬼馬油炸鬼、響鈴、獅子狗卷、貢丸和鴨血。十分豐盛，大大滿足。珍寶海鮮窩會多左份海鮮配料有蝦、帆立貝、魚片、蟹柳、魚滑同長洲魚蛋。醉雞肥牛鍋一啲都唔輸蝕，我朋友揀咗滋補醉雞湯底，同樣有八寶盒同五福臨門，雞塊同肥牛同樣分量十足。仲嫌未夠，另外叫份養顏花膠筒鬼馬油炸鬼。花膠都算大塊，食落唔落唔錯。而鬼馬油炸鬼即係油炸鬼讓左啲蝦膠，幾特別幾有心思。仲仲未夠犀利加$18仲可以跟XXXXL 水果茶，真係超巨型超大杯。真係應有盡有，性價比超高。

今日去太子食煲仔飯和火鍋，時代冰室，唔好以為火鍋就一定要去火鍋專門店，時代冰室近期推出一人火鍋套餐，材料非常豐富。煲仔飯亦有不少的選擇，再加上本身種類繁多的小菜，點菜都變成一門學問。-海鮮鍋揀咗濃蝦湯底，火鍋配料實在豐富非常，有海蝦，帆立貝，深海黑魚片，蝦滑，海鮮非常新鮮，特別係深海黑魚片，晶瑩剔透，魚肉結實。每樣都有一至兩粒，可以每樣食材都試到，又唔會食到非常飽肚，另外仲有蔬菜及丸類，好豐富。-流心窩蛋 • 芫荽滑牛煲仔飯餐廳指名用上日本雞蛋，食得安心之餘，味道更加係充滿濃厚雞蛋味道，芫荽牛肉夠厚身，牛肉味濃郁，加上甜豉油，將煲仔飯充分拌勻，熱辣辣，秋冬時分食一口，實在太滿足。-鴨脾鴨肉湯伴烏冬鴨肉湯非常香濃，淨係飲湯都飲咗好幾碗，呢個餸菜仲可以選擇湯飯，鴨肉湯配料仲有冬菇同埋娃娃菜，完全吸收晒鴨肉湯精華，好食。-肉燥四季豆四季豆唔係炒出嚟，係用水去煮，好處係無咁油膩，比較清新健康，配上肉燥一齊食，味道唔錯。-評分 : 6/10

突然想打吓邊爐？但係又怕得兩個人食唔到咁多嘢，行行吓見到呢間時代冰室，見到有秋季限定嘅台式火鍋，或者一人火鍋，咁就即刻衝左入去食啦。我哋叫咗一個秋季限定嘅醉雞牛肉火鍋，佢係比較細個，份量都唔會太多，屬於一人鍋，所以另外再叫咗一個都係秋季限定嘅台式麻辣火鍋，呢一個鍋就屬於一至二人份量食用🥰秋季限定-醉雞牛肉火鍋$78除咗有醉雞件，肥牛之外，仲有一啲配菜，又有烏冬，款式都算多，但係份量就只係一人，所以真係可以話係一個人都可以食到嘅火鍋👍🏻👍🏻唔怕冇火鍋配料醉雞件大大嚿，不過略嫌唔夠入味，另外醉雞濃湯係屬於比較淡口嘅湯底秋季限定-台式麻辣火鍋 牛三盛 $118呢個麻辣火鍋係一至二人食用，點解叫牛三盛係因為裏面有肥牛，牛腩，同埋滑牛片，另外仲有一堆火鍋，配料配菜，雖然係麻辣火鍋，但係湯底嘅立美尚算可以接受，唔會話太辣👍🏻

雖然這裡只是一間新派冰室，近日趁著天氣梢涼，一早一晚開始有點涼意而在這裡光顧所吃的秋季限定「珍寶海鮮鍋」（$88），卻的確甚為抵食和飽肚，假如一個人想打邊爐，食個一人前的火鍋暖肚，這裡確實是一個不錯的地方。這「珍寶海鮮鍋」包括兩隻海花蝦、日本帆立貝、深海黑魚片、飛魚子粒粒鮮蝦滑、長洲大魚蛋和蟹棒，另外還有包括脆炸響鈴、獅子狗、貢丸、鴨血和鬼馬油炸鬼五種食材的「五福臨門」與集合生菜、娃娃菜、番茄仔、栗米、金菇、冬菇、蘿蔔和烏冬八款蔬菜和主食的「八寶盒」，實在相當豐富。顧客如點這火鍋餐吃的話，更可以另加 $18便可把飲品升級至XXXL超級珍寶系列飲品一杯 ，而這天我的選擇就是超大杯的「龍鳳檸樂」。這「珍寶海鮮鍋」本來是配搭「濃蝦湯底」的，不過這晚我想吃得清淡些，就改要了「芫荽皮蛋湯底」。把這火鍋餐中的各款食物和散叫的「鮮滑牛」（$24）和「豆腐」（$18）先後放進「芫荽皮蛋湯」中灼熟，在微涼的晚上確實十分受用，而在這火鍋的材料中，我最喜歡的就要算是新鮮的海花蝦、彈牙的鮮蝦滑和腍滑的滑牛。總而言之，以一百元多一點的價錢，可以吃到一個豐富的海鮮火鍋和喝到一大杯冰凍解渴的凍飲，不是不錯嗎？

▫️一到秋冬季節真係瘋狂打邊爐🍂😆 暖笠笠之餘仲可以同自己講無乜食澱粉質😌✌🏻 估唔到而家方便到連冰室都有得打邊爐😲 真係隨時隨地就可以整返個一人鍋嘆下🍲 一個人原來都可以盡興🎶💁🏻‍♀️▫️冰室佈置成懷舊香港風格🇭🇰 牆身掛滿8、90年代電影海報，真係寧舍有feel🤓🍲 台式麻辣 · 牛三盛 $118▫️秋冬限定既火鍋☃️ 要左小辣🌶 覺得可以再辣啲會惹味啲🤣 建議鐘意食辣既朋友可以直接跳去中辣至大辣🌶🌶😎▫️配料有肥牛、滑牛片、牛腩，幾淋幾好食🐂 豆卜、冬菇、枝竹索晒汁夠入味🍄 另外仲有生菜🥬、娃娃菜、蕃茄🍅、金菇、粟米🌽同芫茜，咁多蔬菜夠晒健康🤭▫️一鍋已經係1-2人份量✌🏻 但既然嗌左湯底就唔好浪費，可以再加配料繼續打邊爐😝🐮 美國肥牛 $36▫️打邊爐既肥牛係嗌幾多都唔夠🐂 肉質新鮮，最後額外追加2碟✌🏻😝🐖 豚腩片 $24▫️超肥美既豚腩🐷 好食都唔可以食太多怕中風💀🦐 花雕醉蝦 $36▫️已經熟左可以即食，咬落有淡淡花雕酒味🍶 但浸落湯到熱熱地好食啲🤣🍜 手打烏冬 $12▫️份量都幾多，係我鐘意既讚岐烏冬質感夠彈牙😬🐷 炸餐肉 $12/ 🔔 響鈴 $12/ 🦆 鴨血 $12▫️全部都好索湯好正😋

推薦指數： 🌕🌕🌕🌗🌑—————————————————————📍HK 太子 - 時代冰室 𝗧𝗶𝗺𝗲𝘀 𝗖𝗮𝗳𝗲 🍴秋風起就會想打邊爐 🍲 想顧住個銀包，1-2 人食平少少可以試吓呢間 ( ´▽｀) 店鋪裝修懷舊復古，人均～$100 包你食飽飽 🤰·【珍寶海鮮鍋 - 秋季限定 💫】1 ♥︎ 𝗦𝗲𝗮𝗳𝗼𝗼𝗱 海鮮：海花蝦 / 日本帆立具 / 深海墨魚片/ 蟹棒 /飛魚子 • 粒粒鮮蝦滑 / 長洲魚蛋2 ♥︎ 𝗩𝗲𝗴𝗴𝗶𝗲𝘀 八寶盒：生菜 / 番茄仔 / 娃娃菜 /金菇 /粟米 / 蘿白 / 冬菇 / 烏冬3 ♥︎ 𝗢𝘁𝗵𝗲𝗿𝘀 五福臨門：鬼馬油炸鬼 / 脆炸響鈴卷 / 獅子狗卷 / 貢丸 / 鴨血4 ♥︎ 𝗗𝗿𝗶𝗻𝗸𝘀 飲品：XXXL 珍寶綜合水果茶 +$185 ♥︎ 𝗦𝗼𝘂𝗽 湯底：濃蝦海鮮湯 / 滋補醉雞湯 / 芫茜皮蛋湯 / 四川麻辣湯-【𝗥𝗲𝗰𝗼𝗺𝗺𝗲𝗻𝗱 𝗜𝘁𝗲𝗺𝘀 推薦單品 🍴】🌟 養顏花膠 4片 $36 ⇠ 有驚喜大塊有咬口🌟 飛魚子 • 粒粒鮮蝦滑 $36-【𝗥𝗲𝘃𝗶𝗲𝘄 食評 💬】估唔到可以打邊爐 $88 竟然有咁多嘢食！以為係一人鍋，結果嗌個海鮮鍋 + 另加單點 都夠2-3 人

之前朋友同我講時代冰室啲野食好高質，價錢抵食之如仲唔差, 難得我今日得閒就同屋企人黎食， 好少茶餐廳會有打邊爐今次真係第一次到首先叫左個珍寶海鮮火鍋 (秋季限定) $88一共有4款湯底比你揀，而我今次揀左特濃沙嗲湯底，八寶盒、五福臨門火鍋配料，其中帆立貝好大粒又鮮味，蝦滑外面既飛魚子一咬就爆開，而且好彈牙食落好有口感，深海黑魚片好嫩滑好正，手打烏冬好彈牙，而且好掛湯，個湯底越煮得耐就好濃郁，所有火鍋配料唔洗點醬汁都好入味，真係唔好睇少一人份量既火鍋係會唔飽，同屋企人share食先食得晒 !滋煲北茹-臘腸滑雞 $68煲仔飯即叫即整等既時間會耐啲，而且用左瓦煲黎煲令到飯粒更加香，淋上醬油再焗多一陣就有飯焦食，同埋仲有雞、臘腸、冬茹份量亦好多，食落香口帶點油份好正，可以一試 另外加左-咸檸七 XXXL  $18飲品好大杯裹面有話梅、咸檸、檸檬，飲落酸酸甜甜幾好味，咁大杯仲可以兩個人share一齊飲凍柯華田 + $3

遠處被煲仔飯的香味吸引，不經不覺又到食煲仔飯的季節😋門口看著餐牌價錢大眾化，便試試看，餐廳很懷舊，是五，六十年代的裝潢，坐位寬敞，很多卡位。珍寶海鮮煲仔飯上菜已經傳出陣陣香味，焗多五分鐘再打開，內裏粒粒分明的米飯，油潤飽滿，香滑軟熟，底層有著焦黃酥脆的飯焦，濃香的海鮮味，有大蝦，帆立貝，蠔仕，銀魚仔，額外加$12再加了潤腸，十分足料，加上煲仔飯醬油提昇味道，冬天裏來上這麼熱氣騰騰的一鍋，越嚼越具有香氣，太滿足了。醉雞肥牛鍋跟餐已經十分豐富，有醉雞，有肥牛，還有蔬菜籃，丸類及烏冬，一個人吃絕對是足夠有餘，但我們兩個人所以再額外添加了配菜，雞件十分入味，香香的酒味，彈牙又嫰滑，肥牛肥瘦適中，有牛味，最特別的是油炸鬼，一沾湯即腍，吸引了湯的味道，很特別，最後當然是烏冬，還是稻庭的，吸收了所有食材味道，特別滋味，店員一直也幫我們加湯，很貼心👍🏻。

今時今日嘅茶餐廳、冰室確實係萬能，諗得到嘅菜式，食物品種都有機會吃到。今晚放工途經太子，晚餐就選擇喺「時代冰室」，放便就腳，食物選擇多。😋餐廳門口擺放著一人火鍋、煲仔飯等季節限定菜式推廣，又即管一試。珍寶海鮮鍋$881人份量也十分豐富。湯底揀咗芫荽皮蛋，BB辣（但發現一啲都唔辣）大大隻嘅皮蛋仲有芫荽香氣。配料有日本帆立具、蟹棒、飛魚子•粒粒鮮蝦滑和長洲魚蛋。長洲魚蛋勁大粒~😍八寶盒則包括多款新鮮蔬菜和兩份烏冬烏龍麵，絕對夠飽！五福臨門包括油炸鬼、炸響玲、獅子狗、貢丸、鴨血。再升級配以珍寶特飲（$10）- 特盛綜合水果茶，勁大杯裏面仲有桃肉和菠蘿🍍，唔會太甜，二人share剛剛好～台式特盛臭臭鍋$98 （一至二人份量）臭臭鍋都可以自選湯底，楝了醉雞湯底BB辣，同樣都係完全唔辣而且酒味稍欠，欠缺獨有嘅臭味😅材料滿滿的同樣十分豐富😊鴨血、大腸、蜂巢豆腐、鴨髀、蟹柳、豆卜、生菜、娃娃菜、番茄、枝竹、金菇、冬菇、粟米、芫茜。當中鴨髀超大隻勁厚肉，新奇嘅配搭!芫茜滑牛煲仔飯配日本流心蛋用傳統嘅瓦煲，飯粒又香又軟，也不容易有飯焦 👍🏻可惜打開蓋後流心蛋已全熟。加添了潤腸，夠軟熟唔會太多肥肉。