晉皇山西刀削麵館

營業中

休息中

“大腸+東坡肉熱拌刀削麵”($65)“口水肥牛+生菜刀削麵”($63)“花雕醉雞”($55)今次喺天后搵到一間刀削麵館😋同市面上多間刀削麵餐廳差唔多呢道都係主要分熱湯,冷拌同熱拌3款刀削麵另外仲有提供上海菜飯同各款小食😛熱拌刀削麵單餸$55,要多個餸就加$10我就揀咗餐廳推介嘅大腸同東坡肉🐷刀削麵食落軟滑彈牙,配上四川擔擔醬味道更豐富☺大腸份量夠哂多,唔會過肥同韌🤩東坡肉有2大件,肥瘦分明☺食落都唔會黐牙😛另一碗要咗熱湯刀削麵🤗都係加餸要多$10餸就要咗口水肥牛🐮同生菜🥬口水肥牛個口水汁好香口好惹味🌶😍搞到我係咁偷男朋友啲肥牛食🤣生菜淥得岩岩好唔會過熟,上枱仲好翠綠💚我地仲要咗份花雕醉雞小食🐔雖然話係小食但份量一啲都唔小!雞件大大件都算滑,吸哂啲花雕酒味好香🤩食完哂所有嘢食真心好夠飽😛

有時去開銅鑼灣行街怕多人都會過天后食嘢早幾日試咗哩間刀削麵發現到佢哋嘅上海雲吞好好味😋🔸上海雲吞、糖心蛋刀削麵雲吞皮厚薄適中、口感煙韌，個餡係白菜豬肉，味道好香！正宗上海嘅味道。糖心蛋幾入味。刀削麵條條厚薄均勻，質地偏軟。🔸麻辣豬扒、豬耳刀削麵不得不讚小食係幾好味，豬扒炸過，味香鬆軟。豬耳煮得夠軟，好食！而佢哋嘅蒜香麻辣汁食落好惹味。🔸涼拌青瓜、海蜇佢哋嘅陳醋好香👍🏻，做涼拌一流，青瓜同海蜇好爽口。🔸熱豆漿溫溫的、唔太甜、幾好飲

平時去天后食嘢 多數揾清風街一帶嘅咖啡店今日諗住照舊 點知路經電氣道呢間刀削麵店嘅時候朋友話想轉口味 最後改為中式午餐😶-🍜#口水手撕雞刀削麵 $53🥛#凍豆漿 $6手撕雞有一小碟 麻油好香 口水汁只係小辣聞吓碗放咗上湯嘅刀削麵 嗅到麵粉糰香刀削麵即叫即削 條條有質感食落有彈性唔係死實嗰隻 麵條連餸好快食完-🥓#口水肥牛 $50叫多個小食當加餸 白灼肥牛加笌菜已經係人間美食今次蘸口水汁更加惹味 肥牛有肉味有油脂甘香-🍚#花雕醉雞上海菜飯 $53雞件肥美多肉 花雕酒醃雞後味道唔濃但酒香好吸引菜飯亦算大碗飽肚

近排天口熱無咩胃口，想食得清淡D，去食番個上湯刀削麵就最好不過晉皇出名刀削麵，就算唔想食刀削麵，都有拉麵、米線同年榚可以簡咖魚腐生菜刀削麵$53魚腐口感似魚餅，比較紮身同脆卜卜，浸湯食索到湯汁好好味熱拌豬頸肉滷水雞翼刀削麵$75一般用咗四川擔擔麵汁，有少少辣辣地，所以更加惹味豬緊肉爽口，滷水雞翼軟腍，兩隻嘅口感完全唔同，可以食到兩種風味涼拌海蜇$38涼拌海蜇爽口，好重麻油味，配青瓜絲好清爽叫刀削麵可以以優惠價$6加配熱飲，$8加配凍飲，食完碗麵飲番杯野係爽嘅

非常差的食物質素，和完全不能接受的服務態度！食物不新鮮，水餃是酸的，又不誠實，抵賴說水餃是每日新鮮製造的，只是不啱我口味。但之後我要求試食一隻新煮的水餃，證明新一隻水餃沒有酸，但店員仍是抵賴。最後又要求我為已被不新鮮食物污染的麵收錢。請大家千祈唔好去。第一幅圖是酸的水餃，明顯深色較紅。第二幅圖是新煮的一隻水餃，給我試食，證明第一碗真是有問題。你肯認錯我會原諒你，但你不肯認錯就不能原諒。已經投訴食環署。

🕰️Dining Hour: 20:30-21:00 👥Pax: 2We had dinner a bit late, but the shop still had few customers. The restaurant is rather mainland-styled - wooden furniture and red decorations and gives a feeling that you are being in Shanxi province! 😂Like other noodle shops in Hong Kong, you can choose certain cooking method for your noodles or even rice, if you like, as well as side dishes. Would definitely recommend sliced noodles (at least on your first trial)! After all, this is what they are famous for!

呢間野真心麻麻地 佢嘅刀削麵普普通通 唉都諗住食飽就算 點知個小食就出事喇 單點咗個紅燒豬手48$ 一上黎 睇d色水就知唔掂 不過圖片只供參考都係例牌 點知放入口成舊都係毛 認真望一望成碟豬手都係毛 啲毛仲要勁長明顯啲豬手就冇處理過 😡同個姐姐投訴 個姐姐話你邊舊有我幫你換邊舊 我話你成碟都係喎 😂就叫佢幫我退咗佢 點知個姐姐就話 吓你食過點同你退呀 態度仲要勁差😂 我就笑咗出聲 無食過點知你啲野有問題呀 然後佢就走咗去 碟好多毛嘅豬毛就咁放咗係枱面🙂到我賣單嘅時候仲要好堅持收個48$ 唉唯有當自己黑仔 跌咗喇呢個時世 出品又做唔好 態度又咁 食到成肚火🤬🤬

因為剛好要到天后買點東西，一行三人就選擇了這間中山刀削麵試一試。入去的時候只有一台客人，我們三個人點了一客牛𦟌削麵，醉雞菜飯，拍青瓜，醋椒黑木耳，春卷。除了刀削麵其餘的真不要試，不好吃👎醉雞完全沒有味，菜飯也只是隨便用一點點白菜拌，像醫院吃一樣拍青瓜，春卷隨便找一間都比他們做的好吃最難食黑木耳，木耳浸時間跟本唔夠仲係硬咁緊係唔入味...要評分既個黑木耳係負分服務都係一般，加分位就係個師傅堅係廚房入面一直削麵，我家姥姥以為佢削蘿蔔

上回評過日式拉麵，今次想談談中式的刀削麵。今天又來到天后這個美食小區，經過"晋皇山西刀削麵"，有點肚餓，就進了去。刀削麵是山西的特色傳統麵食，風味獨特。有說 "世界麵食在中國，中國麵食在山西"，可見中外馳名。這店的刀削麵不但是手做的，而且強調"即叫即削"，索性以大字標題寫印在招牌上的。上海水餃溫泉蛋木耳刀削麵 + 豬耳($52 +$8)温泉蛋有煙燻香味，溏心蛋黃夠吸引，黑木耳很爽滑。水餃入味多汁，只是沒有獨立拍照。喜歡吃豬耳，但不多麵家不供應，所以今次特别加了。豬耳外面腍軟，中間的軟骨煙韌有嚼勁。湯底美味而不太鹹。主角刀削麵因即叫即削，質感新鮮，彈牙帶爽，厚薄適中，掛湯力強，很美味!中式麵食之中，不常吃刀削麵，也不特别鐘情，但吃過這一家，覺得相當不錯。

晉皇山西刀削麵館呢道地點方便，係天后站A2出口。餐牌有好多種類既食物，包括菜飯，刀削麵(冷熱，拌麵湯麵)，小食！如果唔食刀削麵，可以免費轉拉麵、米線！. 今日我就叫左個口水雞豬耳湯刀削麵！先講下餸！口水雞好滑，但係好多舊都連住好大塊皮，好肥，變相可以食既肉比較少！豬耳係真係白灼，睇相都可以見到一滴油都無！而且係完全無味！我都唔知自己食左咩！麵同湯方面！刀削面嘅主角係麵，雖然份量好多，但係煮得太耐，淋哂唔好食！完全無刀削麵應有既麵味！湯既部分，得個咸字，味精湯！完全稱唔上叫湯！. 我地仲叫左幾個小食！. 蒜泥牛𦟌 $55紋理分明！有嚼勁！. 醉雞 $55雞肉嫰滑，有香濃酒味！. 蒜泥豬頸肉 $55豬頸肉煎得好脆口，唔錯！呢個小食做得比較好少少！👍🏾(反而好食d呢兩個影唔到相🙇🏻‍♀️朋友們一早已開吃😑). 涼拌肚絲 $38 煮過頭，淋哂無哂口感！肚絲應該要爽口！. 涼拌青瓜$35青瓜爽脆，但個醋底叫係後尾加上去，完全唔入味！另外也切得太細，無咩咬口. 幾個月前黎食過一次，唔可以話好難食，但係唔合刀削面嘅標準。兩次機會下都做得麻麻地，我未必會再回頭了！相比之下，荃灣個一間做得好太多了😭

可能太耐無黎天后，經過先發現原來開左間食刀削麵嘅餐館。中意食麵食嘅我就緊係要黎試下，一睇menu都幾多選擇，有得揀湯麵，冷麵同埋熱拌，而且仲有好多唔同餸可以配搭。我揀左水餃刀削麵，四十幾蚊都幾平，另外仲叫左個越南春卷小食同埋一碟芥蘭。廚房嗰到有個玻璃窗，真係睇到個廚師攞住個麵團即刻削，個麵都幾大碗，再配埋四粒水餃真係會好飽。佢嘅刀削麵煮得幾好，唔會好淋，而且有啲麵嘅厚薄不一令到好有口感。另外估唔到依度竟然會有越南春卷賣，而且春卷值得一讚，炸到脆卜卜再配埋甜酸醬真係好好味，令人停唔到口。不過碟芥蘭就覺得同平時相比苦左少少，分量都算多。總之食完成餐就超級飽，而且覺得佢啲野食整體唔錯，尤其刀削麵有好多款式，cp值高。

銅鑼灣逛完工展會，雖然不太肚餓，一路走到天后巴士總站，老公仍說：行后街，后街多嘢食！😍見到兩家門連門的‘xx清湯腩’（共4間舖相連）競爭激烈啊！😎 再往東走（炮台山方向），見到又一麵家👇平時有在家煮刀削麵，也有食杯麵的刀削麵，但沒進過刀削麵館食正宗的～今天試一試唄進門有座位，不錯！檯面的菜牌清楚！各種小食和各式湯/拌刀削麵我們三人各自選定，兩湯麵一熱拌麵：1）上述餐牌B中：單餸‘麻辣金錢肚‘刀削麵原來，餸是分開上的，餸的數量OK喔！金錢肚應該是先滷好，上碟時淋上了蒜汁和麻辣油。刀削麵有咬勁，每一條麵都是兩邊薄中間厚，麵湯也是有調配的，鮮鹹口味～2）另一碗也是B項中：麻辣豬脷刀削麵👇跟上面的一樣，餸分開上，先滷再淋麻辣料3）第三碗是餐牌G中：東坡肉熱拌刀削麵 👇被上桌時的兩大塊東坡肉嚇親😳 😱老公無懼肥膩，三兩下就成功拆肉，與麵相拌后，碗中的麵相和諧了許多～😜老公夾了一小塊瘦肉給我嚐：嗌～唔鍾意！唔鍾意這種東坡肉的味道，有點南乳，八角什麼的怪味🥺...👇👇三碗麵+ 兩杯凍豆漿 = HKD 154發現這里的各種小食份量都不小，可以當涼菜配麵，如果下次來，會叫多幾樣小食🤩

《性價比好高好飽肚的山西刀削麵》～～～餐廳名稱：晉皇山西刀削麵館 (天后)餐廳地址：天后電氣道21號地舖～～～好不容易又到了週末 今天早上起來感覺肚子特別餓 不知道是不是心情好的關係 感覺自己餓得可以吞下一頭牛 大舊見我肚子餓 就帶我去吃這家 朋友推薦 說是很好吃 但會非常飽肚的山西刀削麵館😆～～～小Q：我們點一碗熱湯刀削麵 一碗涼拌刀削麵 還有一碗上海菜飯 你覺得怎樣😆大舊：..上次xxx話一碗麵已經夠兩個人食...你仲想叫兩個麵一個飯....你覺得自己有5個胃？小Q：哎呀 唔記得左我得一個胃添🤣大舊：還是我來點餐吧.😂～～～最後大舊也點了不少東西 但沒有聽我意見點兩面一飯😂他點了芥蘭 蒜泥燻蹄加紅燒豬手刀削麵 上海淨雲吞 醋椒黑木耳和涼拌豬肚絲等等 吃完之後覺得他點菜真的很在行 因為那個刀削麵真的一碗就可以令人非常飽 如果兩個人點一飯兩面 真的會吃得飽到走不動～～～刀削麵口感很煙韌 很彈牙 很有咬口 米味突出 份量超級多 如果胃口不大的話 真的三個人吃一碗都夠 超划算的～～～蒜泥燻蹄的蒜泥好足 辣口得來不太嗆 愛蒜之人必點😁～～～紅燒豬手很軟身 燒得時間夠 入味而且好容易咬 懶人如

我係一個食麵多過鍾意食飯嘅人，每次同同事食lunch都一定會揀麵店，尤其是我真係好鍾意食啲手工製嘅麵，真係會食得出麵質比機做更彈牙更有咬口同埋更香麵粉味。同事知道我依個人無麵不歡，今日食lunch突登帶我去一間手工製嘅刀削麵館。入到去有種小店嘅感覺，位置雖則唔多但坐得舒適。我叫咗兩碗麵 兩個小食仲有嘢飲。叫咗個蒜泥燻蹄刀削麵，刀削麵嘅麵質無得彈！麵質有咬口得嚟唔會過淋 偏硬少少，我好鍾意依種質感。蒜泥燻蹄好香 啖啖都係肉，燻蹄唔會好鹹 只係少少鹹香，加埋蒜泥食好夾好好味。口水雞好大份，雞肉質嫩滑而且好肥美，口水汁唔會好辣 微微地辣帶麻。餃/雲吞 皮比較厚同有咬口，但餡都唔少仲要幾juicy。一試過真係翻唔到轉頭 啲麵質同小食真係無得彈。

今日放工去搵朋友食晚餐。朋友住喺天后，佢介紹左呢間係佢屋企樓下嘅小店。我睇咗menu已經流晒口水，刀削麵同埋小食款式有好多我都鍾意食。最後我哋兩個女仔叫咗一碗刀削麵同埋五款小食😂首先嚟咗刀削麵，份量都幾大。如果平時自己食一碗就應該夠飽。個湯底幾清淡但都好夠味。餃子好新鮮，木耳非常彈牙。呢個係一個比較健康嘅選擇。小食我哋嗌左紅油抄手，麻辣手撕雞，香辣豬軟骨，醋椒黑木耳，同埋口水雞。呢啲都係menu上面廚師推介嘅菜式。紅油抄手好大粒同埋有適當紅油嘅份量，唔會太重味，非常欣賞！如果鍾意食麻辣建議嗌麻辣手撕雞。呢碟係我哋嗌嘅最辣嘅一碟。雖然嗌左細碟但係份量都幾大。之後上咗香辣豬軟骨。其實唔係好辣但係真係好夠味。肉質非常好，份量又大。我好鍾意食醋味嘅嘢，所以好鍾意之後上嘅醋椒黑木耳。份量同其他野一樣都好大。黑木耳又對身體好，又好食。最後嚟咗口水雞。口水雞肉質都好好，雞肉好久味，但唔會過分油膩。服務都好好，啲姐姐有過嚟問我地好唔好味，成間鋪頭有一個好溫馨住家餸嘅感覺☺️。整體來講真係好鍾意你間小店。食物質素非常好，份量又大好抵食，又唔會過分多油，算係健康。以後我要多啲嚟搵我朋友食飯，專登過嚟天后食😆