曼谷泰菜 (新都會廣場) (已結業)

🌸葵芳美食🌸曼谷泰菜🇹🇭由於疫情關係，相信好多打工仔都經歷過在家工作/或者輪班返公司工作，而且更會少左同同事一齊出去食堂食午餐❗️好多人亦會選擇光顧外賣❗️因此好多餐廳都推出唔同既外賣優惠，以應對突如其來既政策改變。今日就介紹呢間位於葵芳新都廣場既曼谷泰菜，佢係一間連鎖泰國餐廳，價錢方面屬於中價。但係佢近來推出左特惠外賣自取午餐❗️套餐包含主食、飲品及泰式甜品👍🏻而且價錢只盛惠$48，食物既份量亦適中❗️質素亦唔錯，性價比非常之高👍🏻如果唔介意外賣而又喜歡食泰國菜既朋友，十分推薦呢間餐廳既午市外賣自取套餐比你✅🐓外賣泰式海南雞配雞油香飯 $48海南雞肉都算香滑，雞油飯味道偏淡，冬瓜湯味道清甜👍🏻泰式甜品係馬蹄椰汁糕，唔會太甜都可以❗️美味指數：⭕⭕⭕⭕️❌賣相指數：⭕⭕⭕❌❌抵食指數：⭕⭕⭕⭕️❌

經過見到依間泰國菜，就諗住試下，點知超級伏。我個friend叫左個單點嘅冬陰功諗住兩個人share，話兩人份，點知個湯黎到得一人份咁。最搞笑係，隻蝦得一隻，想點？我地一人咬一啖？再加多幾條菇，就可以做個冬陰功收人88蚊+1，感覺我都可以開餐廳我就叫左個lunch set，肉碎飯包野飲+10蚊有兩個椰汁糕。個飯成碟碟頭飯咁，毫無誠意。有d米仲係硬，無端端仲食到d殼計落其實個set冇平過服務一般仲要加一，計落嗰兩粒咁嘅椰汁糕要20蚊餐飯食到嗌晒救命，出邊d人見到我地d食物都嚇到走左。唔怪得一開頭幾個侍應係咁想叫我地坐入邊嗰d位。嬲到一邊食一邊上黎睇食評，當場都想問句點解仲未執

十分難食，小食拼盤凍冰冰...見見少食都係啲加熱食品，仲有收$95😅再叫咗個椰青海鮮炒飯，食得出啲飯真係隔夜飯嚟，好硬！我都唔知點寫呢個食評，亦都冇資格寫因為我食咗兩啖就唔想食🙃

雜錦海鮮金邊粉材料十分豐富，有多款海鮮，有青口、蜆、魷魚、蝦，蘿蔔大大舊清甜冇渣，麵量幾多，只是清湯底略為清淡，我食慣濃味，自己加魚露辣椒粉調味。香葉肉碎炒飯炒飯略為濕，唔係粒粒分明，炒得唔算乾身，有少量豆角，肉碎份量多，惹味小辣，幾開胃令人食慾大增，唔算油膩，如果有隻脆邊蛋就更好啦。

第一次去這間泰國餐廳吃，已覺得食物味道不錯同好入味，今晚第二次再來這間餐廳吃，點了龍眼冰飲，很有龍眼肉味，食物點了泰式炒豬肉河，雜锦串燒，蝦春卷同蠔油炒芥蘭，味道一樣好入味，吃得飽飽

同朋友行下街見到有泰式午市套餐，睇下價錢又唔貴，環境清淨位置闊落，入去試下啦。我地叫左咖哩牛腩飯及大蝦金邊粉，加10蚊就有小食一份/甜品，我地就加了春卷及椰汁西米糕。咖哩好香椰汁味不太辣，牛腩好淋有牛味，非常推介，至於金邊粉，酸酸甜甜亦十分美味，椰汁西米糕也十分香甜。餐飲點了熱百香果蜜，木橘蜜，也十分不錯，香香甜甜，值得一試

曼谷泰菜其實都食過好幾次午餐，晚餐就真係第一次，應該係掛😆😆😆😆😆貪佢唔使等位，又唔會趕我走，可以慢慢食，又唔算太貴。今次我哋兩個人，又係叫到一枱嘢首先叫咗個柚子蝦球沙律分量來講都算大份，大大隻蝦球，都有成五六隻，好多柚子應該有三四啟柚子。甜甜辣辣個汁幾好食😋。食肉瘦嘅我哋梗係會叫沙爹啦⋯⋯三串雞三串牛，啲雞肉同牛肉都算燒得唔錯，唔會過分韌，同鞋。配搭嗰醬黎食一流。泰國菜邊走得甩炸蝦餅啖啖蝦肉，外脆😋😋鹹魚炒椰菜苗，味道同清炒椰菜苗差不多，完全食唔出鹹魚味，但炒得都唔錯叫咗個唔知什麼紅辣靚咖喱好似係咁叫、唔係好記得。味道唔錯，我個人唔覺得辣，但朋友話第一口唔辣，但第二口就開始覺得辣。但我個人覺得完全冇辣味，反而椰香同咖喱香係有嘅，唔錯。整體來講都算唔錯嘅泰國菜⋯⋯因為唔多人嘅關係可以慢慢食慢慢錯

同女友去食Lunch Set，今日就揀咗係葵芳興芳路223號新都會廣場5樓501-510號舖【曼谷泰菜】呢到地方好大，又舒服$68 菠蘿炒飯菠蘿炒飯好大碟，配料適中，但好好味$68 黃咖哩牛腩配白飯牛腩都好煙韌，大大粒牛腩，個黃咖喱醬白飯真係一流跟餐送 凍檸茶 茶味夠，唔太甜，檸檬夠酸+$10 凍香茅薑蜜薑味勁香，勁好飲+$10 金柚子沙律呢個沙律有啲蝦乾，又帶少少辣，食落好特別+$10 暹羅炸魚餅 (2件)兩塊小小的魚餅都好好食$28 貴妃芒果汁 後加一杯芒果汁，好似沙冰咁，用咗新鮮芒果做成，仲有果肉

#海南雞飯 ⭐️⭐️⭐️自從去完新加坡，定時定候就會想去搵間餐廳食個海南雞，不過到現時都未搵到間係我想講好好好味既，今日我又想食喇！見到呢間泰式菜有，又唔使排隊，咁就決定入去啦！⭕️雞肉係嫩滑既唔係雞胸，個人唔鍾意食雞胸⭕️醬汁都幾惹味，不過都係鍾意原始嗰種⭕️份量足夠，大食人士應該都夠飽❗️雖然個人唔喜歡，但喜歡芫荽的都會喜歡個湯好重芫荽味❗️醬料只有一種，有少少辣❗️如果有多少少蔬菜就好喇總括來講，可以一試。

3.5/5因為想食飽啲，放棄去對面葵廣食小店，但新都會廣場，周圍都好多人等位，唯有行上5樓去呢間曼谷泰菜。叫咗海南雞飯同泰國熱紅花茶，份量十分足，仲有一碗白蘿蔔湯送，味道似平時食牛腩河嘅湯底。雞嘅肉質鮮嫩，泰式辣醬撈飯好正。油飯有椰香，唔會太油膩。$68另收加一總括而言，值得一試，但價錢加咗一，就真係好貴，下次都係去葵廣食平啲😃

今日同家人去咗葵芳呢間餐廳食泰菜點咗 冬陰功湯 豬肉生菜包 串燒 泰式金邊粉原個菠蘿炒飯 泰式蝦醬炒通菜冬陰功湯—只得青檸酸味 蝦係霉嘅基本配料湯底係超少超淡豬肉生菜包—豬肉霉嘅 豬臭味極濃 豬肉唔新鮮 用好多香料 都唔能夠去除呢陣臭味串燒—不過不失泰底金邊粉 味淡 配料少 味道連街邊茶記都不如 但價錢貴原個菠蘿炒飯—味淡 只得少少黃薑味 連鹽吊下味都無 蝦仁白水煮熟就放上面 無蝦味泰式蝦醬炒通菜—蝦醬味極淡 有少許銀魚仔算係唔錯 但味道一般整體來講 出品差 收費貴 從未食過咁差嘅泰國菜 泰國菜用好多香料 魚露煮 其實好難煮得難食 但呢間真係唔會推薦去食

拜完年肚餓想搵間坐得舒服的餐廳食晚飯，見餐廳好乾淨就選擇了這一間。二人份量冬陰功湯，蝦唔夠彈牙，湯小小甜，但好好味青木瓜絲沙律，新鮮，爽脆，又係有小小甜，但冇草青味，值得推介的開胃菜！青咖啡蝦球好香，唔太辣，啱香港人口味，好多蝦，好餸飯，推介推介泰國炒通菜，惹味，有獲氣炸蝦餅外脆內彈牙Singha beer, 夠凍，淡身，啱我飲😁服務不錯，食物份量雖然有點小，最緊要好味，環境舒適，食飯傾計好去處！會再來！

去完行街，就搵左呢間快食泰國菜，排左一陣隊，就有位！咖哩蟹肉，咖哩唔太辛辣，岩我地香港人口味，如果想辛辣點，可以額外要求呀，蟹肉脆卜卜，加埋飯一齊食，好味！座位都算好坐，起碼放到袋呀！

今日行完葵芳，媽咪話想食泰國菜，大肚婆的我太累唔想再行咁遠，近近地就選左曼谷泰菜。餐廳好大，但太多人的關係，都等位等左30分鐘，建議大家可以早d拎定位去行一陣街先。黃金炸魷魚，老公最鐘意食炸魷魚酥，所以呢個必點，但結果唔好食，雖然上菜熱辣辣，但炸得唔夠乾身，而且冇咩味，份量又少。波蘿炒飯，成個波蘿上，份量好足，夠3個人食，味道普通波蘿炒飯，不過不失。喊魚炒芥蘭，芥蘭老，而且炒得唔夠熟，喊魚係成一大舊未炒散，導致個菜冇咩喊魚味，但就咁食d喊魚又太喊。咖哩雞+印度薄餅，味道一般，唯一好處係咖哩超級熱，岩鐘意食熱野的人。泰式春卷，咁多樣餸最好味的一碟，不過普遍泰國餐廳呢個餸都係好味的。總括來講，3個人叫埋野飲6百幾埋單，算一般價錢，最價得讚揚係每樣餸都熱辣辣，但味道真係好麻麻，不過未至於去到難食咁。

難得既悠閒星期六，諗住食個悠閒嘅午餐，點知行勻成個新都會廣場，間間餐廳都要排隊，行到炆左。好彩見到曼谷泰菜有set lunch左，價錢相宜，又唔算太多人，就入咗去。每人嗌一個set lunch，各有一杯野飲。要咗熱嘅泰國紅花茶，同埋凍嘅木橘蜜。紅花茶幾好飲，但木橘蜜味道怪怪。先黎豬脾飯，份量十足，不過啲肉可以再硬啲😑就黎咬唔開😑香葉辣肉碎飯，黎到嗰下O左咀，一心諗住食炒飯🤔點知友人都話無個炒字，自己樣衰衰出去𥄫個menu，真係無😑唯有自己慢慢撈白飯食啦🙈味道唔錯，係辣左啲添，不過因為自己傻仔嗌錯野，個心chok住左，係覺得無咁好食架啦。