晉皇山西刀削麵館

營業中

休息中

午餐係天后食刀削麵，餐牌上面食物既款式有好多，淨係力削麵都有分湯刀削麵、冷刀削麵同熱拌刀削麵，仲有上海菜飯、同特色小食等等，令客人有多種選擇。落完單就先上飲品，我地叫左凍豆漿同凍蜂蜜柚子茶。豆漿飲落豆味濃，而且甜度適中。而峰蜜柚子茶酸酸甜甜幾解渴，仲幾潤喉。小食方面我地好多都好想試，所以都叫左好幾樣。先講講醋椒黑木耳，咬落爽口，酸酸地幾清新開胃。炸餃子一碟有五隻，外皮炸得幾脆，餡料飽滿，裡面既豬肉新鮮，唔錯。麻辣手撕雞，有大碟同細碟揀，我地就揀左細碟既，份量都幾多，2-3人都好夠食。雞肉口質幾滑，唔乾，而且仲撈埋青瓜絲，口感豐富，食落幾重麻既感覺，而且都幾辣下，唔太食得辣既朋友建議叫小辣。到主角刀削麵出場，我地叫左個熱拌刀削麵，份量都幾多，我地叫左3個餸，分別係豬頸肉、牛腩同東坡肉。先講下個刀削麵，軟硬適中，帶點口感，而且好索汁，咸咸辣辣幾惹味。豬頸肉厚片，幾爽口。東坡肉肥瘦適中，脂肪同肉分明，幾惹味。牛腩幾腍同入味，唔錯。

今日去咗天后食刀削麵，星期五嘅夜晚呢間小店都超多人，不過座位都唔算好窄，坐得都舒服。滋味小食越式春卷$35 有6條，呢個春卷超脆，入面全部都係芋頭蓉，大讚！食到唔停口。熱拌刀削麵單餸$52加一個餸$8，朋友要左大腸同豬軟骨，啲餸份量都好多，大腸好大舊，熱拌就撈埋啲醬一齊食，我自己就鍾意食湯多啲。口水肥牛刀削麵$50，我叫咗個湯嘅刀削麵，啲麵好煙韌，唔會太淋又唔會太硬，質感非常好，真材實料，不過真係好飽。口水肥牛都有啲辣，好惹味，肥牛下低塞住啲青瓜好清新。飲品跟餐加配，我地要左凍檸樂同凍檸茶。

天后已經變為高消費美食區了！價格高囉！但在芸芸餐廳之中，找出高CP值的餐廳，就要以有小孩的家庭為指標。香港百物騰貴，家長們都變得精打細算。家長帶子女光顧＝超值。　而刀削麵，是新菜色。能標榜＜即點即削＞，就來試一試。點了招牌刀削麵，一湯一撈！　原來真的＜即點即削＞！　熱拌刀削麵～跟四川擔擔醬 手撕雞　　　有青瓜絲，雞胸絲，紅色的四川擔擔醬。　　刀削麵橫切面呈三角形，左右二邊薄，中間厚身。削麵的刀應該是彎彎的，有凹下去。手感：由於刀削麵不太長，刀削麵跟各配料容易拌勻，不纏結。但刀削麵中軸位厚身，難以用卷意粉方法卷起來享用。唯有一條條，小心地放在匙上。再放到口裡。口感＆味道：擔擔醬微辣，比較似豆瓣醬。刀削麵質地較實在，有咬勁，類似酸種麵包那口感，真的需要牙力；並非即食米線烏冬那種軟綿綿ＱＱ（無牙阿婆都食到！）。就因為較實在，要多加咀嚼，反而感到麵粉味的存在，没有廣東雲吞麵那種鹼水味。　也許，刀削麵糰的鹼水份量少，減低鹼麵身的鹼水味，反而提升那麥味。　雖然只是加入了擔擔醬，但來到中後段，全身開始覺得熱辣辣。然後來一份青菜，份健康。湯刀削麵～跟肥牛　　　小米點的湯刀削麵！其實是白灼肥牛，浸著啡色

今晚又同男朋友一齊去食嘢，又係開心嘅一日。 因為今晚我哋都好飽，所以想食麵。喺天后站附近見到呢間刀削麵，好耐冇試，就入去試吓佢。店內裝修正常，坐低就有紙慢慢睇。佢都有唔少嘅餐同配搭去揀，甚至有菜飯。我哋就一齊揀咗一個刀削麵配醉雞，一份口水肥牛，一碟油菜走油一杯薑母茶同埋一杯蜂蜜柚子茶。等8分鐘到啲嘢黎齊。刀削面口感好好，成個餐份量足有雞比肉。醉雞嘅酒味好出，不過偏咸。口水肥牛都唔錯，不過一樣偏鹹。菜就係菜囉，兩杯茶都幾好飲。大家經過可一試。

今朝响北角開完會，行返去天后搵嘢食，呢期食日式料理多，係時候換吓口味，刀削麵濕濕哋啱曬。店內呈L形，有各式坐位，乾淨企理，最入面仲有大圓枱。差不多兩點仍然好多人，好在一個人容易搵位，店家主打刀削麵，梗係要試，仲要加個涼拌。天時暑熱，叫杯嘢飲吓先。冰凍檸七+$10 (跟麵餐)溫泉蛋木耳刀削麵(+鴨腎+餃子)$60刀削麵口感煙韌有嚼勁，木耳好有益，口感爽軟，鴨腎烹煮時間掌握得剛好，腍中帶爽脆，咸度適中。流心溫泉蛋，入味好味。餃子每日新鮮包製，水餃肉香豐盈，上海雲吞外飽滿，最喜愛餡料菜比肉多，好吃！涼拌青瓜$32青瓜爽脆，清新開胃，就是顆粒比較小，不夠痛快。整體食物質素唔錯，又多一個選擇。

很久沒吃過刀削麵。小店午市很受歡迎，全條街都是食肆仍然接近滿座。有三位女士入內，由於已差不多滿座，店員著她們分開坐，有點搞笑。當她們轉身離開，嘗試挽留的店員提議她們坐望牆的高枱。麵質很煙韌，嚼勁十足，好吃。熱拌麵加了炸醬，帶微辣，惹味又過癮。上海雲吞很大粒，足足有四粒，吃完已經飽了一半。皮滑，厚度適中，帶菜香的餡，味道也不錯。薑母茶有薑絲在內，用料認真，又不會太甜。芥蘭爽口。超大碗，吃得很飽。難怪這麼多學生，平平地，經濟實惠。

除左米線，刀削麵係第二喜愛麵條。今日係維園打完藍球後，去左天后呢間新開既晉皇山西刀削麵館。門口望一望餐牌，發現一碗大約$50，價錢可以接受。裝潢無咩特別，座位幾多，每位客人有一定空間感，唔會感覺擁迫。餐廳除左湯麵亦有提供冷刀削麵同熱拌刀削麵，餸既選擇亦算多。從座位可以見到師傅即時製作刀削麵既英姿😍。好多餐廳用機器削，不過用人手削先係皇道。女友叫左蒜泥豬頸肉上海雲吞刀削湯麵。份量非常多，刀削麵入口煙韌。雲吞係自家製，雲吞皮相當薄，餡料新鮮。豬頸肉切得比較薄，煎完特別香脆。不過蒜泥同豬頸肉唔太夾。我就叫上海雲吞東坡肉熱拌刀削麵，醬汁酸酸辣辣，東玻肉幾大件，肉質軟稔，肥瘦適中。刀削麵同樣煙韌，充滿筋道。另外叫左麻辣魚腐。魚腐索曬啲汁，認真出色。由於對我嚟講熱拌刀削麵幾辣，所以自己叫左兩杯凍豆漿，一杯只係加$6。

冷刀削麵（晉皇冷刀+燻蹄絲+牛肉絲）刀削麵食得多，當冷麵咁食都係第一次，而且冷麵款式都有數樣，當然選擇招牌的模式，除左沙律醬仲有擔擔醬，少少辣又惹味，牛肉絲同燻蹄絲都十分入味，不得不說真的很大碗，個人感覺份量係其他店舖的兩倍，平時我都算大食，但今次吃不完四川擔擔麵試一間上海的拉麵，最穩陣就係試擔擔麵，小小的擔擔醬十分的惹味，重要的是拉麵的麵身十分好食，質感十分彈牙，但口感爽滑，但份量真得很多，吃不完上海淨雲吞皮都算厚身，但唔係重粉，包住滿滿的肉餡，令口都覺得厚實穩重的上海雲吞，加上湯都幾好味，值得試試口水手撕雞有手撕雞就岩哂我依d懶人，唔洗咬骨，有別於好多鋪只有死辣，他的麻辣是有層次，食到不同味道，而且唔算太辣，岩哂d想食口水雞，但又驚太辣的人

維園做完運動，開始肚餓就走過去天后旁邊搵嘢食，一連幾間食店，上網睇完評論就入咗呢間，因為幾經濟。點了 $45麻辣豬軟骨菜飯。菜飯無咩鹹味，食到菜粒有蔬菜香，豬軟骨煮得夠入味，易咬開，少少肥肉，甘香。叫多碟油菜心送飯，要食多d 蔬菜。$40牛展刀削麵，湯頭有牛肉味，清甜，大碗麵，麵條彈牙又軟熟，個刀削麵做得幾出色，牛展幾多，而且滷得入味，柔軟唔韌幾好味。加$6 豆漿，有豆香味，正常濃度。再點咗碟麻辣豬耳，幾爽脆，唔係太辣，有油香味。

Love this noodle place!It’s not machine made noodles but hand cut With super thick and fulfilling textureSoup is mild in light beef taste Fishball and pork eat is however taste a bit dullI think it will be better if they can cook them in soup but not simply boil themCucumber is a plusSlightly sour in taste and in extremely big portion

繞過天后發現一間新開刀削麵館，見內環境乾淨不錯，橫掂午餐時間尚早，人流末算多，入內幫襯一下。主要是刀削麵類，可惜昨晚食得太過豐富，於是乎選了我至愛的雲吞，餃子，簡單清淡一點。紅油抄手比起平時紅噹噹的油，這個看起來比較溫和，那辣度慢慢滲出又不至於過火，食欲感大增。皮薄餡多，完全不膩喉。上海淨水餃最初有點擔心餃子皮會好厚，厚度適中。餡料亦清淡爽口，好味！豆漿要了一杯豆漿，甜度剛好，豆味十足，只十元非常抵飲。

有時在外賣平台會睇到這間天后的刀削麵，在維園同朋友跑完步剛好經過這店，於是入了這間晉皇食刀削麵的小店食晚餐。四川擔擔麵醬滷水雞翼刀削麵（$48），就咁睇大大碗，這裡的刀削麵口感粗而厚身，非常彈牙，每條麵條都可以一口食得到。四川擔擔麵醬是一些辣的肉粹醬，又不算是太辣，有點甜中帶辣，而且滷水雞翼中的滷水汁味道好入味，雞翼隻隻飽滿好有肉，好美味。溫泉蛋木耳牛展刀削麵（$52），溫泉蛋中間帶有軟流心，好滑，木耳爽口，牛展厚身，味道整體都唔錯。越式春卷（$35），餡料是芋頭蓉，炸得鬆脆香酥可口，相當出色。口水手撕雞（$55），一絲絲手撕雞大細平均，又唔會硬，上面有一堆麻辣醬，如果食得辣，可以攪勻至手絲雞，非常惹味過隱。熱豆漿&凍檸七。

自己不會去選刀削麵吃的，因從前吃到的都不好吃，另一半想吃便陪同，心想：店內應有其他選擇的。五香牛肉刀削麵清湯帶牛香味，加上葱粒更香，刀削麵軟滑還帶點彈牙，我從前吃過的大多是硬身，不夠滑又或是油膩的多，但這裡讓我改觀了，下次想吃也知道要去哪裡了；五香牛肉腍軟，一點都不韌，如果牛肉再厚一點會怎樣呢！嘻嘻。麻辣豬軟骨上海菜飯青菜不鹹, 菜飯的油份也正常，是淡口味的; 豬軟骨夠味夠腍，骨頭也咬得開，惟帶了點點肥脂, 這是微麻辣, 很多人也可以吃。豆漿跟麵或飯加六元，有黃豆味的豆漿, 甜度適中。麻辣金錢肚點了大份，在酒樓飲茶通常是大點， 只得數件，這裡比較經濟，而且一口一片，有咬口少鹹，麻辣蒜放牛肚上面，撈混後我們等了一陣才進食，連蒜粒吃味道不錯。而豬耳(爽脆，鹹一點更好) 與金錢肚是同一味道，因為我自己攪錯了，金錢肚應點口水味！

和老公來中央圖書館借旅遊書籍，回程時提議去天后搵食。行經電氣道，發現附近新開左間刀削麵館。細看門外餐牌，原來除了刀削麵外，店舖還有上海菜飯和小食等供應，見價錢都幾相宜，反正已經很久沒吃過刀削麵，一於試試。拉開玻璃門內進，嘩！沒想店舖竟然這般旺場，只是 12 點過外，就已經幾乎座無虛席，幸好還有兩個座位，否則就要在門外排隊輪候。先翻看餐牌，食物種類雖然不多，以麵食為主，但餸料選擇就非常豐富，另外亦有上海菜飯、一系列滋味小食和冷熱飲品等供應。餐廳主打刀削麵，一場來到，當然唔可以錯過。我哋揀左肥牛牛腩熱拌刀削麵、上海淨雲吞、越式春卷、一碟油菜，另外再加左兩杯飲品。越式春卷 ($35)，春卷用越南嘅網絲春卷皮製作，咬開一看，質感鬆化，入面的餡料有芋蓉同豬肉，食落非常香口，一點也不油膩，沾醬汁吃，酸酸辣辣，滋味無比。上海淨雲吞 ($42) 雲吞一客有 10 隻，聽店員講係每日新鮮包製，隻隻外形都脹卜卜，大大粒，夠曬飽滿，入口滑溜，餃皮不算薄，但食落幾煙韌，加上用料十足，菜同豬肉的比例啱啱好，肉餡味鮮，樸實好吃又不花巧。肥牛牛腩熱拌刀削麵 ($60) 其實店裡的刀削麵有幾種不同食法，可以揀熱湯、冷

去完中央圖書館睇展覽，揀咗呢間喺電氣道嘅《晉皇山西刀削麵館》食嘢。座位方面，除咗一般四人枱，仲有八人圓枱可以揀。麻辣鴨腎 ($35) - 切成一片片的鴨腎爽而不韌，醬汁內加有生蒜粒，口感同味道都相當不俗！口水雞 ($50) - 雞肉本身肉質鮮嫩，有雞味，伴以又香又惹味的口水汁，食落夠香夠鮮！五香牛展刀削麵 ($40) - 有很多片牛展，牛展厚身大片，炆得夠軟腍而且牛展味濃郁，即叫即削的刀削麵滑身帶點咬口，而且相當大碗，好味抵食！麻辣大腸拉麵 ($45) - 麻辣大腸同拉麵分開上，拉麵亦好大碗，口感滑身中帶點彈牙；大腸夠腍同時有大腸味，配上加有生蒜粒的麻辣汁，惹味好食！郊外油菜 ($18) - 大大碟，健康之選。凍豆漿 - 香甜有豆味，跟麵飯只係$6，抵飲！